Saturday, April 5, 2008

ياليل يامستودع الاسرار


يداهمنا سواد الليل
..
وأحس بالفرحة مقطوعة
..
وتحس هالليل
..
برد أحزان .. وهم طويل
..
وصمت آلامه مسموعة
.
.

ويحكي الليل
..
أماكن تنطق احساسنا
..
وقهوة ترشف اتعابنا
..
سكر في سماها الهيل
..
ودفتر خالي عنوانه
..
وتغلي النار بضلوعه

.
.

ويطول الليل
..
يسهرنا .. ويهد بأرواحنا الحيل
..
نعاني غربة مسافر
..
وفينا الشوق يتساوى
..
طرحه .. والضرب .. ومجموعه

..

ندور العالم بلحظة
..
يلاحقنا .. المطر والسيل
..
يعثر أقدامنا الشوك
..
ويلوي كفوفنا اليأس
..
وجروح ثيابنا تسيل
..
وسهام القلب متبوعة

.
.
.
يرعبنا..سواد الليل
..
وتدفينا.. مشاعرنا
..
تغطي بطرفنا الرجفة
..
وتخفي بعيننا الرهبة
..
وبحور تشكي موجوعة

..

ويصحى الليل
..
وتحكي جفوننا الويل
..
يسندنا غصن يابس
..
ويحرسنا .. نجم سهيل
..
نغافل صرخة الوجدان
..
وتسرج حبنا الخيل
..
وفوقنا الغيم يتساءل
..
بدر هالليل .. متى طلوعه؟
.
.

ويغفى الليل
..
وتسجن نبضنا الأيام
..
تفصل حزننا تفصيل
..
ونبقى بالزمن قلبين
..
قلبٍ يرثي أحلامه .. وقلب يكفن دموعه
.
.
ويدور الليل
..
..
يجرّ الشوق
..
واماني صدرها يبوح
..
وينصب حلم يتوسع
..
وحروف الحب مرفوعة
..
.
.
.
ويغيب الليل
..
ويرجع صبحنا الصافي
..
وهبوب بضحكنا تميل
..
يغني عزفنا الطير
..
ويرسم حلمنا الواقع

..ويضوي الليل وشموعه

.
.
.
نقطة أخيرة
..
الغنى غنى النفس
:)
والرضا والقناعة من أوسع أبواب السعادة

25 comments:

الخيلاء said...

دايما و ابدا

مابعد برد الشتا
الا نسمات الربيع


و مابعد دموع الحزن
الا دمعات الفرح


تشق الصدر اهات حزينه
و تشق القلب ضحكات مجلجله


هذه الاضداد و المشاعر المتضاربه
هي ما تجعل للحياه قيمه

دام لنا تكيزج الدائم

:)

الخيلاء said...

اول تعليق

من قدي :)

و تكيزج = تميزج

:)

5roofa said...

واااااااااي

تدري تي عرات الليل يكون صديق القلب

و مرات على قولتهم ياااااطول الليل و القلب تعبان

تبين الصج هالايام اخاف من الليل واايد احس خاشلي شي مو قادره استوعبه اتحكم في او حتى اعترف بوجوه
:(

انتي روعه و كلماتج روعه و رومنسيتج اروع

salamz sis...

Mok said...

صح لسانج بيبي :)

مصعب said...

سهرت الليل وعيوني
تساهر معْ ضيا النجمة
ولولا نورها غابت
عن شفاتي سنا البسمة
ونجمة عندنا تكتب
كلام وتتبعه بكلمة
وما أروع كلام الليل
اذا ليلي صفا حلمه
وشفت احلام من عمري
وتصرعني بلا رحمة
ياليت الليل ما يرحل
ولا يبعد عن النجمة

شكرا يا نجمة

Anonymous said...

حديثك عن الليل كان ممتع أعبني كثيراً يانجمة ...
وفعـلاً لؤلؤة أنتي بالكلمات

Eng_Q8 said...

صح لسانج :)

الزين said...

ويحكي الليل
..
أماكن تنطق احساسنا
..
وقهوة ترشف اتعابنا
..
سكر في سماها الهيل
..
ودفتر خالي عنوانه


نجمتي يا نجمتي

ابدعتي بهالمقطع

بالفعل وصف رائع

:**

`~MnO YeNSa! ~` said...
This comment has been removed by the author.
`~MnO YeNSa! ~` said...

تدرين
لما
قريت
هالبوست
خصوصا
احسه
خاص فيني
حروفه
تخصـــي
مادري ليش
حيل حيل حسيته
جوه
قريب مني
و فيه من احساسي و انا اكتب
آخر بوست
بس
منج
احلى
مشالله

charisma said...

الله يا نجمه
على الرغم من الحزن والكسره الى حسيتهم وانا اقرى
بس ماشاءالله عليج وصلتيهم بطريقه مؤثره


وفوقنا الغيم يتساءل
..
بدر هالليل .. متى طلوعه؟

واايد حبيت هالسطر

والختام كان عجييب يا نجمه

ابدعتى
:**

بعثرة مشاعر said...

