عيدي ياكويت

من أول لحظة فتحت فيها عيوني على هالدنيا

انغرس اسمج بدمي

ومن أول نسمة تنسمتها

تنسمت معاها حبج .. وارتويت من حنانج

وتعلق قلبي بهالأرض الطيبة

أحبج ياكويت

..

وحبج يكبر مع أيام عمري

كل شي فيج عشقته

حتى ريحة ترابج .. تمسكت فيها

اليوم
..
أشوف الفرحة بكل مكان
..
أحس الناس كلها تضحك .. وكل الأشياء فرحانة
..
الأعلام ترفرف .. والأيادي تصفق
..
وانتي .. عروسة بنفنوفها الأبيض
..
تغنيها القلوب .. وتدعي ربي يحفظها

وأبتسم .. ودمعة حب تبلل عيوني

أحبج ياديرتي
..

أحب بحرج وبرّج .. وسماج
..
أحب صيفج وبردج وشتاج
..
أحب الشمس لو حرقتني حرارتها
..
وحتى الغبار لما يلفح في هواج

أحبج ياكويت

..
كثر ماضوى برق النجوم
..
كثر الطير يغرد بأغصانج ويحوم
..
كثر ماكتبت اسمج فوق الرمل
..
كثر المطر لا شالته سود الغيوم
..

أحبج ياكويت
..
أحب كل خاطر يزيد فيني غلاج
..
أحب كل قلب زرع فيني وفاج
..
ولا ذكرتج تضحك لي ضيقتي
..
وأملك العالم لا سمعت حروف نداج
..

يوم بعدت عن أرضج ورحلت
..
ضاقت عيوني وقلبي هاج
..
ودمعتي طاحت على خدي تسيل
..
كل ماسمعت كلمة تغنت في هواج
..
ولا سئلني الناس من هي تكون؟
..
رفعت راسي ورسمتج فوقه تاج
..
وقلت هذي الكويت مالها مثيل
..
وأرجع لج بشوقي ويحضنّي ثراج
..

انتي عروس الكون وأحلى مكان
..
وانتي بسمة أمل تمسح شقاي
..
ما أبي غير حضنج لي قبر
..
وما أبي غير بحرج يروي لي ظماي
..

عيدي ياكويت .. وانثري الورد بثراج
..
غردي وأعلامنا تسبح في علاج
..
افرحي ياكويت
افرحي لآخر مداج
..
الوفي مايعرف معنى الغدر
والوفي مايخون وينسى عطاج
..
عيدي ياكويت .. وكلنا معاج