Thursday, April 17, 2008

كلنا داخلنا بحر


كلنا داخلنا بحر

..

غاصت بروحه سفينة

..

تاهت بموجه العواصف
..
واختفت بقاعه الدرر
.
.
كلنا داخلنا سحايب
..
شالت هموم المدينة
..
لا رعدها الوقت صاحت
..
واستهلت بالمطر
.
.
كلنا داخلنا قصايد
..
تنطق جروحٍ دفينة
..
تنبض حروفٍ تعاني
..
وتطوي آلاف الصور
.
.
كلنا داخلنا أراضي
..
تبني الشوق وحنينه
..
نعتلي سطح المحبة
..
وندمن أصحاب السهر
.
.
كلنا داخلنا أماني
..
وطالت بحلمنا سنينه
..
نرتجي نجمة تلمنا
..
ونسكن بصدر القمر
.
.
مابعد سطوة ألمنا
..
إلا السعادة تهينه
..
ومابعد رحلة تعبنا
..
إلا ضحكات العمر
.
.
الصخر لما تفجر
..
غنت الدمعة بعينه
..
والسما لما تباكى
..
تنبت غصون و زهر
.
.
والنهار اليا تجلى
..
يرفع الليل ايدينه
..
والظلام اليا تعلى
..
يعلن وصوله فجر
.
.
ارسم البسمة في روحك
..
وامسح دموعٍ حزينة
..
والله كلنا نعاني
..
كلنا داخلنا بحر

51 comments:

Anonymous said...

وهالبحر مرة يهيج ومرة يسكن


تتوقعين الهيجان يكون بحزة يكون القلب فرحان
ولا شقيان؟
أحيانا بشقاه يهيج
وأحيانا بفرحته يهيج
وبحبه أحيانا يهيج ويسكن

غريب هالقلب
أغرب من بحر





أنا

بعثرة مشاعر said...

سمعتي رايي فيها

بس لازم اعلق لول

في الاوقات الصعبه

ترا هديت اللي خبري خبرج

و علقت


لوووول ;p

Q80 Blogger said...

الله الله

لا لا حرام عليج مدونه

ناطرين ديوان شعري :)

Aldenya said...

نجمه

انا مع كويتي بلوقر

كلماتج تحتاج للتوسعة

للنشر في نطاق أكبر

لج احساس غيــر

ومفردات غيـــر

أتمنى أن أقرا لج بيوم

كتاب بإسمج

:>

ولد الديرة said...

زين واللي داخله بر
!!

تدرين كل ظب عندنا شكبره :)

يسلموا

خوش افكار

5roofa said...

انا داخلي محيط

:(

امبي نجمه انت روعه والله منصج نبي كتاب نحتفظ في باشعارج كلها

تسلمين يالغاليه

salamz sis...

bu-saad said...

كلمات جدا رائعه
لون القصيده اعجبني من حيث طريقة تضاد الاحداث....

اسال الله لك التوفيق

وردة حب said...

والله كلنا نعاني
..
كلنا داخلنا بحر


الللللللله


كلماتك ذهب ياذهب:)

بـابـل said...

والله كلنا نعاني
..
كلنا داخلنا بحر


بحر حزن ماله قيش


ياعينى على نجمة وبس




وبس


بابل

Abdulla Al Ameri said...

روعة جميل ماخطته أناملك الذهبية


انا محيط الهادي
بس احذر عندما
يهيج هذا الهادي

Najmah said...

صديقتي
واللي قلبه بكل وقت يهيج
بالفرح
والحزن
والشوق
والحب
وحتى بوقت الملل والسكون
شنو حيلة هالقلب؟
؟؟


.
.


بعثرة مشاعر
لووووووووول
شنو اللي في الاوقات الصعبة؟
:P
اوقات سعيدة :P


.
.


بلوقر
ممممم
ان شاء الله :)

.
.


الدنيا
افكر فيها واتراجع
حاليا مأجلة الفكرة بس ان شاء الله
تسلمييين يالغاليه
وجودج غير :*

.
.


ولد الديرة
لووووووووووووول
مادري الله يعينكم
:P
الله يسلمك من الشر

Najmah said...

خرووفة
هونيها تهون ان شاء الله
ومابعد العسر الا اليسر
ربي يفرحج حبيبتي
وانتي الاروع :*


.
.


بو سعد
اسعدني اعجابكم
شكرا لك
واجمعين يارب :)


.
.


وردة حب
حبيبتي انتي
تسلمين لي
لا خلا ولا عدم :)

.
.


بابل
اي يابابل
والله كريم :)
شكرا لوجودك الطيب

.
.


