Thursday, February 14, 2008

رسائل واردة





رغم اعتدال الجو..لا يزال احساسي بالبرودة قائم
أبحث عن يديك تغمسني في دفء لا ينضب

تغطي الجفاف بين أصابعي
تحيطني بحنان يسكن أضلاعي المرتجفة

لا زالت يداك مدفئتي










أصعب اللحظات التي تواجهني .. لحظة أكون فيها مجبرة على
اتخاذ قرار من أصعب القرارات
أتوه فيها .. بين زحمة الأفكار .. التخيلات .. الاحتمالات
ترهقني الفوضى في ذهني .. ومعاناة التفكير الطويلة
وصراع نفسي لا يتوقف







كلما اشتقت إليك
أرسلت خيالي ليتبعك
يحمل لي ذكراك العذبة
يحضنها بين طيات قلبي


..
أشتاق لجنون لحظاتنا وأردد
أحبك اليوم .. اكثر من كل الأيام
.
.
.
.



قبل يومين أو أكثر .. كنت أكلمها بالتلفون
فجأة قالت: نجمة ... الرفيجات نعمة
ابتسمت وقلت: أكييد
:)
واليوم .. من كل قلبي أقولج
انتي نعمة كبيرة .. وجودج بحياتي له أثر
حواراتنا .. نقاشاتنا .. فلسفاتنا
وحتى فصلة تالي الليل
كل شي يجمعنا غالي عليي
أشكرج ياصديقة مشاعري .. الله لا يحرمني منج

27 comments:

charisma said...

صبااح الورد يا احلى نجمه
:***

يا حلو احساسج ومشاعرج

وايد حسيت بهذى



كلما اشتقت إليك
أرسلت خيالي ليتبعك
يحمل لي ذكراك العذبة
يحضنها بين طيات قلبي

الله
تسلم ايدج

ويا بختى انا اول وحده

;)

charisma said...

وايييي نسيت لا اقول

الله لا يحرمج من صديقتج
ويخليكم حق بعض طول العمر

:)

Najmah said...

كاريزماا
صباح الحب والاحساس والطيبة
تو مانور المكان :**
يسلمج ربي ويخليج حبيبتي
وانا اللي يابختي بوجودج :))

وآميين يارب
وعسى ربي يخليج لأحبابج ويخليهم لج
:**

الوجد said...

اولا الحمدلله على السلامه


كثير حلوه كلماتك


والله لايحرمك من صديقتك

فتى الجبل said...

الله يديم المحبة بينكم

Najmah said...

الوجد
الله يسلمج حبيبتي
وجودج الأحلى :))
وعسى الله يخليج ولا يحرمج من احبابج



فتى الجبل
آمين
ويديم عليك كل غالي يارب

بـابـل said...

:::
لا زالت يداك مدفئتي

:::
مساء الدفا والورد

نجمة كلماتك ومضة شعور حلوة

تشد العين لما تقراها


(وياحلو تعبير(صديقة مشاعرى

الله يخليك لصديقاتك ويابختهم فيك


تسلمين على هالصدق اللامتناهي



وبس


بابل

SHAHAD said...

مسائج حب ..
عجييبة كلمااتج .. حلقت معاهم لعالم جميل :))
فعلا الصديقة نعمة لاتقدر بثمن .. الله يديم صداقتكم يااارب ويخليكم لبعض

Sn3a said...

مسا الخير
البوست حلو
وتقسيمته حلوة

تدرين نجمه
لو كنا مليون بنت
750 الف منا لهم نفس المشاعر والتجارب

الله يخليكم لبعض ويطول عمر صداقتكم ان شاءالله

darkness said...

الله يديم عليج هالصداقه و صج صج الصداقه نعمه

:)

و طبعا البوست غير شكل

راقيه بمشاعرج

:)

ولد الديرة said...

نيمة

ربنا يديم المعروف

والله لا يفرق بين الحبايب

بعثرة مشاعر said...

في أجمل من الصداقة :")


روائع

Eng_Q8 said...

الله يخليكم حق بعض

5roofa said...

اصعب شي القرار
احس مرات ودي احد يقرر عنييي عشان لي صار شي الومه بدل ما الوم نفسي

امبي كلماتج عن الشوق و دفا الايد و القلب روووووووعة

حسيت فيهم من قلب
ابي جذي حب يعني حب الي يخليج تموتين و تعيشين و تمنين تحسين هالاحساس مرة ثانيه

مشكورة خيتو على الزيارة و الكلمات مما انحرم منها ياارب

مشكورة على كل شي

salamz sweet sis...