ونبقى بالزمن قلبين
..
قلبٍ يرثي أحلامه .. وقلب يكفن دموعه


--

لأ حرام نجمة
لازم لازم لازم
يكون لج اصدار خاص فيج
يوم عن يوم يزيد ابداعج
نبي منج سلاسل
نحفظها عندنا باسمج
ترا للحين ناطره
و أبيها بشده

ماشالله
ربي يحفظج
ولهت عليـــج :')

~warda~ said...

مبدعة في التعبير
ما شاءالله

تقبلي اعجابي

عزف~ورده

فراوله said...

مساالورد والجوري
غاليتي الحبيبه
دائما ثورة المشاعر وتصارعها بداخلنا
يجعلنا بحالات مختلطه
وبمشاعر متقلبه
وبين هذي وتلك
يوجد لحن الذات العجيبه
الذي يرسوا بنا الا مهبط الاستقرار
وهنا تكمن فلسفة الحياة
:)
دمت بدفء وعذوبه
ابدا
يانجمتي
:**

Najmah said...

الخيلاء
صدقتي .. ومابعد الليل الا الشروق :)
وهذا طعم الحياة
يشرفني افتتح بردج :)
يدوم لي وجودج الغالي :*


.
.


خروووفة
تصدقين
احب الليل
احب هدوءه
وحتى ظلامه مع انه احيانا اييبلي الضيقة
الا اني احسه قريب مني
مادري ليش احسه صديق المشاعر :)
وجوووودج اهني اهوا الاروع ابلة خروفه :*


.
.


mok
صح بدنك :)


.
.


صالح للشعر
ماشاء الله من قدها النجمة
:)
سهر وليل واحلام ونجوم
وابيات شعر عجيبة :)
شكرا صالح الشاعر

Najmah said...

خالد
اعجابك شرف لي
اسعدني وجودك
شكرا لك


.
.


مهندس الكويت
صح بدنك :)


.
.



الزين
ياهلا بالزين والغلا كله
مافي شك ان وجودج اهنيه الاروع
ومنج نتعلم :**
وجودج يفرح قلبي

.
.


منو ينسى
تدرين
ابتسمت من خاطري يوم قريت ردج
لأني وايد القى احساسي بحروفج
وبوستج كان خطير
مادري يمكن اهوا اللي دفعني اكتب هالبوست :)
تسلمين لي يالغاليه :*

Najmah said...

كريزما
حبيبتي انتي
يسلم لي وجودج الغالي
ربي يحفظج :**


.
.


بعثرتي
تدرييييين
ذوقج نفس ذوقي
هذي العبارة بالذات اللي عجبتني يوم كتبتها
يعني لازم تقلدين :))
مممم
تهقين يعني؟ :))
والله افكر بالموضوع بس مادري
اذا صار انتي اول وحدة راح اهديج اياه
:**
ولهانة عليج اكثر
:***


.
.


وردة
اسعدني تواجدج اليوم
شكرااا
ومنورتني :)


.
.


فراولة
مساء الخير والنوير
ولهت عليج :)
صدقتي يافراولتي
وهذي فلسفة القدر :)
وجودج
وفلسفة دنياج
غاليه عليي :*

بـابـل said...

مسااااء الخير

وسهام القلب متبوعة
!!!!

شنو هذا يانجمة

:)والله هالبيت هذاعجيب شلون كتبتيه


هذا ثاني بيت لك ودي آنا اللي
كاتبه

هذا تعليق أول ولي مرور ثاني أعلق فيه على باجي الخاطرة


الليل مستوع الأسرار//

ضيفي حرف الدال على كلمة مستودع

//بالعنوان


تسلمين


وبس


بابل

Najmah said...

باابل
مساء الورد والسعادة
تسلم والله يشرفني
وهذا من احساسك الطيب
مشكوور وايد على التنبيه مالاحظت
ان شاء الله الحين اعدله
بانتظااار مرورك الثاني
وشكرا يابابل :)

loco said...

e walla 9a7 ! very nice

فريج سعود said...

ابداع
ابداع
ابداع

darkness said...

نجمه ليش انتي وايد صافيه جذي

صبحج الله بالخير يا نجمه عاليه بسمانا

صباح احساس غير عن كل هالناس

يا رب تلقين الرضا عن نفسج و تعيشين بسلام داخلي

يكون مصدر لسعادتج الدايمه

:)

Najmah said...

لوكو
:)
شكرا .. نواجدكم اجمل دائما


.
.


فريج سعود
شكرا
شكرا
وشكرااا
:)



.
.



جارة القمر
مساء الغلا والاحساس
هلا وغلاااا والله
تدرين
احس قلبج شفاف يعكس شعوري :*
اجمعين يالغاليه
وجودج غير :*

وردة حب said...

رووووووعة ياروووووووعة

صح لساانج والله

Najmah said...

وردة حب
انتي الروعة والله
صح بدنج يالغاليه :)