Sunday, June 29, 2008

غريبة يادنيا


غريبة في عيون الناس ... " حبايب " حبنا مغبون
..
وفي قلبي جفا منك .. وفي قلبك جفا مثلي
..
غريبة نجتمع اصحاب ... وفينا هالبشر يحكون
..
والاغرب نفترق احباب .. وعن الغالي يصد غالي
..
غريبة ننشر الضحكات .. ونملي بضحكنا هالكون
..
ونخفي همنا بالروح ... ودمع القلب همّالي
..
غريبة بيني وبينك .. عمر ..ايام.. هوى مجنون
..
غريبة كنت في عيوني ... تساوي الماضي والتالي
..
تهاوى صرحنا الشامخ .. تناثر عقدنا المفتون
..
شريت احساسي بنفسي ... رضيت المر على الحالي
..
اشوفك تقترب يمي ... تسائل جرحي المكنون
..
واجاوب من صميم الروح ... تمام تسرّك أحوالي
..
أصد النظرة بجروحك .. أداري خاطري المطعون
..
أحلّف دمعتي تبقى .. عزيزة وترفض اذلالي
..
غريبة فرحتي بعدك ... تهل غيومها بمزون
..
غريبة مصنع آلامي .. اذا مريت على بالي
!

38 comments:

Blog 3amty said...

:)

رائع ما كتب

Anonymous said...

لهوى النفوس سريرة لا تعلم

عرضا نظرت وخلت اني اسلم !

جنون إحساس said...

غريبة مصنع آلامي

أبدعتي في الوصف قمة الألم والعذاب
عسى الله يبعدهم عنج يا نجمة عالية دوم

تسلم ايدج

صالح..للشعر said...

نجمه

عودا حميدا للشعر

خلينا مع الابيات ونحلل جمالها ونشوف ملاحظاتي عليها بالاول

حبنا مغبون فيها غرابة شوي لأن الواحد يكون مغبون على الحب اللي اهو فيه مو الحب المغبون

جفا مثلي خارجة عن القافيه التي ستأتي بقيه القصيدة

تناثر عقدنا المفتون يمكن الوصف غريب ان يكون العقد مفتون قد يكون مكنون ولكن المفتون وصف للشخص وليس الجماد فالجماد فاتن والانسان مفتون

اشوفك تقترب يمي تقترب صعب ننطقها بالعاميه لأنها فصيحة فقط

غزيره وترفض اذلالي حرف الضاد وبعدها الذال ثقيله وااايد على اللسان تخيلي واحد يبي يغنيها شلون بتطلع معاه؟ :)

وباقي الابيات في غاية الروعه والاحساس الجميل
بارك الله بقلمك وبارك بأناملك صاحبة الخط الجميل:)

الخيلاء said...

اعجز عن التعبير :)

كل شطر عالم بروحه
دمتى متالقه دوما

:)


عندي سؤال يقرقع بقلبي
لول

و لج حريه الاجابه عليه

ليش لما اتضايقين تدخلين مدونتي

بلاغه شف بعيد عنج
:p

صبا said...

ما شِاءالله عليج

كل بوست احلي واروع من الي قبله

حروفج

احساسج

مشاعرج

ابدااااع

تسلم الايد الي خطت هالبوست

:****

Flowera said...

عجبتي الصورة والشعر او الخاطره
وايد حلوين

نجمة ... اسمحيلي إني أقول حق الكل يقرون هالبوست

http://flowers-flowera.blogspot.com/2008/06/blog-post_30.html

شاكرتلج

Kuwait said...

رووووووووعه ..
لا أكثر من روعه ..
تعجبني حروفج وتناسق كلماتج وتسلسل مشاعرج عندما ترتسم لتشكل لوحه فنيه تنافس أبدع الفنانين وأشهر الكتاب شعرا وفصاحه ..
تسلم ايدج وصح لسانج حبيبتي ..

لؤلؤة said...

غريبة بالفعل...
الدنيا....
عسى نفهمها يوم...
إبداااااااع .....
:)

lawyer said...

واجاوب من صميم الروح ... تمام تسرّك أحوالي
..
أصد النظرة بجروحك .. أداري خاطري المطعون
..
أحلّف دمعتي تبقى .. عزيزة وترفض اذلالي
..
غريبة فرحتي بعدك ... تهل غيومها بمزون
..
غريبة مصنع آلامي .. اذا مريت على بالي



مصنع آلامي !!!

من وين يبتي هالابداع
تبااااااااارك الرحمن

سرحت في الكلمه وايد

charisma said...

صباح الحب

اااه يا نجمه اااه
عورتى قلبى بكلامج


غريبة ننشر الضحكات .. ونملي بضحكنا هالكون
..
ونخفي همنا بالروح ... ودمع القلب همّالي

ابدعتى
:*

قلم حبر said...