الخيلاء said...

كلماتج دائما نجوم في سناء الكتابه :)

الله يخليلج صديقتج و يزيد المحبه

Manal said...

لله يديم المحبة دوم مو يوم





موفقين

Najmah said...

بابل
مساء الاحساس والفرح :)
كلماتي نقطة من بحر كلماتكم
:)
والله يخليك لكل أهلك وناسك وكل غالي عليك
تسلم بابل



شهد
مسائج غلا وسعادة
فرحتيني والله .. وجودج غالي
ويخلي لج كل احبابج ويخليج لهم يارب :*


سنعة
مساء النور والنوير
وجودج الحلو حبيبتي
ايي صح صدقتي :))
وربي يخلي لج كل غالي :*



داكرنس
آمين يارب .. اي والله الصداقة نعمة كبيرة
عسى ربي مايحرمنا من الصديقات الصدوقات
:)
وجودج الراقي يا يارتي بالسما ;)

Najmah said...

ولد الديره
آمين يارب :)
تسلم على وجودك



بعثرة مشاعر
لأ ;)
وجودج الاروع ياالغاليه :**



المهندس
آمين ويخليك لأحبابك يارب



خروووفه
امبييه والله نفس الكلمة اللي قلتها بالضبط
ودي احد يقرر عني
:)
يابعد قلبي انتي الروعة والله
فرحتيني
وانا اللي اشكرج يالغاااليه :*



الخيلاء
وجودج دايما راااقي راقي :)
تسلمين ولج مثل هالدعوة يارب :)



منال
آمين
ويديم لج محبة كل عزيز يارب
واجمعين ان شا ءالله :)

`~MnO YeNSa! ~` said...

الله يديم المحبة و يخليكم حق بعض ..

Najmah said...

منو ينسى
آمين حبيبتي
ويخلي لج كل غالي يارب :*

Brilliant said...

مشاعرج دافئة و هادئة في هذا الشتاء القارص
:)
فعلا لا شيئ في الدنيا يعادل معنى الصداقة الصادقة
تحياتي

صبا said...

سلام نجمه شخبارج انشالله كل شي تمام

الله يسلمج انا اليوم من قعدت من النوم وفتحت الا بتوب واول شي سويته قرائة بلوقج

ياحلوج وياحلو كلامج وسردج للكلام

كتاباتج جدا رائعه واحساسج راقي

وحسيت في كل مشاعرج في كل بوست يا حلوه
كلامج كله حب

وعسي الله يخليج حق اهلج والي تحبينهم والله لا يحرمج من صديقاتج

امييييين
يالغاليه

تحياتي لج بكل حب

Shaima'a Alkandari said...

الله يخليكم حق بعض ويجمعكم يارب

وتدوم صداقتكم

بهالزمن صعب ان احنا نلاقي صديق وفي اهنيج يالغاليه على الصداقه وبي يجمعكم بالدنيا والاخره

وبالطبع نجمه صاحبة الضوء الساطع دوما تشعين بجمال ماتقدمين

جنون إحساس said...

اي والله الصديقة نعمة غالية من الله
يكفي الهموم اللي نفضفضها والمشاعر اللي تربطنا أقوى من أي شي

عسى الله يخليكم لبعض
^_^

Najmah said...

Brilliant
اهلا وسهلا
شكرا جزيلا على هالكلمات الطيبة
وربي يديم عليك الصادقة الصادقة :)


صبا
اهلييين اسفرت وانورت
اشتاقنااااالج والله :*
يابعد قلبي والله من قدي
كله من طيبج يالغاليه
ربي لا يخلينا
وربي ينور حياتج بالحب والفرح
ويخليج لكل عزيز وغالي عليج ياارب
تسلمين لي صبا :**



شيومة
آمين يارب
صدقتي ياشيماء نادره .. لكنها موجودة
:)
عسى ربي يتمم عليج
ويخلي لج كل احبابج يارب
والنور نورج حبيبتي :*



جنون احساس
صح لسانج :)
آميين
ويخليج لكل غالي عليج يارب
منورتني :)

هـــدب said...

قوه نجمه

الحمدلله على السلامه
صاجه الرفيجات نعمة
هذي المشاعر ولا بلاش
الله لا يحرمج من صديقتج
والله يديم المحبة بينكم

وتسلمين

Najmah said...

هدب
ياهلا وغلا
الله يسلمج حبيبتي
ولا يحرمج من كل حبايبج ويديم بينكم كل محبة يارب
انتي اللي تسلمين يالغاليه :)