Thursday, August 7, 2008

اول يوم عطلة :)

اخيرا عطلت
احس اني طااااايرة من الفرحة
الحمدلله A نتايجي طلعت وكلهم
:)
.
.
فرحة من نوع آخر ... تلك التي اشعر بها اليوم
..
كان يوما مختلفا ... رائعا بكل احداثه وتفاصيله
..
ممتلئا بالفرح ... تنبض لحظاته ابتسامة
.

.
هناك من الأشخاص من يكون لقياهم ساعة كل عام
..
لكن كفيلة تلك الساعة ... أن تمحي منا كل جروح سببها الفراق
.

.
صديقات الثانوية

..
لهم معزة خاصة قي قلبي

..

رفيقات الصبا
..

رفيقات الشغب
..

رفيقات التمرد والجنون
..

رفيقات مقاعد دراسية متعبة
..
وطابور صباح مثقل
..
لا يخفف عبأه
..
سوى سباقنا في احتلال الصف الاول
..

شلتنا الكبيرة
..

حقائبنا المتماثلة
..

لقاءاتنا المتكررة في كل الاوقات
..

ذكريات لا حصر لها
..

نشاط لا حد له
..

وسعادة كانت تملأ فيني كل فراغ

.

.

.

اليوم
..
لم تكن فرحتي بإجازتي شيئا أمام فرحتي بكم
...
لم اتخيل ذلك الحضور المبهج
..
من دون تخطيط
..
مجرد خاطر شوق عبر في مخيلتي
..
أرسلت على اثره أدعوكم لزيارتي
..
وكم أنا ممتنة الآن لذلك الخاطر
.
.
.
سريعة هي الايام
..
وكأن اليوم لم يكن له أمس
وكان الأمس لم يكن له يوم
!!
..
ضحكت جدا على ذاك التغيير
..
أن تدخل احداكم بصحبة ابنتها
والاخرى بصحبة ولدها
والثالثة تحمل جنينا في احشائها
..
فتهمس بقية العيون الحائرة
..
"
بنااات بالمستقبل شلون نتيمع
لازم نسوي غرفة العاب حق عيالنا
او نكتب ممنوع اصطحاب الاطفال
"
:Pp
.
.
سعيدة فعلا
..
بكل اللحظات الجميلة
..
بوجودكم المشرق
..
بلقائكم الذي اعاد فيني روحا مختلفة
..
من القلب
..
من الاولى .. الى الخامسة عشر
شكرا لكم
:*

27 comments:

QiYaDiYa said...

ربي يتمم عليكم وناستكم و لا يفرقكم ;*


على رغم الم مرور الايام مسرعة ..
الا ان احلى لحظة لما تشيلين بيدج ولد او بنت رفيجتج !!

شعور مختلف جدااا !!



اذا تخرجتي من الجامعة ..
راح تكتبين عنا بوست جذي حلو ؟؟
;p


و مبروووك العطلة ;D

صقر قريش said...

مبروك على العطلة أما الثانوية آآآآآآه يا أيام الثانوية احلى ايامي واشقاها!!أي والله المتناقضان ياني طفرت المدرسين ويننتهم بس يبقون حبايبي وفضايلهم بعد ربي على راسي احسن ناس كانوا اهم ولما يشوفوني اسلم عليهم بعد ماخلصت من الثانوية مايقولون هذا الولد الي طفرنا انما قالوا هذا الي درس عندنا ومانسانا الله يذكرهم بالخير واحد واحد والله يطول بعمر حيهم ويرحم ميتهم.

آنا لما أشوف واحد من الربع يايب ولده(مظطر لابطل!!)
اتضايق واقول كبرت يابوعبدالله وشيبت هذا اذا كبر بيناديك عمي (هم الحين جم واحد قاعد يناديني عمي وياليتهم صغار على خمس تعش وستعش:( )

هذاك بيناديني يدي:(.

مبروك اختي نجمة والله يخليكم لبعض ودوم ربع والله لايفرقكم :).

elq87obi said...

