Monday, October 1, 2007

أبي ارتاااااح




كلمات كتبتها من فترة
احس فيها اليوم كل الاحساس :(
=====

أبي تبللني ورداتك ..



أبي أسمع الحكي بنظراتك ...

أبي أرتاح ...

وشلون أرتاح.. إذا ما ضمتني همساتك؟؟

أبي قربك يسكنّي ..

مثل ظلي يماشيني ...

أبي صوتك يذكرني ..

أبي هالكون واشياءه ... تشوف الحب في خطواتك !!

تداوي دمعة مجروحة ..

وتجبر كلمة مبحوحة ..

وتضحك من انفعالاتي ... مثل ماضي لحظاتك..!

مثل ما كنت ترسمني ...

تذكر شلون بعيونك ترسمني ؟.

تذكر يوم يشوفوني الناس..

وباسمك انت ينادوني...!

تدري اليوم عن قلبي ؟؟

عن الأحزان تعذبني!؟

عن اللحظات تسألني..

وينها دافي بسماتك ؟

تدري يا كبر همي ...

تدري الألوان في رسمي ...

صبغتها كلها أسود ..

على جرحي .. وغيباتك !

تدري المر تجرعته !

وحتى الجمر ضميته !

وكل الهم بغيابك ..

تقبلته وحييته !

وطال الهم في روحي ..

وانت مطوّل في روحاتك !

تدري الصورة في البرواز ..

كل ليلة تحاكيني ..

تسمع دمعي .. وتواسيني ..

وتدري أقرا أبياتك ..

ويطري الحزن يمسيني ..

وأظل أبكي ..

وأظل أشتاق ..

وأظل أبكيك وأشتاقك ..!

تدري شلون أحتاجك ؟

مثل قلبك ودقاتك ..

مثل ما أبي أرتاح ..

وما أرتاح .. إلا بدفا راحاتك..!

26 comments:

(روح) said...

رووووعه

(روح) said...

"
أبي قربك يسكنّي ..

مثل ظلي يماشيني "


..اذا لم ترتح الروح
بقربهم فقط..لاغيرهم
فأين تجدها؟!


"
أبي صوتك يذكرني
"

"
أبي هالكون..

هم الكون

ونحن نجوم في سماءهم
نتلمس الدرب
من خلال نورهم
نجد الراحة
من خلال
احتواؤهم
لا غيرهم
هم فقط !

"
وحتى الجمر ضميته"

أحيانا يكون الجمر
أدفى
من قسوة
وزمهرير البعد :(


"

وأظل أبكي ..

وأظل أشتاق ..

وأظل أبكيك وأشتاقك ..!

تدري شلون أحتاجك ؟


وأظل أبكي ..

وأظل أشتاق ..

وأظل أبكيك وأشتاقك ..!

تدري شلون أحتاجك ؟

"

الحاجة.. :(

انا جيت بوقت :(


برد على اخر شي

بسطر كتبته من 3 سنين
ماشاف النور

(أبي ارواحنا ترتاح والجنة تنسينا
آلام البعد وتذكرنا بأيام التلاقي)

نجمه

هالمرة

لمستي قلبي من جد

ربي يحفظ حروفك


أختك
روح,,

Najmah said...

روح

وجودج الأروع

حبيت كلماتج

وخاصة هالجملة


أحيانا يكون الجمر
أدفى
من قسوة
وزمهرير البعد

تأملتها وايد

صح لسانج وصح قلبج


روح

(أبي ارواحنا ترتاح والجنة تنسينا
آلام البعد وتذكرنا بأيام التلاقي)

سطر لكن يسوى وايد

يعبر وايد

ربي يسعد قلبج ولا يفرقج عن احبابج

اشكرج أبلتي ;)

(روح) said...

ابلة مرة وحده!!

:)

قولي اخت كبيرة
وبقبلها بواسطة بعد :)


تستاهلين كل خير حبيبتي :)


واصلي

لأن و الله
نصيحة من
مجرب

لاتتركين القلم بعيد

خليه رفيقك على طول
وقراءتك لاتوقفينها
ولاتسوين غلطتي


انا مواصلة قراءة
بس هجرت القلم


والنتيجة؟
اعياء تاام لحروفي
ومحاولات لها لتشهق
قبل الاحتضار


لازلت هاجرة للقلم
بس غلط

صدقيني غلط


اتمنى لك كل خير


ويارب يرضى عنك :)

khaled said...

مـاسألتك كم نطرتك
وكـم ولـــه
شــوقي علــيك ..
ماوحشـتك ..

:::::::::: للمشاركة فقط :::::::
لانها بكـل أختصار كلمات جميلة
فيه حنين الحــب الكبير
شكـرا لـ هذا العطر الرائع

ابو شملان said...

كلمات جميله

وابداع لا محدود له

شكرا اختى على هذه الابيات الحساسه

`~MnO YeNSa! ~` said...
This comment has been removed by the author.
`~MnO YeNSa! ~` said...

تدري شلون أحتاجك ؟

مثل قلبك ودقاتك

رائعة تلك الكلمات .. هل يوجد وضع اقرب للقلب من دقاته .. لا و لن يوجد على الاطلاق

تذكر يوم يشوفوني الناس..

