Wednesday, October 17, 2007

أكابر يازمن

أكابر يازمن

وأقول الصفحة انطوت

وسحابة صيف ارحلت

وأقول إن قلبي قسى

وقلبي أدري يكابر

أدري دمعه ما سلا

وأدري دمعي يحنّ له

وأدري أوهن خيوطه

بعدها ما انتهت

وأدري دمعي .. يكابر

أدري شوقي بحر

وأدري شوقي ما جفا


وأدري يمطر سحايب

بعدها ما انجلت


وأدري شوقي .. يكابر

أدري تبعثرني قسوته

وأدري تلملمني طيبته

أدري راحتي بوجوده

وأدري أحبه.. بقسوته
وأدري حبي .. يكابر

أدري إني في غيابه

أقضي الليل ساهر

أعد نجوم السما

وأنتظر منه يبادر

وأدري إنه يكابر

وأدري إني .. أكابر

وأدري إنا بالنهاية

تجمعنا نظرات العيون

وأدري بعد النهاية

نختلف بذيك الظنون

وأدري نفتح صفحة ثانية

وأدري نكتب بالبداية

يازمن كنا نكابر

19 comments:

Barrak said...

يازمن كنا نكابر

اي والله

rwatan said...

;)

too deep

magnoonah said...

بتكابرين

وتكابرين

وتكابرين


بس لي متى؟

::heba:: said...

لكي نعيش مع من نحب
يجب ان نترك الكبرياء
لاكبرياء مع من نحب :)

Selezya said...

االلللله عليج

من اجمل ما قرأت

ابدعتي يالغاليه

وذكرتيني بهالكلمات

ابي ابكي على قلبي وتخنقني انا العبره
واحس بدمعتي الحره على محجر عيونك تجول
تبي تنزل واعاتبها تقول شفيج مغتره
واقول الصبر يا دمعه انا وانتي نخل وخيول
انا يا ليل وشذنبي تصبرني على القمره
وتجبرني على همومك اعايشها بعرض وطول
.. إلخ

صح لسانج
وتسلم الايد اللي تتناثر منها اجمل الكلمات وتسطرها بأول سطور الحب

Shaima'a Alkandari said...

��������� ������� ��� ������ �������

���� ��� ������ ��������

��� ��� ���� ���� ����� ���

Najmah said...
This comment has been removed by the author.
Najmah said...

براك
حياك الله :)


rwatan
اهلا وسهلا
نورتوا :)


مينونة
لي متى؟؟
هذا اهوا السؤال اللي يخلينا نوقف
ونعيد الحسابات :)


هبة
صح كلامج
لكن اذا تعارضوا الحب والكرامة
الكرامة أول وبعدين الحب :)


سيليزيا
حدها حلوة الكلمات حفظتها عندي
وجودج الاجمل حبيبتي
صح بدنج
ماانحرم منج يالغاليه


شيومة
للأسف ماطلع لي الكلام :(
طالعلي مربعات

الوجد said...

مشكلتنا ان كثير نكابر



كلماتك اكثر من رائعه

بـابـل said...
This comment has been removed by the author.
بـابـل said...
This comment has been removed by the author.
بـابـل said...

وأدري دمعي يحنّ له

وأدري أوهن خيوطه

بعدها ما انتهت


روووعة هذا الكلام

!حتى الدمع يحن للي كان السبب بنزوله

مبدعه عزيزتى نجمه قصيدة تلمس وتر الروح

بأصابع خفيّة

تسلمين



وبس


بابل

altwati said...

كل هذه المعارف
ولا تسعدين
تحياتي

esTeKaNa said...

أدري..تبعثرني قسوته
وأدري تلملمني طيبته
أدري راحتي بوجوده
وأدري أحبه بقسوته
!!
المشكله يا نجمه اذا كنتي بكل هذا تدرين
وتكابرين
وتتفززين
تنطرين منه يبادر
وتكذبين على نفسج وتقولين اهو الخاسر
وانتي تدرين انج اكبر من خسر بغيابه
:(
عجيييييييييييييبه هالكلمات
عورتي قلبي يا النجمه

فريج سعود said...

صح لسانج

نور الوجود said...


آه يازمن كلنا نكابر ..

نجمــة .. اسم على مسمى
في سمـاء التدوين ، كلمات منسابه .. شفافة الروح ..تلمس شغاف القلب ..تذكر أكثر النسـاء بيننا أننا رغم ذلك نكابـر ونكابر ..

واصلي عزيزتي ..

نور الوجود

charisma said...

الله يا نجمه الله

عجيبه

وأدري شوقي .. يكابر

أدري تبعثرني قسوته

وأدري تلملمني طيبته


تسلم اييدج

وكل مره بقولج البنت الى بالصوره جمييييله
كل ما اشوفها اوقف اتمقل بجمالها
واايد حلوه
مشاءالله
يا حلو اليهال براااءه وصورهم اترد الروح
بس هذى خوش اختيار الصراحه
:)

charisma said...

الله يا نجمه الله

عجيبه

وأدري شوقي .. يكابر

أدري تبعثرني قسوته

وأدري تلملمني طيبته


تسلم اييدج

وكل مره بقولج البنت الى بالصوره جمييييله
كل ما اشوفها اوقف اتمقل بجمالها
واايد حلوه
مشاءالله
يا حلو اليهال براااءه وصورهم اترد الروح
بس هذى خوش اختيار الصراحه
:)

Najmah said...

الوجد

وجودك الاروع
لا تحرمينا :)



بابل

حتى الدمع وحتى القسوة وحتى الغضب .. كل شي :)
مروركم الاروع دائما
ربي يسلمك ويعافيك
شكرا جزيلا


altwati
:)
شكرا
ربي يسعدك


استكانة
آخ يااستكانة آخ
نخاف نطيع قلوبنا ونتحسر؟

اسم الله على قلبج يالغالية عذرينا :*

تسلمين لي


فريج سعود

صح بدنك :)



نور الوجود
وانتي اسم على مسمى :) نورتي بوجودج الغالي
الف شكر لج
وماانحرم وجودج الطيب


كاريزما

مرورج الاعجب :)
ربي يسلمج ويخليج

تسلمين والله
ايي انا حدها عجبتني وعجبتني اكثر لأن مرسوم على خدها نجمة ;)

نورتي كاريزما