Thursday, March 20, 2008

الا الزعل


كتبتها عشان ناس غاليين
:)

انا وين أتوجه اذا قلبك علي يزعل

..
وين أنتفي وأرحل..وقلبك كل وجهاتي
..
أضيع بزحمة أفكاري..وغلاك بداخلي يسأل
..
أغض الطرف بعيوني..وتكذبني اجاباتي
..
أقول الهم له مدة .. وعيني تقول ما يرحل
..
مدام الجفا موجود .. وصمته ينثر اشتاتي
..
حزينة الدنيا بغيابك..وهمي بالحشا يحفل
..
تغني شمعة الآلام..وتزيّن خدي عبراتي
..
وملح الدمع يتباهى .. يمشط رمشي وينزل

ومن غيرك يلمّ الدمع..ويشفي جروح حسراتي

طلبتك قصّر الأحزان..ترى درب الرضا أسهل

طلبتك عاند عذولك..وزفّ الفرحة لأوقاتي

..
خلنا في السما نرتاع .. نجمة وبدرها أكمل

تذود الهم عن جرحي..ونورك يشرق بذاتي

خلها شمسنا تطلع .. وغيمة حبنا تهطل

وعشب الهوى يخضرّ .. وينبت غصن ورداتي
..
اذا جرح الزعل زاد .. صار الطريق اطول

واذا قلبك صفا بالود .. زان الماضي والآتي

وتراني ناوي الهجران .. اذا قلبك نوى يزعل

بهاجر منك لين قلبك..وقلبك كل وجهاتي

.

.

.


نقطة قبل الأخيرة

:
أبيات كتبها والدي في اثنين من أصدقائه اختلفا يوما بسبب مال ومنصب
لازلت احتفظ بها في هاتفي
..
تقشعب المطامع والهموم .. وخيمت السكينة والوجوم
..
وأشده ناظري مضيق قبرٍ..كئيبٍ في مخيلتي يحوم
..
يسائلني وقد لانت قناتي..وحاطتني الشواهد والرسوم
..
تسارقني من النظرات شزرا..بأي جريرة خلا تلوم
..
أمن أجل الدراهم ياخصوم...صرمت حبال ود قد يدوم
..
ومانفع الدراهم دون خلِّ .. أليس لأجله الدنيا تقوم
..
فلا كنت ولا كانت ركابا .. اذا صبّاً من الناس تسوم
.
.

نقطة اخيرة
:
شكر خاص لمن لا أعرف له حتى اسما مستعارا
دعاني يوما للمشاركة في مسابقة شعرية ولم اتوقع
أن تكون التجربة بتلك الروعة وتحقيق ذلك الإنجاز
شكرا جزيلا

33 comments:

5roofa said...

واااااااااااااي

بجيتييييينييي

والي انتي كاتبته روعه

و الي ابوج كاتبه في جم كلمة ما فهمتا بس حبيت المضمون

مشكووورة وموفقه يااااارب

salamz sweet sis...

فريج سعود said...

الحب يطلع على بذره

esTeKaNa said...

ما ينلام الابداع لي حبج
وماهو غريب احساس قلبج
دام الوالد بهالصورة مبدع
وبهالطريقه قلبه يتأثر ويشعر
فانا عرفت سر من اسرار تألق نجمتنا
:))
شكرا من روحي لأنك اشركتينا وعطتينا فرصه لقراءة ابداع الوالد العزيز


...ونعود
لللنجمه نجمة:
وين أنتفي وأرحل وقلبك كل وجهاتي؟

عندمايكون هناك شخص هو كل وجهاتنا
وهو الوطن والمنفى
يكون الزعل منه قاسي
والجفا يقتل كل احساسي
!!
حزينة الدنيا بغيابك؟

غريبه يا النجمه
كيف تتوقف الدنا ببسمة منهم
وبلحظة هنا جنبهم
غريبه...كيف تبهت الوان هالدنيا
ويخفت في داخلنا النور
لي صار اغلى من علينا يزعل
!!
طلبتك قصر الأحزان
ترا درب الرضا أسهل:

