Tuesday, July 29, 2008

تاق من داركنس :)

بدأت تدون من امتي ؟ و دخلت العالم ده ازاي ؟
..
بدأت التدوين من12-9-2007
كانوا بعض رفيجاتي يحنون عليي افتح بلوق بس كنت مترردة
وكنت اكتفي بالقراءة .. وبعد فترة بيوم من الايام..وحدة من رفيجاتي
شجعتني وايد وسوّت لي هالمدونة وستايلها وكل شي
:*
.
.
>
ايه كان انطباعك في البداية ؟
..
بالبداية كان شعوري مثل الطير يطير بسما واسعة
ماكنت احسب حساب اي شي .. كنت مندفعة بكل طاقتي
ومتشوقة اعرف كل شي ... واكتب كل شي
كانت بداية حلوة وايد حبيتها
.
.
.
مين أكتر واحد بتهتم بتعليقه علي بوستك الجديد ؟
..
قعدت مدة طويلة افكر بهالسؤااال
واكتشفت ان كل شخص رده له تأثير خاص
اكتشفت اني استمتع باللي يتفاعل معاي
وارتاح باللي ينتقد ويوجهني
وابتسم باللي يشتط ويكتب تأثيره
كل كلمة من كل شخص تعطيني دافع مختلف
ويمكن اكثر الاشياء اللي تشدني الردود
صرت لما اكتب بوست احس بطبيعة رد كل شخص
شلون بتكون .. وادري شنو الكلمة اللي راح تشده
.
.
مين اتعرفت عليه من خلال المدونة و نفسك تتعرف عليه في الحقيقة؟
..
مممممممم
الصج الصج
اللي نفسه يتعرف عليي انا بتعرف عليه
:P


.
.
ايه أهم حاجة اتعلمتها من عالم التدوين ؟
..
تعلمت ان الكلمة مهما كانت بسيطة لها أثرها بالقلوب
تعلمت ان الانسان مايرتقى بسعة علمه فقط .. لكنه يرتقي بسعة صدره
وسعة أفقه بالاضافة الى معرفته

تعلمت ان اللي يزرع الخير يحصده .. واللي يعطي الحب يلقاه حوله
تعلمت ان احلى شي بالدنيا ... القلوب الصافية
اللي تشاركج لحظاتج وافكارج وهمومج وافراحج
مهما كانت بينكم الاختلافات
لأن اللي يجمعكم محبة صافية ... مجردة عن اي مصلحة او اسباب
.
.

ايه أكتر حاجة كرهتها ؟
..
اسلوب السخرية والاستهزاء وسوء الظن وانتقاص الآخرين
الجميع له حق النقد والتعبير
لكن ليس له الحق في الشتم والطعن بالناس والتشكيك في نواياهم
بعض الأمور تفتقر الى المنطق والحجة..فلا تكفي العاطفة وتعارض
الافكار واختلاف الآراء للهجوم

لكن صدق الشاعر
وعين البغض تبصر كل عيب ... وعين الحب لا تجد العيوبا
.
.

ممكن تدي مثال عن اللي بتحلم تلاقيه ؟
..
احلم الاقي مشروع كبير يجمع المدونين والمدونات
بس شنو اهوا مادري : )
.
.
حاسس ان التدوين له تأثير؟
اكيد له تأثير اما سلبا او ايجابا
: )

.
.
طيب كلمة أخيرة ؟
..
ابي اقولكم كلكم ... من اولكم لما آخركم
كل شخص مر بيوم على نجمة
كل شخص كتب تعليق لو كلمة وحدة
كل شخص عطاني من وقته لو ثواني
انا سعيدة بوجودكم ... سعيدة بأرواحكم الطيبة
كل شخص منكم له معزة بقلبي
وان قدر الله وابتعدت عنكم بذكركم دايما بالخير
وراح تكون معرفتكم مرحلة حلوة ماراح انساها بحياتي
مشكورين على كل شي
على كل حرف ... على كل شعور...على كل نصيحة
والله لا يحرمني منكم : )
...

داااركنس
انتي لج شكر خااص
مشكوورة من كل قلبي ... عزيزة وغاااالية
:*
.
.
تم بحمد الله :)

19 comments:

kuwaitawy said...

احم احم



اول تعليق




بالنسبة للتدوين يا نجمه


شي جميل ان الشخص يكتب اللي بخاطره واكو ناس يتفاعلون معاه

بالنسبة لي تفاعل المعلقين اهم شي بالتدوين

لأنها بالاخير عبارة عن تشجيييع غير مباشر



بعض المدونين تقدرين تعرفين شخصياتهم من مواضيعهم

وبالنسبة للمواضيع بمدونة نجمة

عبارة عن


كلمات حساسة
كلمات ساحره
كلمات تجبر القارئ ان يقعد بينه وبين نفسه خلال القراءة



فما بالج كاتب هذي الكلمات

شنو بيكون؟؟؟





تقبلي تحياتي

Lavender said...

12/9

عيـــــــــــــــــــــــــد مــــــــــيلادي :))))

أحلى تاريخ بديتي فيه التدوين

هاهاهاهاهاهاها

أنا أقول ليش دايماً أحوس عندج !

