Tuesday, May 20, 2008

لك الله ياقلبي


qiyadiya

البوست اهداء حقج

لأني طول ما اكتب انتي على بالي

ذكريني اقولج ليش ;)


.

.


تدور عيني بصفحات الكتاب

أقرا كلمتين

وأرسم على جانب الصفحة نجمتين :)

أحاول بكل جهدي أركز بدراستي

وايدي مصرة تفتلت وتوديني عالم ثاني


استسلمت أخيرا

قلبت الصفحة

وكتبت

:



لك الله يابحر وافي

تصفف موجه الأحزان

..

يسلي ضيقة العابر

ويروي الدمع شطآنه

..

يداوي عبرة المحزون

ويهدي اللولو والمرجان

...

يجافي رجفة الخاطر

ويحضن لحظة بردانة

...

لك الله كم بكى موجك

وجفّت غيمة الأجفان

..

دفنت أحزانك برملك

وضحكت تشاغب أزمانه

..

لك الله كم بشر خانك

رمى في صدرك البركان

..

فرشت الورد بدروبه

وحصدت الشوك بأغصانه

..

أسرني الطيب في حضنك

لعبني طيشك الولهان

..

أصدّ الشوق بضلوعي

وترسم طيفه وألوانه

..

يغض الطرف ياقلبي

وطرفي بالنظر مليان

..

كسرني الشوق بحروفه

وتاهت روحي بأوطانه

..

لك الله يابحر قلبي

يانبضٍ بالتعب ريّان

..

يعاني حبك جروحه

ويعاني الجرح تحنانه

.


.


.


نقطة أخيرة

" بلحظة يولد ذلك الميل المترفع عن جميع الميول

ذلك الانعطاف الروحي الذي ندعوه حبا"

(جبران)

34 comments:

ولد الديرة said...

ولنا الله جميعاً

تهقين جبران لو نازل بالدايرة الخامسة

اييب 7 اصوات؟

مصعب said...

يخرب بيتج !!!




أوف آسف آسف والله مو قصدي بس صج عجبني كلامج
معقولة انتي كاتبته؟
لو قايلة لي فهد العسكر راح اصدق
عشت مع قصيدتج عدل لأنها مثلتني بأكثر أبياتها
انتي نادره يا نجمه
اعتذر مره اخرى:)
تحياتي

Super Woman said...

الله الله يا نجمه


هالمره غير مادري ليش

حسيت انج متمكنه من الوزن
صج الكلمات معبره .. احساس غريب


عجبتني كلمه قلتيها


يسلي ضيقة العابر

ويروي الدمع شطآنه


اي والله يروي الدمع شطآنه


ابدعتي هالمره

QiYaDiYa said...

e7m e7m :$

شكرا على الاهداء ..
وايد ونسني ;D
ياااا بختي كنت على بااالج ..
لازم تقوليلي ليش ..
ضروري جدا ;p

------------

و ما اجمل ان تفتلت اليد ..
لتسطر لنا هذه الابداعات ..
و هذه المشاعر و الاحاسيس ..

متميزة دائما في كتابتك ..
تخرج من القلب لتصل الى قلوبنا..

;)

Brilliant said...

" بلحظة يولد ذلك الميل المترفع عن جميع الميول


ذلك الانعطاف الروحي الذي ندعوه حبا

كلمات جميلة
:)
و مبين إنه متعوب على الألوان.. في البوست
:)

الزين said...

ما بعد كلامج كلام

ولا عقب ما قريت هالبوست يزين بعيوني بوست غيره

:**

Anonymous said...

دائماً أستنشق من كلماتك الشي الكثير
الذي يمسني بالذات لـ ذلك قد أتعمق كثيرا بـ لكلمات حتي أنسى ماذا أريد أن أكتب بالتعليق فأهرب :)

شكـراً نجمة
أسم علي مسمى فعلاً

Najmah said...

ولد الديرة
لوووول
ذابحتكم الانتخابات
مادري ماعندي خبرة بالدائرة الخامسه
:P

.
.



صالح للشعر
لوووووول
اسم الله على بيتي
:)))
ليش ترى بنات الكويت موهوبات بس مدفونة مواهبهم ^_^
شكراا على هالتواصل الطيب
سعيدة جداا فيه :)

.
.


شلالات
ياهلاا وغلاااا
والله قاعدة احاول اقرا اكثر عشان اتمكن من الوزن واتمنى فعلا يصير هالشي
اعجاابج يفرحني ويشرفني
ووجودج الغالي ينورني
تسلمين لي يالغاليه

Najmah said...

قيادية
عفوااا
تستاهلين والله انتي :)
ايي ان شاء الله :)
..
وجودج وتعليقج له مكانة خاصة
:)
تسلمين ياقياديتنا
:*


.
.


Brilliant
وجودكم اليوم هو الاجمل
:)
شكرااا لك


.
.


الزين
ياهلا بالزين كله
جملتين وصلوني السما
انا من حروفج اتعلم
من كل قلبي مشكووورة :**


.
.


