Monday, June 2, 2008

هذاك أول


كان عندي امتحانين اليوم .. الأول الساعة 8 والثاني 12ونص
أمس طول الليل ماقدرت أنام وايد كنت قاعدة احاتي
لأني صج الايام اللي طافت حطيت كل حيلي بهالمادتين
لأن مجموع أعمالي الفصلية فيهم 50\50
A فما ابي اطلع منهم بأقل من

..
المهم امتحنت الامتحان الأول وكان سهل الحمدلله وبعد ماطلعت
رفيجاتي قالوا بنروح نتريق وبما اني مااعرف آكل قبل الامتحان

قعدت اكتب

:

هذاك أول .. إذا شفتك .. يغيب الهم..وأرد أضحك
يودعني عذاب اليوم ... وتسكن رعشة أطرافي


هذاك أول


اذا نادتني عيونك ... اصير الرمشة لجفونك
أسلي دمعك المخنوق .. وعينك داري ولحافي

!

هذاك أول

اذا ضاق التعب فيني .. ومات الورد بسنيني
لقيتك قلب أشكي له ... وقلبي بالحزن غافي

!

هذاك أول

أعاتب نظرة اخواني ... ورجفة تملي أشجاني
أعاند عقلي واحساسه ... وأبرر ظلمك الجافي

!

هذاك أول

!

توقعت الوفا فطرة .. وظنيت الغدر جمرة
تخيلت الهوى فينا .. في برد الشتا دافي
!


تخيلت العمر أشواق .. ورسمة تزيّن الأوراق
تخيلت الوله غيمٍ .. يهل بهالسما صافي

!

وكانت صدمــة الأزمان
طلع كله .. خيال انسان
وقلبــي ماطلع خوان
وقلبـك ماطلع وافي

!

..
وسلامتكم..
والحمدلله على سلامتي
مادري شلون الله حفظني ورديت البيت سالمة
وانا رادة الساعة 2 دخت وقمت اشوف بنص عين
اول ماوصلت عند باب بيتنا جان اطيح :\
شمس الكويت مو طبيعية

22 comments:

Anonymous said...

يا سلااام عليج يا نجمة والله مبدعة

الحمدلله عالسلامة وديري بالج


هذاك اول

اشوفك يختفي همي .. واحسك قربي ويمي
اثاري قلبي المسكين .. يحسبك ثوبي الضافي

Salah said...

Nice she3er as always.

All the best with your exams.

Super Woman said...

نجمه ؟؟؟؟؟؟؟؟

اول شي
ولهااااااانه عليج


ثاني شي

ما يزين الكلام الا وقت الامتحانات



ثالث شي

خنقتني العبره مادري ليش ؟؟


اذا نادتني عيونك ... اصير الرمشة لجفونك
أسلي دمعك المخنوق .. وعينك داري ولحافي

وايد أثر فيني هالبيت
وااااايد

الصراحه حسيت كلامج واقع !!
حسيت جنه وحده جدامي تقوله حق واحد



وايد حبيت هالقصيده وايد




رابع شي

ديري بالج على نفسج
وهذا مو من الشمس حبيبتي
هذا من قل النوم والاكل

انا اقول روحي شربي عصير برتقال احسنلج

5roofa said...

امبيي سملة علييج ما تشوفين شرر

و كلماتج امبي نجمة لازم اقعدمعاج قعدت صراحه قاعده تعذبيني في بوستاتج هالايام

والله قلبي يخفق يخفق بجيت طبعا ما يحتاي اقووولج

ذبحت عمري من البجي بس بعدين هديت و قاعده اكتب الكومنت حاليا لول

اهم شي انه ابي اقعد جلست صراحه تحسين مخي ضارب لول

موفقه يالغالية و طمنينا عليج و ديري بالج و اكلييييييييي

مو زين تروحين على معده فاضية

salamz sis...

بعثرة مشاعر said...

عاد اليوم بالذات شمس مو طبيعيه
انا طالعة الظهر أحس اني قاعده اسيح جني قاعده بسونا حتى سويج السيارة يلسعني

سلامتج ماتشوفين شر


و الكلمات روووعة

و أنصحج تتريقين قبل كل شي
عشان يتفتح مخج و ماتحسين بخمول
لو كوب حليب بس

:)

dalal said...

:)أيام الامتحانات قبل

انراجع بس ساعة انا ورفيجتي بستاربكس العديلية من صباح الله خير

:) يا فتاح يا عليم

وعقبها تمشييييي على البحر لين حزة الامتحان

واذا الامتحان الساعة 8 الله يخلي حلوم قرطبة :) وبيبسي

كانت أحلى أيام

موفقه نجمة

Aldenya said...

