Wednesday, July 16, 2008

تعبانة

من كان يؤمن بالله واليوم الآخر فليقل "
"خيرا أو ليصمت
..
الكلمة ما إن تتكلم بها حتى تملكك
..
مهما كانت صغيرة...قد تسعد انسان وتذرو عنه الألم
وقد تجرح آخر وتبعثر فرحته
!!
..
لكن..هل هناك من يصنع الاحاديث بأي طريقة؟
!
مؤلم جدا .. أن تكون كلمة السبب الأقوى في ألمك
ليس لكونها كلمة فقط .. لكنها .. تتبع خلفها الكثير من الكلمات
الكثير من المواقف .. والكثير من الجروح
!!
..
هل يعلم أؤلئك الاشخاص بمقدار المشكلة التي سببتها
كلماتهم؟
..
هل يدركون حقيقة الجرح الذي أعانيه بسبب تطفلهم؟
!!
..
" من حسن اسلام المرء تركه مالا يعنيه"
..
كان الأولى .. أن يدعوا الغير وشأنه
..
كان الأولى .. أن يحفظوا ألسنتهم عن العبث في خصوصيات الآخرين
..
كان الأولى .. أن يتيقنوا جيدا قبل الحديث
!!
..
أكره احساس التقييد
..
لا احب توجيه أي شخص لتصرفاتي
..
تدخله في مظهري..اسلوبي..وحتى طلعاتي
..
احب النصيحة واحب وايد اللي ينصحني
لكن ما ارضى بشخص يتحكم فيني
..
احترم الآراء .. وعلى عيني وراسي
لكن مو غصب اطبقها اذا ماكانت من قناعاتي
مو غصب اخلي اشياء احبها دام انها مو غلط
!!
ماحب احد يجبرني سوي جذي..لاتسوين جذي
دام انت مو مسئوول عني
منو عطاك الحق؟

23 comments:

kazmawy said...

صح لسانك وكثر الله خيرك يا النجمة :)

ShLaLaT said...

نجمه وايد تمر علينا هالنماين

واغلبهم ناس يصيرون لنا من بعيد او قريب

قبل كنت اناقش وادافع
والحين اقول اوكي وابتسم واقوم على طول
يعني ترا مو عاجبني الحجي بطريقه مؤدبه
واظل اسوي اللي ابيه



كبري عقلج
ومهما كان عمرهم كبير ترا في اشياء تبين لج ان عقلهم صغير فيها !!؟


شيلي كل الحجي من مخج
وسوي اللي يعجبج دام انج ما تشوفين فيه غلط

SHAHAD said...

احترم الآراء .. وعلى عيني وراسي
لكن مو غصب اطبقها اذا ماكانت من قناعاتي
مو غصب اخلي اشياء احبها دام انها مو غلط

انا معاج بهالشي
النصيحة شي والتسيطر شي ثاني
يا غصب أسوي اللي إنتوا تقولونه حتى لو اللي اسويه مو غلط !

خلي اللي يتكلم يتكلم
دام إنتي واثقة بتصرفاتج مافيها معصية لله .. وهذا أهم شي : )

عسل يا نجمة
واسم الله عليج من التعب

elq87obi said...

مساء الخير

اول شيء صح لسانج كلامه كله صح و عدل

ثاني شيء انا موتي و لا ييني واحد يقولي سو هالشغله و اهوه نفسه ما يسويه او العكس لا تسوي هالشغله و اهوه يسويها ياخي اموت قهر

و بعدين حلات النصيحه تطلع من واحد تحبه و يمون عليك عشان تتقبلها بسرعة و بعدين تحبه فسهل تطبقها او حتى تسمع كلامه اما ييلج واحد مسوي نفسه مصلح اجتماعي يا كرهي صج شيء ينرفز :)

طولت عليج و مصختها لوووول

يعطيج العافيه

سلامي لج :)

kuwaitawy said...

صح لسانك يالنجمه وانتي الكبيره



صحيح ان التطفل يبط الجبد

لكن ترى في اكثر من طريقه للتخلص من هذا التطفل


على حسب شخصية المتطفل




تقبلي مروري

Blog 3amty said...

أشفيج منو مأذيج ؟

صقر قريش said...

في وايد من هالأشكال يا إختي نجمه لج عندي واحد من هالحلين :يا تكلمينهم وتوقفينهم عند حدهم يا إنج تسمعين كلامهم بأذونج اليمين وتطلعين الحجي من اذونج اليسار صدقيني وريحي حالج منهم ولاتعبرينهم وايد تصير لنا هالأشياء لاتعبرينهم ولاتهتمين

qesat_5ayal said...

