Wednesday, July 9, 2008

بوست طويل..باجر امتحان

ebda3 elmo7a'9rat
:P

.

.

1
..
رغم أني أستمتع بالتغيير وأتململ من الروتين .. إلا أن للأماكن عندي قدسية خاصة
:)
حين أجلس في مكان ما .. ألتصق به..وارتبط به ارتباطا وثيق .. وأرفض تبديله مهما حصل
..
في صالة بيتنا ... الغنفة اللي بالزاوية محد يقعد عليها غيري
على طاولة الطعام .. الكرسي اللي جبال أمي ويسار ابوي ما ارضى اقعد بغيره
بقاعة المحاضرات..السطرة الاولى ثالث كرسي..من أول الكورس وانا هذا مكاني
^_^
تأخرت اليوم قليلا ... فوجدت احداهم قد جلست فيه
..
استسلمت وجلست بالمقعد المجاور له وبجانبي صديقتي
كانت الدكتورة أمامنا .. مسترسلة في الشرح ولا يفصلنا عنها الا نصف خطوة
!!
وفجاة ... اسمع صوت رنين يخترق مسامعي
..
طووووط ... طوووط .. طوووط
ويأتي الرد .. صوت رجوولي يصرخ
الوووووو .. الوووووووو .. الوووووو
ويرتفع صراخه اكثر
الوووووووووووو
انا بحالة صدمة ..! قلبي يرقع لا تسمع الدكتورة مو ناقصين
شكيت بروحي اشوف تلفوني .. مافيه شي
التفت على رفيجتي ... تلفونها على الطاولة مقلوب..وتأشر لي سكتة

!
اجااهد نفسي لا تطلع الضحكة
وهذا لما الحين يصرخ : الوووووو
وانا اتشنج بمكاني وادعي يااااارب ياااارب ماتسمع ياااارب


!!
واخييييراا سكت وعدت السالفه على خير
اول ماخلصت المحاضرة اسأل رفيجتي شسااالفة؟
تقول لي مادري شفيه تلفوني
يوم شافته ولا داق بالغلط وعلى منووو
؟؟
على دكتورنا اللي توها ماخذه رقمه من السكرتير
Lo0o0o0o0o0o0o0ol
:P


.


.

2
..
من اكثر الامور التي لا استطيع احتمالها .. تلوّن الشخص وتفننه بالكذب والخداع
في البداية ... كنت أطوّف
كيفهاا .. عندي قناعة ان تصرفات الانسان واخلاقه حق نفسه
تقول لي: ساعتي بالسعر الفلاني ... والمشكله اني اعرف سعرها الحقيقي
أبوي مايرضى اركب اي سيارة
عايلتنا مايعطون مهر اقل من 15 الف
المضحك بالموضوع ان حتى بيتهم مجذبة عليي بأي منطقة
!!
لما الانسان يعتاد الكذب عليك .. صعب تصدقه بعد ذلك
وصعب تعايش شخص وتجامله وانت ماتثق بأي كلمة يقولها
!!

يمكن سهل ان تكتشف عقدة الشخص اللي امامك
لكن الصعب .. ان شخصيتك لا تتلاءم ابدا مع هالشخص
!!
عندما لا تثق بنفسك فلن يتمكن أي شخص من الوثوق فيك
..
لم تكن المظاهر يوما أساس محبة الآخرين
ولن تغني الماديات عن أخلاق الانسان وتواضعه وبساطته
..
عندما تسعى لتكسب من حولك بالتعالي عليهم
فلن يشفع لك المال ولا الجمال ولا الحسب
..
قلوب الناس لا تشترى بالتكبر والخداع
ولكن تملكها ببساطة ... بطيب الكلمة ولطافة الروح
..
اذا ماكنت ذا قلب قنوع ... فأنت ومالك الدنيا سواااء
.
.


3
..
تعبت اشتاااق
تعبت احصي متى الايام
تمر وتطوي هاللحظة
وتهدا رجفة الاشواق

..
تعبت امشي بدون ايدك
وحيد بزحمة الاصحاب
اسولف في خيال الشمس
واسحب همي في الاوراق

..
اعاند قلبي المكسور
واضحك في عيون الناس
تلاحظ حزن اخفيته
وتسألني.. رجع الفراق؟

..
واجاوبهااا رجع اسرع
وعسى بااجر .. يكون اسرع
..
وتعلق فيني الكلمة
وتفضحني دمعاااتي

..
واروح اركض بهوى طيفك
واقول وينك؟
تعبت اشتاااق

24 comments:

construction loans said...