خالد
وجودكم يكفيني
حتى وان كان التعليق فارغا :)
الشكر لك ياخالد
حروفك اسعدتني كثيرا

باغي الشهادة said...

عدم التركيز عامل مشترك.. أعوذ بالله منه
:-(


ّلكن ما أشعر، أخط
:-)

Anonymous said...

أصدّ الشوق بضلوعي
وترسم طيفه وألوانه
..
يغض الطرف ياقلبي
وطرفي بالنظر مليان


مليان على الآخر
:)

يا كثر ما يصبر هالقلب


أنا

الخيلاء said...

الله يعين هالبحر
شايل هموم البشر
و محد شايل همه



نجمه انتي فعلا نجمه باحساسج
و كلماتج الي تودينا بعيد

:)

Aldenya said...

لك الله كم بكى موجك
وجفّت غيمة الأجفان


هالمقطع
عن ألف معنى ومعنى


نجمة
ودي أصفف لج كلمات الاعجاب والمدح
لكن
وانا أكتب الرد
تنمحي التعابير
والسبب
وصفج يفوق الكلمات

:>

5roofa said...

امبي نجمه

انتي شلووون تكتبين جذيي

يعني امبي امبيييييييييي مو طبيعي الكلام الي تقولينه طرت طرت والله شعور مو طبيعي

دايما اكون عندج غيير

فنااااااااانه حدج مدج صج صج صج فنااانه

salamz 7elwa...

honey said...

كل حاولي تدرسين
ما يغشمر شعرج بالصميم معانيه
الله إوفقج بالغمتحان و و بين فتر و فترة قلبي الورقة عشان نقرا مثل هالكلام

the.thinker said...

عيني عليج بارده :) ماشاء الله عليج

شنو هالابيات ،، حدها رووعه

اختصرتي مياه البحر في الكره الأرضيه :)ومشاعر الناس تجاه البحر بهالابيات الجميلة .

تسلم ايدج والله

dalal said...

شلونج نجمة شخبارج

خووش شعر

كلمات عذبة واحساس مرهف

ماشاءالله

ولهت عليج يا نجمة وعلى شعرج

تحياتي

مصعب said...

نجمة
عندي سؤال
راح تنزلين ديوان شعر؟
واذا نزلتي، راح يكون باسمج الصجي والا باسم "نجمة"؟
بس هذا اللي عندي

قلب طفله said...

لك الله كم بكى موجك
وجفّت غيمة الأجفان
..
دفنت أحزانك برملك
وضحكت تشاغب أزمانه

***************************

مبدعه يا نجمه

و كلمة مبدعه شويه عليج

صج لسانج و تسلم ايدج

و موفقه بدراستج خيتوو

دمتي بحب

Najmah said...

باغي الشهادة
والله التركيز وصفاء الذهن صعب
الله يسهل ان شاء الله
ويوفقك بمخطوطاتك :))

.
.


غير معرف
اييي حده ملياااان :))
وماله الا الصبر ياوخيتي
miss yoy :*


.
.


الخيلاء
اهلييين شلووونج
سعيدة انا بوجودج واحساسج
تسلمين لي يالخيلاااء
وعساج دوم مرفوعة الراس :))

.
.


الدنياا
ذوقج نفس ذوقي :)
صدقيني
وجودج اهني يكفيني
واحساسج يغنيني عن كل الكلمات
الله لا يخليني
:*


.
.


خروووفة
لووووووول
مثل ما تكتبين القصص الخطيرة :))
بعد قلبي انتي
عساج دوم طايره :))
منورتني ياخروفة

Najmah said...

شهد
ياااهلا وغلاااا
انا صار عندي مبدأ
الهروب من الدراسة فنووون :)
اجمعين حبيبتي
ان شاء الله انتي تامرين :))


.
.


المفكر
ياهلا والله
وجودكم الاروع يااخوي
ربي يسلمك من كل شر
وسعيدة انا بهالتواصل


.
.


دلاال
اهلييييييين من وين طالعه الشمس اليوووم
:)
انا بخيير عساج بخير
ولهت عليج والله
انتي شخباااارج
وجودج اليووم فرحني وااايد
لا تخلييين :)


.
.


صالح للشعر
ان شاء الله الفكرة موجودة بس التطبيق يبيله وقت :)
واذا نزل .. باسمي الصجي :)


.
.


قلب طفلة
ياهلا وغلاااا
الابداع عندج انتي
:)
صح بدنج وربي يسلمج حبيبتي
ويوفقج دايما ياااارب
نورتي :*

Shaima'a Alkandari said...

مبــــــــدعه


نجمع ضوء ساطع من بعد ومن خلال هذه المدونه ابحرت ببحرك واستمتعت باشعتك الرائعه الساطعه

5roofa said...

نجمة انا ما اكتبهم جذي بحلات اشعارج

والله انتي يقطرون عسسسسسسسسسسسسل

salamz sis...

dalal said...

