Thursday, May 1, 2008

رسالة في الجو

update:
ترى ايميلي انباق
شسوي؟ :\
.
.
حللت بالأمس على أرض دبي


ماتامروني على شي؟ :)


.


.


تململت في مقعدي بالطائرة


والدي منهمك في الحديث مع الذي يجانبه والخوض في الأمور السياسية


أخرج اللاب توب


وأبدأ في الكتابة


.


.


.


معلقة روحي


..


بين سماء وأرض

..


كتعلق انفعالاتنا بذبذبات الهواء
..


نتأرجح بين الأزمنة المختلفة

..

نرتفع تارة

..

ونهبط أخرى

.

.


أتفحص وجه الساعة

..

لأخمن للحظة المنتظرة

..

تضطرب فيني المساحات الواسعة

..

كم هي لحظات التخمين مضطربة في داخلنا

..

نخبأ فيها تناقضات أفكارنا

..

وفوضى مشاعر مبعثرة


.

.

.


حين غلب الغبار اليوم الفضاء

..

تذكرت عبارة قالتها لي يوما صديقتي

..

" إن كان في اليوم غبار يلفحني

فحتما .. غد يوم مشرق

"

لا زالت تتردد على مسمعي

..

أستقي منها أملا أرتشفه كلما جف منبعي

.

.

منذ أيام .. ومحاولاتي للتعلق بخيط الأمل باتت محبطة

..

لكني اليوم .. مشبعة بنبض يشرق

..

فهل اللحظات بدأت تقصر حتى يحين اللقاء؟


.

.

في بعدهم

..

يطول حساب الزمن

..

أفشل في اجترار ابتسامة مضيئة

..

ينكفئ الأمل بعيدا

..

يلوح لنا مودعا .. مع كل هبة للرياح

.

.

وفي قربهم

..

تنطوى المسافات

..

تقترب الأزمنة البعيدة

..

تكتسي الأيام فرحا منتشيا

..

ونحلق مندفعين .. في سماء لا حدود لها

.

.

بعد لقائهم

..

تتبدل فينا المفاهيم المحبطة

..

نخرج معبّأين بالأمل

..

تسكننا روح جديدة

..

وتولد من رحم اللآلام

..

أحلام تتراقص مع شعاع الشمس

.

.
أحتضن صورتك في كل الجوه يا أمي
..
أحصي كل دقيقة .. وثانية
..
أروي لحظاتي الملتهبة
..
ولا أفتأ عن الاشتياق يا أمي
.
.
.
نقطة أخيرة
..
إلى الغالية استكانة
..
لأن القلوب الطيبة لا تستحق إلا طيبا
..
ولأن البياض حين يصافح القلوب
..
لا ينطق سوى حبا ووفاء
..
ولأنك أعمق من غزارة حرفي
..
لا أملك سوى أن أقول شكرا
..
كنت فرحة تطل لتزهر أوقاتنا
..
كل عام والفرح طريقك
..
ودمت دافئة .. محبة .. وسعيدة
:)

39 comments:

Anonymous said...

وأنا من أمس أحاول أدزدز مسجات


ترى إذا ماكو رصيد أعبيلج
:P





بالسلامة يارب

أنا

Najmah said...

دزي على خطي الثاني القديم
دقيت عليج وانا بالمطار بقولج
بس جهازج مغلق
:)
ربي يسلمج

Salah said...

بالسلامة

ReLaaaX said...

نبي سلامة قلبج ... وتروحين وتردين بالسلامه ^_^

Najmah said...

صلاح
الله يسلمك من كل شر :)

.
.

ريلاااكس
الله يسلمج حبيبتي
لا خلا ولا عدم :)

~warda~ said...

في بعدهم
:
وفي قربهم
:
و بعد لقائهم

--
وكأن هذه المشاعر أختزلت في ثلاث
كلمات وحين
نقرأها كعالم له بعدُ آخر

رحلة سعيدة عزيزتي
وعودة سالمة بإذن الله

Kuwait said...

ترجعين بالسلامه حبيبتي ..
كلمات رائعه ..
متألقه دائما في كتاباتك ..
تقبلي مروري ..
kuwait

صبا said...

