اول يوم .. ماتعب قلبك؟

Thaaanks my dear

:*

افتح عيني الساعة 6 .. اتقلب يمين يسار

احاول ارد انام مو قادرة

نايمة ساعتين .. فيني نشاط ادري ماراح اشوفه بعد اليوم

^_^

افتح تلفوني

مسجات تهنئة بالعام الدارسي : ).. اجملها كان

"

قلت مرة للشيخ عبد ربه التائه

قد أرحب بتعب عام متصل ولكني اضيق بعطلة شهر واحد

فقال: طبعنا على حب الحياة وكره الموت

-نجيب محفوظ-

"

شعور حلو لما تبدي يومك بهمسة حلوة

احب المسجات الصباحية اللي عطتني احساس بالحب والامل بالكورس اليديد

:)

اليوم كان حلو ومنعش

حسيت اني رديت حق حياتي الطبيعية

الجامعة ... المحاضرات

..

دثرة الكتب بسيارتي

زحمة الشوارع

صراخ اخواني من الصبح

كفخة الشمس

راعي البرد

حتى الاشياء المتعبة لها لذتها

:)

احلى شي لما نشوف ناس نحبهم

نفرح لما نسلم عليهم

وننسى كل التعب لما نوقف يمهم

في ناس صج اتفاءل بشوفتهم حتى لو كانت دقيقة

:)

..

اول محاضرتين حبيتهم

الثالثة كانت تاريخ .. الشعبة تقريبا كلها مستجدات

والمحاضرة مافيها عنصر جاذبي واحد

نص ساعه الدكتور يسأل كل وحدة: انتي كويتية؟ ليش؟

وآخر شي تطلع وحدة تقول الكويت جزء من العراق

!!

انا طلعت عيوني

وبما ان بطاريتي خلصت ومافيني حيل اسمع شي

طلعت النوت وكتبت

:

يامعاند دروب الوصل
..
ماشقى قلبك بالهجر؟
..
ما عذر لحظة زعل
...
ما سها بطاري المطر؟
..
ماتعب يمشي بجفاه؟
...
ما شرى خاطر هواه؟
...
ما امتلى شوق وحنين
..
بعد التعب

بعد السفر؟
...
ماكره مثلي الغياب؟
..
ماشكى بكثر العتاب؟
...
ماتسمى بين البشر
....
بلقب" عاشق سهر؟

...
ما مشى دروب الغلا
...
ماطعم مثلي الوله
..
ما سكر بايده العطر
...
لا ذكر ليل السهر

!
..
كل السوالف ... تئن
..
كل الرسايل... تحن
...
كل الدقايق تنتظر
...
لحظة هوا .. لحظة عمر
...
تسقى ارواح الغصن
...
تمحي الألم ... تمحي العنا
...
وتنعش ألوان الزهر

!

..
من يمسك ايدين الفجر؟
...
من يكسر بليلي الوهم
...
من ينفي جرحي للعدم
...
ومن يسأل الدمع ان طرى
..
ليش الغلا يبكي الألم؟
..
من يرجع بشوفه النظر؟

!
..
من يعرف اني بالجفا
...
ما انتظر .. غير الوفا
...
غير الوعد .. غير الامل
...
بلحظة لقا ... لحظة دفا
...
غير النسم شايل هواه
...
غير الغلا بصدره غفاا
...
غير الهوى بقلبه يمر

!
..

من يفهم عيون السكوت
...
من يقرا في الضحكة السؤال
...
من يدري في قلبي خيال
...
او في الشعر نبرة وصوت؟
..
او في الحكي .. نبرة شعر

!
...
من يعبر بجرحي البحر
...
من يشرب الملح برضاه
..
من يحضن الموج ويصر
...
يروي احساسي بسماه
...
يامعاند احساس الوصل
...
ماتعب قلبك بالهجر؟