سلامات يا نجمة الكلمات

,,

نجمة
شاعرتي المفضلة
تدرين شنو اتمنى
كتاب بقصايدج
لأنه فعلا
تملكين قلم ,, وأحاسيس مميزة وخاصة
صح إلسانك وتسلم دياتج
والله يوفقج بامتحاناتج

Najmah said...

محسد
هلا والله
الله يسلمك من كل شر يارب

اللـــــه
واايد حلوو
اثاري قلبي المسكين .. يحسبك ثوبي الضافي
بالفعل ابدااع
صح لسااانك :)


.
.


صلاح
شكرا جزيييلا :)


.
.


شلالاات
اهلييييييييييين
ولهت عليج العافيه بعد قلبي والله انا بعد
تصدقين والله لما كتبته ييتي على بالي قاعدة اقول فقدتها اكيد مشغولة بالدراسه عسى الله يوفقج :*
ثاني شي
اييي صدقتي :)
ثالث شي
حبييبتي والله
لأن مشاعرج حساسة :*
حبتج العافيه
وانا حبيت تعليقج اكثررر
رابع شي
امي قالت لي جذي بس انا كل مرة ما آكل الصبح بس اليوم مادري والله كان الحر مو طبيعي غلى قولة وحدة حمام شمسي
:\
الله يعين
مشكووورة يالغاليه
مااستغنى عن وجودج :*


.
.


خرووفه
الشر ما اييج بعد قلبي
يعني بتسوين لي استجواب ولا امتحان يا ابلة؟ :)
خروووفه اسم الله عليج من البجي والعذاب الحين منو اللي لازم يسوي حق الثاني جلسة صراحة انا ولا انتي على هالدموع؟ :P
قلبتها عليج :P
اجمعيين حبيبتي
شسوي يا ابله ما اشتهي بس ان شاء الله
:*

Najmah said...

بعثرة مشاعر
ايييييي ايييي والله
حسيتي فيني
على لما ركبت السيارة مادري شصار فيني
الله يسلمج والشر ما اييج
تدرين توني قاعدة من النوم؟
خربطت اليوم كله
:\
مااااااحب الحليب :\


.
.


دلال
اهلين
اللـه وناسه
انا الايام العادية عادي نطلع نتريق بس قبل الامتحان صج ماعرف
عسى كل ايامج حلوة يارب
واجمعين حبيبتي :*


.
.


الدنيا
ولهانة عليج
الله يسلمج حبيبتي
شاعرتي المفضلة
ابيه وين وصلتني هالكلمة
طيرتني مع نجوم السماا
:)
ان شاءالله
وانتي من اول الناس اللي راح اقولهم ويشرفني يقرونه :*
الله يسلمج حبيبتي
ويوفقج بكل امورج يارب
من قلب ونستيييييييني :**

باغي الشهادة said...

ليس من اللائق أن أردد تحفظي وتفضيلي للفصحى على العامية، لكن لآخذ راحتي بمدح ما أبدعتي وأجدتي فيه هنا

الله أكبر عليك يا نجمة

شدة إعجابي نابعة من تجربة لي مؤلمة وصفتيها بآخر هذه الأبيات، لكن ودي أسألك: هل أنت مررتي بمشاعر وتجارب كل ما سطرتيه هنا؟؟ أم إنه مجرد خيال شاعرة يجول بكل الأحاسيس دون ملامستها لواقعها بالضرورة؟؟



والله يسهل عليك الاثني عشر وحدة القادمة
:-)

مصعب said...

امتياز

مو درجة امتحانج لكن درجة البوست اليوم
وان شاءالله تكون لكل امتحاناتج بعد

اهااااا انا الحين عرفت السر
الابداع يأتي من الفوضى
والعقل اثناء الاختبارات في فوضى عارمة
وهي اخصب ارض للابداع

احببت ان أتمنى أن تكون جميع أيامك اختبارات ولكن ( أخاف تطقيني) هههه

موفقه

فريج سعود said...

كل هذا علشان قالوا لج خل نتريق
لو قايلين لج خل نتغدى جان شكتبتي؟
ان شاء الله
A+
مع ان ماكو
+
بالكويت

الزين said...

هذاك اول حضنك يدفيني
ويمحي تعب سنيني
ويروي قلبي الولهان

هذاك اول

قلبي متروس يا نجمتي
احس الكلام بيعورني اكثر

خوش نص

2cool2care said...

هذاك اول نقول ان جان ترد الأيام ولو ساعة

..............

سح السانج

....