مساءات الحب

عزيزتي
أحيانا
كلمة وابتسامة وطناش ..كفيلة بأن تسكتهم وتريح قلبك


وسلامة قلبك من التعب
:)

why me said...

احيانا


نمع الكلام بس مو شرط انطبق هالكلام خصوصا اذا كان من شخص مو ملزوم فينا


علشان جذي


ابتسمي

وطنشي

فريج سعود said...

اي عاد منو هذا ؟

Shather said...

@@
we we we
سترك يا ستار
شكلها واصله لي الخشم

منو هالملقوف
اللي مدخل عصه بشي ما يخصه ؟

و سلامتج من التعب

As YoU LiKE said...

شوفي يانجمة .. اللي يتدخل بحياتج او بأخلاقج .. لا تردين عليه .. قولي هالكلمتين: إن شاء الله .. كرريها ثلاث مرات بس عشان ينصك الموضوع !

اذا قعد يحن دزي مسج حق شخص قريب منج .. خليها تدق عليج .. اذا مصخها الشخص عاد قولي جذي: انت شتبي(ن) بالضبط ؟

او الرد القاسي: انت(ي) شـكو ؟

دام عاجبج اللي تسوينه .. ماعليج من احد الا والدينج .. ترا رضاهم يسوى الدنيا ومافيها :)

وسلام عليكم ورحمة الله وبركاته

darkness said...

ارضاء الناس غايه لا تدرك

و الناس اجناس

ناس تنحط على الراس

و ناس تنداس

و اللي يقول الكلمه من غير ما يقصدها و اجرحج ممكن تتقاضين عنه

بس يكون قاصدها و قاصد الجرح هذا شي ثاني

و بعدين انتي مو مقتنعه بنفسج؟

اهلج راضين

؟؟

ما تسوين شي غلط؟؟

محد له كلمه عليج الا اولى امرج

و خل اللي يقول يقول دامج ماشيه صح

و ترا النجوم دايما تلقين الناس تحسدهم و تغار منهم

;p

فراوله said...

مساالورد والجوري
غاليتي
نجومه
كلنا نعاني هاليومين من هالاوادم
اللي مشكاهم علي الله
لانهم متعبين لابعد الحدود
سلامة قلبج من التعب
يابعد قلبي انتي
:**

Anonymous said...

ثقافة الفضول

وعدم احترام خصوصيات الآخرين

وهي ليست جرأة كما يظن الجهال بقدر ما هي وقاحة بغيضة وصفاقة منقطعة


لست وحدك في هذا

~ شَــهْـــرزاد ~ said...
This comment has been removed by the author.
~ شَــهْـــرزاد ~ said...

نجمتي البراقة...

أنا الآن "" تعبانة "", على حد تعبيركِ..لأنني قرأتُ ذاتكِ عبر تلك الحروف المُتشظيه التي بعثرتيها بلحظة ألم
!

جميل أن يفهم المرء ذوات الآخرين, عبر خلجات كلماتهم فيفرح لأفراحهم, ولكن القبيح أن يستقرأ شيئاً يُعبر عن آلامهم..فيضيقُ لأتراحهم
!


قرأتُ آيات اللوعة هنا وآلمتني!..لكن مثلما قُلتِ لكِ آنفاً

" مادمتِ للتميزِ عنوان,فالعيون التائهة في لجة الأيام, ستظلُ تُلاحق كل كلمة تنبسُ بها شفتيكِ ..بل كل همسةٍ خجوله, أوحتى تنهيدة ألم
!!!!


آنستي الجذلــى..

كُتب للمُتميزين, مذ سنين غابرة هذا الشقاء!

وفي ذلك حكمة
!!!


فسحائب الألم عندما تحتشدُ في سماء الإنسان, تجدينه سرعان ما يعيد استجماع ذاته..يقرأها..يتفحصها..ينتزع مابها من أشواك..ويغرس عوضاً عنها بذار من الزهور

وكلما ازدادت فتره الألم..ستجدين شخصيته صُقلت أكثر وأكثر

فتعودين مرةً أخرى الى الحياة الصاخبه, بروحٍ أسمى, وبقلبٍ أزكى, وبعقلٍ أقوى
!!!




لذا لا تتألمي يا نجمتي الصغيره, من أولئكِ الذين لا شأن لهم في الحياة غير التحقيق في حياة المتميزين, وخلق الشائعات الواهيه, والأراجيف الباهته
؛)

كوني كما أردتِ
؛*



شيء آخر أود أن أوشوشكِ به:
هؤلاء-الذين تحدثتِ عنهم-, لا يُكمكم أفواههم إلا إنجازاتكِ
!

واصلي ابداعكِ عزيزتي
؛*


وشوشة أخيرة:
أشعرُ أن السماء أرحب, ولكن في الأرض مازال متسعٌ لرقصه
!