هناك قلوب تتقن الزعل
تنفنن في الجفا
والرضا اسهل
والفرح أعذب
إالا الزعل بين القلوب المحبة
زعل صعب
يفترض ما يكون موجود
تدرين ليش؟
لانه اذا في قلب بهالصورة يحبك
اكيد في مليون سبب يشفع له كل غلطاته ويمنع الزعل منه
!!
اذا جرح الزعل زاد
يصير الطريق أطول:
يطول وتقسا القلوب
الزعل يكسر بالروح شي
والجفا يولد قسا
وطول الجفا يقسي القلوب



الله لا يجيب الزعل بيني وبينك
ولا يجيب الزعل بينج وبين كل قلب تحبينه ياالنجمة


انا احب اسولف عندك
ليش قولي لي؟
:))

Sn3a said...

وين أنتفي وأرحل..وقلبك كل وجهاتي

وملح الدمع يتباهى .. يمشط رمشي
وينزل

واذا قلبك صفا بالود .. زان الماضي والآتي

وتراني ناوي الهجران .. اذا قلبك نوى يزعل

بهاجر منك لين قلبك..وقلبك كل وجهاتي


اخيه
صج البوست حلووو!
حلو بطريقه مو طبيعيه

بس ماتنلامين
ان كان ابوج بنفسه فنان بالكلمات!


لا جد البوست حلو
تسلميين

Salah said...

Nice

Masha Allah

الخيلاء said...

الله نجمه وايد حلو :)

خلاص عاد لازم يرضون عقب هالكلام الحلو


ابيات الوالد روعه .. الحين عرفنا مصدر هالابداع الي تمتعيا فيه :)

بعثرة مشاعر said...

الزعل إلا الزعل يا قلبنااااااااا

زووووووووووووووغة

مادري شعبر كتبت زوغة

لووووول

:***

بـابـل said...

نجمة شلونك

:::::::::::::::::::::::::::::::::::

وملح الدمع يتباهى .. يمشط رمشي وينزل
:::::::::::::::::::::::::::::::::::

هذا البيت خلى نبضاتي تزيد والله

!!!!شلون كتبتيه؟

أعترفلك بشي
والله تمنيت إني أنا اللي كاتبه
وأحسه يخصني ماادري ليش

وتصوير الدمع مثل مشط يمشط الرمش هذي صورة شعرية جديدة محد قالها قبل وهذا البيت عن عشر قصائد

عشان ماأبخس باقي القصيدة اللي كل
بيت أحلى من الثاني وفيها
صور حلوة

وقصيدة الوالد حلوة حدها وياريت كل مرة تحطي لنا مقطع من أشعاره


ويسلم إحساس الوالد وأحساسك يانجمة

على هالمتعة

وبس

بابل

بابل

charisma said...

اى والله الا الزعل
الالا الزعل

الله لا يجيب الزعل
عجيييييييييييبه سطورج يا نجمه

وتراني ناوي الهجران .. اذا قلبك نوى يزعل

بهاجر منك لين قلبك..وقلبك كل وجهاتي

ابدعتى
تسلم ايدج
:**

وصح السان الوالد
والله يحفظكم يا رب

Najmah said...

خرووفه
لا حرام كلش ولا دموعج
عيونج راحت فيها :(
انتي الاروع يالغالية
واجمعين يارب
:*



فريج سعود
:)
تسلم على هالمرووور




استكااااااانة
الله ياني ولهانة عليج
فقدت نورج اهني :**
والابداع عندج يالغاليه :)

استكانة
شفتي شلون الدنيا توقف
شفتي شلون فرحتنا تكون ناقصة
نضحك
ونستانس
ونتناسى
لكن في نقزة بقلوبنا تنقص فرحتنا
ماتكتمل الا معاهم
بس ياترى حاسين فيها؟
.
.
ايي صح كلامج
تصدقين دايما اقول ليش ازعل
دام فيه الف سبب يخليني اسامح
بس تعرفين
مرات تحسين ليش انا ما اعرف ازعل
واهما يزعلون
بس يبقى الرضا احلى
لاني ادري ان انا اللي راح اتعذب اذا زعلت :)

آمييييين يارب
تدرين ليش؟
لأني احبج واحب سوالفج :*

Najmah said...

