بعد سنتين
يمرني ومرتجف صوته
نطق باسمي
نطق همي
يمرني ومرتجف صوته
نطق باسمي
نطق همي
..
نطق موته
بعد سنتين
يقول اليوم ..برجع لك
!
بعد ماذابت شموعي
بعد ما ماتت احلامك
بعد ماصارت دموعي
حكاية تمسح أيامك
بعد جرحك .. طواه الوقت
تبيني اليوم اسولف لك؟
!
بعد سنتين
يقول اليوم ..برجع لك
!
بعد ماذابت شموعي
بعد ما ماتت احلامك
بعد ماصارت دموعي
حكاية تمسح أيامك
بعد جرحك .. طواه الوقت
تبيني اليوم اسولف لك؟
!
..
اسولف عن جفا سنتين
عن الضيقة تهز العين
عن الضحكة تخون اليوم
عن القلب لا نبض جرحين
عن اشواقي .. وترحالك
!
اسولف عن جفا سنتين
عن الضيقة تهز العين
عن الضحكة تخون اليوم
عن القلب لا نبض جرحين
عن اشواقي .. وترحالك
!
..
اسولف عن عطر ذبلان
شريته بعيد ميلادك
زينته .. وغلفته
..
كتبت اسمي على كرته
مع الورود أرسلته
رجع خايب .. رجع حيران
ولا طمني عن حالك
اسولف عن عطر ذبلان
شريته بعيد ميلادك
زينته .. وغلفته
..
كتبت اسمي على كرته
مع الورود أرسلته
رجع خايب .. رجع حيران
ولا طمني عن حالك
!
..
اسولف عن كحل سايح
عن الدمع وحزن مالح
اسولف كم بكى جرحي
وكم مرة غرق فيني
وكم مرة عفا وصافح
وكم مرة تعذر لك ؟؟
!
..
اسولف عن كحل سايح
عن الدمع وحزن مالح
اسولف كم بكى جرحي
وكم مرة غرق فيني
وكم مرة عفا وصافح
وكم مرة تعذر لك ؟؟
!
..
اسولف كم بقى فيني
وكم راحت بك سنيني
وكم غنيت وسميتك
وله غافي بسما عيني
وقلبي نبضه ساير لك
!
اسولف كم بقى فيني
وكم راحت بك سنيني
وكم غنيت وسميتك
وله غافي بسما عيني
وقلبي نبضه ساير لك
!
..
اسولف عن بحر واشواق
عن تراب .. ودفا .. واوراق
وكم ليلة قصدنا ابيات
وكم مرة تعاتبنا
وكم مرة تراضينا
وكم موجك غلب موجه
وكم غنى مواويلك؟
!
اسولف عن بحر واشواق
عن تراب .. ودفا .. واوراق
وكم ليلة قصدنا ابيات
وكم مرة تعاتبنا
وكم مرة تراضينا
وكم موجك غلب موجه
وكم غنى مواويلك؟
!
..
اسولف.. ليش اسولف لك؟
تظن شوقي بيشفع لك؟
تظن الحب باقي لك ؟
بعد ماطافت السنتين
بعد ما انطوى جرحي
تبيني اليوم ارجع لك؟
اسولف.. ليش اسولف لك؟
تظن شوقي بيشفع لك؟
تظن الحب باقي لك ؟
بعد ماطافت السنتين
بعد ما انطوى جرحي
تبيني اليوم ارجع لك؟
27 comments:
صح لسانج والله
هالبوست اثر فيني بشكل ماتتصورينه !!
اسولف عن عطر ذبلان
شريته بعيد ميلادك
زينته .. وغلفته
..
كتبت اسمي على كرته
مع الورود أرسلته
رجع خايب .. رجع حيران
ولا طمني عن حالك
معاذ
صح بدنك
:)
ان شاءالله يكون تاثير ايجابي
^_^
يملي ايامك بالفرح يامعاذ
نجمه عندي سؤال محيرني ..
كتاباتج عن تجارب شخصيه ؟؟
كتاباتج روعه وتوصل القلب ..