That is very nice idea.


construction loans

Sn3a said...

اول شي الله يوفقج بامتحانج
ثاني شي
ترا صج
انا اتنرفز ان احد قعد بمكاني
واتم اهز ريلي
واعدل باغراضي واطلع اصوات ازعج اللي قعد مكاني



الشي الثالث
ويت..للحين في ناس مخهم سوري بس قوطي؟
شخباري اللي يتفلسفون
بمكالمه وحده تقدرين تطلعين حتى اسم خدامتهم
شهالمرض


تعبت امشي بدون ايدك
وحيد بزحمة الاصحاب

تحبين تقلبين كل شي فيني بحروفج

Najmah said...

sn3a
ياهلا وغلا
توني رادة من عندج
واشوف كومنتج استانست
:)
آميين ياارب
..
ايييي ابيه حتى انا
ماعرف احب مكااااني
لووووول
:))
مادري انا مصدومة
بس مثل ماقلتي مرض
مايهمني اعرف شي ولا فارقه معاي
بس لييش
مو مستعدة اسمع مؤلفات طول اليوم
:)
بعد قلبي انتي
احساسج رهيف
:**

Blog 3amty said...

الكذب بداية نهاية أي شيء بالنسبة لي

Najmah said...

بلوق عمتي
صح صح :))

5roofa said...

هلووووووووووووووو

انا جايه و كتير كتير مشتااائه تابريني انتيي

لوووول خروفه و لبناني مو لايق علي حده

:P

موفقه يالغالية بالامتحانااات ياارب

---

1

امبي مواقف المحاظرة لا تعد ولا تحصى لوول

اذكر مرة طفاقه زايه مالي خلق اسمع المحاضرة و بشغل الرادو الي بالتلفون و انا اسمع ولا بالغلط احوشلج السبيكر

ولا يعطيج ذاك الاغنيه

برااااشااا برشااااااااااااااا يا مدلل

لوووووول انا ويهي انقص نصين اشوه الدكتور طالعني جان يقولي

التلفون سايلنت

لووول لو طايح علي فاتحهالرادو جان
علووم

:p

----

2

عااااااادييييييي

هالبنات وايد منهم

اذكر كنت اعرف وحده الله يستر عليها كانت كله تقول انها متزوجه و تفنن في تمثيل دور الزوجه و انه واحد يدق عليها و امبي شكثر مهرها و كانت تشتري هدايا و نشوفها تشتريهم و تقول توه شاريها ريلي

امبي استغفر الله تره والله مرات الشي يكون مرض فيهم مساكين

الله يشافيهم

--

3


تعبت امشي بدون ايدك
وحيد بزحمة الاصحاب
اسولف في خيال الشمس
واسحب همي في الاوراق



شقول غير اه يا نجمه علييج قلبي ذاب على الكلمات

خيااال الحجي تسلميين حبيبتيي

salamz sweeetee...

Shather said...

بيييه هالبوست خبصه :P

goodluck بكل امتحاناتج

و بيضي الويه :*


و خوش ابداع ترا اتمنالج مستقبل محاضراتي باهر :P

صقر قريش said...

1

نفس الحالة عندي ما أب اغير شي إلا بالإجبار تخيلي كنت ناوي ادرس بره من السنة الي طافت لكن خوفي من التغيير خلاني اتأخر سنة بس هم الحمدلله على كل حال أما صاحبتج والله كسرت خاطري لأنه راح يصير لها احراج مع الدكتور ماعليه الدنيا مواقف :)

2-

هذا مايسمونه عقدة نقص وللأسف يا أختي إن الناس هم السبب في ذلك ما أ يجدوا أحدا عنده مال وفير إلا تملقوا له فتجدين ردة الفعل عند من لايملك فقط للفت الأنظار هو يعتقد ذلك سيلفت الأنظار له لاننكر إنه مخطئ لكن هناك من الناس من أعانه على هذا الشيء عندما يرى تصرف الناس على هذا النحو عن نفسي إذا أتاني شخص مشابه لأصاف من تتكلمين عنها بالكويتي(اسمع مني وقط مني)لأن الناس مخابر ماهي مظاهر

3-
صح لسانج والشوق من الحالات الصعبه للناس

الله يوفقج اختي نجمة إن شاء الله منها للأعلى تستاهلين كل خير
وسامحيني على الردود القطاعية :)

molok said...

انا احب المكان اللي اقعد فيه .. بس مو وايد مشكله اذا تغير ..