وباسمك انت ينادوني


حيـــــــــل عور قلبي هل جزء..


تدري الألوان في رسمي ...

صبغتها كلها أسود



و ان لم تكن سوداء .. لكن حتما نراها سوداء شاحبة مخيفة ...
كتاباتك ايضا تمثلني

DARK said...

رائعه بجد
وأنا ابى أسمع همساتك دائما
الله لا يحرمنا منك

خسرتني للأبد said...

الســ عليكم ــلام
الله يا نجمة و الله العظيم انج مبدعة


وشلون أرتاح.. إذا ما ضمتني همساتك؟؟

أبي قربك يسكنّي ..

مثل ظلي يماشيني ...

أبي صوتك يذكرني ..

أبي هالكون واشياءه ... تشوف الحب في خطواتك !!

تداوي دمعة مجروحة ..

وتجبر كلمة مبحوحة ..

وتضحك من انفعالاتي ... مثل ماضي لحظاتك..!

الله يا نجمة

حسن مشالي said...

انت رائعة فى صياغة مثل هذه المشاعر الفياضة والتواقة باسلوب سهل وبسيط يداعب احاسيسنا

بالتوفيق وسعدت بمعرفة مدونتك

Dreams said...

نجمة

أبدعتي بهالكلمات
ربي يبارك لج

Shaima'a Alkandari said...

مااجمله من احساس بعثرنا معك ايتها الساطعه

كلمات جميله هادئه مميزه


فعلا كلمات بالصميم

Najmah said...

روح

ولا يهمج ياأبلتي اقصد يا اختي الكبيرة ;)

اشكرج على نصيحتج الغاليه
ماراح انساها

وردي حق قلمج

متأكدة ان هذا الهدوء بعده عاصفة :)

ومتأكدة إن حروفج تبي دفعة بسيطة عشان تنفجر

ربي يوفقج يالغالية



خالد

مشاركتكم الأجمل

حروف معبرة

شكرا جزيلا لك



ابو شملان

أسعدني وجودكم

شكرا لمرورك العطر



منو ينسى

آخ صدقتي :(

ربي يسعد قلبج

يفرحني وجودج



دارك
وجودكم الاروع
ان شاء الله .. والله يعينكم على همساتي
شكرا للمرور العذب



خسرتني للأبد
وعليكم السلام والرحمة
تسلم والله
واشكرك على هالاطراء
وعلى الوجود الطيب


حسن
وانا أسعد بمروركم :)
اشكرك على كلماتك الطيبة
وبالتوفيق لكم


دريمز
تسلمين لي يالغاالية
ربي لا يحرمني منج


شيماء
الأجمل اسمج ينور صفحتي :)
اشكرج على هالتواصل الغالي
لا تحرمينا

ZoZOta said...

وما ابي ارتاح

الا بدفا راحتك

:)

ما بعد كلامج كلام

ربي يريح قلبك

Selezya said...

تداوي دمعة مجروحة ..

وتجبر كلمة مبحوحة ..

وتضحك من انفعالاتي ... مثل ماضي لحظاتك..!


----
تسلم هالايد :)

عسى الراحه وياج على طول انتي بس ريحي بالج وبتشوفينها :)


واكيد الانسان لما يطلع اللي بقلبه يحس ببعض الراحه فانشالله تكونين بعد هالكتابه ارتحتي شوي

ادعيلنا نرتاح وياج :)

Najmah said...

الزين

نورتي والله
وعسى ربي يريحج دنيا وآخرة
لا تحرمينا



سيليزيا
تسلمين لي على هالدعوات الحلوة
اجمعين يارب

صدقتي .. حروفي اللي تواسيني :)

وعسى ربي يريحج بكل لحظاتج :)

Aldenya said...

ماذا أقول وقد
ألجمتي لساني قبل قلمي
لا يسعني سوى القول
" أنتِ مبدعة "

Najmah said...

الدنيا

وجودك ينعشني
شكرا من القلب
:)

mtfa2el said...

ابداع الكتابة يخلي الواحد لازم يقراها كذا مرة
اتمنى انج ما توقفين عن الكتابة
شكرا لج

7osen said...

كلمات وااايد حلوة

فيها أحساس كبير

أستمتعت في قراءتها

Najmah said...

متفائل
تسلم من ذوقك :)
ان شاء الله
والشكر لك على المرور الطيب


حسين
تسلم والله
يعطيك العافية ماقصرت
ويشرفني استمتاعكم :)

ezain_kilah said...

حياتي! مادري شقول غير ... الله يهنيج على هالأسلوب الحلو في التعبير عن مشاعرج وإن كانت حزينة

::heba:: said...

كلمات رائعه يانجمه
مليئة باعمق مشاعر الحب
والحنين والشوق ..

احببتها بشده :)

The Voice Within said...

ابدااااااااع


صح لسانج و تسلم ايدج

Najmah said...

الزين كله
تسلمين والله حبيبتي
اسعدني وجودج
ربي يسعد قلبج


هبة
وجودج الاروع يالغالية
ويشرفني انها عجبتج :)
لا خلا ولاعدم



The Voice Within

صح بدنك والله يسلمك :)
شكراااا جزيييلاا