الأستاذ بلاليط
الاجمل وجودكم
شكرا جزيلا :)

بعثرة مشاعر said...

مادري ليش قلت بالأوقات الصعبة
فجأه !!

عادي طوفي

Najmah said...

لووووووووول
شفتي
يعني علقتي
بس بالج مو معاي
:P

بصمة منـــارية (: said...

السلام عليكم ورحمة الله وبركاته ..

مدونة للتو أتشرف بزيارتها ..

أعجبتني رقة الحروف المتناثرة هنا و هناك و التي تتجمع لترسم لوحة من مشاعر و قصة من أحساسيس عفوية..

اشعر احيانا اننا بحر و ان البحر هو مشاعرنا .. كما ان البحر غامض أحيانا هادئ احيان اخرى .. هائج ثائر في بعض الاحيان لكنه يرجع ليسكن و يهدئ بعد ذلك ..

تتقلب امواجه كما يتقلب مزاجنا .. تصفو مياهه احيانا وتتكدر احيان اخرى ..

يعكس من الاضواء و الالوان ما تبثه الشمس و ما تمليه عليه السماء و ما يرسله له القمر .. و هكذا نحن عندما نتأثر بمحيطنا و بمن حولنا ..

البحر عميق ولكنه وفي نفس الوقت واسع ورحيب .. غدار لكنه في نفس الوقت حنون ويحتضن بين جنباته السفن و الاليء و الاسماك ..

مممم .. البحر هو مشاعرنا و مشاعرنا هي البحر الذي نغرق فيه احيانا و نسبح فيه بسعادة احيانا اخرى ..


(:

شكرا نجمة ..

b9ma manareyya (:

Kuwait said...

واااااااااااااااو ..
كلمات رووووووووووعه ..
انتي الي كاتبتها ؟؟
اذا انتي ..
فمن الحين انا حاجزه القصيده اليايه الي راح تكتبينها عني ..
حرام هالمواهب تبقى مدفونه ..
تقبلي مروري ..
kuwait

mtfa2el said...

كلنا داخلنا بحر
ايييه
بس يا بحر
.
روعة المكتوب

SolaimaN said...

كلنا داخلنا قصايد
..
تنطق جروحٍ دفينة
..
تنبض حروفٍ تعاني
..
وتطوي آلاف الصور

،،

ما ارررررررررررررررروع تعابيرج يا نجمه

غيرتي المود علي

go najma go

قلب طفله said...

نجمه كل كلمه تعلقت فيها

عيوني لحظات احس كل كلمه

مغلفه باحساس عجيب

بجد مبدعه يا نجمه

و تسلم ايدينج :)

دمتي بحفظ الله

esTeKaNa said...

كلنا داخلنا سحايب
شالت هموم المدينة
لا رعدها الوقت صاحت
واستهلت بالمطر
!!
الله الله يا نجمة
كل هذا فينا؟
انا اشهد انج تصلحين احسن مستشاره عاطفية بالدنيا دامج تدرين كل هذا بقلوبنا
:Pp~
مبدعه يا النجمة
ابداعج مبتكر وماله حد
عسى ربي يحفظج يارب
:*

الخيلاء said...

يا بحر ضايع فيه الشط و المرسى :)

هذا اول شي طرى على بالي عقب ما خلصت قرائه البوست ..

و ان شاء الله بحرج ايكون دهنه


:)

فارس هوى الكويت said...

السلام عليكم

تسلم يمناج اختي روعه ماشاءالله

تحياتي وعساج على القوه :)

صقر قريش said...

رائع أختي الكريمة نجمة عندي وصح لسانج ماشاء الله حنا داخل محيط مو بحر لا ومحيط متلاطم الأمواج بعد مانقول إلا سترك يارب

كالعادة مبدعة

لؤلؤة said...

7elwa ya najma...
:))

MANAF said...

نجمه

شبقول اكثر من جذي

روحي يبه

فالج البيرق


:))

الزين said...

واااااااااااااو

من أجمل ما كتبتي يا نجمة

احييج واوقف لج احتراما

الروعة شوية على هالنص

:**

Qanoonya~6moo7a said...

السلام عليكم و رحمة الله

أول شي أحب أقولج خوش مدونة
بالتوفيج إن شاء الله
:)
أبدعتي إختي
كلمات في منتهى الروعة و الرقي
أبدعت فيما نثرتي من كلمات و أحاسيس رائعة

بإنتظار المزيد من هذا الإبداع

تقبلي مروري
إختج:-منال
:]

Peace said...

كلنا داخلنا بحر

بحر بكل حالاته
بمده
بجزره

بهدوءه
بهيجانه

مبدعه نجمه

صبا said...

