Friday, April 25, 2008

اعذر جروحي

المكان: جامعة الكويت
am 10:00 الزمان
المقرر: حقوق الانسان
:P
.
.
إهـداء للاخت العزيزة
kuwait
:)
.
.
ترحل أزمان الوعد
..
يرتبك صمت الدقايق
..
تذبل عطور الأماكن
..
والوفا .. فينا ارتعد
.
.

يرتعش ليل المحبة
..
وتسرع طيور الثواني
..
تغمض جفون الأماني
..
وتسهر عيون السهد
.
.


تتعب الضحكة بندانا
..
تكسي الظلمة سمانا
..
والسما بلحظة هوانا
..
تضوي بروق ورعد
.
.

صارت الدمعة تنادي
..
والفرح..لونه رمادي
..
والوله ينثر رذاذه
..
ويحكي في ظل المهد
.
.

ومات اليوم.. في صبحه
..
وضاع الهم ..في جرحه
..
والعروق ينبضها الألم
..
والعيون أغزاها الرمد
.
.

لا تلوم قلب التوى
..
ذابت أوردته حزن
..
تلحق أيامه جروحه
..
ولو رجا الفرح ابتعد
.
.

اعذر جروحي ياخلي
..
خلها في وسط الشوارع
..
تصدم الموت وتهلي
..
وتدفن قلوب وجسد
.
.
.
نقطة أخيرة
..
يامن على الحب ينسانا ونذكره
لسوف تذكرنا يوما وننساكا
إن الظلام الذي يجلوك ياقمر
له صبح متى تدركه أخفاكا

44 comments:

Anonymous said...

لا أزال هنا أطير على كلماتك

حبيبتي
كلماتك اليوم مختلفة .. مملوءة حزن



شكلك ولهانة علي
:P



أنا

esTeKaNa said...

للله الله
كل هالجمال يطلع بحاضره حقوق انسان؟
!!
ابداع متجدد
يربك كل تعابيرنا
ويتركنا بانبهار ابداعك صامتين
:)

Najmah said...

صديقتي
:"(

ولهانة عليج


.
.


استكااانة
شسوي
هذي وسيلتي للهروب من محاضرة تعور الراس :P
مشكله اذا تحاولين تنتبهين
تحاولين تركزين
تحاولين ماتسرحين
بس بالج وقلبج بمكان بعيد
:\
يسعدني وجووودج ويروي احساسي
:*

the.thinker said...

تسلم إيدج ..

أهم الشي الدراسة :)

شدي حيلج .. وكتبي هالكلام الحلو بعدين .

ويعطيج العافية =)

صبا said...

:))

تتعب الضحكة بندانا
..
تكسي الظلمة سمانا
..
والسما بلحظة هوانا
..
تضوي بروق ورعد

الله عليج يا نجمه
روعه وكل مره غير

خوش احساس
,,,,,,,,

انتبهي لا يطيح عليج الدكتور وانتي تكتبين خواطر
بس اكيد اذا قرا الي كاتبته راح يعطيج امتيــــــــــــاز
ومن غير امتحان
اتهبلين نجمه:)))

Super Woman said...

ونعم الانتباه ;P

اختي نجمه
اسلوبج مميز بالكتابه
غريب شوي بس وااايد حلو

مبدعه بصراحه

امتعتينا

الخيلاء said...

نجمه
ليش ليش
ترى الحياه حلوه
مايسوى كل هالحزن
العمر قصير لازم نعيشه بفرح

:)

5roofa said...

اذا جذي تسوي حقوق الانسان

عيل بسطي عندهم على طووووووووووووول

امبي رووووووووعه من قلب

salamz sis
...

7osen said...

أسلوب مميز
وأحساس عالي

أهنيج

جداً رائعة كتاباتج

حبيت واايد هالبوست وإللى قبله

أتمنالج كل التوفيق

~warda~ said...

ارى الحزن دائما يلعب
دور الصلصال الذي ننحت به
اروع الكلمات ..

ليجسد للآخرين منحوتة
رائعة ولو بالحزن غُمرت معانيها

رائعة يا نجمة
تقبلي ودي

Najmah said...

the.thinker
الله يسلمك من كل شر :)
لووول انا أدرس بس ماعرف انتبه دايما
:P
ان شاءالله
والله يعافيك :)


.
.



صبا
لوووووووووووول
اذا جذي جان يزين يطيح علي
:Pp
بعد قلبي انتي تسلمين لي
وانتي اللي تهبيلن والله :*


.
.