صج لي قالوا إن عرف السبب بطل العجب !
لووووول

;****

Shather said...

^-^

خوش كلام

₪ManaL₪ said...

السلام عليكم

حدي ولهت حق خواطرج و
مواضيعج الرووعة

بإنتظارها

=)

دمتي بألف خير إختي الحبيبة
نـجـمـه

و متألقة في سماء الإبداع دوماً

'3air said...

مدونة رائعة

و بوستاتج هي الدليل على اجاباتج عالتاج

اتمنالج التوفيق اختي

و ان شا الله مو آخر زيارة :)

Anonymous said...

مو مجاملة نجمة بس كلماتج احسها صادقة ومعبرة

فريج سعود said...

ماهي اكلتج المفضلة ؟
:)

charisma said...

:)
يا حلوج يا نجمه
الله لا يحرمنا منج
دشيتى القلب بسرعه
:*

:: ENG DaLooLa :: said...

Salam...

oo i7na s3eden eb wjodich ;)

5el nshofich ;)

:: ENG DaLooLa :: said...
This comment has been removed by the author.
Najmah said...

كويتاوي
اهلا بالتعليق الاول :)
بالفعل للتدوين متعة مختلفة
:)
تسلم والله
كل الشكر لك



.



.




لافندر
waaaaaaaaaay
ونااااااااااااسة
يامحاسن الصدف
استااااانست حدي :))
بعد قلبي والله
:***



.



.



شذر
شكرياتي :)


.



.




منال
وعليكم السلام ورحمة الله وبركاته
اهلاااا وسهلاااا
والله انا ولهت عليج اكثر
فقدتج من غير شر
الله لا يخليني منج :*

Najmah said...

'3air
وجودج اليوم الاروع
فرحت جدا بزيارتج
ويسعدني انها ماتكون الاخيرة
:)
شكرااا



.




.





محسد
شكرا جزيلا



.



.






فريج سعود
لووووول
الغدا مجبوس دياي
العشا بيتزا
:))



.




.



كريزما
بعد قلبي والله
من طيبتج .. عزيزة وغاليه
ولا يحرمنا منج يارب
:*



.



.





ENG DaLooLa
وعليكم السلااااام والرحمة
هذي انننننتي :*
شلوووونج
من وين طالعه الشمس
حدددددي فقدتج والله
لا تقطعيين

وفائي said...

التقينا مرارا وتكرارا من ذي قبل
لدواعي العمل , أو حتى اللقاءات الأخوية.. وعرفت حينها أنكِ نجمة لكني لم أعرف شيئا عن شاعريتك وحسكِ المهرف إلا هنا !!

صدق من قال, في كل إنسان تعرفه ,إنسان لا تعرفه:)

نجمة , وانا أكتب الرد تذكرت: رحبت فبُشرى !! المخيّم القادم سيكون بعنوان : رحبت شعرا

;D

موفقة.

darkness said...

واااااااااي

بعد عمري

امبيه دمعت عيني

يا علج العافيه

لا تشكريني وايد

امبيه

:)))))


الله يحفظج و يحميج

و اماااانه بوسي لي اللي سوت لج البلوق

و قولي لها انا جدا جدا جدا شاكره لها

و اهي روعه اللي خلتنا نتعرف على احلى بنوته بالكويت

:)

Najmah said...

وفائي
سعيدة جدا بإطلالتك ياصديقتي
:*
أؤمن جدا في تلك العبارة
" في كل انسان تعرفه انسان لا تعرفه"
:)
كنا نتشارك العمل..ولم اكن اتخيل اننا نتشارك اروع الهوايات
..
تدرين شنو تذكرت
لما كنا انا معاج واقفين نسوي الطاولات :))
يالله ايدي بيدج .. رحبت شعرا :))


.



.




داركنس
امبيييه
تدرين شنو حسيت
تعرفين شعور البنت الصغيرة لما تجاوب صح والابلة تمدحهاا
وتحطلها نجمة
واهيا تطير من الفرحة
امبيه والله حسيت بهالشعور
مشكوووووورة ياابلتي :))
ويحفظج ياارب ويخليج لنا
وان شاء الله اذا شفتها اوصلهاا
وااي داركنس صج مشكورة
:*

kazmawy said...

يا عينى عليج يا النجمة :)
اجوبة حلوة ولذيذية
بس احلاهم جوابج الى يبى يتعرف عليج ودى تعرفين عليه ..ههههههه
سويتيها حزاية رتى :)

kazmawy said...

ه
قصدى لذيذة ماادرى شفينى على البدليات هالايام
يمكن ليش تونى ماكل خوختين
لوووول

bu saad said...

استمري في العطاء ...موفقه اختي الكريمه...

اكثرما جذبني لمدونتك اسلوبك الراقي و الاروع ابداعك في مجال الشعر و الخواطر

Najmah said...

كظماوي
لوووووووووووول
المهم اني جاوبت ما انحشت
:P
ههههههههههه
بالعافيه الخوختين :))
وشكراا


.



.



بوسعد
اهلا وسهلا
تسلم يااخوي
وانا مستمرة بوجودكم الطيب
شكراا
وموفق ايضا :)