نجمة

صباح الورد

الله يتمم عليكم هالوانسة و إن شاء الله دوم تكونين مستانسة

و مبروك العطلة

و الله يوفقج

سلامي لج :)

Kuwait said...

مبرررررررررووووووووووك ..
على العطله وان شاء الله النتايج حلووووووووووووه :)
اما الصديقات فوجودهم شيء لا يقدر بثمن ..
أحسج تتكلمين عني ومؤخرا شفت توأم روحي ورفيجتي الي ما تفارقني لدرجة ان بكل مرحله من مراحل حياتنا قضيناها مع بعض ولا نزال حتى في مرحلة العمل نتشارك نفس المكتب ونفس الأغراض احتفلنا مؤخرا بوصول بنوتتها ذات العيون الرماديه والخدود الحمره والويه المدور الأبيض والشعر داكن السواد ..
للحظه لم أشعر اني سأتعلق بها وكأنها إبنتي لكنني وجدتها ابنه من نوع آخر ..
أشتاق إليها ولمداعبتها خصوصا هذه الأيام ..
كل ما شفت لبست تشوقته عليها واشتريته لها ..
الله لا يفرقكم عن بعض يارب ونشوف عيالج قولي آمييييييييييييييين ..

JooJ o MaJooJ said...

عسى الله لايفرقكم انشاءالله
ترى ربع الثانويه اهم الي يدومون

الله يخليكم حق بعض يا رب

ماجووووج

Blog 3amty said...

عللللللل بركة :)



وننها للأعلى إن شاء الله ...

ShLaLaT said...

مبرووووووووووك
ويييييييييه ما بغيتاااااااااااااي


الله يوفقج ويعطيج على قد نيتج



احلى شي يمعت البنات
صج صج تحسين وااااااااي وناسه
:)


والاحلى اذا كانوا هالبنات قراب منج
تفهمينهم ويفهمونج
تفصلين ويفصلون معاج
لوول

:)


وارد اقول

مبروووووووووووووك

يوميات مغتربة said...

مبروك :)

و ان شالله تستانسين بالعطله

و شعور غريب لما تحسين فجأة الكل كبر
اللي عندها ولد و اللي ببطنها بيبي

الله يسعد الجميع ان شالله

و شكرا عالبوست الحلو

Najmah said...

قيادية
اهلا اهلاااا
آمين يارب
..
ايييييي والله
حده غيييير
واي تدرين شكثر انا ولهانة عليه؟
:(
:**
..
اذا تخرجت من الجامعة
راح اكتب عنكم بوست احلى
تصدقين احس الحين مابي اتخرج
هالايام وايد غاليه عليي
كل ماتمر لحظة اقول بنستانس فيها لانها ماراح تنعاد :)
انا مستانسة وايد لأني عرفتكم
معزتكم بقلبي غير ياقيادية
:))



.



.



صقر قريش
الله يبارك فيك
بالفعل اهيا احلاها واشقاها :)
لووووول صج الله يعين المدرسين
والله هالمهنة تتطلب صبر وطولة بال
وحكمة كبيرة
الله يعطيهم العافية
:))
هههههههه
الله يخليهم لك وان شاء الله يفرحون بعيالك
وعسى ربي لا يفرقك عن احبابك
ماقصرت اخوي :)



.




.




الكويت حبي
صباح الفرح والسرور
آمين اجمعين يارب
والله يبارك فييك
تسلم يااخوي :)

kuwaitawy said...

الف الف مبروووك

والبوست رووووعه


ومنها للاعلى يارب

Najmah said...

kuwait
الله يبارك فيج حبيييبتي
:))
الصداقة الحقيقية كنز :))
واااي تدرين شكثر حبيت هالبنوتة
من قبل لا اشوفها :**
اسم الله عليها
عسى ربي يحفظها ويخليها
وافرح بعيالج ان شاءالله :))
تدرين انا رفيجتي واختي وحبيبتي واقرب الناس لي من اولى متوسط
واهيا معاي بكل لحظة
تزوجت قبل فترة وتدرين شكثر احن عليها ومتشفقه اشوف عيالها
شعور غييير :)
تسلمين لي ياكويت :**



.