سهالات
لوووول :P
تسلمين حبيبتي
شلون غريب؟ :)
وجودج الاحلى والله
منورتني :)


.
.


الخيلاء
هذي الدنيا
الله كريم
عسى كل ايامج فرح :)

Najmah said...

خرووووفة
لوووووووول
:"))
حبيبتي انتي
وجودج الاروع والله


.
.


حسين
شي بسيط من بحر حروفكم واحاسيسكم :)
يشرفني والله
شكرا جزيلا حسين
واجمعين يارب

.
.


وردة
دايما اقول
الحزن يولد الابداع
عالاقل بالنسبة لي
كتاباتي بوقت الحزن اقوى وايد من وقت الفرح
الرائع وجودج عزيزتي
منورتني :*

mtfa2el said...

الكتابة فوق الروعة
و المستوى يتطور
موهبة .. لاتروح

Doaa Ebrahim Aaql said...

كم انت رقيقة
وحساسه صديقتى

رائعه جرحك
برغم ما فيها من الم
ولكن لاشك
فالرائع فى حبه
رائع فى المه ايضا



تحياتى لكِ

الزين said...

شنو السر بهالوبست واللي قبله

اكو شي غير

ما اقدر اقول الا انج مختلفه بتميز

مبدعه

بس

Fahad Al Askr said...

خوش دراسة

هذا والمقرر حقوق انسان عيل لو شعر أندلسي شنو بتكتبين معلقة

رائعة الكلمات خلج من الحجي

darkness said...

اوكي دامه اهداء

اطلع منها انا

:)

Qanoonya~6moo7a said...

السلام عليكم و رحمة الله
^_^
مثل ما عودتينا
كلمات في منتهى منتهى الروعة
بارك الله فيج إختي الحبيبة نجمه و بقلمكـِ الذي لا يخط إلا ما هو جميل و رائع
بإنتظار جديدكـِ
:)

Najmah said...

متفائل
شكرا جزيلا
مروركم الاروع
وتواصلكم يعطيني دافع كبير للاستمرار
:)


.
.



princess dodo
متعب ان يكون لك قلب حساس :)
الاروع وجودك صديقتي العزيزة
سعيدة بحروفك ومرورك العذب
شكرا


.
.


الزين
يمكن تقلب ظروف
تقلب مشاعر
دايما الكلمات انعكاس للاحساس اللي بالقلب
التميز والبداع منج وفيج :)
منورتني :*


.
.


فهد العسكر
لووووول
الله جان زين شعر اندلسي :))
شكرااا الرائع وجودك
اسعدتنا عودتك
:)


.
.


جارة القمر
افااا
مانستغنى :))

Najmah said...

منال
وعليكم السلام ورحمة الله وبركاته
ياهلا وغلا
الاروع وجودج صديقتي العزيزة
سعيدة انا بتواصلج وبكلماتج الطيبة
لا خلا ولا عدم
:)

mantovani said...

خلصتها 2002 عند علي النامي

جابلوا دروسكم

:)

مانتوفاني

Najmah said...

:"))

ان شاء الله
:)

Eng_Q8 said...

صح لسانج وتستاهل اختنا كويت

Kuwait said...

واااااااااااااااو ..
إبدااع رووعه مادري شنو اقوول ..
بصراحه سكتيني ..
حقوق انسان اتذكر خذيت هالماده لكن للأسف ما كنت موهوبه نفسج ..
كانت عندي موهبه ثانيه وهي اني طول المحاضره نجره مع الدكتور بالسياسه والقوانيين الدوليه والحروب والازمات ..
أشكرج حبيبتي على الإهداء الحلو والراقي ..
حسافه لو أعرف أكتب جان كتبت فيج ولو ادري ان الكلمات ما توفيج حقج حبيبتي ..
إستمري وبإنتظار جديدج ..
تقبلي مروري وإعذري تأخيري بس تدرين ماخذتنا السياسه والانتخابات لووول ..
kuwait

Selezya said...

صح لسانج :)


كنتي تدرسين ولا تشعرين؟

لوول

قلب طفله said...

نجمه قليلة كلمة روعه

بحق كلماتج

يسعدج ربي

`~MnO YeNSa! ~` said...

حبيت حقوق انسان :)

وايد
وايد عجبني


صارت الدمعة تنادي
..
والفرح..لونه رمادي


وايد عجبني هالمقطع
مشالله عليج
رسمج
ونصج
وحروفج
دايم تناديني :**

اضيئي

مصعب said...

