Monday, May 5, 2008

صوووغة



baaack :)


هذي القصيدة كتبتها بدبي

بس آخر بيتين كملتهم اهني :)

.

.

ما جفا قلبي المحبة .. مانسى عشرة حبيبه
..
مارفع راسه وتكبر .. أو نوى جرح وعتاب
..
انت من بدّى التجافي .. وغرتك دنيا غريبة
..
تنزف أمطارك شحيحة .. وتنكر أفضال السحاب
..
صارت حروفك تكابر .. صارت النظرة مريبة
..
صارت الدمعة بعينك .. قطرة من غدر وسراب
..
مانويت البعد ياخذ .. بيننا وقته ونصيبه
..
ماهقيت أميال المسافة .. صارت أقصر بالغياب
..
أدري متعجب وحاير .. ظنّك الفرقا صعيبة
..
ظنك أرجع كل مرة .. شايل أشواق وعذاب
..
لو وصل حبك سمانا .. كثرة ذنوبك تذيبه
..
والخيانة ذنب أكبر .. من عفو ورحمة ومتاب
..
صعبة هالمرة أسامح .. وأشعل الصبح بمغيبه
..
ضاقت أيامي بغرورك .. وضاقت بجرحي الثياب
..
علمتني هالليالي..أضمد الجرح وأطيبه
..
وأطوي أحزاني وهمي .. في سؤال أو جواب
..
علمتني أرعى قلبي..وإن خطا بحبه أصيبه
..
أوزن احساسه وأصونه .. وألزمه درب الصواب
..
كم حضن قلبي بكاهم .. كم سمع شكوى نحيبه
..
ولا التفت ضايق بهمّه .. ما لقى غير الكتاب
..
الوفا لا صار غايب .. مانفع عمه ونسيبه
..
والكذب لا صار طبعك .. خاطري منك
طااااب

52 comments:

صبا said...

روعه يا نجمه

صعب اعلق علي كلامج

والله ما ادري شقول
اشويه عليج كلمة شكرا
تحياتي يامبدعه
تحياتي يا ملكه
تحياتي يا نجمه

صبا said...

اي صج نسيت اقولج خوووش

صوغه واحلي صوغه
وكثري من هالصوايغ
:))))
؛؛؛؛؛

والله يعوضج بايميل ثاني :(

Kuwait said...

وااااااااااااو ..
مبدعه بعد شقول اكثر ..؟؟
روعه القصيده والله ..
صج صج ..
ضاعت الكلمات وعجزت الحروف أن ترتسم لتسطر جمل أعبر فيها عن اعجابي بكتاباتك الجميله ..
بإنتظار ابداعج القادم ..
تقبلي مروري ..
kuwait

Kuwait said...

لوووووووووووووول توني أستوعب ان العنوان صوغه وهذا دليل اني اول ما أدش اندمج بكتاباتج وانسى حتى أقرا العنوان ..
مشكوره على الصوغه ..
وأحلى صوغه ..

mtfa2el said...

ما شا الله مستواج قوي
انصحج تزيدين قراية بالشعر العربي و تقرين بوزن الأبيات عشان تطورين مستواج أكثر

مصعب said...

هالمرة انا ارفع القبعة احتراما للكلمات الجميلة

لو سألتيني أعلق
قلت ما هو مستواي
هذه أبيات وقصايد
كلها حكمة و طيب

كلما جيت أتسلق
واتبع الوزن بخطاي
قالت حروفج تمهل
مالك بدربي نصيب

شاعره ماني بشاعر
والشعر ماهو ب(ماي)
تشربة سهل ونصيغه
الا بالعقل اللبيب

قلت آسف والله آسف
ما دريت انج معاي
انا بالفصحى أتغنى
وانتي للشعبي نصيب

تقبلي تحياتي

hamdool said...

all the best ya rb
وإنشالله نستمتع بالمزيد

`~MnO YeNSa! ~` said...

الله الله الله
يا
نجمة
هالمرة روعة

تنزف أمطارك شحيحة .. وتنكر أفضال السحاب

لو وصل حبك سمانا .. كثرة ذنوبك تذيبه


هالبيتين وايد يا نجمة صج صج من احلى ما كتبتي :**

خــــــــوش صوغة

Lavender said...

الحمد الله على السلامه ..ونورتي الديره :)


و تسلميييييين على الصوغــــــــة :*

7osen said...

