Saturday, September 6, 2008

منو عثمان؟


مساء الجمعة
..
بعد أن فاض منزل جدتي بالزوار
..
تعبت من القومة والقعدة
..
وايدي صارت تشتكي... يعني مافي غيري يصب القهوة

!؟!
..
انسحبت من الصالة بهدووء
.
.

ذهبت للجلوس معهم
..

عيال خوالي
..
اكبرهم ماتجاوز التسع سنوات
..
استمتع بالقعدة معاهم
..

بالكلمات اللي تطلع بدون ترتيب
..

بالضحك على اقل الاشياء
..

بأسئلتهم اللي ماتخلص
..
وتذكيرهم دائما بجنوني وفصلاتي المحرجة

:S

.
.

لاحظت شي هالمرة
..
بين كل سالفة والثانية
..

يطرون لي اسم عثمان

!..

وانا منو عثمان؟
..

سألتهم معاكم بالمدرسة؟
..

قعدوا يضحكون
!!

قالوا لي شفيج نجمة اهوا كبير متخرج
..

انا : عيل شلون رفيجكم؟ وين تعرفونه؟
..

جابلني ولد خالي وقص لي قصته

:

اهما جيراننا سكنوا بالبيت اللي يمنا
..

مرة شافني عند باب البيت سلم عليي وقال لي: تلعب كرة بعد الصلاة؟..

وانا قلت اي .. وصرنا نصلي العصر ونلعب كرة

وبعدين صار رفيجنا عرفتي؟

..

ابتسمت

واتسعت ابتسامتي وانا اسمع بقية القصة .. وكثير من مواقفهم

..

تأثيره الواضح على قلوبهم الصغيرة
..

تحريصه لهم على الصلاة
..

حديثه عن طاعة الوالدين
..

مشاركته لهواياتهم.. ألعابهم .. حتى افكارهم البسيطة
.
.

احسست بسعادة تشرق في روحي
..

فعلا قلوب الأطفال أراضي خصبة
..

فلماذا لا نلقي فيها بذرة خير؟

..

لا تحتاج منا طول عناء
..
ولا طول وقوف
..

لا تحتاج سوى الصدق
..
ان تزرعها بصدق
..

ان تشاركهم بصدق
..

تسمعهم بصدق
..

تحدثهم بصدق
..
وتحبهم .. بصدق
..

أن تسعهم بعطاء قلبك
..

أن تفسح لأرواحهم التحليق في فضائك
..
حين تصغي لنفوسهم .. ستصغي لك

:)

.

.

التأثير على الآخرين اكبر من كلمات تصاغ
..

أو خطوات تتبع
..

او نصائح تلقى على عجل
..

لكنها تبدأ ... بفسحة تحتويهم في قلبك
..

بابتسامة عابرة ترسمها

..

وفرصة تمنحها لهم برضا وفرح

.

.

يقول الطنطاوي رحمه الله

"

اذا شئتم ان تذوقوا اجمل لذائذ الدنيا

واحلى افراح القلوب

فجودوا بالحب والعطف

كما تجودون بالمال

"

19 comments:

Super Woman said...

يا بخت عثمان

:)


يا ليت لو اصير عثمانه
واحوس بالفريج والعب عيالهم
ووحده لطيفه خفيفه الطينه حبيبه رقيقه تكتب عني

;*

Najmah said...

شلالات
لوووووووووووول
عثمانة مرة وحده
:Pp
بعد قلبي
ترى استحيت
!!

JooJ o MaJooJ said...

يحليله و الله كبر إبعيني معني ما أعرفة...بس فعلا لو كل واحد يزرع خير بالطفل راح نحصد جيل طيب مو ألحين اليهال إلسانهم طويل و كل الأغاني حفظينهم بدال لانحفظهم القران!!!
مستلنسين عليهم بالترقص!!!
جووج

Anonymous said...

الأطفال .. ملائكة الأرض

As YoU LiKE said...

Do not trust him.
El Zaman Tegayer :)

Kuwait said...

لووووووووووووووووووووول ..
أنا أستانس على عيال ولد جيرانا من صج لا أشوفهم بالشارع والا بالقرقيعان جم مره أحطهم بالسياره وانا اوديهم يقرقعون حدهم يونسووووووووون ;D
وعندي متعه أيام القرقيعان اليهال الي اييون يقرقعون أخليهم يغنون وبعدين أعطيهم الحلاو وقبل ما يطلعون كل واحد توست وجبن مع حليب ككاو حرااااام أحس يعني يواعه مادري ليش هالإحساس يحوشني :|

kAiKa-MGroMa said...

