Monday, June 9, 2008

عطلة.. مسج.. واشياء اخرى


اخييييييراااا خلصت امتحانات

النتايج الحمدلله زييينة
بس بقى وحدة ماطلعت

:)

.
.



كنت قد وعدت جدتي ان "أتريق" عندها اليوم


واستيقظت بصعوبة شديدة بسبب السهرة الطويلة ليلة البارحة


..
لا أعلم سبب ذلك الشعور الذي يجبرني على السهر
فلا أشعر بطعم الإجازة إلا عندما أسهر الليل



!


لبست بسرعة .. مريت شريت ريوق .. وانا بالطريج
حسيت بشعور عجيب .. وطرت على بالي فكرة مينونة
أسحب الصيفي كله .. وأروح اقعد بيت يدتي شهر
^_^

..
أحببت الجلوس بين جدي وجدتي ..
الاستماع لهما ..
التأمل في نقاشاتهما..
ونجرتهما احيانا
:Pp
اندمجت معاهم لكن .. لا زال النوم يتحرش فيني
!!
وبينما كانت جدتي تتابع مسلسلها
ألقيت برأسي في حضنها
ورحت في سابع نومة

!
:Pp


..
ايقظني ذلك الشيء اللي يلعب بعيوني
فتحتهاا .. كان ولد خالي عمره 4 سنين
سئلني على طول:

ليش عيونج جذي جنها رقيّة خربانة؟


تحبييييييييط !! كسر مياديفي


:(


..
عندما ودعتهما لأعود لمنزلنا العزيز
وضع جدي بيدي مكافأة لنجاحي .. وبعثتني جدتي
لغرفتها لأختار هدية من تلك الهدايا المصفوفة
لكن .. كانت المكافأة الحقيقية بالنسبة لي
ابتسامة الرضا التي نطقت بها أعينهم
والدعوات الصادقة التي غمروني بها
.

.


طفرت دمعة مني وانا أتساءل
..
كم هي القلوب المحبة التي تحيط بنا ولا نشعر بها؟
كم من اللحظات التي لم نقدرها .. وهي أغلى لنا من الذهب
سعادتنا الحقيقية .. في تلك الابتسامة التي كنا يوما سببا لها
!!

.

.



قلبي وزين اعرفه
لو تطعنه
لو تخذله


مارجا منك مودة .. ومارجا شوق وحنان
!
اسأل ردود التجافي
واقرا عيون الأسئلة
ماعاد ينفع جوابك

أو نرتضي دمعة هوان

!
تدري حقيقة هالزعل
وتدري شنو المشكلة؟
انت فنان بجروحك
وقلبي مايجرح انسان

!!

.



مسج عجبني وايد


شكرا لمن أرسلته

..
ياخي على ايش الكدر ..... والضيقة والهم والضجر
ابسألك يا صاحبي..... أمانه,, صليت الفجر؟؟؟
نويتها قبل المنــــــــــــام ..... أو نيتــك.. بس بالكلام
وقت,, المنبه,, للصلاه؟؟؟ ..... ولا ,, على وقت الدوام ؟
تخيل !! إنك " ما صحيت " ..... الموت ,, جالك ,, وانتهيت
بتقــابل الله بـــــأي وجه ..... والا بتقول انــك نسيــــت ؟؟
الله عطاك ,,,اللـــــي تبي !! ..... الـــــى متــــى يا صاحبي ؟؟
لا تــــامن,, الدنيــــا ترى !! ..... من يامــــــن الدنيا غبــــي
يا لاهي بلبس البشـــــــوت ..... وتفكر ,,,, تعمر بيــــــــوت
سؤال,, واحــــــد ,,,جاوبـــه..... ماجا على بالك تموت؟
أنت وانا نبغى ,,, الأجر ..... وقلوبنا ,,,,, ماهي حجر

يالله --- نتعاهد بالصلاه ..... من بكره ما نخلي الفجر



29 comments:

darkness said...

