Saturday, July 12, 2008

مو ناوي تمرّ؟


أسري بليلي وحيد

مابعد قربك .. بعيد

ومابعد بعدك قريب

يغزل الضحكة..ويصيب

ومابعد ظلك طيوف

تغمز لجرحي..يطيب

وتسألك..ناوي تمرّ؟

..

ادري قلبك عنيد

وجرحي بصدري حجر

تسرق اشواقي وتروح

وتحتضن درب المطر

بللت صدري الجروح

ولجفا قلبك تبوح

ماشفاها بالوفا

ماسقاها بالدفا

ومانوى بدربه يمرّ؟

..

يلجم..عيون البشر

يرجم..أصنام الألم

يقرا ..اصوات القلم

يرمش بعيني وله

ويسكن جفون السهر

..

يرتعد نجمي.. بلقاه

لا لحظ همي..قضاه

ولا لمع برقه غلا

انطفى لون السما

واختفى بموجه البحر

..

بعده مو ناوي يمرّ؟

..

ما ابي غيرك يمرّ

يضوي لحلمي ..الشموع

تغفى بكفوفه..الدموع

يفهم الضحكة ..لا بكت

يضحك لجرحي ..لا فلت

ويرسم بعينه العمر

..

تدري وادري..لو تمرّ

مامحى حزني الغياب

ومارضى عشقي العتاب

..

والعمر لحظة وتمرّ

ويكفي عمري لو تمرّ

!!

35 comments:

ManalQ8 said...

:)

جميل

charisma said...

ما ابي غيرك يمرّ


يضوي لحلمي ..الشموع


تغفى بكفوفه..الدموع


يفهم الضحكة ..لا بكت


يضحك لجرحي ..لا فلت


ويرسم بعينه العمر


كل هذا يا نجمه وهم ما يمر
ليش جاسى جذى
://

Najmah said...

manalq8
الاجمل تواجدج
:)
نورتيني :*


.


.



كريزما
شفتي شلووون
!!
منورتني :*

kuwaitawy said...

كلمة جميل ورائع قليل بحق هذا البوست


لكن عندي سؤال اخت نجمه


تأليفج ولا نقل.؟..؟؟؟؟


اسف عالسؤال لكن ذابحني الفضول :)

بـابـل said...

مابعد قربك .. بعيد


ومابعد بعدك قريب


يغزل الضحكة..ويصيب


ومابعد ظلك طيوف


تغمز لجرحي..يطيب


وتسألك..ناوي تمرّ؟



نجمة صج ياما بالتراب ذهب مدفون



روووعة




وبس



بابل

ShLaLaT said...

نجمه

ترا موصله معاي ليييييييييي هني

عندي 10 مسائل باجر لازم اسلمهم
ما خلصت منهم الا 5

وعندي ميدتيرميييييين باجر

مادتين ماااااااااادتيييييين


وماااااا بطلتهم وادري عنهم


وتلفووووووووني مو راضي يسكت

منو قالهم اني معيده ؟؟ منووووو قالهم اني انا الدكتوره ؟؟

منوووو قالهم اني اعرف الأسئله ؟؟





كتبي عن معاناتي
بعدين نتفاهم

Najmah said...

kuwaitawy
هلا والله
الاجمل والاروع وجودكم :)
شكرا جزيييلاا
وبالنسبة للسؤال
تأليفي
:)


.


.




بابل
الاروع كلامك يابابل
وبالفعل فاقدين حروفك
الف شكر

Najmah said...

شلالااااات
ياااابعد قلبي انتي
ياحياااااتي والله
ترى انا حدي حاااسة فيييج
وحدددج نفس حالتي
تدريييين
باجر عندي امتحانين
ولما الحين مادرست ولا واحد
بس اشوف الكتاب راسي يعورني
:(
سكري موبايلج
وتعوذي من ابليس
وربي يفتح عليج من اوسع ابوابه
:**

mtfa2el said...

ما شا الله عندج امتحانين و تكتبين جذي
عيني عليج باردة ..بس اليوم المكتوب على قولتهم ..يسرسح على القلب

Najmah said...

متفاائل
انا اذا شفتوني طول اليوم مجابله البلوق .. وكل شوي كاتبة شي
عرفوا ان عندي امتحان
:))
مادري ليش وقت الفراغ مايطلع شي
ووقت الدراسة كل شي يطلع
:\
بقالي 10 صفحات واخلص دراسه المادة الاولى وابدي بالثانيه ان شاء الله
دعواااتكم
وشكراااااا جزيلا

SolaimaN said...

اللــــــــه ،،بس لو يمر

ويبدل الحال الى حال

تسلم ايدج

Lavender said...

