Tuesday, February 19, 2008

خارج التغطية

في ليلة طويلة
أحس بقلبي يرتجف
عيوني حايرة
ومشاعر غريبة تدور بخيالي
..
أتعب من هالشعور
أمسك تلفوني وأواسي نفسي بطقطقة حروفه
فجأة أفتح على صفحة كتابة المسج .. وأكتب
..
أبحكي لك ياغلا هالروح حكاية قلب تعبني
..
حكاية قلب يتألم وجرحه يعطر ثيابه
..
أبحكي عن تعب خفاق..يعانق صفحة تكتبني
..
يفجر جرح في اخفوقي ويسلى به
..
أبحكي عن زمن غدار طعونه تمتلي فيني
..
يسل السيف في صدري وسهامه لقلبي صوّابه
..
أبحكيلك حكاية قلب أعانيه ويعانيني
..
حكاية قلب يتحدى وفارس شد له ركابه
..
يظن النفس تتصبر يظن الفرح يحكيني
..
يظن الكون في صدري قصر للحب شرع بابه
..
يالحظة خانت احساسي يادنيا ضايقة فيني
..
ياقلب فاضت همومه وناح الدمع بأهدابه
..
حياتي كلها صورة يبروزها ألم عيني
..
يردد نغمة الأحباب ، ولحن الحب يغتابه
..
وقلبي ماعشق لحظة سوى حزن سكن فيني
..
وحرفٍ يكتب احساسه وهم أصبح من أحبابه
..
ألا يا ليت هالدنيا بطيب النفس تجازيني
..
ياليت الحال يتبدل وأعيش الفرح وأحيا به
.
.
أضغط على زر الإرسال
وأستسلم لحكايات خيالي قبل النوم
:)
.
.
بعد فترة
: يفاجئني الرد
.
هلا ياصاحب قليبي هلا بونّة سنيني
..
أهلي بجرح في كتابه
..
دليل يشرحك ويعنيني
..
دليل بأعمارنا علق أسبابه
..
ياأكبرها من ضد أهلي بك وتبكيني
..
تناهيد الفجر ونت والنوم على أعقابه
..
أبسألك هي حقيقة؟ تكفين جاوبيني
..
عن سؤال في خفوقي وفي خفوقك جوابه
..
حضن اليوم يضحكني ويبكيني
..
ياترى حضن باكر أبستحمل انا اتعابه؟
..
ياغلاي ماظن الاحساس يبيع ويشريني
..
ولا حتى بقصر أهنا به
..
يادمعة روح تعنيك وتحكيني
..
فارس على خيل يوديه مثل اللي جابه
.
.
:)
اليوم ثالث يوم دوام
كل شوي أفكر متى نعطل
هالكورس كل يوم عندي محاضرة 8
آآآخ عذاااب
:(
متعودة كل كورس أبدي محاضرات 10 أو 9:30
بس هالمرة اضطريت :(
أول يوم قعدت من النوم 8 الا ربع :P
أمس واليوم 7:30 بالغصب :\
الله يعين ويعدي هالكورس على خير

26 comments:

esTeKaNa said...

يا مسا النجمات الجميلات
يا مسا الاحساس كله
!!
يا زينها من رساله قلب عاشق
يا زينها من رساله احساس نابض
ويا رقي من ارسلت له
ويا جمال كلماته


هالبوست ناطع
رغم احساسه المؤلم
بس عجبني
ما قلتي لي كتبتي الرساله انجلييزي ولا عربي وجم صفحة؟
جني بدزها حق ناس
:pP~
هذي سنه تخرج؟
غالبا تكون السنوات الاخيرة مضغوطه
بس هانت هانت
الله يوفقج ويفتح عليج يارب
وتبشرينا بالنتايج الزينه وبالتخرج
:**

SHAHAD said...

كلمات رائعة رغم الألم اللي فيها
أعشق مفرداتج .. فيها شي متميز : )
.
.
عاد أملق شي قعدة الصبح
سأليني عنها :((
حدها متعبة وتحسين جنه شالعينج من الفراش غصب لوول
يللا ما عليه .. راح يمر بسرعة إن شاء الله
شنو المحاضرة هذي كل يوم ؟؟
الله يعينج يارب

بـابـل said...

صباح الورد والأحساس الحلو


حكاية قلب يتألم وجرحه يعطر ثيابه
..

..
حياتي كلها صورة يبروزها ألم عيني
..
يردد نغمة الأحباب ، ولحن الحب يغتابه
..