سنعة
ياهلا وغلا والله
بعد قلبي
انتي الاحلى ووجودج الاحلى
ربي يسلمج ويخليج
:*



صلاح
شكرااا جزيلا :)




الخيلاء
وجودج الاحلى حبيبتي
ايييه قوليلهم :))
تسلمين يالغاليه
وجودج الاروع :*

Najmah said...

بعثرة مشاعر
لووووووول
انتي الزوووووووغة :)))
الله لا يخلينا :*




بابل
بخير الله يسلمك :)
..
عاد صج هالبيت الوحيد اللي حسيته غير عن الابيات
مادري شلون كتبته بروحه طلع
حلالك ولا يهمك:)
والله كلامك فرحني ورفعني وايد

ان شاء الله تامرون :)
والله يسلم ويعافيك يارب




كاريزما
آمييييييين يارب
انتي الاعجب حبيبتي :))
ربي يخليج لأحبابج
ويسلم من كل شر :**

Anonymous said...

من زمان ما سمعت كلام حلو وصجي وقوي جذي


أبداااااااع

Anonymous said...

of of of
6ala3tay sha3rah!
ma3a eny msafir ma9er o maly '7ilg ard w akteb bas alyoom embad3ah 9ara7a
shoooookran

sal7 alruwished

lishe3r:)

فراوله said...

مساالورد والجوري
غاليتي نجومه
كلماتك أذابت كل زعل قد مر
او سوف يمر
:)
تذكرت هالاغنية
إلا بزعل إذا بتروح وتتركني وترحل
نوال الكويتيه
:)
دمت بدفء وعذوبه
وبدووون زعل
ابدا
:**

7osen said...

عجبتني القصييدة وااايد

صح لسانج

وايد حلوة

أكثر شي عجبني هالشطر هذا

تغني شمعة الآلام..وتزيّن خدي عبراتي

صج صج روعة المعنى والكلمات المختارة

تسلمين على هالكلام الحلو

تحياتي لج

ياقلبي ابتسم said...

نجمة كعادتك

مبدعة مثل ماتعودنا عليك

يعطيك العافيه :)

loco said...

nice nice :)

`~MnO YeNSa! ~` said...

الله
الله
الله
الله
يا نجمة
حيل
بجاني
لدرجة
ماني
عارفة
شكتب
.
..
...
ترى
انتي
شـــــــــاعرة
كبيرة

و احلى
part

وملح الدمع يتباهى .. يمشط رمشي وينزل

Barrak said...

اذا جرح الزعل زاد .. صار الطريق اطول

والله العظيم صفقتلك

جمله رائعه رائعه رائعه

هـــدب said...

ننثر وريقات الورد
لإبداع الوالد
أعجبت بهذه الابيات بوزنها وقافيتها
فسلمت يمناه وعساه علي القوه


وملح الدمع يتباهى .. يمشط رمشي وينزل


جميل جدا جدا

ما نثر بالاعلى

تحياتي لج يا نجمه

Najmah said...