مبروووووووووووووووووك

عقبال التخرج


و ان شاء الله دوووم نتايجج زينه و احسن ما يكون

:)


ويه ريوق العافيه و الهنا و صحه و هنا على قلبج الطيب


و الله يخلي لج يدج و يدتج و يطول باعمارها بالطاعه و موفور الصحه


ههههههههههههه

امبيه صج؟؟

مسكينه

عيل اشوه انا ولد عمي رافع معنوياتي

اهو اللي بيحرفني

رياييل مشوربه ما اقدرت علي

بس اهو ماخذ قلبي


يا اختي لبج

يجابلني و يقول لي انتي حلوه

و الا يلمني حيل و يقول حتى ريحتج حلوه

بذمتج بلقى نفسه؟

فانا قلت لهم من الحين عطوني اياه اربيه و تالي ياخذني


هههههههههههه

:)


و مشكوره على المسج

و جزاج الله خير على التذكره

:)

QiYaDiYa said...

مبررووووك !

ويه ما بغينا نخلص !
تعبت نفسيا ;p

عاد بتآزريني ولا بتسحبين الصيفي ؟ ;p

عاد انا من اصل 7 مواد بس 2 الي اطلعوا
حتى بالنتايج تعب نفسيا !

الكورس مو راضي يخلص على خير !!! ;s

و بالعااافية الريوووق ;D

الله يطول بعمر يدج و يدتج و لا يحرمكم من بعض ;D

انا عيل رحت عند يدتي تغديت عندها ;p

مادري ليش يحلا الاكل ابيت اليدة ؟ ;p

و على المسج اول ما وصلني تدرين شنو سويت ؟

طبقته بصورة ;p

http://www.flickr.com/photos/qiyadiya/2385720012/in/set-72157603787972322/

و سبحان الله نفس البيت الي اعجبج عجبني !
و حسيته على الوتر !


و اذا تبين تحطينها قوليلي ادزها لج ايميل ;p


و على قولة بعض الناس ..
مع كل الطهر ;p

Najmah said...

داااركنس
الله
يباااااااااارك فيييج حبيبتي
آمييين يااارب :)

واااااي زووووووغة ولد عمج
حبييييته
ماتعطوني اياه جم يوم؟
اخليه يحبني
ويكشت فيج :Pp

اسم الله عليييه
الله يحفظه ويخليه لكم

اليهال احلى شي بالدنياا
:**

وياااج حبيبتي

لا خلا ولا عدم :*

Najmah said...

قيااادية
الله يبااااااااااارك فيييييييييييييج
ومبروووووك حقج
:>>
بآآآآآآزرج ياوخيتي
دام مافي سفرة شهر 7
:P

اسم الله عليييج من التعب حبيبتي
ان شااء الله النتايج الحلوة تنسيج كل التعب :")

صج هالكورس ثقيل بشكل مو طبيعي

وبالعافيه الغدااا =))
ايي والله تحسين الجو غييير

الله عجيييبه الصورة
يالله دزيلي اياها
وابي بعد كل الصور :P

ذاك اليوم كنت مجابلة فلكرج واوري امي الصور
وانا معصبة ليش ماقدر اسيفهم
:Pp

لووووووول
لو سمحتي خليج على فلاي
:Pp

الخيلاء said...

مبرووووك نجمتنا
من جد وجد
ومن زرع حصد



صج في ناس انحس وجودهم بحياتنا روتيني لكن مجرد مايغيبون عن عيونا بسفره ولا ينشغلون اتحسون بمكانهم اشكبره بقلبنا مايمليه احد

و الله يخليهم لج و يخليج لهم
:)

`~MnO YeNSa! ~` said...

كشخة
بعض الناس
خلصوا
exams
:P
enshlah
kel
your grades
A :D

وايـــــــــــــــــــــد
البوست
عفوي
عفوي
عفوي
عفوي

و
المسج
وايد حلو:**
بميزان حسناتج
قولي آمين

قلب طفله said...