دايما أرد وأقول مبدعة حد الدهشة

وكلماتك هذي فززت فينى جرح نااايم

نجمة فعلا قصيدتك هذى مايكتبها أي إحساس وخصوصا البيتين اللي فوق.

يسلم احساسك عزيزتى


وبس


بابل

darkness said...

واااو

رووعه روووعه رووعه

خمس مرات قريتها و ما شبعت

شنو هذا

!!!!!

و بالنسبه للكورس ذكرتيني فيني انا اللي كنت اخذ محاظراتي من العشر و ما فوق عشر او حدعش

يجي على الزمن و اداوم كل يوووم حرب مع البصمه يا تغلبني او اغلبها

الساعه ثمان الا ربع محسوبه علي الثواني

:(

Najmah said...

لو أدري جان من زمان قايلتلكم
دكتور الساعه 8 عطانا باجر عطلة والاربعا والخميس :p



استكانة
يامسا الاستكانات الدافية
^_^
توو مانوّر المكان والله
:*
يابعد قلبي انتي وكلماتج الطيبة الدافية :*
لوول
الله يسلمج كتبتها بالعربي عباره عن 10 مسجات ;P
افا عليج كلها ماتغلى عليج
بس على شرط
تقولين لي الناس شنو كان ردهم؟
:P
لا والله انا سنة ثالثة :)
اجمعيييين يالغااااليه
ان شاااء الله :*




شهد
ياهلا وغلا والله
وجودج الاروع حبيبتي
من ذوقج الطيب يالغاليه :*
.
ايييي والله حده حدده
آمين الله يسمع منج
اييي انجليزي :)
ويعين الكل يارب
نورتيني :*

charisma said...

مساء الحب

الله عليج يا نجمه

بس حرام هالقلب يتعب ويعانى توه قلبج صغير على هالتعب حرام
:(

والله يعييينج على قومه الصبح
ههههههههه
انا سنين اشتغل لى الحين مو منضبطه
:))

بعثرة مشاعر said...

الله الله يانجمة
روعــــه

مادري
عيشتينا بجو
و حركتي فيني شعور حلو
على الرغم من الكلمات الحزينة
لكن شعور حلو
مادري ليش
أحب الأبيات تكون بهالطريقة


ممكن أطلبج طلب
اذا تقدرين عليه

:)

الخيلاء said...

نجمه ..

رووعه الكلمات ..

طالعه من قلب كبير رغم احساس الالم الا انه فيه نسمه حب التجول بين الكلمات :)


اما الرد

عذب بعذوبه الحب الي تجمله طيات هالمسج

دمتي نجمتنا

يازلي هالبوست وايد :)

الخيلاء said...
This comment has been removed by the author.
Najmah said...

بابل
مساء الخير والاحساس والطيبة
مادري ليش البيت الثاني بالذات يوم كتبته صج كان مأثر فيني
:)
الله يبعد عنك كل الجروح يابابل
وتسلم والله على هالكلمات والتشجيع
ربي ينور دروبك



داركنس
انتي الاروع والله :**
يابعد قلبي والله
مشرفتني ومنورتني
:)
آخ شفتي والله ياوخيتي
الله يعينج ويعيننا يارب

Najmah said...

كاريزما
مساء الفرح والغلا كله
ايي شنسوي هذي الدنيا :)
آميين يارب
ويعينج ويسهل كل امورج حبيبتي
:*



بعثرة مشاعر
ياهلا وغلا والله
فرحتني كلماتج
حيل حيل :**
انتي ماتقولين ممكن
انتي تامرين على طووول
:**



الخيلاء
انتي الاروع يالغاليه
تسلمين والله
كلماتج عذبة مثلج
لا خلا ولا عدم :*

Peace said...

najmah

كلمات رائعه
تدل على ذوق كاتبتها

بالنسبه لقومة الصبح
ذكرتيني بايام الجامعه
كل كورس اقول ما راح اخذ محاضره الساعه 8
ولكن تجري الرياح بما لا تشتهي السفن
و اضطر اخذ الساعه 8
لاني ماالقى الا هالساعه
و دارت الايام و توظفت
و صرت اتمنى محاضره 8

استمتعي بايام الجامعه
لانها احلى مرحله

بالتوفيق

هـــدب said...

الحبوبه نجمه

رائع مانثره احساسج

اكثرمن مقطع عجبني


احسنتي
ويعطيج العافيه

ولد الديرة said...

يا بنيتي

قالها اميل لحود

نام بكير

تصحى بكير

:P

الزين said...