حسافتج ياكويت
اهلا وسهلا
شكرا .. والابداع بكلماتكم
اسعدني هالمرور :)




صالح للشعر
شااعرة مرة وحدة :))
ترد بالسلامة ان شاء الله
والشكر لكم عى هالمرور
يفرحني هالتواصل الطيب :)



فراولة
مساء الفل والياسمين
تسلمين يالغالية
وعسى ربي يبعد الزعل بين الاحباب
وجودج غالي :*



حسين
يسعدني انها عجبتك :)
صح بدنك
والاروع وجودكم الطيب
ربي يسلمك من كل شر
الف شكر :)



ياقلبي ابتسم
من وين طالعة المس اليوم :)
ولهت عليج والله
تسلمين يالغاليه
لا تحرمينا :*



لوكو
شكرا شكرا :)




منو ينسى
افاااا
ماعاش اللي يبجيج يالغالية
وترى هذا شوية من اللي عندكم :)
يفرحني وجودج حيل
وترى دموعج غاليه :*



براك
شرف لي والله
والاروع تواجد شاعر مثلك :)



هدب
ربي يسلمج من كل شر ويقويج حبيبتي
والاجمل حروفج يالغاليه
يفرح قلبي مرورج الطيب
لا خلا ولا عدم :*

Shaima'a Alkandari said...

ابداع وتميز لست انت فقط من تتميزين بقلم رائع بل والدك ايضا تبارك الرحمن

قلم منير امتلكتموه

صدى رائع جدا يا نجمه

Anonymous said...

جميل جداً
استمعت بالقـرأة في القصدتين
فعـلاً جميـل

mantovani said...

رائع

ولد الديرة said...

نيمة

لا شكر على واجب

:P

Selezya said...

اذا جرح الزعل زاد .. صار الطريق اطول

واذا قلبك صفا بالود .. زان الماضي والآتي

وتراني ناوي الهجران .. اذا قلبك نوى يزعل

بهاجر منك لين قلبك..وقلبك كل وجهاتي

بدعتي بهالابيات ولو ان القصيده كلها ابداع
صج لسانج انتي والوالد
والله يبعدنا عن الطمع ومايفرقنا عن احبابنا ولا ربعنا

:)

بـركـــــان said...

بعد التحيه


صح لسانك و سلميلي على الوالد


الثائر

Najmah said...

شيماء
الابداع بوجودج الغالي
تسلمين والله
لا خلا ولا عدم :*



خالد
شكرا جزيلا
الاجمل وجودكم العذب




mantovani
شكرا شكرا :)



ولد الديره
من لا يشكر الناس لا يشكر الله :))



سيليزياااا
اهليييييين يالقاطعة
فقدتج والله
تسلمين يالغاليه
آمييين يارب
ولا تحرمينا :)




بركان
اهلا وسهلا
والسلام واصل :)

magnoonah said...

صمـــــــــــــــت

والله ودموع بعيوني

كلامج من القلب يا نونه من القلب ووصل للقلب

روووعه وتعبير بطريقه تدخل القلب بسهوله

تسلم ايدج وصح لسانج

اعجبتني الابيات كلها قريتها مره بسرعه واكتشفت اني بخست حقها ورديت قريتها على هدوء

ما شاء الله عليج

اما كلام الوالد من يحب ويشوف الي ما يرضاه جدام عينه بيكتب ويعبر ويقول الاكثر من جذي

صح لسانه

Manooya said...

فرخ الوز عوام ^__^


ما شالله عليكم كلمات من ذهب الله يحفظكم =)

S i m p l e said...

نجمه يانجمه !
ياسلااااااااام عليج !
صح لسانج وسلمت يمناج !
لاهنتي على هالابيات الروووووعه !
:D
ماعرف شقول
بس صج الابيات صرت جدامهم
SPEECHLESS !
:"(
وصح لسان الوالد ماشالله عليكم

Najmah said...

ميمووو
افاااا
دموعج غاليه :*
انتي الاروع بهالوجود اللي يفرحني حيل :)
ربي يسلمج من كل شر
وصح بدنج يالغاليه
وعسى ربي يكتبلج الفرح بكل خطوة :*





منوية
ياهلا والله وغلا
نورتيني
وربي يحفظج ويخلي لج احبابج يارب




سمبل
اهلا وسهلا
صح بدنج والاروع هالوجود الطيب
شكرااا جزييييلا
ولا خلا ولا عدم :)