Sunday, July 20, 2008

بريييك


@8:00 am
..
أستيقظ أخيرا بعد صراع نفسي طويل
وبعد ان انتهي من استعداداتي لللدوام
أدخل المطبخ فأجد أمي تحتسي قهوتها
وايي بخاطري شي فجأأااة: يمه ابي عصيدة
!!
تطالعني مستغربة ... الحين؟
انا: اييي ابي سويلي
أمي منصدمة تقول لي انزين بس مايمدي الحين
سكت وقعدت جبالهاا اتامل
ومرة ثانية فجأة: يمه عندنا حلوى؟
-اي عندنا .. يابتلي وكانت حلوى عمانية
انا: لاا مابي ابي حلوى بحرينية
أمي: ماعندنا ... بس شفيج؟ وانتي من متى تتريقين قبل الدوام؟
اييي والله شفيييني !! والله ماادري
سلمت عليهاا وقمت اروح محاضرتي تاخررت
.

.

8:45
..
أذكااار الصبااح
" بسم الله الذي لا يضر مع اسمه شيء في الارض
ولا في السماء وهو السميع العليم "
حفظ للانسان وحماية له حتى من ابسط الامور
..
عادتي كل يوم الصبح اطلع من باب الاستقبال
اليوم بالذات ماادري ليش قربت عنده بعدين مشيت وطلعت من الباب الثاني
أول ماطلعت ... شفت الكاائن اللي مستند على باب الاستقبال ونايم
حمدت ربي مليون الف مرة
لو طلعت من هالباب وفزت هالقطوة بويهي
يمكن يصير فيني سكتة قلبيه
!!

.

.

11:00 am
..
أول مرة بحياتي ... أندقر بالمحاضرة
!!
كانت الدكتورة تشرح ..وقالت مثال وشرحته غلط
وانا متاكدة ان غلط
رفعت ايدي وسئلتها بأدب: دكتورة ليش مانقول ان جذي وجذي؟
وقلت الجواب الصح
جان تحقرني !!! وتكمل شرحهاا
انا قلت يمكن مافهمتني
رديت تكلمت مرة ثانية .. وقبل لا اخلص كلامي ادقرتني
وقامت تزف
!!!
انا من الصدمة والله دمعتي بطرف عيني
شفيهااااا؟؟ الله يسامحها
:(


.

.


2:00 pm
..
تعاطفا مع الحالة النفسية اللي أمر فيهاا
والمزاج المتكهرب هالأيام
يدخل أبوي اليوم: يالله زهبي جنطتج باجر بنسافر
^_^

صج ونستني.. الله لا يحرمنا منك
:*
صج انااا محتاااااااجة هالبريك
محتاجة تغيير جو
محتاجة اسحب على الصيفي شوي
:P
استودعكم الله الذي لا تضيع ودائعه
السبت رادة ان شاء الله
حللوناا

40 comments:

لؤلؤة said...

تردين بالسلامة
:)

no credit loans said...

That is very nice idea.


no credit loans

Najmah said...

لؤلؤة
الله يسلمج حبيبتي
:)

Anonymous said...

صحبتك السلامة في الحل والترحال

Blog 3amty said...

هالله هالله بالصوايع ..
بالسلامة :)

Anonymous said...

ما يانا منج الا كل خير على شنو نحللج

mantovani said...

محللة
وتروحين و تردين بالسلامة


وين بتروحون ؟

مانتوفاني

QiYaDiYa said...

لحظة لحظة !!
تسافرين و تخليني !! ="(

عزميني !!
حطيني بالجنطة ;p ;p


عاد انا قااايلة ان هالاسبوع بداوم عدل الحين تخليني و تسافرين !! ;p


ودي يووووم اداوم قبل الدكتورة !!

مرتين من بدا الكورس بس اداوم قبلها تعتذر ;p ;p


و مالج شغل بدكتورتج الي ادقرتج !!
ما درت منو نجمة الظاهر !
فلاي ;p ;p

تروحين و تردين بالسلامة ;)

the.thinker said...

تروحين وتردين بالسلامة ان شاء الله :)
ديري بالج على نفسج .

someone_q8 said...

السلام عليكم
اتروحين واتردين بحفظ الرحمن

~ شَــهْـــرزاد ~ said...

أحببت طقوسكِ الصباحية
؛)

أتعلمين ..أجمل كلمة ترن في أذني في الصباح..عندما تقول لي والدتي بكل طُهر, وأنا خارجة الى الجامعه على عجاله:

شهرزاد..شهرزاد, ....استودعك الله
؛*


ياااااااااه...يا جمالها
؛*


-----------

أما القطط..فأشاطركِ فوبيا القطط
؛(

:

----------


تروحين وتردين بالسلامه

قلبي معكِ يا عزيزتي

أنتِ بحاجة ماسّه الى فسحة روحيه



أكثري التأمل
؛* ؛* ؛*


مع كل الطُهر:
شهرزاد
؛*

5roofa said...