تروحين وتردين لنا بالسلامه يا رب

وديري بالج علي نفسج يالشيخه

وكلماتج دايما روعه ونور مثلج

روعه يا نجمه

:***

بالسلامه

Abdulla Al Ameri said...

مرحبا بج ملايين في الامارات

نورتي والله

5roofa said...

ترجعيييييين بالسلامة ياااااارب

كلاماااااات رووووووووعة حدها
امبي دايما عندج احس بشعور مو صج

و كل عام و استكانه بالف خيير ياارب

salamz sis...

7osen said...

تروحين وتردين بالسلامة إن شاءالله


البوست واايد عجبني

الكلام جداً مميز

خلاص إنتي صرتي من المدونات المميزة
ومن الناس إللى أحب أقرالهم وااايد

:)

أجمل التحيات

Shather said...

درب السلامه حيبيبتي :}


و رديلنا بسرعه

Super Woman said...

كلمات جميله
من قلب حنون
همسات راقيه
من انسانه مرهفه

دام احساسج الجميل


ترجعين بالسلامه يارب

والله يونسج بالعافيه

بصمة منـــارية (: said...

مممم .. ألا ترين يا نجمة أن البعد يعلمنا روعة الاشتياق .. و أن الانتظار يعلمن معنى الصبر و الاصطبار ..

قد ترحل الاجساد محلقة في افق السماء الواسع لكن القلوب و الارواح تبقى سابحة حيث وجد الاحباب و حيث يكون دفئ و حنان حضن الامومة ..

قد نبتعد جسدا لكن الروح لازالت في ذلك المكان يلملمها بحنان ذلك القلب الكبير .. و يحتويها ذلك الحضن الجميل ..

أمهاتنا تاج على الرؤوس .. سفر بدون أمي .. يعني اني راح اكون معلقة حتى يجتمع الجسد بالروح .. حينها تعود الحياة لتشرق من جديد بين جنبات ذلك القلب الكبير ..

الله يردج بالسلامة .. و مادري ليش حسيت اني ابي امي وولهانة عليها .. بروح المها ..

(:

Aldenya said...

بحجم المسافة بين الطائرة التى تحملك والأرض التى تحتك
أشكرك على هذه الكلمات الرائعة يا نجمه الحروف

تذهبين وتعودين سالمة بإذنه

:>

Qanoonya~6moo7a said...

تردين بالسلامة إن شاء الله
:)
===========
ما شاء الله
مبدعة إختي
كالعادة رائعه
الله يعطييج العافية
^_^
===========
و بالنسبة لسالفة إيميلج المبيوق شوفي إختي
إرسلي رساله حق شركة الهوتميل
service_x@hotmail.com
و كتبي لهم هالعنوان
PW VERIFICATION INFO ENCLOSED
و في نموذج يدزونه لج لازم تعبينه
إذا عبيتيه و خلصتي إرسليه لهم
و بعدين إهما راح يدزون لج مسج
و بعدين لمن ينرد لج إيميلج غيري السؤال السري و الدولة و غيري كلمة السر و يفضل تكون حروف و أرقام و علامات عشان يصير صعب عليهم إنهم يسرقونه
و تنشئين مجلدين بحسابج و تسمينهم و تحفظينها

بس لازم تكونين عارفه معلوماتج كلها
عشان يرجع بالنسبة للطريقة هاذي
هذا اللي أعرفه شوفي شيصير معاج إختي

فراوله said...

مساالورد والجوري
غاليتي الحبيبه
فلسفة العشق لها جمال لامتناهي
وفلسفة الفراق لها اسلوب عميق بالحزن المغلف بلذة الاشتياق
للقاء قريب
فالي هناك حيث الوجود
الجميل
...
تروح وترجعين بالسلامه
بتوحشينا
كثير
:**

5roofa said...

حلفيييي

وااااي مو خوش خبر شالسوالف ياربي للحين يبوقون ليش يعني شنو الهدف؟؟
:/

salamz sweet sis..

قلب طفله said...

تردين بالسلامه حبيبتي

و راااائعه كالعاده

ربي يحفظج

و حسبي الله على من باق ايميلج :(

Najmah said...