مبروووووووووووووك

يا النجمه الفكه من الامتحانات :))

و عقبال التخرج و المعدل اللي

يفرحج يارب

و الله يخلي لج حبايبج دوم يمج

و البوست من اوله لاخره حلووو

تسلمين ^_^

Anonymous said...

اغلى من الولد ابناؤه

اعمق الجروح تأتي في العادة ممن كنا نظنهم من الاحبة

5roofa said...

ممبرووووووووك

و عقبال التخرج ياارب

و يوزي انتو شفيكم حتى اختي بتسحب الصيفي لووول

معنه تبين الصج والله استانسوو شواركم ليش تخرجين مبجر و تنقردين نفسناا
:P

حدي ما اشجع

وااي الله يخليهم لج ياااااااااارب و يطول باعمارهم

و يفرحون فيج عروسه
لوول

ذكرتيني بيدتي اول قبل ما يتوفه يدي الله يرحمة كنت اروح عندهم و انام عندهم و بغرفتهم

و يدي الغالي كان يطفرني انه اشاخر بنص الليل و اهو صوته شايل البيت بشخيره لووول

واي بعد عمري اشتقتله

امبي بس خل اوقف لا ابجي بروحي اختنقت بدموعي استغفر الله لازم
مادري ليش مايصير ا ابجي لوول

الله يرحمة و يرحم كل الموتى

و يخليلج كل غالي يااااااااارب

و اهم شي اني قررررررررقه
:p

salamz sis...

Nora said...

ونـــــاسة
غــدا الشــر الحمدالله

يوم نويت اتشمت شفتي شلون
:P

ان شاء الله ما يضيع تعبج و تفرحين بالنتايج الحلوة
:*

.
.

انزين جان سألتيه شنو الرابط العجيب
بين الرقية ال,,,, و عين اي انسان
ماني فاهمة لانه
:D

.
.
الله يحفظ نور يدج و يدتج بالبيت
و لا يكون حولج الا من يحبج

يصير اتريق عندهم و جنه ما تدرين تقولين لهم ترى السنة اللي طافت متخرجة
:Pp

charisma said...

مبرووووووووووووووووووووووك
الف الف الف مبروووك
واخييرا يا نجمه
يالله الحمدالله افتكيتى
الحين نامى مرتاحه لا اتحاتين امتحان ولا دراسه
:**

والله لا يحرمج من حبايبج ولا من لمتكم الحلوه


والمسج مر على قرينه مره وما نسيته
لا تــــامن,, الدنيــــا ترى !! ..... من يامــــــن الدنيا غبــــي

يا لاهي بلبس البشـــــــوت ..... وتفكر ,,,, تعمر بيــــــــوت

سؤال,, واحــــــد ,,,جاوبـــه..... ماجا على بالك تموت؟

أنت وانا نبغى ,,, الأجر ..... وقلوبنا ,,,,, ماهي حجر


يا لييت اصحاب البشوت يستوعبون هالشى :/

الله كريم

والله يعينا ويقدرنا على طاعته وعباده

يزاج الله الف خير يا نجمه
:**

~ شَــهْـــرزاد ~ said...

Najma + QiYaDiYa

" Flyyyyyy without WingS " :p

2cool2care said...

اللهم آمين ما نترك صلاة الفجر وكل صلاة


بالبركة انتهاء اللختبارات

اقبطج على نومتج في حظن يدتج
الله لا يحرمكم منها

اقبطج يعني اتمنا ان يكون نفس اللي عندج من غير لا يذهب منج وباركلج فيه الله

بالتوفيج

Super Woman said...

مبروووووووووووووووووك

يالله ادعيلي عقب باجر اخللللللللللللص

وااي من صجج تسحبين صيفي ؟؟
حرام ما يسوى داومي وافتيكي وريحي روحج حق الكورس الاول


والله يخليلج يدج ويدتج وكل من يعز عليج :)

وريوق الهنا ان شااااااء الله
بس قولي الصج ريوقج كان نخي وخبز ايراني ؟؟ ولا شي ثاني لوول

وهالياهل النزغه الله يحفظه
زين يسوي فيج لوول نايمه بحظن يدته يغار :)

والشعر يينن
والمسج قريته وعجبببببببني
جزاج الله خير
:)


:*

Salah said...