هذا اجمل شعر اقرا لج
للامام يا نجمة والله عجبتني الابيات

qesat_5ayal said...

معروف أن السكر يتركز بقاع الكوب

وربما هذا هو السبب الذي جعلني ألتفت للنقطة الأخيرة


تتوقعين بعد ما نهدهم
بعد ماجروحنا
بعد ما تركونا


راح يذكرون حبنا ويتحسفون

يمكن ويمكن


كوني بخير
كوني بارتياح

Shaima'a Alkandari said...

حركات والله نجمتنا الحلوه

دوما ابداعج يتواصل

Najmah said...

مهندس الكويت
صح بدنك
:)


.
.


كويت
حبيبتي والله انتي
انتي الارووع
وتستاهلين اكثر :)
لوووووول لا لا انا كلش مو صوب السياسة
افا علييج ماسويت شي شدعوه
عزيزة وغااليه
وتسلمين حبيبتي :*


.
.


سوسو
صح بدنج
الله يسلمج 2 في 1
:P


.
.



قلب طفلة
الاروع دايما مرورج حبيبتي
ويسعدج يارب دنيا وآخرة
:)

Najmah said...

منو ينسى
اهلا اهلااا
حبتج العافيه :))
والله اعجابج شرف لي يالغالية
تسلمين لي :*
وبوجودج تضيء نجمة
:)


.
.


صالح للشعر
يشرفني اعجاب شاعر مثلك :)
شكرا جزيلا صالح


.
.



قصة خيال
انتي وينج ولهت عليييج :)
يمكن ويمكن
لكن القلوب الوفية نادرة بهالزمن
يكفينا شرف الوفاالاخلاص
ويكفيهم ذكرى الألم والجروح
:)


.
.



شيماء
حبيبتي والله انتي
دايما تنوريني
وتفرحيني :*

بـابـل said...

لا تلوم قلب التوى
..
ذابت أوردته حزن

::::

إنتى مرايا إحساسنا

وبس


بابل

Barrak said...

انا اسف علقت بالمكان الخطأ سأعيد التعليق بالمكان الصحيح

انا من زمان اقرالك وملاحظ امور وايده
ومنها يانجمه اسلوبك صار ابسط وأدق وروح المشاعر فيها تجلّي

تطور حسج الشعري كثيرا تميّزتي كثيرا
ماشاء الله
من اول قصيده شدتني وهي
لا تروح .. بعدي منك ما ارتويت

الى اخر قصيده
والوله ينثر رذاذه

الله عليج

بس شكلها المحاضره كانت لوعه

باغي الشهادة said...

تسجيل إعجاب

:-)

Najmah said...

بابل
:)
سعيدة بكلماتك
وبتواصلك الطيب
شكرا بابل


.
.


براك
كلامك كبير
اعتز فيه وبشرفني والله
وترى انتوا وتشجيعكم دفعتوني وايد
البلوق كان له تأثير كبير على كتاباتي وتطورها
شكرا لكم
شكرا على كل شي
شكرا براك
:)
المحاضرة سياسة وامم متحدة ومادري شنو
كلش مو صوبي :))

.
.


باغي الشهادة
حياك الله اخوي
يشرفني اعجابكم :)

charisma said...

:)
يا حلوها من محاضره الى اطلع كل هذا

اعجبتنى النهايه

تسلم ايدج
:**

Najmah said...

كارزيماا
يسلمج ربي ويخليج
سعيدة انا بوجودج العذب
لا خلا ولا عدم :*

ولد الديرة said...

تسجيل اعجاب على قولة باغي الشهادة


وطلب سِلفة مشاعر

:)

loco said...

very nice :)

مصعب said...

http://s-sh3r.blogspot.com/

Najmah said...

ولد الديرة
نتشرف باعجابكم :)
وللأسف المشاعر ماتتسلف
:))


.
.

لوكو
الاجمل وجودكم :)
شكرا


.
.


صالح للشعر
بالتوفيق :)

SHAHAD said...

كم اشتقت لكتاباتك كثيــــرا
اعجبتني وايد النقطة الأخيرة
متألقة يا نجمة
اسم على مسمى

Najmah said...

شهد
تو ما نور المكان
والله هالمكان وصاحبته اشتاقولج اكثر
:*
الله لا يخليني ياشهد