" تأملي هذه الفلسفه "


:

:







ولجميع العابرين
قهوة بالزعفران, -كالتي تصنعها أمي تماماً- وسنابل فرح
؛)


مع كل الطُهر:
شهرزاد
؛)



نجمة:
أنا قلبي دليلي
؛*

Salah said...

سلامات

mantovani said...

مساج الله بالخير

ترى الدنيا ما تسوى

Najmah said...

kazmawy
صح بدنك
وخيرك يااخوي .. تسلم :)


.


.


شلالات
صح كلامج
انا عادي اتناقش بهدوء واوضح رايي
بس لما يكونون ناس اكبر مني استحي
ماعرف ارد واتضايق
الله يعين
ان شاء الله :))
ومشكورة شلالات :*



.


.


شهد
بالضبط هذا اللي اقصده
في فرق بين شخص ينصح لأنه خايف عليج
وشخص يتكلم بس لأنه مو عاجبه
!!
يابعد قلبي انتي
انتي العسل والله
:*




.



.




elq87obi
مساء النور والسرور
صح بدنك :)
لوووول اسم الله عليك من القهر
أتأمرون الناس بالبر وتنسون انفسكم
!
النصيحة بالقدوة والفعل تأثر اكثر من الكلام
حياك الله المكان مكانك
وربي يعافيك :)

Najmah said...

كويتاوي
صح بدنك يااخوي
مممم
انا اذا كان الشخص اكبر مني استحي
واضطر اني اسمع كلامه لي الآخر
مهما كان يجرح :\
لكن بعد فترة انسى :))
حياك الله


.


.


بلوق عمتي
ناس الله يسامحهم :\
بس خلاص نسيت :))


.


.



صقر قريش
ممممممم
الحل الثاني اقرب لي :)
الله يعين
ومشكوور وايد ياصقر


.


.



قصة خيال
مساءات الاشواق
:") ايي بس الكلمة صعبه تطلع
الله يسلمج حبيبتي


.



.

واي مي
صح صح
بس المشكلة لما يطبون فينا
وكل شوي يردون يعيدون
واحنا ماسوينا شي غلط !!
ليييش مادري :\
بس على قولتج نبتسم ونطنش شنسوي بعد
نورتيييني :*

Najmah said...

فريج سعود
لوول نااس :)


.


.


شذر
ههههههههه
ضحكتيني :))
صج كنت واصله حدي :\
الله يسلمج بعد قلبي
الحمدلله انا بخير :)


.


.

As YoU LiKE
الله حلولك خطيرة :)
الا آخر رد قوووية :))
صدقت والله
الله يخلي لنا والدينا ويعيينا على برهم ورضاهم
يزاك الله خير
ونورتنا :)


.


.


دااااااااركنس
اهلييييييييييييين
الحمدلله على سلااامتج
جذي تخيليني احاتيج؟ :(
حدي استانست لما شفت ردج
والله فقدتج
يابعد قلبي انتي
الناس اللي تنصح واهيا حابتج وخايفه عليج هذي تنحط عالراس
لكن اللي تتكلم لأنها بس تبي تمسك عليج زلة .. بس تبي تغلطج وتبي اتبين ان اهيا الصح هذي اللي تقهر
المهم كييفهم
رضا ربي وامي وابوي يكفيني
ومرة ثانية لا تغيبين
:*

Najmah said...

فراولة
مساء الغلا والسعادة
الله يعين ياصديقتي
الله يسلمج ويخليج ويحفظج
ويبعد عنج كل تعب حبيبتي
:*


.



.



محسد
بالفعل ثقافة الفضول
!
الله يعين الجميع
شكراا لك



.


.



شهرزاد
صديقتي العزيزة
اعتذر عن كل بقعة نثرت فيها الألم في قلبك
:*
اعترف أن لكل ألم حكمة
ووراء كل دمعة ..روح ترتفع
وعقل يتسع..وابداع يجتمع
..
ليست الفطرة وحدها من تشكلنا
وتصنع حروفنا
لكنها مزيج من الشعور وجراح الايام
..
صديقتي
لا بد أن تخترق كلماتهم صدرونا رغما عنا
نتألم حينها .. قد نذرف دمعنا
قد نفيض حزنا واحباط
لكنها بلا شك .. لحظات وقتية
تزول بعودة اصرارنا .. وبعد اهدافنا
عزيزتي
شكرا من الاعماق
:*
وانا قلبي دليلي ;)


.


.



صلاح
الله يسلمك :)


.



.



مانتوفاني
مساك الله بالنور والفرح
صدقت والله ماتسوى
شكرا :)