الأغرب والأغرب
تدرين شنو نجمة !!!على كل هذا
غريبة اعيش بدونك بالهكون
غريبة تكون لحالك وانا لحالي
يسلم احساسج الحلو وصح السانج :)

5roofa said...

ايييييييي والله غرررررريبه

شقى والله شقى

بس امبي كلماتج روووووووووووعه

تسلم ايييدج يالغالية


salamz sis...

darkness said...

حلو خطج

:)

مساج الله بالخير نجمه ضاويه بعالي سمانا

:)

تدرين اقرى و ارد اطالع خطج

ما شاء الله يهبل

:)

~FaHaD iN MiND~ said...

غريبة بيني وبينك .. عمر ..ايام.. هوى مجنون
..
غريبة كنت في عيوني ... تساوي الماضي والتالي
..
تهاوى صرحنا الشامخ .. تناثر عقدنا المفتون


sa3eb 3ogb il 7ub yseron a97aab wel as3aab lama ykonon yam ba3ath o ykonon a'3raaab !


by the way kha6ch 7ilo :)

7osen said...

غريبة فرحتي بعدك ... تهل غيومها بمزون

الله عليج

فعلاً فنانة

في نصوص وقصائد
عن نفسي أقراها في حالة معينة وأعجز تماماً عن التعليق أكثر من جم كلمة

يعني تأثيرها علي أكبر من تعابيري

هالكلام فعلاً إللي قاعد أحس فيه
مو مجرد كلام

مادري شلون حسيت بكلامج
فيه شي مؤلم

وانا مادري شفيني على الالم
أستمتع فيه

----
يعطيج العافيه

7osen said...

صج نسيت اقولج

خطج جداً جميل

Najmah said...

بلوق عمتي
الاروع تواجدكم
شكرا :)


.


.



محسد
البيت معبر جدا
صدقت
شكرا لك :)



.


.



جنون احساس
من وين طالعه الشمس اليوم؟
ولهاااااانة علييييييج
الله يسلمج حبيبتي
وربي يسعدج ويوفقج دايما
لا تغيبين :*


.


.



صالح للشعر
اهلا
كالعادة ملاحظات قيمة في محلها
شكرا جزيييييلا
صج مشكلتي وايد اخلط بين العامية والفصحى :\
مشكور وايد ياصالح
والاجمل دايما تعليقاتكم اللي تساعدني على التقدم
:)

Najmah said...

الخيلاء
يكفي وجووودج
:*
لوووووول افا عليج اجاوبج
مادري تصدقين بلوقج يعطيني امل غير
وكل مااتضايق ادخل
واقرا ولم تترك من الخيلاء للخيلاء الا رفعة
احس ترفع معنوياتي :)


.


.



صبا
حبيبتي والله
انتي الاحلى
ووجودج الاروع والله
ربي يسلمج يالغاليه
:***


.


.



Flowera
يشرفني اعجاب والله :)
افا عليج المكان مكانج
وان شاء الله الكل يقراه
يعطيج الف عافيه :)


.


.




كويت
ياهلا وغلا
حبييبتي انتي الاروع والله
دايما تحرجيني باسلوبج وكلامج الطيب
وتواصلكم الغالي اهم اسباب تقدم كلماتي
مشكوورة من كل قلبي
:*

Najmah said...

لؤلؤة
حال الدنيا محد يفهمها
لكن الاهم
نتعامل معاها بحكمة :)
تسلمين ياللؤلؤة الثمينة
:)


.


.



لوووير
زارتنا البركة
:)
الله يبعد عنج الالم دنيا وآخرة
منورتني :*


.


.




كريزما
مساء الحب والغلا
حبيبتي انتي
اسم الله على قلبج يالغالية
ربي يسعدج بكل لحظة
:*


.


.



قلم حبر
الله
صح لساانج والله
ربي يسلمج من كل شر حبيبتي
نورتيني :*

Najmah said...

خروووفه
اسم الله عليج من الشقا :)
حبيبتي انتي الاروع والله
ربي يسلمج ويخليج
:*

.


.



داركنس
:")
عيووونج الحلوة
مسااج الله بالنور والفرح :*
هههههه
انتي اللي تهبلين والله
: ))



.


.




fahad in mind
اي والله صعب
لكن للأسف يصير :\
عيونج الحلوة حبيبتي
:))


.


.



حسين
ايي اعرف هالشعور
وايد تصير فيني
اللي احس فيه ماقدر اكتبه
بس كلماتي قطرة من بحر الابداع اللي عندكم :)
الله يعافيك ياحسين
والاجمل وجودكم
من ذووقك والله
شكرا :)

‘.. بنـ[محمد]ـت ..‘ said...