الله عليج يا نجمه

كل بوست احلي من الثاني
بس اهني ابدعتي

احساسج
مفرداتج
قلبج
هالمره غير

تسلم هالانامل
الي خطت هالكلمات
روعه يا نجمه بل اكثر

,,,
ولانها متاخره شوي
احب اقولج كل عام وانتي بخير
يا رب
والعمر كله
والله يحفظج يالغاليه

تحياتي بحب

SolaimaN said...

نجمة ، ، ، وبعدين يعني ! ! ! ؟

صج ما شبعت وانا اقرى هالكلام

كل مره احس اني اول مره اقراه

تسلم ايدج

صقر قريش said...

كلمة عندي منين ياية بعد؟!! سامحيني الكلمة داشة عرض :)بس سؤال ليش ماتسوين لج ديوان شعر؟؟

فراوله said...

مساالورد والجوري
غاليتي الحبيبه
اغلا نجمه
صدقتي والله
كلنا بداخلنا بحر...فيه الحلو والمر...فيه الفرح والحزن...فيه،،،،وفيه،،،،وفيه
بس ودنا نتقلب علي تلك الصراعات الغريبه اللي خلت القلب يتعب
لين قال آآآآآآآآآآآآآآه
الي ماله نهايه
؟؟؟؟؟
بس يارب تكون الافراح تتغلب علي الاحزان بداخل ذلك البحر
....
دمت بدفء وعذوبه
ابدا
وحشتيييييييينننيييي
:***

Shather said...

وايد حلو هالبوست

تسلم الايادي :*

قلم حبر said...

وااااااااااااااااااااااااااو
بصراحة
واااااااااااااااااااااااااااو
من اروع ما كتبتي
keep it up :)

Shaima'a Alkandari said...

وما اجمل ان نغوص ببحر اعماقنا لنستكشف الكثير والكثير ولنخرج مايجول بداخلنا

دوما مبدعه

Najmah said...

بصمة منارية
وعليكم السلام ورحمة الله وبركاته
ومدونتي تتشرف بمرورج :)
كلامج عميق حيل ورائع
مشاعرنا بحر
وقلوبنا باكل احساس فيها بحر
اسعدني وجودج وتعليقج الرائع
شكرا يابصمة :)


.
.



كويت
ردج يونس الخاطر :)
اي خلاص ان شاء الله ولا يهمج
انتي تامرين امر :))
القصيدة الياية اهداء حقج
تسلمين لي على هالمرور الغالي :)

.
.



متفائل
ياهلا والله
ليش سكرت مدونتك؟
صارلي فترة فاقدتها
تسلم والله
والاروع تواجدكم


.
.


سليمان
بسيطة جدام حروفكم
يشرفني والله
شكرا جزييلا :)



.
.


قلب طفلة
انا مستانسة بوجودج وحروفج الرقيقة
مادري اسمج بروحه يعطيني شعور حلو
وكلماتج احلى :)
ربي يسلمج ويحفظج يالغاليه
الف شكر لج :*

Najmah said...

استكاانة
لووووووول
تهقين يعني صج اصلح؟
:Pp
تسلمييين حبيبتي
ويحفظج من كل شر يارب
:*


.
.


الخيلاء
:))
وياااج يارب
نورتيني :*


.
.


فارس هوى الكويت
وعليكم السلام والرحمه
ربي يسلمك من كل شر
ويقويك يارب
الاروع تواجدكم
شكراااا :)


.
.



صقر قريش
صح بدنك اخوي
صدقت والله يعين :)
شكرا على هالتواصل الطيب


.
.


لؤلؤة
الاحلى وجودج حبيبتي :)

Najmah said...

لي عودة باذن الله لباقي الردود
عذروني
عندي امتحان باجر

Sn3a said...

كلنا داخلنا بحر

نجمه
صح لسانج على هالكلمات
جد والله حبيتها
حبيت فكرتها
حبيت مفرده ومكانها

ماشالله عليج عيني عليج بارده

Barrak said...

اي والله كلنا داخلنا بحر وقصايد


عزف منفرد يانجمه

Najmah said...

منااف
كلمتك وين ودتني : )
الله يسمع منك
تسلم يامنااف



.
.


الزين
من قدي اذا الزين عجبها كلامي :)
ماتدرين شكثر فرحت
وانتي الاروع
وحروفج اروع
تسلمين :*

.
.


منال
وعليكم السلام ورحمة الله وبركاته
وانا تشرفت بزيارتج الاولى اختي العزيزة :)
شكرا لاحساسج وكلامج الراقي
لا تخليين
ومنورتني :*


.
.