أخييييييييه يا نجمة
نصج عجيب عجيب عجيب

شي رفعني فوق فوق الغيم
وداني عنده وحضنته وشكيت له البعد وطشيت له الشوق

وقلت له أبيك ترجع الحين
تعبني الشوق ياخلي


اما عن سالفة قعدة الصبح

معانااااااة
انا لازم اكون على مكتبي الساعه 7
تصوري
معانة قعدة الصبح

فينى فقرة نوم حدي

:**

Q80 Blogger said...

شخباري

ليلحين في ناس تقعد الساعه 7 ونص
اوله
عفيه داوم

بلابل مو طلاب

Brilliant said...

حقيقة ابداع في طريقة عرض المادة
و أبيات جدا رائعة.. و دافئة
:)
الله يعينج على الدوام.. و على محاضرات الساعة 8
تحياتي

magnoonah said...

مساء الورد يالغلا

رووووووووووووعه
الكلام قمه بالاحساس كل ما اقراه احس ودي اقراه مره بعد كاني حفظت جزء ونسيت الي قبله
كنت بختار منه شي يعجبني اكتشفت انه كله عاجبني


روووووووووعه يا نونه
تدرين هذا السهر يخلي الواحد يتفرغ لنفسه لتفكيره لذاته ويوصل ابعاد ما يتوقع انه يوصلها لو مهما ركز بأهم حالاته

تسلم ايدج


اما قعدة الصبح فانا اقعد من 5.30 واحاول اقص على نفسي واتحايل عليها والم المنبه واحطه على الغفوه ويالله شوي واقوم وللحين وثواني بس

وبالاخير اقوم وابدل وعالساعه 7,15انا بالدوام


يعني مأساة ومعاناة لا تطااااااااااااق
:))

Eng_Q8 said...

ابداع يعطيج العافيه

وبالنسبه للكورس حمدي ربج

انا 6 سنين ونص لازم كل كورس عندي الساعه 8 :( تعقدت بحياتي

بعثرة مشاعر said...

نجوووومه
جيكي على رسايلج بالمنتدى
:)

loco said...

nice walla

عيون الحب said...

كلمات جد روعة بالرغم من كم الألم اللي فيها!!

الله يوفقج في دراستج ان شاء الله
وتحياتي الحارة لج
:)

Shaima'a Alkandari said...

allah etha gbl enom jthy 3yl blfr7 wwgt el'9eg shtsween


3saj doom mbd3a

Aldenya said...

وييه
الله يعينج
بس راح تتعودين

انا قبل
اقوم الساعة 6.45
الحين دوامي صار بعيد عن بيتنا
اقوم الساعة 6
بس فترررة طويلة
على ماتعودت
الله يعين

:>


ويسلم احساسج النقي يا احلى نجمه

Najmah said...

peace
وجودج الاروع يالغاليه
اييييي الله يعين
:)
ان شاء الله
وربي يوفقج بكل امورج يارب



هدب
مرورج الاروع حبيبتي
ربي يعافيج ويخليج
منورتني :)



ولد الديره
لوول المشكله تعودنا ننام متأخر
:)
الله يعين




الزين
ياحبيبتي انتي
من قدي انا اذا كلماتي ترفعج للغيم
:*
ربي يفرح قلبج بأحبابه
ويوفقج ويسهل دوامج يارب
نامي ياحبيبتي اهم شي راحتج :)



بلوقر
لوووول
الله كريم :)

Najmah said...

Brilliant
شكرا جزيلا على هالتوصل الطيب :)
ويعين الكل يارب
موفقين



مجنوووونة
مساء الحب والشووووق :*
انتي والله الاروع
الله لا يحرمني
اييي
ياحلاة السهر اذا يخلينا نتفرغ حق نفسنا :)
ربي يسلمج ويخليج حبيبتي

اييي نفس حالتي لوول :P
الله يعينج ويسهل علييج يارب




مهندس الكويت
تسلم والله
لوول من قلب مأساة
يالله الحمدلله على كل حال :)


بعثرتي
:)



لوكو
ياهلا والله
شكراا :)


عيون الحب
ياهلا وغلا والله
تسلمين حبيبتي
واجمعييين يارب



شيوومة
ياحبيبتي انتي
تسلمين لي
الله لا يحرمنا من هالنور :*



الدنيا
ولهت عليج :)
آميييين يارب
ويعينج ويسهل كل امورج حبيبتي
ويسلم لي هالوجود الغالي :*