نجووووووووووومة

مشتاقتلج يااحلوة

بالسلامة ياارب ناطرينج ترديين

salamz sweetee....

HamoOora said...

تروحين وتردين بالسلامة (=

kuwaitawy said...

والله ذحكتيني يا نجمه على سالفه عصييييده



مزااااااجج عالصبح مو صج

عصييييييييييييده

اللي اعرفه ان العصيده حق اللي توهم والدين


وتروحين وتردين بالسلامه انشاءلله

charisma said...

هههههههه
موتينى ضحك على العصيده
اخاف اتنسيين
:))

والله اقرى واضحك لما ييت عند الدكتوووره
اشفيهاا عسى ماشر الاخت
كل هذا ليش طلعتيها غلطانه بنت البيك مو راضيع تعترف بغلطها والى شسالفتها

حبيبتى انتى ما عاش الى يدقرت
:**

روحاى وسعى صدرج بس وغيرى جو
وان شاءالله تردين احسن


بحفظ الله

Najmah said...

محسد
الله يسمك :) شكراا

.


.


بلوق عمتي
مممم لازم صوغه؟
:P


.


.

محسد
قد اكون ضايقت شخص من غير قصد :)
وتسلم..من طيبك


.

.


مانتوفاني
الله يسلمك من الشر :)
لبنان


.


.


قيااادية
افااا انا اخليج مااقدر :))
تعاالي تعااالي جنطتي فيها مكان
تقلقصي فيها
:Pp
loooooool
عيزت وانا اقولج تعوذي من ابليس
:P
شوفي ترى انا كنت مسامحتج عشان الكامب بس الحين اراح اسامحج :P
وبعدين منو بيشرح لي ويفهمني اللي طافني غيرج؟ :P
..
اييييي فلاي على قوولتج
الله يسلمج صديقتي :*

Najmah said...

المفكر
الله يسلمك من كل شر
ان شاء الله :)


.


.


someoneq8
وعليكم السلام ورحمة الله وبركاته
الله يسلمك يااخوي
ماقصرت


.


.



شهرزاد
صدقتي والله
دعوة الام سر توفيقنا وحفظنا
الله يخليهم لنا ولا يحرمنا منهم
..
آخ القطوة واي لا تذكريني
اخوي ذبحني كل يوم يوكلها ويشربها وعجبها المكان مو راضيه تروووح
صرت احس بالرعب لما بطلع من بيتنا
:(


.


.



خرووووفه
وااي انتي الله يسااامحج
لما ارد اتفاهم معاج لأني الحين مستعيله حددي
بس مشتاااااقتلج اكثر
والله يسلمج حياتي

Najmah said...

هامورة
الله يسلمج حبيبتي
:)


.


.


كويتاوي
لووووووووووووول
ايي صح بس مادري فجأة فجأة
مادري شطااري عليي
:\
الله يسلمك من كل شر :)



.



.


كاريزما
لووووووووووووول اي امي قالتلي
:Pp
مادري انا مرات اتييني حالات اشتهي اشياء غريبه
:P
على طاري الدكتورة
اليوم طلعت حرتي :P
ولله كنت حدي معصبه ومالي خلق محاضرتها
ويوم دخلت ولا وحدة قاعده مكاني
جان نقعد انا ورفيجاتي ورى آخر سطرة
عاد تخيلي بنص المحاضرة
جان اتيي عندي وتقول فقدت ابتسامتج اليوم!! وباجر ردوا جدام تعودت عليكم
:Pp
حبيبتي انننتي والله
تسلمين لي :*



.


.



يالله كلكم مع السلاااااااااااامه
:)

على نفسها جنت براقش said...

حمدالله على السلامه

شلون النفسيه الحين؟؟

:)

darkness said...

من غير شر

تروحين و تردين بالسلامه

اما الدكتوره فحرتني جد

واااي قهرتني حدها

:((

الخيلاء said...

تروحين و تردين بالسلامه

استمتعي

:)

فريج سعود said...

بالسلامه
تروحين وتردين وتتشمسين
وتصيرين مثل
البيديانة

قلب طفله said...

عجبتني العصيده :))

<< من اشد المناصرين لها :P

و الدكتوره طوفي يا كثر ما اندقرنا مع ان احنا الصح بس شتقولين الدكتور دائما على حق و الطالب خرطي

تروحين وتردين بالسلامه حبيبتي :)

حسام بن ضرار said...