وردة
تسلمين حبيبتي
والله يسلمج من كل شر
وجودج بين كلماتي رائع
:*


.
.


الله يسلمج ياالغاالية
وجودج دايما الاروع
لا خلا ولا عدم :*


.
.


صبا
الله يسلمج حبيبتي
ان شاء الله :"))
وانتي الاروع يا احلى صبا
ربي يحفظج :*


.
.



الأستاذ بلاليط
منورة بأهلها والله
والله ماتقصرون :)


.
.



خرووفة
الله يسلمج بعد قلبي
انتي الاروع والله
واعجبتني شعور مو صج :))
الله لا يخليني

Abdulla Al Ameri said...

افا يعني مانباق الا يوم تزورين الامات الخبر كلش مو شي

esTeKaNa said...

...الغالية نجمة
!!
عندما تقرأ عيني كلمات اي بوست عند اي مدون اجد دائما ما يمكن قوله كتعقيب
لكن عندك
اجد كل كلماتي تضيع
وافتقد قدرتي على التعبير الدقيق عن كل ما يختلج خاطري من احساس
عندما أقرأك فأنا أقرا نفسي
وارى بين كلماتك نبضات قلبي
ابتسم
وليت للمدونات مرايا تريك وجهي كلما اومئت براسي وابتسمت
!!
هي النجمة وحده القادرة على التعبير عن تفاصيل الاحساس وووصف كامل الحدث بصورة براقه
مشرقه
كاشراق وبريق النجمة
دمتي لنا نجمة تنور كل المدونات
وقلب طيب نستقي منه الفرح
والاشراق
والتفاؤل
كل العمر وانا بخير بوجودكم
بطيبتكم
باحساسكم الذي يحتويني
وبجمال وجودكم في حياتي
:))
فرحت اكثر من ما تتصورين
واعذريني على التأخير
كنت اعاني من مشكله في الانترنت
:(
تروحين وتردين بالسلامة ويحفظك الرحمن يارب
:**

بـابـل said...

ولا أفتأ عن الاشتياق يا أمي

شوق الأم غييير

ياحلو فضفضة الجو

ويا صدق حروفك

وأبي صوغة قصيدة تكتبينها بدبي

مو بالكويت:)


ورحلة سعيدة إنشاء الله



وبس


بابل

Kuwait said...

لووووووووووووووووووول ..
انا بعد انباق قبل اسبوع ..
بس حده طاف ..
عليه بالعافيه الي باقه مالت عليه ..
عيزان يسويله يديد :P

Mok said...

لحظات القلق احسن عنوان:)

Najmah said...

حسين
الله يسلمك من الشر يارب
والله اعجاب مبدع مثلك شرف لي ياحسين
فرحني كلامك
الف شكر
:)


.
.


شذر
الله يسلمج حبيبتي
ان شاء الله :))


.
.


سهالات
وجودج اجمل وارقى يالغالية
ربي يسلمج ويحفظج ويخليج
يفرحني وجودج الطيب
لا خلا ولا عدم :*

Najmah said...

بصمة منارية
دائما متناقضات الحياة أساس احساسنا ومشاعرنا
صدقت عزيزتي بعد الاجساد لا يضر على القلوب
والارواح تبقى في عناق وان تفارقت الاجسام
..
اي رووحي لمي أمج :) الله يخليها لج ويخليج لها يارب
يفرحني وجودج الغالي
شكرا يابصمة :*

.
.


الدنيا
بحجم الدنيا كلهاا
اشكرج واقولج وجودج بين حروفي اروع وجود
ربي يسلمج حبيبتي
الله لا يخليني :*


.
.


منال
الله يسلمج ويعافيج حبيبتي
والله وجودج اروع :*
..
دزيتلهم ايميل من يومين وماردوا :(
الله كريم ويسهل ان شاءالله
مشكووورة يامنال

Najmah said...

فراولة
مساء الحب والغلا كله
الله يسلمج حبيبتي
وانتوا لكم وحشة اكبر
والدليل ماقدر استغنى عنكم حتى بالسفر
:)
وجودج غاااالي :*


.
.


