يوم غريب

1

..

أصحى على أذان الظهر

..

بعد نومة متعبة جدا

..

واحلام نصها مزعجة

:\

كان آخرهاا

..

إني قاعدة بعزا شخص قريب من وحدة اعرفها

..

قمت مستغربة

..

هالانسانة صارلي تقريبا 3 سنين مو شايفتها ولا ادري عنها

..

تعوذت من ابليس

ونسيت الحلم

..

بعد ساعتين يرن تلفوني

..

" ترى عم فلانة (اللي حلمت فيها) توفى

..

الله يرحمه برحمته

:(

صج اخترعت

:\

.

.

2

..

قاعدين بالصالة

..

يرن تلفون ابوي

..

اتييني نقزة بقلبي

..

اسأله يبه منو؟

..

قال لي عمي

..

قلت الله يستر ..ليش احس خبر وفاة

:\

..

يرد ابوي على التلفون

..

لا حول ولا قوة الا بالله

..

يسكره ويقول

..

فلان الفلاني توفى

!!

:(

.

.

3

..

اليوم طرت على بالي أبلة درستني بالثانوي

..

مرة كانت تكلمنا عن القرآن

..

قالت لنا شفتوا شلون الانسان يفرح اذا وصلت له رسالة من شخص عزيز؟

..

شلون يحافظ عليها .. وكل ماضاقت فيه الدنيا رجع يقراها

..

هذا القرآن رسالة من ربنا .. كل ماضاقت الدنيا رجعو له

يسليكم ويمسح همومكم

..

مانسيت عبارتها لأني حسيت فيها

..

يوم تذكرتها .. قلت بقلبي اتمنى لو اشوفها

..

او القى رقمها .. بس بقولها ان كلمتج ظلت سنين بأذني

..

المهم ... وطافت السالفة

..

قعدت اقرا قرآن .. واذن المغرب

..

تفطرت وصليت

..

ومادري شلوت فجأة نمت

..

قمت على صوت بنت خالي تقعدني حق التراويح

..

على ماقمت ولبست كان مأذن العشا

..

والاخت مصرة نروح نصلي بالراشد

..

رحنا ... ابيه صار فلم

..

زحمة اول مرة اشوفه جذي زحمة

..

الناس واقفه بالشااارع

..

طلع ياييبن شيخ من السعودية يوم واحد

..

انزين انا الحين دشيت بالمواقف ماقدر اطلع

..

لأن الناس مسكرة طلعة المواقف ونازلة

:\

جدامي طابور ينطرني ارد قري واطلع

..

وانا على يميني وعلى يساري سيارات

وبالغصب دخلت بينهم

:(

وحدي خااايفة شلووون اطلع

!!!

والناس تأشر لي يابنية ردي وطلعي

..

وانا بمكاني متنحة

:Pp

..

نزل الريال يقول لي ردي لأن السيارات مسكرة الشارع

..

اقول له شلون ارجع اخاف ادعم السيارات

l00o0o0o0ol

يعني لازم كل الكويت تدري اني خوااافة

:"(

..

وقف يمي .. يقول لي لفي يمين شوي

الحين ردي عدليه .. الحين لفي مرة ثانية

..

وانا على طرف لساني اقول له تعال طلعها بدالي

..

الظاهر سمعني قال لي تبين اطلعها لج؟

..

قتله اييييييييييي الله يعافيك

..

ونزلت أمام الملأ خليته يطلع سيارتي

:Ppp

ابيه صج احرااااااااااج

..

:"(

..

المهم

..

رديت بكرامتي حق مسيدنا العزيز

..

الحمدلله انه ينطر نص ساعة فلحقت اصلي معاه

:)

بعد ماسلمت

..

اشوف ويه جدامي يشوفني ويبتسم

..

ولاااا منو؟؟؟

..

ابلتي بالثانوية اللي تذكرتها اليووم

:))

..

شعور غريييييييب