.




جووج و مجووج
آمين يارب العالمين
ويخلي لج كل غالي حبيبتي
:))



.




.




بلوق عمتي
الله يبارك فييك
وياااك يارب :)

Najmah said...

شلالات
الله يبارك فيج بعد قلبي
لوووووول اي والله مابغيت
اجمعيين ياااارب
ايييي ايييييي
احلى شي لما تكونين مع ناس فاهمينج
وفاهمتهم
تضحكون على ابسط الاشياء
وتفصلون بقمة التعب
تحسين كل المسافات اللي بينكم تنطوي بلحظة
مافي احلى من هالشعور
انا وايد احب هاليمعات .. ماحب اطوفها
:))
يبارك فيج يالغالية
:*




.




.




يوميات مغتربة
الله يبارك فيج حبيبتي
:)
وياج يارب
اييييي شعور غريب يضحك يبجي
بس حلووو بنفس الوقت :)
آمين يارب
والشكر لج على هالمرور الغالي
:*



.



.



كويتاوي
الله يبارك فيييك :)
الاروع تواصلك يااخوي
ووياك يارب العالمين

:: ENG DaLooLa :: said...

Testahlen el A's ;)

oO allah y5lee Lich rfjatich :):)




amse7 post lena yswe 2 bel '3La6 :P

7osen said...

الف مبروك

ان شاءالله منها للاعلى

وعسى دووم هالفرحة

تستاهلين كل خير

darkness said...

دوم يا رب مستانسه

:)

لو شايفتني شلون الابتسامه ماكله كل ويهي

:)

Najmah said...

ENG DaLooLa
تسلمين حبيبتي
ويخلي لج كل غالي يارب
:*
لووول اخذي رااجتج :))


.



.



حسين
الله يبارك فيج
تسلم والله ماقصرت
ووياك يارب
:)



.




.


داركنس
بعد قلبي والله
ويااااج يارب
وعساني مانحرم من هالضحكه
:*

khaled said...

مبــرووك ومنها الي الاعلى نجمة
جميلة العطله صدقيني استمتعتي فيها

Najmah said...

خالد
الله يبارك فيك ياخالد :)
ان شاء الله راح استمتع فيها
واتمنى لك الاستمتاع وكل السعادة
:)

SHAHAD said...

الله يا صديقات الثانوية
عن جد ما يتعوضون
الله يهنيج فيهم
ويهنيهم فيج
ولا يفرقكم : )
قولي آمين

SHAHAD said...

اي صح .. مبرووك النتايج الحلوة
وعطلة سعيدة حبوبة : ))

ولد الديرة said...

الف مبروك

منها للأعلى إن شاء الله

انا كنت عاجل شحليلي :)

Najmah said...
This comment has been removed by the author.
Najmah said...

ولد الديرة
الله يبارك فيك
:)
لوووووول
ماشاءالله الله يتمم :))

Najmah said...

شهووودة
اي والله مايتعوضون
:*
آميييين يارب ويخلي لج كل غالي
والله يبارك فيج حبيبتي
وعطلتج اسعد :))

قلب طفله said...

الف الف مبروووك نجمه

النتايج الحلوه و عسى دووم ياربي

يا زين قغدة الرفيجات و خصوصا

رفيجات الدرب المتوسط و الثانوي و

الجامعه و كل وحده و حياتها و عيالها

واااي احس الدنيا تررركض لما اشوفهم

و عيالهم حبايبي الله يحفظهم


الله يخليكم لبعض و لا يفرقكم و الفال لج

يارب تجتمعين معاهم وعيالج معاج :)))


و عطله ممتعه يا طلبة الجامعه

لعقب العيد الله يتمم عليكم ^_*

الحارث بن همّام said...

ايام الثانوية:
شطانة
اجرام
حرية
آخر مراحل البراءة

مازالت هي اجمل ايام مبروك العطلة

Shaima'a Alkandari said...

قولى امين

عسى الله لايفرقكم ويخليكم دوم مستانسين
ومبروك يالغاليه