Saturday, August 2, 2008

التاريخ ماينسى


السابعة صباحا
..
أفز من نومتي مخترعة ... أدور تلفوني اشوف الساعة
امتحاني @8 واحتاج وقت أراجع فيه
..
أقوم بسرعة وألبس وانا نازلة تحت .. استغرب الاصوات اللي اسمعها
كل يوم الصبح أسمع صوت العفاسي..لكن اليوم اسمع اصوات غير
!!
ألقى أمي وأبوي بالصالة ... ذكريات .. ودموع ... ودعوات
...
!!
مثل هاليوم ... قبل سنين ... طويلة عندهم ... وقريبة عندنا
..
يمكن كنت صغيرة ... ماتجاوز عمري السنتين
..
ما اذكر اللي شافوه ... ما عشت اللي حسوه
..
ما اذكر الا الغرفة الكبيرة اللي كنا ننام فيها
..
وما اذكر الا لعبتي اللي سحبها مني الجندي وصرخت عليه
بجيت عليها ... وبجت أمي من الخوف
ومارضيت أتحرك إلا لما رجع لي اياها
!!
..
صج ما اتذكر اللي صار ... لكن اشوفه بذكرياتهم
..
اشوفه بعيونهم ... أحسه بدمعتهم
..
اسمعه بكلامهم وصدى مواقفهم
..
مثل هاليوم
..
عرفنا قيمة الكويت
..
عرفنا قيمة الأمان
..
عرفنا قيمة القلب الواحد
..
مثل هاليوم ... عرفنا شلون نضحّي عشان ديرتنا
..
عرفنا شلون الاختلافات تذوب ... والعداوات تموت
كل شي يرووح .. وحب الوطن بااقي
..
مانسينا اللي صار .. ولا بننسى
..
بنظل نذكره
بنظل ندعي
بنظل ننادي
وهل نعتبر
!؟!

.

.

اللهم ارحم شهداءنا الأبرار

واحفظ لنا الكويت حرة أبية

ووحد قلوب ابنائها على البر والصلاح

وردّ كيد اعدائنا في نحورهم يارب العالمين

29 comments:

Kuw_Son said...

ما راح ننسى

الزين said...

الجرح اكبر من ان احنا ننساه

او نتخطاه

او حتى ما نذكره



......


وحشتيني

kuwaitawy said...

اللهم اميييييييييييييييين

:: ENG DaLooLa :: said...
This comment has been removed by the author.
:: ENG DaLooLa :: said...

Shlon kan elemt7an :)?

Ana athker 3del .. bes ma a7eb athker ..

Sn3a said...

اللي عنده دم ماراح ينسى اهانه امه
فشلون على اهانه الكويت واهانه ملايين الامهات والابهات

Super Woman said...

ما اعتقد في احد عانى راح ينسى !!؟
بس اللي ما عاش الوضع يمكن سهل عليه انه ينسى

!!








نجمه
اقل من اسبوع ونخلص الصيفي
مستوعبه ؟؟

Najmah said...

kuw_son
ومنو يقدر ينسى


.



.



الزين
صدقتي والله
..
وانتي اكثر
:**


.



.



كويتاوي
آمين يارب



.




.



ENG DaLooLa
الحمدلله سهل
:)
الله لا يعيد هالايام
:*



.



.



سنعة
صح لسانج

Najmah said...

شلالات
تكفي العيون اللي تعاني
تذكره
..

ايييييي مستوعبة
الثلاثا اعطللللل
وانتي؟؟

darkness said...

اهم يبونا ننسى

بس احنا ما راح ننسى

و راح نعلم عيالنا و نوصيهم انهم ما ينسون

و يعلمون عيالهم

لانه للاسف اهم مالهم امان

و باي وقت بيردون يسوون ابشع من اللي سووه

Shather said...

اللهم امين

على هالبوست ذكرتينيي بذكريات امرّ من المريره

Kuwait said...

عنوانج كفى ووفى :)
التاريخ ماينسى
ولا من عاش ذيك االأيام ينسى ..
كل سنه يتكرر هاليوم وكل سنه جرحه وذكراه ودموعه مثل ما هي لا تقل ولا تتغير ..
الله يحفظ الكويت

qesat_5ayal said...

اللهم آمين


لن ننسى ونضل نذكرها للأجيال
نسردها
نجسدها بكل المعاني

نقود

المؤمن لا يلدغ من جحر مرتين


شكرا نجمة لتلك الوقفة

qesat_5ayal said...

نقول*

غلط مطبعي

فراوله said...

مساالورد والجوري
غاليتي الحبيبه
بنفس هذا اليوم
كانوا هنا
ومروا من جانب البر والبحر
واغتالوا
كل شي جميل
:(
ولكن رجعنا اجمل
واحلا
واروع
من قبل
اللهم ارحم شهدائنا وفك قيد اسرانا
واحمي هالارض واهلها من كل مكروه
:**

mo3ath said...