بيس
صدقتي
بكل كل حالاته
:)
يسعدني وجودج يابيس
شكرا لج :)



.
.



صبا
ماتتخيلين شكثر انا مستانسة بتفاعل قلوبكم ومشاعركم
تواصلكم يفرحني ويدفعني
ربي يسلمج ويحفظج من كل شر
وانتي بخير وفرح يالغاليه
ماااقصرتي وعسى ربي يخليج لاحبابج :)

Najmah said...

سليماان
:")
الله يسلمك من كل شر
والله يشرفني

.
.


صقر قريش
افكر فيها مرات وبعدين أأجلها
احس مادري يبيلي بعد
ان شاء الله ربي يسهل
:)


.
.


فراولة
مساء الغلا والشووق
اهلا وسهلااا
كلامج معبر :)
آمييين يااارب
ودمت بفرح ابداا :)
وانتي وحشتيييييني اكثر :***



.
.

شذر
صدقيني
وجودج الاحلى:)
يسلمج ربي ويخليج

.
.


قلم حبر
شكرااا جزيلاااا
دايما تواجكم اروع
شكرااااا :)

.
.



شيومة
:)
وجودج المريح اجمل
منورتني دايما :*

Najmah said...

سنعة
صح بدنج حبيبتي
حبتج العافيه يالغاليه
يشرفني والله
الف شكر لج يالسنعة :*

.
.

براك
وجودك بحد ذاته
له وزن منفرد
شكرا :)

darkness said...

كلنا داخلنا انسان

عرف من الهموم جبال

صبر و استنظر الفرج

و رب كريم يجود

على عبيده

بهالوجود

عطاهم صبر لكل هم

و عطاهم الفرج لكل كرب

Selezya said...

صدقيني وقفت اقرا كل التعليقات أدور اذا في أحد وفالج حقج بهالكلام اللي كتبيتيه بس والله مالقيت .. ولا أنا جمل ما راح اقدر اوفيلج حقج .. أعرف عن شخص من المعلقين اللي عندج انه ما يعلق على أي موضوع ونادراً ما يكتب .. شفت الكومنت ماله وعرفت قوه الكلمات اللي خطيتيها ..

ماراح اقولج من اجمل ما قرأت
بس بقولج الصج انه هذا أجمل ما قرأت

يعطيج ألف عافيه :)

kazmawy said...

ماشاء الله :)
كلمات تدخل القلب ..اذا انتى كاتبته الله يهينيج بهالاسلوب :)

حياتي هدف مو عبث said...

وبحر عن بحر يفرق

:)

يعطيج العافية .. كلمات تخلي الواحد يفكر باشيا واايد

شفّاف said...

الصراحة
روعة..

ما أدري شو أقول
غير روعة

مع أطيب الأمنيات
الشفافية

U-Turn said...

.
كلنا داخلنا أماني
..
وطالت بحلمنا سنينه
..
نرتجي نجمة تلمنا
..
ونسكن بصدر القمر
,,,,,,,,,,,,,,,


صدقتـــي وهالبحـــر مــره مــد ومــره جــزر !!

ماله داعــي أعلــق وايــد كلمــاتج كفــت ووفــت

صــج نجــمه بالكتــابه

يعطيــج العافيــه

Najmah said...

جارة القمر
دمعت عيوني من حروفج
صج مادري شنو ارد عليج
بس من قلبي مشكوورة
ردج ماي باارد يشفي القلب
:*


.
.


plotter
thank you for your comment

.
.

سيليزيا
تدرين قريت تعليقج ورديت قريت اللي كتبته ورديت قريت تعليقج مرة 2
كلاااامج كبييير
والله ونستيني حيل
اصلا مادري شقولج بس من صج ونستيني وكلامج شرف لي :)
الله يعافيج ويخليج حبيبتي
الف شكر لج :*

.
.


kazmawy
شكرا جزيللا :)
حياك الله

.
.


حياتي هدف
صح يفرق :)
الله يعافيج ويخليج

.
.


الشفافية
انتي الاروع حبيبتي
نورتيني بهالمرور :)


.
.


u-turn
فرحت بهالمرور الغالي :)
الله يعاافيج ويخليج
وشكراااا جزيلا لج :)

Barrak said...

انا من زمان اقرالك وملاحظ امور وايده
ومنها يانجمه اسلوبك صار ابسط وأدق وروح المشاعر فيها تجلّي

تطور حسج الشعري كثيرا تميّزتي كثيرا
ماشاء الله
من اول قصيده شدتني وهي
لا تروح .. بعدي منك ما ارتويت

الى اخر قصيده
والوله ينثر رذاذه

الله عليج

بس شكلها المحاضره كانت لوعه