فعلاً نجمة ومتألقة

والله روعة الكلام تسلم إيدج

عجبتني القصيدة وااايد
ماشاءالله عليج
وايد صعب كتابة هالنوع من القصايد
إللي فيها جرس موسيقى ووزن
لكن إنتي بدعتي والمعنى أروع وأجمل

..
الوفا لا صار غايب .. مانفع عمه ونسيبه
..
والكذب لا صار طبعك .. خاطري منك طااااب

صح لسانج والله
وصدقتي
الوفا لا صار غايب
مانفع عمه ونسيبه
والكذب لاصار طبعك
خاطري منك طاب

روعة

Najmah said...

صبا
انتي الاروع والله
مرورج الغالي يفرحني
تسلمييييين والله
وتستاهلوون اكثر ;)
مشكوورة يالطيبة صباا
وايميلي ردولي اياه الحمدلله :)


.
.



كويت
ياهلا والله
حبيبتي والله
انتي الاروع ووجودج يكفيني
يسعدني اعجابج ياكويت
تسلمين لي يالغاليه
..
لوووووول
احم احم احرجتيني : )
تستاهلوون اكثر والله :*
منورتني


.
.


متفائل
اهلا وسهلا
والله قاعدة أحاول وان شاء الله :)
شكراا يامتفائل


.
.


صالح للشعر
تعليقك اسكتني :)
وجوود شاعر بين حروفي يشرفني
كل الشكر لك ياصالح
وعلى الابيات الرائعة
تمنياتي لك بالتوفيق دايما :)

Najmah said...

hamdool
حياك الله اخووي :)
شرفتنا ونورتنا
تسلم والله

.
.


منو ينسى
ياهلا وغلا والله
انتي الاروع والاحلى حبيبتي
سعيدة انا بوجودج الغالي
شكرااا :**


.
.



لافندر
اهلا وسهلا نورتيني :)
الله يسلمج حبيبتي
منورة بوجودج
وتستاهلين كل غالي :)


.
.


حسين
الله يسلمك من كل شر
والله وجودكم اني وتواصلكم وتعليقاتكم وتفاعلكم مع حروفي الاروع دايما
سعيدة انا بهالتواصل
والابداع عندكم ياحسين :)
صح بدنك
وشكرا جزيلا لك

Shaima'a Alkandari said...

الله علييييييج يانجمتنا الحلوه

صج مبدعه حتى وانتى هنااااااك كتبتي شي حلووو

ورجعتي وكملتي الاروع

تسلم الايااااادي اللى خطت ولاتحرمينا من ابداعاااتج يالغاليه

الخيلاء said...

نجمه شوي شوي على قلوبنا :)

ترى مانتحمل كل هالمشاعر
الله يعين قلبج ..

واايد عجبوني هالابيات

علمتني أرعى قلبي
وإن خطا بحبه أصيبه

أوزن احساسه وأصونه
وألزمه درب الصواب

الخيلاء said...

صج الحمد الله عالسلامه

سوري اندمجت بالكلام و نسيت

:P

~warda~ said...

قمة الابداع .. رائعة أبسط كلمة
ممكن ان تقال بحقك عزيزتي

لؤلؤة said...

نجمة
شعر موزون..وله رنة
تسلمين
ونورت دبي فيج
:)ا

SolaimaN said...

الوفا لا صار غايب .. مانفع عمه ونسيبه
والكذب لا صار طبعك .. خاطري منك طاب

:)

خاتمه خطيييييييييييييييرة

باغي الشهادة said...

أبيات روعة عجيبة
كلها رقة وطيبة
وماهي منك غريبة
نجمة فارسة كتيبة
والعربي يأخذ إن شاءالله نصيبة



العربي مقابل العامي
:-)

the.thinker said...

صح لسانج :)

وتسلم ايدج

Selezya said...

صح لساانج والله

هالبيت عجيييييب
لو وصل حبك سمانا .. كثرة ذنوبك تذيبه
..
والخيانة ذنب أكبر .. من عفو ورحمة ومتاب

Super Woman said...

اختي نجمه


كلمات راقيه

حروف جميله

قصيده متميزه

دايما انتي مبدعه بكتاباتج وترجمة احاسيسج



اتحفتينا

5roofa said...

امبي انتي شي مو طبيعي

يعني مشاعر من قلب موو صجججج

خليتني اعيش جو مو طبيعي و كسرتي قلبي

والله مادري شصار فينيي

مشالله عليج رووووووووووعة

salamz sis...

قلب طفله said...

الوفا لا صار غايب .. مانفع عمه ونسيبه
..
والكذب لا صار طبعك .. خاطري منك طااااب

*************************

صح لساااااانج

قمة الروعه و هالشي

موغريب عليج نجمتنا

الحمدلله ع السلامه و تسلمين ع الصوغه

^_^

بـابـل said...