ان شاءالله يمر :)


******

ما ابي غيرك يمرّ
يضوي لحلمي ..الشموع
تغفى بكفوفه..الدموع
يفهم الضحكة ..لا بكت
يضحك لجرحي ..لا فلت
ويرسم بعينه العمر


اللــــــــــه عليج :**

Najmah said...

سليمان
:))
الله يسلمك من الشر
شكراا للمرور :)


.


.




لافندر
:))
نورتيني يالغاليه
لا خلا ولا عدم

kuwaitawy said...

مادام انه من تأليفج


انا ناطر الجديد

وسوف تكون هذه المدونه احدى المدونات المفضله لدي بالقائمة
لأستمتع اكثر واكثر




تحياتي العميقه للمدونه وكاتبتها

Mamloo7a Q8ia said...

يرتعد نجمي.. بلقاه

لا لحظ همي..قضاه

ولا لمع برقه غلا

انطفى لون السما

واختفى بموجه البحر



ماشاء الله عليج
كلاااام خياااال
امتعتينا

esTeKaNa said...

كل من يمر
بس المشكله
كل المشكله

مابي غيرك يمر
!!
وانتظر
واسئل نفسي بكل ليله
مو ناوي يمر؟



تعبتي قلوبنا يالنجمه
وكلماتج اصابت جرح الشوق فينا


دمتي بابداع مستمر

نجمه
تهقين يمر؟
:)

الحارث بن همّام said...

طيب طيب

صح لسانكم

صقر قريش said...

كعادتك دائما مبدعة لافض فوكِ ولاعاش حاسدوكِ وفي الجنة أمكِ وأبوكِ بارك الله في قلمك السيال لك كل الشكر :)

Anonymous said...

نجوووووووووومه عاد مر والا للحين ؟؟
ويح قلبي ان جانه على كل هالكلمات وقليل أدب للحين ما يمر ؟؟
مبدعه مثل أول ما عرفتج ..
كل يوم عن يوم يزيد شعرج جمال ..
ذلك ما جعلني أفكر في رد اخوي كويتاوي مرات ومرات ..
هل يعقل أن تجاري كتابات الشعريه وهوايتك التي تحصرينها بين حيطان المدونه أشعار الكتاب الكبار ..
وجدت الجواب نعم وشعرك يستحق المنافسه ليعتلي مصاف من خاضوا تجارب الشعر سنوات وسنوات ليكون في أحد مراكز القمه دون منازع ..
في وقت سابق ذكر لي اخوي العزيز شقران جمله وصفني بها في مجالي السياسي كم أتذكرها عندما أتجول في ناظري مستمتعه بين كلماتك عبر تلك السطور الشعريه ..
وقد اقتبسته نصا
"
العزيزة كويت

كلامك لوحة فنية بريشة فنان ماهر سبق من قبله وسيتعب من بعده

وهذا الكلام تأكدي بانني لا أجاملك فيه "

5roofa said...

:'(


ليش يا نجمه ليش العذااب

روعه والله مرات احس الي تكتبينه مو صج خيااال

مشالله مشالله علييييج

ربي يوفقج و يرزقج بالي يستاهلج لانه من صج انتي نجمة

salamz sweetee....

Shather said...

غصباً على شيبه يمر

;)






Najmah said...
متفاائل
انا اذا شفتوني طول اليوم مجابله البلوق .. وكل شوي كاتبة شي
عرفوا ان عندي امتحان
:))
مادري ليش وقت الفراغ مايطلع شي
ووقت الدراسة كل شي يطلع
:\


اشوف ليش مخي واقف من تخرجت و انا الوحي محاربني :P
صج عاد وقتها ما كنت اكتب شي الا بالامتحانات .. يالله يمكن كان تنفيس

الطارق said...

السلام عليكم


هذا أول تعليق لي بهالمدونة الجميلة :)

قرأت الي كتبتيه بكلمات هالموضوع الجميل المعبر وقرأت مجموعة أخرى من كتاباتك الجميلة .


وودي اقولج شي يا ست نجمة ، حاولي تتدربين على انج ما تكونين مندفعه وايد بمشاعرج ولا تستثمرينها كلها مرة وحده .


تحياتي :)

فارس هوى الكويت said...

السلام عليكم اختي
الصراحه تستاهلين مو نجمه وحده الا عشر.
ابداع

وان شاء الله يمر :)

تحياتي وعساج على القوه :)

الخيلاء said...

اتينن
اتهبل
رووعه
مبدعه يا نجمه

:)

SHAHAD said...