الحمد لله على سلامتج

...

ويعجز الساني على اني اطلع أكثر من 9 كلمات :)

7osen said...

كلامج يدش القلب بدون أستئذان
مبدعة يانجمة النجوم

حبيت البوست والكلام

ماشاءالله عليج
إبداعج بالإمتحانات غير

الله يوفقج ويعطيج أفضل من ماتبين

وديري بالج على نفسج عدل
ترى صج الشمس ماترحم

موفقة عزيزتي

darkness said...

سلامات سلامات

غزال و الشر زال

ديري بالج و لا تقعدين بالشمس

تجنبي الشمس و شربي ماي وايد

اشلونج اليوم احسن؟

و بشري عن الامتحانات متى تطلع القريدات؟؟

=======


من الخرعه عليج مو عارفه ارد عالبوست معنه قمه بالروعه

:(

Najmah said...

باغي الشهادة
هلا والله
الله يبعد عنك الآلام وهالتجارب اهيا اللي نتعلم ونستفيد منها :)
بالنسبة حق سؤالك
على حسب
احيانا تكون مشاعر حقيقية اعيشها
واحيانا تكون مشاعر غيري عايشتها وكتبت عنها
واحيانا تكون خليط من الواقع والخيال
واحيانا كلها خيال بخيال :))
..
اييي والله الله يعيين
حياك الله :))



.
.



صالح للشعر
آميييييين الله يسمع منك
صح الفوضى تولد الابداع
بالنسبة لي لما اكون بقمة الانشغال أو قمة الألم تصير كتاباتي بأحسن حالاتها
ولما اكون بقمة الفراغ أو الراحة تطلع بصعوبة
لااا الله يبعد عنا الامتحانات
واجمعين يارب :)


.
.


فريج سعود
لوووووووول مادري
:P
آمييييين ياااارب :)

Najmah said...

الزييين
اييييييه صح لسانج والله
ياحبيبتي انتي والله
الله يبعد عنج كل عوار
من باعنا برخيص بتراب نبيعه
ومن عافنا عفناه لو كان غااالي
لو كان حيل غالي يازيوون :*


.
.



2cool2care
اييي والله صدقت
والاول يتحول :)
صح بدنك
والله يسلمك من كل شر يا اخوي
وال9 كلمات تكفيينا :)
الله يعطيك العافيه


.
.


حسين
نجمة النجوم .. الله يذكرني هاللقب بأيام حلوة
تسلم والله ياحسين
يسعدني اعجابك باللي اكتبه
اجمعين يارب
ان شاء الله
وربي يحفظك ويسعدك بكل خطوة :)


.
.



جارة القمر
بعد قلبي والله
الله يسلمج حبيبتي
لا تطمني انا اليوم بخير الحمدلله
الله وكيلج امس طول اليوم نايمة
الحمدلله ان اليوم ماعندي امتحان
وباجر امتحاني سهل
والقريدات ان شاء الله باجر 3 مواد يطلعون ادعيييلي
اسم الله عليج من الخرعه حياتي
الله لا يحرمني منج :*

بـابـل said...

اذا نادتني عيونك ... اصير الرمشة لجفونك
أسلي دمعك المخنوق .. وعينك داري ولحافي


اذا ضاق التعب فيني .. ومات الورد بسنيني
لقيتك قلب أشكي له ... وقلبي بالحزن غافي



أعاتب نظرة اخواني ... ورجفة تملي أشجاني
أعاند عقلي واحساسه ... وأبرر ظلمك الجافي



أصفقلك برموشي


أحساسك دمرني:(



وبس



بابل

Najmah said...

باابل
الحمدلله على السلامة
آآسفة وايد :(
قلبي عورني
اعتذر على الالم
ربي يسعدك دنيا وآخرة

charisma said...

اسم الله عليج الرحمن الرحيييم
حطى بالج على روحج
وكله خلى بطل الماى بيدج
حبيبتى والله

:**

هذاك اول الله عجييبه السطور
ذكرتينى باغنيه هذاك اول حق عبدالمجيد

اذا قلت بتخلينى تبين دمعتى بعينى
ما عاد يهمنى ابعادك ما عاد اهتم مثل اول انا قلبى ترى اتحول
وهذاك اول

عجيييبه سمعيها
:))

شدى حيلج هاانت
:**

Najmah said...

كريزماا
انا استانست لأن عجبج :)
ايييي الله يحفظناا
ان شاء الله ماما كريزماا :))
الله اعجبتني ماما كريزما :P
ايييي
بقى امتحان واحد الاحد
واخلللص ان شاء الله :))