صباح الورد

الحمدلله عالسلامة

كنت منتظر الصوغة على نار

بس صراحة ماتوقعتها بهالحلاوة


قصيدة روعة


وتحرك إحساس الصخر



وهالبيتين لمسو قلبي
حيل
::::
صعبة هالمرة أسامح .. وأشعل الصبح بمغيبه
..
ضاقت أيامي بغرورك .. وضاقت بجرحي الثياب
..
:::

ياريت كل يوم تسافرين وتييبين لنا مثل هالصوغة الغالية



يسلم هالأحساس الطااااغي



وبس



بابل

ولد الديرة said...

قلت بسير اشوف شعندج

وش هالرمسه الحلوة :)

Anonymous said...

حس الأبيات كأنها
نظره من عين ٍ عذيبه
ماوعيت بسحرها
إلا سلسبيل منساب

إن جاريتها بيتين
الثالث من وين أجيبه
نجمه إتلالا بالشعر
وأنا اللي شعري شاب

jasem

قلم حبر said...

وااااو واااو واااو
روعة يا نجمة ماشالله كلمات ابداع واحساس اروع واروع
ترى طبعته وعلقته بمكتبي :)
حبيت التشبيهات المجازية والخيال الواسع الى تملكينه حلو
للأمام سر :)

sologa-bologa said...

مانويت البعد ياخذ .. بيننا وقته ونصيبه
..
ماهقيت أميال المسافة .. صارت أقصر بالغياب


هذا بيت القصيد
:)

جميل جدا

ودمتم بحب وود

الزين said...

الوفا لا صار غايب .. مانفع عمه ونسيبه


أخيييييييه يا نجمتي

حسيتي فيها شكثر طالعه من قلبي

:**

أنا شكلي ببطل اكتب واكتفي بالقراءة لج

Peace said...

كما ان هناك حدا لكل شيئ

فللمسامحه كذلك

حد

فريج سعود said...

البيتين الاخيرين تأثروا بالبيئة

Najmah said...

شيووومة
حبيبتي والله عيونج الحلوة
ووجودج الاروع :*
الله يسلمج يالغاليه
لا خلا ولا عدم يارب :*


.
.


الخيلاء
زودتها عليكم؟
شسوي بقلبي :))
انا مستانسة لأنها اعجبتج يادكتورة المستقبل :)
والله يسلمج حبيبتي


.
.



وردة
الابداع عندج ياوردة
فرحانة بوجودج العطر
:*


.
.


لؤلؤة
الله يسلمج حبيبتي
منورة بأهلها والله
حيااج يااللؤلؤة :)

.
.



سليمان
وجودكم الاخطر :))
شكرااا سليمان

Najmah said...

باغي الشهادة
ياهلا والله
كلماتكم الاروع :)
ومحاولاتي بالشعر العربي لازالت نادرة جدا مع ان قراءتي للشعر العربي أكثر من العامي
وان شاء الله احط لكم احدى حاولاتي :)
شكرا جزيلا على هالكلام الطيب


.
.


the.thinker
صح بدنك
والله يسلمك من كل شر يارب
شكرا :))


.
.

سيليزيا
صح بدنج والله
انتي الاعجب ياسوسو
منورتني :))



.
.


شلالات
امبيييييييييييه
حده منقص ويهي
تدرين ان توني استوعب ان اسمج شلاشلات
كنت اقراها سهالات :P
امبييييه مادري شلووون
لازم اسويلي فحص نظر شكلي عيزت
:P
وجودج الارقى والاجمل حبيبتي
تسلمين لي ياشلالاااات :))

وردة حب said...

ابدااااع ياعسل كالعادة

U-Turn said...

الحمد الله على السلامه تو ما نورت الديره :]

صــح لسانج
وتســلم إييدج

القصــيده أكبــر من أني أعلق عليــها بكلمتيين

:]
يعطييج العافيه
وعساج على القوة

The Voice Within said...

عافك الخاطر!

قوية انت باحساسك بشموخك بعباراتك

خلج جذيه على طول

و تسلم ايدج

loco said...

yah yah kentay zayratna :P
very nice walla!

Barrak said...

عجبه الصوغه

بس ليش الابيات المكتوبه بدبي

احلى من اللي انكتبت بالكويت ؟

Najmah said...

خروووفة
ياهلا بالأبلة الغاليه
ياحبيبتي والله
انتي الاروع وقلبج رهييف :)
اسم الله عليه من الكسر
عسى مايذوق الا الفرح
منورتني ياخروفه
:*


.
.

قلب طفلة
صح بدنج حبيبتي
ووجودج وتواصلج الاروع
ربي يسلمج من كل شر
ولا يحرمني منج :*


.
.