والعمر لحظة وتمرّ


ويكفي عمري لو تمرّ


صح لسااااانج يا احلى نجمة
جدا اعجبتني كلماتج
مبدعة : )

elq87obi said...

إن شاء الله يمر

على كل هالكلام و ما يمر ما عنده سالفه

سلامي لج :)

ShLaLaT said...

نويت أمر

ومريتج :)



نجمه

مشكوره من كل قلبي

لؤلؤة said...

ان شاء الله يمر نجمتنا
:)

~warda~ said...

ما ابي غيرك يمرّ


يضوي لحلمي ..الشموع


تغفى بكفوفه..الدموع


يفهم الضحكة ..لا بكت


يضحك لجرحي ..لا فلت


ويرسم بعينه العمر



كم هي جميلة كلماتك
يا نجمة .. تختصر كل ما يمكن
.. ان يقال


رائعة ومميزة كما عهدناكِ غاليتي
الله يخفظج و موفقه انشاءالله

فراوله said...

مساالورد والجوري
غاليتي الحبيبه
ساعات كثيرة تمر علينا
نترجي شي معين
نتمناه
ونستعذب اللحظه اللي ممكن نلمحها
وهو جدامنا
ودنا نخلي العمر بكفه
ولمحة من وجوده ولو للحظات بكفه ثانيه
فعلا عذوبه
:*
دمت بدفء وعذوبه
ابدا
وحشتينيييييييي
:**

Najmah said...

كويتاوي
يشرفني والله
تسلم يااخوي
وراح اكون سعيدة جدا بتواصلك
شكرا
:)


.


.


مملوحة
ياهلا بالغلا كله
حبيبتي انتي
من ذووقج والله
وجودج مرييح
:*


.


.



استكانة
ادري الحين مايمر
ادري بعده مانوى
ادري ماذاق الهوى
ادري ضاقت حروفه
وادري ملينا الهجر
ادري بعده ينتظر
وابقى انا انتظر
بعده ادري مايمر
لكن ادري
راح يمر :))


.


.


الحارث بن همام
الاطيب وجودكم
وصح بدنك :)

Najmah said...

صقر قريش
دايما يخجلني تشجيعك
واطرائك الكبير
شكر جزيلااااا
ولك كل الشكر :)


.


.


كويييت
ولهت اشوف نكج :(
وااااي علقت على ويح قلبي اتينن
:))
تصدقين
كل شوي اقرا تعليقج
مادري شلون ارد عليج
حسيت ودي ابجي
كل كلمة بحروفج احس اني اسمع نبضها
اتمنى اوصل حق هالمستوى
اتمنى اكون دايما عند حسن ظنكم
تدرين شكثر لكم فضل عليي
بدوونكم ماتتنفس كتاباتي
من كل قلبي مشكووورة
الله لا يخليني
:*


.


.


خرووفة
ياحياتي انتي
ماعاش اللي يحسسج بالعذاب
وجودج الاروع يالقلب الرقيييق :)
ويااااااج يارب
وانتب مايستاهلج الا الطيب الحنون
:*


.


.


شذر
لوووووووووووول
شفتي شلوون
تبين نتبااادل
تمتحنين بدالي
;)

Najmah said...

الطارق
وعليكم السلام ورحمة الله وبركاته
حيااك الله يااخوي
سعيدة جدا بزيارتك الاولى
وان شاء الله ماتكون الاخيره
ممممم
الشعور اللي يخلي الكلمات تطلع
بس ان شاء الله بحاول
شكرا على ملاحظتك
ونورتنا :)


.


.


فارس هوى الكويت
وعليكم السلام ورحمة الله وبركاته
تسسسلم والله يااخوي
الله يقويك ويحفظك
كل الشكر :)


.


.



الخيلاء
انتي تقولين كلمتين
بس عن عشر
اتيننييين والله
تسلمين لي يااحلى خيلاء
:*

Najmah said...

شهد
صح بدنج حبيبتي
يفرحني انها عجبتج
والاروع وجودج يالغاليه
منورتني ااحلى شهد
:*


.


.



الكويت حبي
لووووول :)
شكرااا شكرااا
لا خلا ولا عدم :)


.


.



شلالات
مروررج غاالي :)
لا تشكريني
ماسويت شي
:*

Najmah said...

لؤلؤة
ان شاء الله :))
نورتيني حبيبتي

.

.



وردة
الاجمل تواجدج العطر
اجمعيييين يارب
وجودج يفرحني من الاعماااق
:*


.


.


فراولة
مساااااء الشووووووق
انتي ويييييييينج
والله وحشتيني اكثر
:*
كلامج وااقع بس رقييق
اشتقت حق عذوبتج
لا تغيبين
:*