ومسكينه رفيجتج مع الدكتور ..


الكويت وايد صغيره والكذب والتفلسف يبين مبجر وسهل يطلعونه .. والله ناس ماتستحي ..

موفقه وشكرا

Selezya said...

لوول هااي :p

صارلي ساعه بالبلوق افتر واشوف كل شي طافني

المكان مادري احس عادي يعني احب ان يكون مكاني واحد بس هم اذا احد قعد مكاني نو بروبلم إلا في حاله وحده
اذا اللي قاعد ماحبه :p

لوول لا اتشغمر

الجذب الجذب الجذب خيييبه والله

بس ترا هذي حدها قويه؟
لوول شلون قاصه عليج على بيتهم
كككككككككك قويه
تدرين
اتعب والله اتعب اذا في احد يجذب
واتنرفز بعد
واذا انا ادري انه قاعد يجذب تييني حاله مادري شلون اوصفها لج
بس انغث عدل


بالنسبه للشعر
سمعيني عدل
سمعيني زين
واقريني عدل
واقريني زين بعد لوول

من اليوم ورايح

هالكلمه ماراح اغيرها
انتي كلماتج
ر و ع ه
واحلفلج ان بدون مجامله
نوع الكلام اللي تكتبينه وبطريقتج
اهو اللي يعجبني وايد
اتمتع وانا اقرا كلماتج
ميرسييي ألووووووووت

:**

Mamloo7a Q8ia said...

الله يوفقج حبيبتي
وييسر امرج

مشكله التعود على الشي
مثل المكان
صعب انج تغيرين وتحسين روحج غلط

الانسان مخبر مو مظهر
مسكينه هالانسانه


اعاند قلبي المكسور
واضحك في عيون الناس
تلاحظ حزن اخفيته
وتسألني.. رجع الفراق؟

الله الله عجيبه الكلمات
تسلم ايدج

بـابـل said...

تعبت امشي بدون ايدك


أي والله تعبت تعبت

شلووون كتبتيه!!!!؟

قلتى اللي بالقلب


أحساسك معجزة


مشكورة يانجمة



وبس

بابل

ShLaLaT said...

في سؤال محيرني



الرسمه رسمتي فيها كل شي الا نجمه ليش ؟؟


والسؤال الثاني


انا مادري انتي شتسمعين من المحاظره ؟؟


انتبهي احسن لج :)

SolaimaN said...

1
عدت على خير
2
اللهم لا شماته
3
يا سلام
4
موفقه انشالله بالامتحان

Najmah said...

خروووفة
اهليييين وسهلييين
تو مانور المكااان
:))
مشتاااقين مشتاااقين
:*
1
لووووووووووووول
ابيييه ابيييه
موقف مخزي
الله لا يحطنا فيه
:P
2
يااااالهي
قوووووية
يعني ياربي مااشوف شي يسوى عشان يسوون جذي
لييش لييش :\
الله يهديهم
3
اسم الله على قلبج حيااتي
ربي يحفظه من كل شر
وربي يخليج يالغاليه
نورتينااا
:*



.


.



شذر
ايييي لاحظتي الخبصه
آميييين يارب :))
ان شاء الله لووول
شاكرين لكم حسن تعاونكم وتقديركم
:P

Najmah said...

صقر قريش
1
عسى ربي يوفقك ويسهل امورك يارب
وكل تاخيرة فيها خيره ان شاء الله :)
ولاا الحمدلله الدكتور مايعرف رقمهاا
لأنه كانت توها ماخذته مادقت عليه
:)
2
صح كلامك الناس هالايام تركض ورى المظاهر
وتقيم الانسان على هالاساس
لكن هذا مايبرر لهم ينزلون نفسهم جذي
الحمدلله ماعليها قاصر ليش تبي ترفع نفسها فوق الناس
انا اتوقع الناس اللي جذي ماعندها ثقة بنفسها
والسعادة بالرضا مو برفض الواقع
3
صح بدنك ويوفقك يارب بكل امورك
ومسموحييين شدعوه
حياك الله :)

.


.

Molok
ياهلاا والله
الحمدلله ان الدكتور مايعرف رقمهاا
كانت لما الحين مو داقه عليه :)
ايييي صح
بس الانسان لما يركض ورا شي ويستولي
كل تفكيره مايحس بحماقة الامور اللي يرتكبها
اجمعيين يارب
شكرااااا
اسعدتني هالزياره :)

Najmah said...