اشلون التقديم ؟ :)

محد فينا راح ينسى هالتاريخ وخصوصا الي عاشروا ذيج الايام السوده

وايد مواقف اذكرها واذكر ويوه الجنود العرقرق بعد ، صوت الرمي كنا نسمعه وصار شي عادي بس الي ماتعودنا عليه صوت الطيارات ايامها

الله لا يردها من ايام

Blog 3amty said...

مو صاحية !

الديرة راحت وهذي تقولة أبي لعبتي

:P


-------


الله لا ير هالأيام ويرحم شهدائنا ويرزقنا منزلتهم يوم القيامة :)

Najmah said...

داركنس
اي والله صدقتي
شلون ننسى
في ام تنسى عيالها
في بنت تنسى ابوها
في اخت تنسى اخوها
اللي صار ماينساه حتى الصخر
!!


.



.



شذر
الله يعين :(
ولا يرد هالذكريات



.




.



كويت
اذا قالوا بننسى
التاريخ ماينسى
والقلوب الحيه مستحيل تنسى
آمييين يارب
:*



.



.


قصة خيال
صح صح
وماينطق عن الهوى

Najmah said...

فراولة
مساء النور والطيبة
شلونج يالغاليه
:*
آمين يارب العالمين




.




.



معاذ
الحمدلله زين :)
شعور صعب
آمييين يارب
ربي يحفظ ديرتنا ويديم علينا الامن والامان


.




.


بلوق عمتي
منو اللي مو صاحية؟
..
آمين

esTeKaNa said...

ننسي الكويت ومن غزاها
والحمـيـة لـنـا والمقـدريـه

باكر الحرب لي دارت رحاهـا
ذاكرتنـا تعـرف انهـا قويـه

تحرق النار رجل اللي وطاهـا
والرديـه عواقبـهـا رديــه

ما تهون الديـار لمـن بغاهـا
دونها الموت ورجـال عصيـه

كل نفس تبـي تلحـق جزاهـا
وكـل نيـه لراعيهـا مطـيـه

كل عـذرا بكينـا مـن بكاهـا
هتكة العرض ما عقبـه خزيـه

والعجوز الذي جنـدك رماهـا
وش سبب ذبحة النفـس البريـه

وكل طفل لكـم نفسـه عطاهـا
وش جني الطفل من ذنب وخطيه

كل شايب وقـف يسنـد فتاهـا
حالفيـيـن نــرد الجابـريـه

كيف ننسي الكويت ومن نساهـا
باكر تشوف من ينسـي خويـه





خالد الفيصل
:)



الله يحفظ ديرتنا
بوست قمه بالصدق
قمه بالروعه
يعبر عن احساس اصدق من اي احساس اخر
الله يحفظ ديرتنا ويبارك في شبابها وبناتها قولي امين
:)









ترا انا رديت لعيونك انا رديت
ولك حنيت مثل ما يحن حمام البيت
:)
ولهانه من اقصى روحي يا نجمه
كل ايميل قريته منج دمعت له عيني
احساس انج انسانه تنفقدين ولج مكان احساس رائع شكرا لانج كنتي ممن دايما يحسسوني فيه
:***


بشريني اشسويتي بامتحانج؟

قلب طفله said...

اي و الله

لا التاريخ ينسى و لا احنا ننسى

الله يحفظ ديرتناو اهلها و يرحم شهدائنا

Najmah said...

estekana
:*
كيف ننسي الكويت ومن نساهـا
باكر تشوف من ينسـي خويـه
..
صح لساانج ولسان خالد الفيصل
:))

آمييييييييين يارب العالمين
.
.
تو مانور بلوقي والله :**
ولهااانة عليج اكثررررر
والطيّب ينفقد يااستكانة
مايحل محلج احد
:*
الامتحان سهل الحمدلله
وتوه طلعت نتيجتي
خذيت A :))

Najmah said...

قلب طفلة
آمييين يارب العالمين
ويحفظج ربي من كل شر

Abdulrahman Alebrahim said...

أن نعفو عن الخطأ فهذا بيدنا ولأننا كبار فقد عفونا ولكن أن ننسى فهذا الجرح لا ينسى وكيف ينسى من أثره الى اليوم يؤلم وكيف نمحو ندبا في القلب فالجرح في القلب لا نضب دمه أبدا لن ننسى ولكننا سنعفو ونصفح لأننا نحب ان يغفر الله لنا.

لا ارى الله كويتنا الغاليه مكروها ورزقنا الحكم السديد والعمل الرشيد والعقول المفكره في سبيل هذا الوطن العزيز

نجمه دمت بخير

kazmawy said...

الحمدلله الف الف الحمدلله الله لايعودها من ايام قشرة

SHAHAD said...

اللهم اامييييين

فريج سعود said...

جان زين نعيش كل يوم مشاعر الغزو بدون غزو
بين يوم وليلة صرنا اخوان

باغي الشهادة said...

آميــن

Najmah said...

رجل يحمل مشاعر
كظماوي
شهد
فريج سعود
باغي الشهادة

آمين يارب
شكرا لكم