مبروك على الدرجات الزينة

وعقبال باقي المواد ان شاء الله

بـابـل said...

مبروك يانجمة مقدما وتستاهلين كل شي حلو بهالدنيا


:انت فنان بجروحك
وقلبي مايجرح انسان

::

أي والله هذا حالنا

شكرا لك


وبس


بابل

باغي الشهادة said...

مواضيعك وقصصك جدا جميلة ومفيدة، وبودي أعلق على كل تدوينة لكن ماشاء الله عليك "ما ألحّق"....مبروك نهاية الفصل وتعوذي من ابليس وخذي الصيفي
:-)

Doaa Ebrahim Aaql said...

مبروك ياجميلة
ان شاء الله بالنجاح
والتوفيق

يارب تستمتعى بالاجازة
وتقضى وقت سعيد فيها


تحياتى

Selezya said...

عقبال التخرج

انا ودي اشيل الصيفي بس ما اقدر كلش
:((

المسج حده حده عجيب

مشكوره على هالنقل الرائع

وعسى الله يخليلج يدتج ويدج :* وكل اللي تحبينهم

Najmah said...

الخيلاء
الله يبارك فيج حبيبتي
صح لساانج
الانسان لما يتعوّد على شي يقل احساسه بقيمته .. لكن مجرد ان يحس بيفقده يحس فيه عدل
ويخلي لج كل غالي يالغاليه
:*



.


.



منو ينسى
اهلييييييين
واي والله اول مرة احس الامتحانات هم
هالكورس كان متعب
يالله الحمدلله
وحسافة في مادة
B+
:(
بس يالله الحمدلله
بعد قلبي انتي
وجودج الاحلى
وصج مكانج يبين اذا غبتي
آمين يارب
:*



.


.



قلب طفلة
الله يبااااارك فيج حبيبتي
آميييين اجمعين يارب
ويخلي لج كل احبابج ويحفظهم
وانتي الاحلى يالحلوة :)
ربي يسلمج ويخليج :*



.


.




محسد
بعض الجروح ان جت من اغراب عادي
الموت موت الجرح لا جا من احباب
الله يبعد عنا وعنكم الجروح
وشكرا ياامحسد

Najmah said...

خروووفة
الله يبااااارك فيييج حبيبتي
آميييييييين يارب
لوووول والله مادري
لما الحين جاري التفكير
بس ماتوقع اسحبه لأن ماعندي شي
مابي احس بالفراغ :P
وصح لاحقين على التخرج بس ترى هم بعدين تملين
ياربي احنا بسرعه نمل :P
آمين ياارب
اييي ماكو احلى من هالشعور لما تندعسين بفراش يدتج
ونااسة :*
عسى ربي يرحم يدج ويجمعكم معاه بالجنة
وتكفييييييييييين لا تبجيييين
والله انا تعبت نفسيا :(
سولفي
وقرقتج تونسني وعسل على قلبي
بس عفية بدون دموع
:*


.


.



احلى انج
احم احم
شفتي شلون ممنوع الشماتة بالنجوم
وخاصة من قبل المهندسات
:Pp
آميييين ياارب يسمع منج
.
.
لووووووول
والله حتى انا قعدت افكر شنو وجه الشبه
بس خفت اندقر واتحبط اكثر
:Pp
.
.
ايييي افا عليييج ولا يهمج
يصير ونص
بس هااااا
عقب ماتطلع نتيجة ام الضب
وعليها يعتمد الريوق
:Pp~



.


.



كاريزماااا
ياهلا وغلا
الله يبااااااارك فييييييج حياتي
ايييي ايي الحمدلله :*
آميييين يارب
ويجمع دايما باحبابج ولا يفرقج عنهم يارب :*
ويااااج حبيبتي
لا خلا ولا عدم :*

Najmah said...

شهرزاد
لو سمحتي رجااااااء
انتي مع كل الطهر
:Pp~



.