بابل
صباح النور والسرور
الله يسلمك من كل شر
يفرحني انها اعجبتك والله :)
تسلم بابل
وجودك وحروفك دايما الاروع
شكرا جزيييلا :)

.
.


ولد الديرة
لووول :)
شكرا شكراااا


.
.


جاسم
اهلا وسهلا
اتحفتني بأبياتك الروعة
بالفعل اتشرف بهالمرور الطيب
شكرا لك ياجاسم
اتمنالك كل التوفيق :)

Najmah said...

قلم حبر
ياهلا والله
وجودكم الاروع ياقلم
والله يشرفني :))
تسلم ماقصرت
:)


.
.


سلوقا بلوقا
اهلا وسهلااا
وجودك اليوم الاجمل
شكرا ياسلوقا
ودمت بحب وود :)



.
.


الزييين
ياهلا وغلاا والله
حسيييت والله حسيت
واسم الله عليج وعلى قلبج من الآخ
:**
لااااا
اذا فكرتي تبطلين كتابة ترى انا راح اعتزل معاج
من الحين اقولج :)


.
.


بيس
صح لسانج
:)
منورتني ياحكمة اابلوقرز :*


.
.


فريج سعود
لووووول
شلون يعني تأثروا؟
:)
حيااك الله اخوي

Najmah said...

وردة حب
تسلمين لي ياعسل
:**


.
.


U-TURN
الله يسلمج حبيبتي
منور بوجودج والله :)
صح بدنج
ويسلمج ويعافيج ويخليج يالغاليه
لا خلا ولا عدم :*


.
.


The Voice Within
اهلا وسهلا
الله يسلمك
وانا منكم ومن حروفكم استمد قوتي
:)
شكرا جزيييييلا


.
.

لوكو
والله كانت زيارة حلوة وممتعة :))
والاحلى هالوجود الطيب
الف شكررر


.
.


براك
هلا والله
ممم مادري
هناك كان عندي وقت اقعد بروحي
وكان عندي وقت اتفرغ حق مشاعري
بس ان شاء الله القادم بالكويت احلى :)

mantovani said...

جذي تسوي دبي

عيل لو رايحة لوزان -سويسرا

شنو راح يصير ؟؟

تحياتي و الحمدالله على السلامة


مانتوفاني

78o8eYa said...

من عنا لنا .. يستاهل العنوه
حبيب وغالي .. وشوفته منوه
:**

الحمدالله على السلامة
وأروع من هالصوغة
محد يقدر اييب

تسلم الأيادي يا النجمة

كالعادة، أقرالج
وما اقدر أعبر
:$

ربي يحفظج
:*

Mok said...

مبدعة

Aldenya said...

صوغة
احلى صوغة
من احلى نجمه
احاسيسج ان انكتبت
صارت كنز والله

~FaHaD iN MiND~ said...

7ayakom allah eb my blog .. this is my first post atmana ena ya3jebkom :)

Anonymous said...

وألقت عصاها وأستقر بها النوى

كما قرّ عينا بالإياب المسافر


الحمدلله عالسلامة ... كلمات جميلة

فراوله said...

مساالورد والجوري
غاليتي الحبيبه
الحمدلله علي السلامة
وانشاءالله كانت الرحلة
حلوه مثلج
:))
وحروفج انت تدرين انها لها له عجيبه
يستسيغها القلب
بكل لحظة وحين
:**

Mamloo7a Q8ia said...

الوفا لا صار غايب .. مانفع عمه ونسيبه
..
والكذب لا صار طبعك .. خاطري منك طااااب
الله الله ابدعتي ما شاء الله عليج
تسلم الايادي
والحمدلله على السلامه

Najmah said...

مانتوفاني
لوووول مادري :))
الله يسلمك من الشر
شكرا للمرور العطر

.
.

حقوقية
يااااااهلا وغلااا والله
تو مانور المكاان :)
الله يسلمج حبيبتي
تسلمين لي والله
مرورج ووجودج يكفيييني :*
لا خلا ولا عدم

.
.


موك
بوجودكم :)
شكراا


.
.


الدنيا
انتي الاحلى والله
وانتوا اكبر كنز يالدنيا
:*

Najmah said...

~FaHaD iN MiND~
حياك الله اخوي
:)
بالتوفيق


.
.


محسد
ياهلا والله
الله يسلمك من الشر
الاجمل تواجدكم
شكرا



.
.


فراولة
مساء النور والسرور
ياهلا وغلا والله
الله يسلمج حبيبتي
الحمدلله :)
وانتي الاحلى والله
تسلمين لي يا اغلى فراولة
:*


.
.


مملووووحة
الشمس من وين طالعة :)
ياااااهلاا
شلونج ولهنا عليج
ربي يسلمج حبيبتي
منورتني :*