GooD zOoOL "o9MaN"

=D.

darkness said...

الله يهنيه و يجزاه خير

:)

و يا الله يا رب تزيد من امثاله

و ان شاء الله الكل يقتدي فيه

تدرين شرحتي صدري بهالبوست

حسيت ان الدنيا بخير

بعد عمري ما تقصرين

:)

Najmah said...

جووج
صدقتي والله
تخيلي ذاك اليوم
سئلني ولد خالي بثانية ابتدائي
تعرفين هالاغنية؟
ابلتنا الرسم كله تغنيها لنا
واحنا نرقص
انا لا تشوفين ويهي
تنحت!!
الله يحفظهم من كل شر
يزاج الله خير حبيبتي
:*


.


.


محسد
ملائكة الارض
رائعة العبارة
صدقت :)


.


.



as you like
الحذر مطلوب
وحسن الظن مطلوب ايضا
مافي الا الخير ان شاءالله
:)

Sn3a said...

ياحلات البوست
عاد وانا كل سطر ادور عثمان
صراحه طريقته حلوة واسلوبه ذكي بجذب الاطفال الى الصلاة بهالطريقه


صج اليهال عجينتهم طريه بس كل مالها وتنشف بسرعه هالايام
لازم الواحد يلحق على اعياله او اخوانه بسرعه اي اهمال منا بيلقى استقبال من مغريات الحياة ومفاتنها

Najmah said...

كويت
لووووووووووووووول
ابيه اهم شي توست وجبن وحليب ككاو
ضحكتيني لووووووول
اذكر مرة من زمان لما كنا نقرقع
في بيت عطونا فيمتو وبطاط مقلي
:Pp
واي انا متعتي لما يطقون الباب يقرقعون
اركض اجابلهم واقولهم اسمي
وناااااسه
:Pp


.



.



كيكة مقرومة
:))
حياج حياج
:)

Najmah said...

داركنس
آمين ياارب
حبيبتي انتي
عسى دوم صدرج منشرح
والدنيا بخير بوجودج الناس الطيبة مثلج :)
لو تشوفين ابتسامتي وانا اقرا تعليقج
:**


.



.



سنعة
وجودج الاحلى يالغالية
صدقتي
لكن اللي يعور القلب
اللي يهملها
ويهمل استغلالها
احس قلوب الاطفال على الفطرة
لكن تحتاج نسقيها
اذا تركناها بهالدنيا اكيد بتنشف
مشكورة يالسنعة
:*

SHAHAD said...

ما شاء الله على عثمان
ياليت كل الشباب مثله

أحب اللي ينزل مستوى الأطفال ويصاحبهم ويعلمهم وينصحهم ويحبهم من قلبه

بوست رائع نجومة : )

قــــرار said...

بارك الله فييج وبعثمان وكثر الله من أمثالكم : )

terkwaz said...

الطفل يتلعم بالنظر والقدوه
والتعليم بالنظر اسرع الطرق
مشالله عليه
الله يكثر من امثاله..

والاطفال والله الود ودي اصير بيبي ستر لهم ياحلوهم يشوقون

mo3ath said...

اخخخ لو عثمان موجود بكل فريج

الله يعطيه العافية ، دزوا لقيمات حق بيتهم :)

القعده مع اليهال حلوه تذكرج ان البراءة والطيبه لما الحين موجوده بالدنيا :)

Anonymous said...

حسنا فعل والله جزاه الله خيرا نعم قلوب الأطفال ارض خصبة لنشر الخير لأنهم مازالو على فطرتهم التي فطرها الله عليهم اغبطه على هذه الروح وهذه الطريقة في الدعوة جزاه الله خيرا.

مبدعة دائما:)

صقر قريش

Najmah said...

شهد
اي هذا اللي قصدته
ننزل مستواهم
نسمعهم
وبعدها يسمعونا
:)
انتي الاروع ياشهودة
:*


.



.



قرار
يزاك الله خير يااخوي
ومن امثالك يارب

.



.



تركواز
صدقتي :)
ابيه انتي جنج انا
كل ماشفتهم اتمنى لو ارد مثلهم
وقلبي مثل قلبهم
طاهر بريء مايعرف النفاق
!!

Najmah said...

معاذ
:)
ان شاء الله تامر امر :)
ايييي
احلى شي بالدنيا اليهال
وامتع اللحظات القعدة معاهم
ترد الرووح

.



.



صقر قريش
آمين يارب العالمين
ويزاك الله خير ياصقر
نورتنا