.



2cool2care
آمييين يارب
يزاك الله خير يا اخوي
والله يبارك فيك
ويوفقك بكل امورك ان شاء الله


.


.




شلالات
اهلييييين
الله يباااارك فيج حبيبتي
يالله هااااانت بقى يوم واحد
ربي يوفقج وييسر عليج واتييبين احلى الدرجات
:*
لووووول ممم اهيا فكرة تدور ببالي
قاعدة احاول ادقرها =))
آمين ويخلي لج كل غالي يارب
لووووووووووووول اييي
على الريووق الله وكيلج قعدت لما الليل شبعاااانة :)
الله يسلمج انا وديت فطاير
واهما كانوا شارين نخي وباجلا وجباتي
:P
وغصب آكل من كل شي
ولما خلصت
لازم تاكلين بقصم وحليب
آآآآخ بدعوا فيني
معدتي تبرّت مني :Pp
..
حرام عليج ليش زين يسوي فيني
انا اللي لازم اغار :P
بعد اهوا 24 ساعه عندهم
:P
ويااااااج حبيبتي
موفقه يارب :*



.


.



صلاح
الله يبارك فييك
آمييين يارب
مشكوور ماقصرت والله

Najmah said...

بابل
الله يبارك فيك
تسلم والله يابابل
الله يبعد عنكم الجرووح
والشكر لك على هالمروور :)


.


.



باغي الشهادة
تسلم والله يسعدني انها تعجبكم
والله يبااارك فيك
ان شاء الله :))
وشكراا جزيلااا


.


.



princess dodo
اهلا وسهلااااا
من زماااان عنج
الله يباااارك فييج حبيبتي
ووياااج يارب
ربي يوفقج بكل امورج
كل الشكر :*


.



.




سيليزيا
ويااااج يااارب
يالله ميخالف يعدي بسرعه ان شاء الله
:)
ربي يسهل عليج
العفووو حبيبتي :)
ويخلي لج كل غالي ولا يحرمج منه
:*

|:| DUBAI |:| said...

اجازة سعيدة

و يخليج لأهلج و أحبابج

تشرفت بالمرور هنا

: ) !

Najmah said...

dubai
ياااهلا والله
آميين يارب
ويخلي لج كل غالي عليج
تشرفت بزيارتج الاولى والله
لا تقطعين :)

صقر قريش said...

مبرووك النجاح وعقبال التخرج إن شاء الله .

اخذي صيفي آنا لو أقدر جان خذيت لكني قاعد ألوي عشاني بادرس بمصر إن شاء الله الله يخليلج يدج ويدتج ويخليج لهم وتفرحينهم دايما تستاهلين كل خير اختي نجمة وبالتوفيق لج بحياتج :).

مواضيعج حلوة وممتعة واصلي الإبداع واتوقع لج مستقبل كبير إن شاء الله :).

SHAHAD said...

هااي نجومة
الله يخلي لج يدج ويدتج ولا يحرمج من حنانهم وحبهم
مثل ما قلتي وايد قلوب تحبنا وموجوده حوالينا بس ما نحس بقيمتهم إلا لما نفقدهم
عسااج ما تفقدين غالي يااارب
والمسج وايد مؤثر وحلوو
بدزه حق كل اللي اعرفهم إن شائ الله : ))
ثاانكس

~FaHaD iN MiND~ said...

MABROOOOOOOOOOOOOOOOK !! o menha lel a3la enshala o allah la ya7remch men 7ababybch o eli y3zon 3alch o ytamem 3alch wanastch enshala :)

Najmah said...

صقر قريش
الله يبارك فيك
ان شاء الله والله يعين :)
ربي يوفقك ويسهل كل امورك يارب
مشكور ماقصرت :)

.

.



شهد
اهلييييين انتي وينج
شخباارج
آمين اجمعين حبيبتي
بميزانج يارب
نورتيييييني :*


.

.


fahad in mind
الله يبارك فيج حبيبتي
واجمعييين يارب
اسعدني وجودج الغالي
شكرا :*