بعد اجازة شهرين ... اخذت فيها الوقت الكافي للنوم والراحة
استقبل الدوام غدا
:)
انا مستانسة
ولهانة على الدوام
على رفيجاتي
على الكتب
حتى الامتحانات ولهت عليها
!
احب البدايات بكل شي
احب لحظة البداية واحساسها
احب اتشوق لها
واكتشفها
واستعير منها أمل اتفاءل فيه
..
شعوري اني متشوقة حق شي يحرمني من النوم
!
دايما هاليلة ماعرف انام فيها
مثل ليلة السفر ... ليلة العيد
احساسي اني ناطرة شي او شي ناطرني يخليني افكر بكل لحظة
ومع اني اداوم اول يوم وانا ماذقت النوم
الا اني اكون بقمة النشاط
:)
اتمنى يكون هالكورس احلى من اللي قبله
واتمنى اني اشد حيلي فيه واتوفق بكل المواد
:)
..
في شي بقلبي
على كثر ما انا ولهانة على باجر وفرحانة فيه
على كثر ما انا متضايقة بهاللحظة
ماحب شعور الضعف
ماحب احساس اني ما اقدر اعبر عن اللي فيني
ماحب اكتشف ان جروحي من اقرب الناس
واني كل مانسيت جرح انفتح لي ثاني
مشكلتي اني أتأثر بالكلمة بسرعة
اي كلمة ممكن انها تنزل دمعتي وتغير مزاجي
ماحب هالصفة اللي فيني
اصر على رايي واعاند الكل وبعدين الكل عادي وانا اللي اتضايق
انزين ليش اتضايق؟
ليش اسكت وابتسم واقول طاف وقلبي يقول لا
ليش لازم اهتم بمشاعر الكل على حساب نفسي
ماحب احساس التقييد حتى بالكلام
ولا اتحمل اني اضطر اقول شي مابي اقوله
صج ضايق خلقي
صاير اليوم ثقيل على نفسي
ودي بلحظة هدوووء
ليش قلبي مايعرف لحظة هدوء؟
:(
...
لما الحين الساعه 12
مادري متى بتخلص سهرتي
اللي مصبرني ان باجر دوام
احيانا يكون الطموح عزاء للألم
:)
تصبحون على خير
28 comments:
اول تعليق
:)
عوده موفقة باذن الله
غريبة بصراحة
يعني باجر دوام .. لازم تكتبيلنا جم بيت تونسينا فيهم، مو سوالف
ترى بصراحة مالي خلق اقرا
ابي شعر
وبشرط يكون بيت فصيح وبيت نبطي
شدي حيلج يالله
ودوام موفق
صباح الخير
باجر دوامات لوووول الله يعين اللي متعودين عالراحة و النوم :)
الله يوفقج و شدي حيلج و قطي كل شيء ورا ظهرج
بالتوفيق
سلامي لج :)
يعني الحين فرحانة ولا حزينة
:D
لاحظتي أن هالليلة مو راضية تمشي
للحين بال 12
:(
أنا مالي خلق أفكر بباكر
بس بجهز جنطتي وملابسي ألحين
عشان أستمتع بالنوم صباحا لآخر لحظة
كويتاوي
اهلا بالتعليق الاول
آمين
شكرا :)
.
.
صالح للشعر
:)
المزاج مو شعر
وشلون بيت فصيح بيت نبطي؟
:)
.
.
الكويت حبي
صباح النور
اييييي الله يعين وييسر
:)
اجمعين يارب
موفق بكل امورك
.
.
قصة خيال
الاثنين معا :)
المزاج متناقض شسوي
:)
ايييييه حدها مو راضيه تمشي
:\
لوووووول
انا مالي خلق اطبع جدولي
:\
لووووووول
الله يهنيج بفرحه الدواام عيل انا ابي الغياب
مالي خلق للدوام حبيت العطله مالي خلق اسمع الجرس وطابور الصباح
وعلى ضيقه الخلق يا بنيتي عيشي يومج لنفسج
وانسي العالم ترى الدنيا ما تسوى الا فرحتها
ذكرتيني بمسرحية مدرسة المشاغبين لما عادل الأمام يقول:
وفرحان أوي !!