سيليزيا
اهلييييييييييييييين
انتي وييينج فقدتج والله
:*
لووووووووووووووول
:P
مادري لاااا وبعد واصفتلي اياه
ومدليتني .. آخر شي طلع بيت عمتها
!!
اييي اييي احس فييج
حتى انا اتعب لما اسمع
اكتشفت اني اقدر اطوف كل شي .. الا اني اتحمل
شخص يجذب عليي ماااقدر
..
ابييييييه خرعتيني
قلت شفيها بتزفني لووووول
يااااااااابعد قلبي انتي الاروع
وكلج ذوووووق
اعجاااابج يشرفني ياسوسو
:))
لا خلا ولا عدم يالغاليه
:*


.


.


مملووووحة
ياااهلاا وغلاااا
اجمعيييين حبيبتي
اييي انا احس اذا قعدت بمكان ان يرتبط فيني
وارتبط فيه ... احس اني احبه واذا قعدت مكان
غيره احس مااعرف ابي مكاااني
:)
حبيبتي والله
ربي يسلمج ويخليج
منورتني :*

Najmah said...

بابل
الله يبعد عنك كل تعب
ويخلي لك كل احبابك ويجمعك فيهم
تسلم يابابل
الشكر لك على كلماتك
وربي يسعدك دنيا وآخرة

.

.


شلالات
لووووووول
ج1
انا رسمت نجووم بس كاتبة بوسطهم اسمي
فقصيت الرسمة
تصدقين مادري ليش كل مكان اكتب اسمي
اذكر وحدة من رفيجاتي بالثانوي
كانت تسميني عاشقة اسمها
كل صفحه بالكتاب كاتبه عليها اسمي
:P
ج2
لووووووووووووووول
انتبه والله واسمع واجاوب
بس ماعرف ماااعرف لازم امسك قلم
لازم اكتب او ارسم او ألون
ياا اكتب مع الدكتور
او ارسم او اخطط الكتاب
او اذا مليت أقعد ألون واكتب شعر
:P

.

.

سليمان
1
الحمدلله :)
2
:)
3
شكرا :)
4
آمييين
وموفق بكل امورك
وحيااك الله

78o8eYa said...

مساء النور والسرور
:*

بشري .. شسويتي بإمتحانج؟
والرسمة الصراحة منتهى الإبداع
حلوة تتعلق جدام المكتب
:))


الحال من بعضه، الأماكن لها قدسية خاصة
نفس الكلمة
;)

أكره شي عندي ، الجذب
://


الكلمات الأخيرة

يت عـ الجرح
!

يسلملي احساسج

قلب طفله said...

اول شي ان شاء الله

الامتحان كان سهل و بيضتي الويه فيه

1

و بالنسبه للمكان انا نفسج حتى ايام الجامعه كنت اقعد بنفس المكان لما يخلص الكورس و اذا احد قعد بمكاني الدكتور يشرح و انا عيني عليه لوووول

امبييه مسكينه رفيجتج فشله ويا الدكتور بس زين ما سمعته الدكتوره :)


2

الجذب مرررررررررض ما ادري

ليش احسه صار منهج حياة

الاغلبيه بهالزمن :(


3

ما عندي حجي انتي رووووووووعه

ربي يحفظج

Salah said...

لوحة فنية

ما شاء الله

وبخصوص المتلون والجذاب منو يقدر يتحمله؟

وموفقة بالامتحانات

تحياتي

Najmah said...

حقوقية
مساء الفرح والطيب
والعطور :*
شلوووونج حقوقية
تو مانور المكان
:*
الحمدلله الامتحان سهل
:))
ليش تقلديني ;)
اسم الله علييج من الجروح
ربي يسلمج ويخليج
ولا يحرمنا منج
:*


.


.




قلب طفلة
الحمدلله واايد سهل :))
1
اييييي والله يعني انتي حاسة فيني
:)
2
صدقتي
انا ماتحمل انسان يجذب عليي
اذا دخل الجذب من باب
طلعت الثقه على طول
3
حبيبتي والله انتي الاروع
تسلمين لي
:*



.


.



صلاح
شكرا شكرا
:)
ماتوقع في احد يقدر يتحمله
عشان جذي ماله صاحب
اجمعين يارب
شكرا صلاح

فريج سعود said...

انا مثلج عندي قنفة صار لها عشر سنين وهي رفيجتي المسكينة قوست ولا راضي اهدها

Najmah said...

فريج سعود
لوووووول
يحليلها والله صبوورة هالقنفة
:"))
الله يحفظها من الشر :))