خروفه
ماكو هدف :\
ناس فااضية
الله كرييم


.
.


قلب طفلة
الله يسلمج من كل شر حبيبتي
والله تواصلج الاروع
الله لا يخليني
شنسوي الله يعين :\


.
.


الأستاذ بلاليط
لا من قبل ما أيي بيوم احاول ادخل منه ماقدرت
وقبل يومين قالت لي رفيجتي ان واحد دش منه وكلمها :\
الله كريم
واستانست اهني وايد :))

charisma said...

ابيييج سالمه
تروحين وترجعين بالسلامه ان شاءالله

وبوست عجيب على صاحبته
:*

Najmah said...

استكانة
هلا يالغالية هلا
والله كل مرة لما ايي برد على تعليقج اتوهق :)
مادري شقول
كلامج كله على راسي
وصج انا فرحانة بمعرفة الناس الطيبة مثلج
جد وجودكم غالي
الله لا يخليني منج
وانا فرحانة اكثر لأنج فرحتي :)
ومابيننا اعتذار :**
وربي يسلمج من كل شر حبيبتي


.
.

بابل
اي والله غير :)
خلاص ان شاءالله
انا كتبت شوي بس ماكملتها
اكملها واحطها ان شاء الله :)
شكرا بابل


.
.

كويت
ياربي ناس فاضية
الله يعينهم :P


.
.

موك
حياك الله :))


.
.



كريزما
الله يسلمج حبيتي
وجودج الأعجب :))
منورتني :*

.
.


شباب الكويت
بالتوفيق :)

سيدة نفسي said...

تروحين وترجعين بالسلامة

:)

Najmah said...

الله يسلمج حبيبتي :)

the.thinker said...

بالسلامه ان شاء الله .. ديري بالج على نفسج .. وعلى البابا :)


الله يعينج على الرطوبه =)

U-Turn said...

تروحيين وتردين بالسلامه إن شاء الله

كلماتج حلوه :)

يسعدني دوما المرور بمدونتج ..,, حتى لو كنت ما أعلق :]

تدريين ليش ..؟؟
لان كل كلماتج تستاهل القراءه :)

تسلم إييدج
وما ننحرمش منك

Sn3a said...

نجمه
بوستاتج مادري تخليني بسرعه اقراهم
ابي اعرف شنو نهايه كل كلمه
وخاتمه كل بيت
جد اسلوبج بالكتابه وايد حلو
ويجذب بطريقه غريبه بطريقه تخلينا نعيد قراءه البوست جم مره وماندري شنكتب!

بالسلامه انشالله
مري على حناين اشتري شيلات للبلوقرات البنات:p
سلامتج يالغاليه



تستاهل استكانه
لان بلوقها كان واحه للكل
يقرا فيه اللي بداخله بدون ما يكون اهو كاتبه
ماشالله عليها

5roofa said...

نجمة شصار على ايميلج انشالله رديتي؟؟؟

طمنينا عليج خيتوو

salamz sis...

Najmah said...

the.thinker
الله يسلمك من الشر
ان شاء الله :)
والله ماكان وايد رطوبة الحمدلله :)


.
.


u-turn
الله يسلمج حبيبتي
انتي الاحلى والله
مرورج يكفي ان يفرحني وينورني حتى لو ماعلقتي :)
ربي يسلمج ولا يحرمني منج يالغاليه


.
.


سنعة
ياهلا بكل السنع :)
تدرين شنو تعليقج ونسني
كلماتج حسستني بشعور ماينكتب
جد اشكرج من كل قلبي
والفضل بعد الله لتواصلكم الطيب
الله لا يحرمني منكم
وافا عليج تستاهلوون :)
:*


.
.


خرووفه
بعد قلبي
صارت قصة وامس ردولي اياه بس تصدقين لما الحين خايفه :)
يالله الحمدلله
مشكووووورة :)

الخيلاء said...

رووعه

ما اقدر اعلق اكثر :)

و ترجعين لنا بالسلامه
استمتعي بوقتج

Najmah said...

الخيلاء
انتي الاروع يادكتورة المستقبل
:)
يسلمج ربي ويحفظج من كل شر
:*