توله عليج العافية

وانا بخير الحمدالله

وانشاءالله ما راح أخلي

:)

Anonymous said...

مثلت عينك في حشاي جراحة
فتشابها ... كلتاهما نجلاء

~warda~ said...

(لك الله كم بشر خانك


رمى في صدرك البركان)




الله ...
نحمة يانجمة ياعسولة :)

لكِ مني :*

مصعب said...

نجمة
لأنني احب الشعر ، فأحب أن أقرؤه بحالته الكامله وفي قمة جماله
لذلك سامحيني ان تطفلت على بعض ابياتك وأخبرتك بما فيها من ملاحظات في الوزن

هناك بوست قديم للشعر الذي كتبتيه في دبي على ما أظن
في آخر بيت هناك تفعيله ناقصة تقولين
خاطري منك طاااااب
يحتاج الى زياده في زمن الشطر
يعني على وزن مثلا خاطري منك عذاب
شكرا

ملاحظة
تعليقك الأخير على مدونتي أصبح جزء من الموضوع:)

Kuwait said...

روووووعه يا روعه ..
بس ليش هالمره الأبيات بسرعه خلصت ؟؟
مو جنه قصيره ؟؟
والا عشاني مستمتعه ومندمجه حسيت القصيده صغيره ؟؟
والله ما أدري ..
بس صج صج كتاباتج تعجبني ..
ويقولون المحبه من الله وانا حبيتج وحبيت كتاباتج ..
من جم يوم كنت أحوس بكتاباتج السابقه وأقرى ..
وصلت عند قصيدة كتبتيها للكويت بتاريخ 26 فبراير ..
إستانست وانا اقراها ..
حسيتج تتكلمين عن الكويت حبيبتي وتتكلمين عني ..
صج صج مـبدعه ..
ويمكن بعد الي خلاني أصدق روحي أكثر وأحس ان القصيده عني
هي كثرة تكرار اسم "كويت " لوووول ..
يعطيج الف عافيه حبيبتي ..
وإعذريني على التأخير ..
والمره اليايه اول ما تنزلين بوست بليز علميني ;)
تقبلي مروري ..
kuwait

Najmah said...

شيماء
ياهلا بالنور كله
حروفج تخليني اشوف الشمس
بكل لحظة :)
تسلمين لي يالغاليه

.
.


خروفة
بعد قلبي والله انتي العسسسسسسسل
:*


.
.


دلال
الله يعافيج
دوم ان شاء الله :)
مشكورة حبيبتي

.
.

محسد
البيب راائع
شكرا لوجودك الراقي

Qanoonya~6moo7a said...

السلام عليكم

الله يديم هالإبداع
و يمكن إبداع شويه عليه
كلمات تدخل القلب بسرعه
و تعبر عن معاني رائعه
^_^
ما عندي تعليق صراحة

الله يعطيج العافية
و يبارك فيج
:)

Najmah said...

وردة
انتي العسولة ياوردة
من كل قلبي شكرا
:*


.
.


صالح للشعر
بالعكس
يسعدني هالشي
شكرا جزيلا على هالافادة
وشكراا على اضافة ابياتي البسيطة لموضوعك الرائع
شكرا ياصالح :)


.
.

كويت
اهليييييين
لوووول مادري
ولا يهمج المرة الياية اطول :)
والله مادري شرد عليج مادري شقول
صج صج صج
كلماتج ومشاعرج فرحوووني حيييل
وصلتيني السماااا :)
شعورج متبادل يالغاليه
..
لووووووووووووول
افا علييج
تستاهلييينهاا حبيبتي
من قلللبي مشكوووووورة
وربي يعافيج من كل شر
وتامرين امر :)

Najmah said...

منال
وعليكم السلام والرحمه
تسلمين والله اختي الغاليه
يكفيني مرورج الطيب
وربي يعافيج حبيبتي
:)

7osen said...

نجمة

شقولج

الشعر روعة أروع من ماكنت أتصور

سهام الكلمات تنطلق مباشرة وتصيب الهدف مباشرة إلى الروح

ما أجذب عليج إني بالحالة إللي كنت فيها لما قريت قصيدتج
حسيت بمطر تجمع بعيوني مطر الاحساس

يداوي عبرة المحزون
ويهدي اللولو والمرجان
...
وينه هالبحر ؟؟


أصدّ الشوق بضلوعي
وترسم طيفه وألوانه

أي والله يرسم طيفة والوانة

للشوق بين الضلوع رجفة
صعب يتحملها القلب

كنت أقول حق بابل أحياناً لما اقراله قصيدة أرتجفت من كلماتك

نفس الحالة حسيتها بين حروفج

مبدعة بكل معنى الكلمة
وشاعرة بالفعل شاعرة

واصلي طريقج

Najmah said...

حسين
انا اللي حسيت برجفة احساسي من تعليقك
صج صج كلماتك لها تأثيرها
الابداع عندك ياحسين
وانا اتعلم منكم
كل الشكر لك
ويفرحني حيل تواصلك :)