الله كلمات في قمة الروعه أختي نجوومه
ولاتحرمينا من جديدك
صديقتك
‘.. بنت محمد ..‘

ShLaLaT said...

اشوفك تقترب يمي ... تسائل جرحي المكنون
..
واجاوب من صميم الروح ... تمام تسرّك أحوالي






هنا تكمن قوة المرأه



بسميج .. سيدة الإحساس

ممكن ؟؟

`~MnO YeNSa! ~` said...

الله
يا نجمة
والله
استمتعت بالنص
وايد
نصج وايد له ماعني مؤلمة
بنفس الوقت واقعية

غريبة بيني وبينك .. عمر ..ايام.. هوى مجنون


عمرالايام ..ساعاتنا ..واحلام..

وكل الدقايق غريبة تشكينا و تشكي مننا من لام
:*
برد عليج لان

هالبيت حيل عور قلبي .
مو صج :P


غريبة فرحتي بعدك ... تهل غيومها بمزون
wo0o0w
تدري ..
..
ترى ديًــــــني .. تعابيري بعدك وافقت المزون

تبكي وتهل الدمع..تشكي طيفك المجنون ..
مزون الدمع هلت والبكى ظالم
و غيمات الجفى بانت ..بقلبي الهايم

:***


وايد عجبني
...

qesat_5ayal said...

مساء الليل
.
.
مابي
بس أبي أسلم

يصير ؟

:P

Mamloo7a Q8ia said...

ابدع ما شاء الله عليج ابداااع
كل بيت اخلى من الثاتي
تسلمين يالغاليه

the.thinker said...

تسلم ايدج على هالابداع :)

someone_q8 said...

السلام عليكم
مع ان مالي بالشعر , لكن حبيت اسلم عليج اختي

الحارث بن همّام said...

لا فضّ فوك ولا عاش حاسدوك

جميل

ملاحظات بسيطة :
القافيتين المستخدمين في القصيدة هما : (ون) و (الي) .. وعندك البيت الذي يقول وفي قلبك جفا مثلي .. كلمة مثلي داشة عرض :)

عندكِ بيت مكسور
والاغرب نفترق احباب .. وعن الغالي يصد غالي

ممكن تكون : عن الغالي يصد غالي .. بدون الواو قبل كلمة عن

او ممكن تكون: وعن غالي يصد غالي .. بحذف ال في كلمة الغالي

جمال القصيدة يكون وضوحها وبساطتها مع استخدام الاساليب غير المباشرة في توصيل المعنى واستخدام الصور الخيالية غير التقليدية

قصيدة طيبة وصح لسانج

2cool2care said...

سبحان الله ودي اعرف ليش انألم انفسنا

في ناس انزلون بوستات تشرح الصدر
;)

وفي ناس الله يحفظهم انزلون بوستات تثلج الصدر
:P

صقر قريش said...

نجمه:

جميل ماكتبتي دائما ماتعجيزيني عن إيفاء حقك من الشكر والمدح إلا أن أقول لافض فوكِ ولاعاش حاسدوكِ

فارس هوى الكويت said...

السلام عليكم

صح السانج اختي

تسلم الأيد الي كتبته

وكلام طلع من قلب ودش بقلب

تحياتي وعساج على القوه :)

princess dodo said...

راااائعه يا نجمة

لا استطيع ان اقول
سوى ررااائعه


تحياتى

~warda~ said...

غريبة ..
لدرجة لم يعد معها حتى

الاستغراب ينفع



رائعة .. ايتها النجمة
المتألقة

قلب طفله said...

اشوفك تقترب يمي ... تسائل جرحي المكنون
..
واجاوب من صميم الروح ... تمام تسرّك أحوالي
..
أصد النظرة بجروحك .. أداري خاطري المطعون
..
أحلّف دمعتي تبقى .. عزيزة وترفض اذلالي
..
غريبة فرحتي بعدك ... تهل غيومها بمزون
..
غريبة مصنع آلامي .. اذا مريت على بالي

***************************

عجيبه يا نجمه

صح لسانج و تسلم ايدج

Sn3a said...

اخيه
روعه روعه روعه نجمه
ماشاء الله عليج
ابدعتي

SHAHAD said...

اي والله غريبة
نجمة نزلتي دمعتي !
كلماتج مادري شلون أوصفها
تأثيرها قوي حييل
مبدعة ..

Najmah said...

بنت محمد
شلالات
منو ينسى
قصة خيال
مملوحة
the.thinker
q8-someone
الحارث بن همام
2cool2care
صقر قريش
فارس هو الكويت
princess dodo
وردة
قلب طفلة
سنعة
شهد


من اقصى القلب
شكرا لكم
اعتذر لأني لم اد الوقت الكافيللرد عليكم
لكن لكل كلمة من كل منكم
اثرا طيبا في النفس لا يمحى
شكرا جزيلا :)