بالسلامه

دكاترة هالسنين خصوصاً من فئة اللي ماخذين الدكتوراه وهم ما تعدوا الثلاثين سنه حدهم مايقين و ما يتقبلون راي الطلبه

elq87obi said...

تروحين و تردين بالسلامة

و أكيد محللة

بس ديري بالج على روحج

سلامي لج:)

Sn3a said...

تروحين وتردين بالف سلامه
صج مجرد اجازة بسيطه تسويلج رفرش
ولايضيق خلقج من الدكتوره يمكن اهي مو مستوعبه ان حتى الدكتور يغلط

تصدقين ماعرف طعم العصيده
لول

SHAHAD said...

تروحين وتردين بالسلاامة ياارب
راح نشتااقلج حيل : )
حلو الواحد ياخذ بريك من كل شي خاصة الصيفي : ))

فراوله said...

مساالورد والجوري
غاليتي الحبيبه
نجومه
تروحين وترجعين بمليون سلامه
راح توحشيني
:**

صالح..للشعر said...

السفر هو الملاذ الوحيد للهروب من هكذا امور
بالسلامه انشالله

كتبي شي هناك عشان نقراه عاد:)

بس شي حلو مو اي شي

Mishari said...

بالسلامة ان شاء الله :)

Shather said...

تروحين و ترجعين بالسلامه يا رب

و هالله هالله بالصوايغ :P

الـــوجـــــــد said...

:::::::::::::::

تروحين وتردين بالسلامة ان شاء الله
:
اتمنى لك التوفيق

:
ورحلة سعيدة

حفظك الله

:::::::::::::

SolaimaN said...

تعودنا من زمان على منطق واسلوب

الاساتذه الفاشل والمتعالي بالكويت

وكأنهم ملكوا العلم كله؟

،،

اجازة حلوه يارب وتردين بالسلامه

،،

:( عصيده

ولد الديرة said...

يمكن الدكتورة مزفوفة اصلا

طوفي خلج انتي الكبيرة

بالسلامة

لا تييبين شيء حق شذروه ترى منقع زرنيخ

يبيلي انا :p

~ شَــهْـــرزاد ~ said...

تجمتي البراقة..

اشتقتكِ
؛*
أحاديثنا أستمتع بها
؛)

ShLaLaT said...

صار السبت
وينج ؟؟؟


فقدتج من غير شر

Najmah said...

على نفسها جنت براقش
الله يسلمج حبيبتي :)
زييييينة الحمدلله :))


.


.


داركنس
الله يسلمج بعد قلبي
واي حياتي كلش ولا تنقهرين
عاادي طاااف :))
:*


.


.


الخيلاء
الله يسلمج حبيبتي
شكراااا :))


.


.



فريج سعود
الله يسلمك من الشر
لووووووول لا اسم الله عليي
ماحب البيديان
:P


.


.


قلب طفله
لوووووووول بالعافيه
:Pp
اييي على قولتج نطوف شنسوي بعد
الله يسلمج يالغاليه
:*

Najmah said...

حسام بن ضرار
الله يسلمك من الشر
اهيا قديييييييمة
:))


.


.


الكويت حبي
الله يسلمك مااقصرت والله
ان شاء الله :))
شكرااااا



.



.


سنعة
الله يسلمج بعد قلبي
اناا انقهرت لأنها قاعدة تعلم البنات غلط :\
لاااا لازم تجربينهااا
حياااج :)))


.



.



شهد
الله يسلمج حبيبتي
تشتاق لج العافيه
وانا اشتقت لكم والله
:*


.



.


فراولة
مساء الغلا والشوق
الله يلسلمج يالغاليه
وانتي اكثرررررررر
:*

Najmah said...

صالح للشعر
:))
كتبت بس
ان شاء الله يعجبكم :)


.


.


مشاري
الله يسلمك من كل شر :)



.


.



شذر
الله يسلمج حبيبتي
لازم صوغة؟
:Pp


.



.


الوجد
الله يسلمج يالغااليه
تسلمين والله
لا خلا ولا عدم


.



.



سليمان
انا اول مرة اصادف هالنوعيه
:\
الله يسلمك من الشر
لووول :P

Najmah said...

ولد الديرة
ايي يمكن :\
الله يسلمك من الشر
لووووووول لا انا ماعندي تفرقه عنصرية
يا كلكم
يا ولا احد
:Pp


.


,


شهرزااد
وانا اشتقتلج والله
:**
الله لا يخلييني


.



.



شلالات
كاااااني رديييييت :))
ماتفقدين غالي يالغاليه
:*