:S
الموضوع حدّ مو زقرت مولية :P
وانتي من اهل الخير
:)
وانا بعد دوام
لاتخلين شي يفسد عليج شوقج
للبدايه و تذكري انه باجر
دايما و ابدا احلى
وقلبج رقيق يا نجمه مثل رقه كلماتج
عشان جذي مايرضى بالاذى حق احد
:*
يا عيني
ترا الشعور متبادل
:)
أنا أكثر مشتاقة له ، مروري على مكاتب الدكاتره ولما يشوفون طالبتهم المتميزة كأنهم شايفين ابداع احم احم
أدري وأعرف نفسي عدل خاصة لو كنت أدرس بالآداب :)
هنيئا للدوام
أنا مطبوع من بعد ال
byforce
:D
نجممممممممممه
وييييييييي يا عل الكدر يذلف عن طرجج
ويا عل أيامج كلها امل وتفائل ونشاااااط
:)
انسي انسي انسي
وتذكري بااااااجر يوم يديد
كورس يديد
مواد يديده
دكاتره يدد
:)
فكري بعصير الصبح
بالهوا الحلو
بتركبين سيارتج
وبتفتحين التنته
والشمس تطقج من صباح الله خير
وتشغلين الرادو
فكري بزحمة الممرات
بالمستجدين وأسألتهم
بتحسين روحج شكبرج بهالجامعه
فكري لما تردين البيت
تتكلمين عن كل شي وولا شي
بتتكلمين لمجرد الكلام والهذره
:)
شعور حلو
صبحج الله بالخير
;p
من زمان ما قلت هالكلمه لول
تعودنا على مساء الخير
;p
اذا انتي مالج خلق تطبعين جدولج
انا السستم مو راضي يفتح لوووول
شلون ادل طريجي يعني ؟؟
@@
:)
:/
بالنسبة لأول يوم دوام
ممتع جداً كآخر يوم
:P
لكن اللي ما أحبه إنه دائماً أول يوم
نومي مخربط :(
أصلاً متى نومي تعدل مادري
:$
الله يوفقج وكوني على ثقه لوصولج وتحقيق ما تريدين
;)
نومم العووافي
:*
نجمه نمتي ؟؟؟
@@
أنا للحين مو راضي يبطل السستم معاي
;p
صباح الخير يا نجمه ضاويه بعالي سمانا
و تراج حيل غاليه على قلبي
و ضايق خلقي انج متضايقه
:(
ليتني انا و لا انتي
مو خو انا متعوده على ضيقة الخلق
اتمنى لج كورس ممتع و موفق
موفقه يا الغاليه
كل هذا ومو قادرة تعبرين ؟
وانتي من اهله
لو كل كويتي
راح دوامه بهاللهفه
جان الكويت اكيد بخير
ما ادري شلون اواسيج على الضيقه
بس المسأله مع الوقت راح تداوي روحها
كنت مثلج
بس من كثر البجي نشفت العين
و صرت اكثر صلابه
مع الوقت راح تزيدين صلابه
حاولي بس انج تختصرين الوقت
و تمارسين و تستدعين القوة
قلبي معاج
وعسى ايامج كلها
ابتسام و هدوء
يحليلج مستانسة عالى الدوام..عمري مافرحت حق الجامعة كلا إمنفسة لوول good luck.o hallh hallah bemsa7al el dekatra :P
جووج
موفقة اختي :)
الله يوفقج و يسهل عليج أمورج
الله شعور جنه باجر اول يوم مدرسه :)
انا احس عندي دوام وغايبه عنه :))
لا تتكدرين :(
هذا طبع البشر ما يتغير
يالله ابتسمي
1
2
3
جييز
؛)
بالتوفيق
البداية المثالية تعني النهاية المرجوة
موفقة
سواان
ليش ليش
عيشي كل لحظة
الله شخباري طابور الصباح
كنت احبه :))
الله يوفقج وييسر كل امورج
تسلمين يالغاليه
:*
.
.
بلوق عمتي
لووووووووووول
اهم شي مو زقرت
:P
.
.
الخيلاء
بشري شلون دوامج؟
عسى ربي يوفقج يالغاليه
:*
ردج الرقيق فرحني وايد
تسلمين يالخيلاء
لا خلا ولا عدم
.
.
منال العنزي
ياهلا وغلا والله
بشري شلون الدوام؟
صج له طعم غير :)
الله يوفقج دايما ويسهل امورج
ودوم متميزة يارب
:)
قصة
انا سجلوني باي فورس
بس ماطبعوا جدولي
:Pp
.
.
شلالات
اهليييييييييين
شلوووونج شخبارج
بشري شلون الدوام
اجمعيييييين بعد قلبي
تصدقين اول ماشفت الزحمة الصبح تذكرتج
:P
ترى ردج وايد ونسني
صج صج ضحكت وحسيت بشعور ممتع
ونمت وانا مرتاحة
:)
موفقه صديقتي
.
.
حياتي هدف
النومة مشكلتها مشكلة
انا تعودت على النوم المتخربط
:P
اجمعين حبيبتي
يعافيج ويخليج
:)
.
.
شلالات
لا مانمت
بس كان البلوق معلق عندي
:P
انا طبعت جدولي الساعه 7 الصبح
looooooooooool
شسويتي؟
:))
.
.
داركنس
اهلا صدييقتي
صباحج نور وفرح
:*
يابعد قلبي انتي
اسم الله عليج من الضيقه
انا بخير الحمدلله
:)يكفي وجودج الطيب يفرحني
وعساج ماتشوفين الا الفرح
:*
فريج سعود
قل اعوذ برب الفلق
!
.
.
براك
احلام سعيدة
:)
.
.
ملاحظة
الانسان بيده يختار يحيا يومه بتفاؤل او العكس
:)
الحمدلله اهي فترة وتعدي
والضربة اللي ماتكسرنا تقوينا
:)
اجمعين يالغاليه
الله لا يحرمني
:*
.
.
جوج
واااي انا اول كورس كنت كله منفسه
بس ليش عاااد
فرحي الدنيا ماتسوى
اجمعين يارب
:)
منطلقة بطموحي
اجمعين اختي العزيزة
ماقصرتي تسلمين
:)
.
.
تركواز
اييه حده والله تذكرت ايام المدرسة
ولهت عليها تصدقين
:)
ابتسمــ:)ـــــت
الله يتمم عليج الابتسامة يارب
.
.
فهد العسكر
اجمعين
:)
.
.
محسد
الله يسمع منك
:)
اجمعين يارب
M3a ina ijazte kanet 4 shehor which is the last time in my life ra7 y9er chethe :)ella ina dwam yab le elikt2ab chene kent eb '3yboba oo g3det ma a3erf a7ed oo kel my friends t5rjow ! :(
Post a Comment