صح لسانج :)
كويت
احيانا اي
احيانا لا
:)
انتي الاروع بعد قلبي
لا خلا ولا عدم
:*
سرحت بنور كلماتك
خاطره لطيفه رغم الم الفراق
تصفيق حار لهذا الابداع
شكرا عسوله
كل التقدير لج
:****
ودي اغفي في بلوقج
بس لا تقعديني
ممكن ؟؟
من أسرة مركز خدمة المدونين العرب نرسل لكى دعوة المشاركة فى المركز لتحقيق أهدافك وشهرة أكبر أمام عدد زوار لا يقل يوميا عن 3000 زائر من مختلف دول اعلم بجميع اللغات
أرسلى لنا بريدك الألكترونىفى مراسلتنا ثم سنرسل لكى رسالة تفعيل العضويةويجب ان يكون لى حساب على gmail
والدعوة مفتوحة للجميع
دام سولفتي
فاذا اهو مازال موجود
موجود لكن مايه عكر
بس موجود
هني تصير المعادله صعبه
" التمثال لا يموت فقط يُهدم "
قرأتها اليوم لا اعلم اين
واحسستها هنا
اسولف كم بكى جرحي
وكم مرة غرق فيني
وكم مرة عفا وصافح
وكم مرة تعذر لك ؟؟
^
^
^
i'm speechless ...
with tears ..
:"(
الله الله الله
تسلم يمينج وصح لسانج اختي
احساس ومشاعر ولا اروع
تحياتي لج وعساج على القوه :)
ما شاء الله عليج قلمج معبر
عجيب الصراحة
اول مرة امر مدونتج الحلوة
وكلامج احلي
بس عورتي قلبي من الصبح
علي العموم عسا ايامج مسرات وافراح
ويبعد عنج الهم والحزن
تدرين
قريت النص
مرااااات
و ارد اعيد
من احلى القصايد اللي
كتبتيها
تدرين لما يعجبني نص لهذا الحد
اروح اركض و امسك ورقة
اعيش جو خيالي
حيل اثر فيني البوست
الحرف
النص
الكلمة
ارد اقولج
=======
سوالف .. من عمر ماضي
تحيك اشواق مكتومة
وقصصنا تنتظر قاضي
بحكم آهات محرومة
تبي للحين اسولفلك
والحكي محروم.. يندهلك
تبدد كل شعور كان
يمر شوقي ولا قد بان
تبي ترجع
ابي تعرف و الالم يوجع
ترى صعبة بعد فرقى نظل بالعشق خلان
:**
I love this post
kash sha3ar yambi !
a3ayiz wagol AZMAZING !
نطق موته
الله يانجمه
نصيحه ياوخيتي
انطلقي لعالم اخر غيرالمدونات
فبرأيي
لك مستقبل جميل
لان احساسك مرهف
وعندك القدره على وصف اللحظه بما فيها
فكري بكلامي
ذكرتيني بأغنية طلال مداح وترحل، وأغنية عبد الحليم زي الهوا
:( شيسالفه كل المدونين ظايق خلقهم ومتكدرين وصاكه فيهم الدنيا .. الظاهر الجو في شي
بوناسيرا بيلا ستيلا
ابد ابد ما ارجع لك
انا ماني لعبه و لا جاريه تحت امرك
انا يا ولد الناس انولدت مرفوعة الراس
و لا اعرف اخضع و لا بيوم بخضع لك
انا حره مثل الصقر احلق فوق روس الناس
مولتي قراتزي سنيورينا
:)
نجمه
انتي ابداع ما شاء الله تبارك الرحمن
كلماتج رهيبه من كثر ما احبهم
صار اسمج على لساني دووم و ترا لج
معجبين خلف الكواليس ^_^
عن جد نبي نشوف لج كتاب يضم
هالدرر و المشاعر الراقيه
ربي يحفظج و يوفقج :)
روعه روعه
اسولف عن كحل سايح
عن الدمع وحزن مالح
اسولف كم بكى جرحي
وكم مرة غرق فيني
وكم مرة عفا وصافح
وكم مرة تعذر لك ؟؟
اكثر ابيات وقفت عندها
قريته كذا مرة
مبدعة ..بس ما احب الندم و الإلتفات للوراء
بعد سنتين المفروض ما تعرفه
صبا
بعد قلبي
الشكر لج ياصبا
ولوجودج الرقيق
افا عليج
المدونة وصاحبتها تحت امرج
:*
.
.
تراب الكويت
تدرين
العبارة قوية وايد
وايد عجبتني
شكرا جزيلا
:*
.
.
احلى انج
:*
بعد قلبي :(
ياعسى عينج ماتدمع الا بالفرح
:**
فارس هوى الكويت
الله يسلمك من الشر
صح بدنك يافارس
تسلم والله
يقويك ويخليك
:)
.
.
Sweet Revenge
هلا وغلا والله
نورتيني حبيبتي
والله وجودج احلى
واسم الله عليج من العوار
ربي يحفظج ويملي حياتج بالافراح
لا خلا ولا عدم :)
.
.
منو ينسى
تدرين
قريت ردج مرات
ابيه شلون ارد على الابداع
!
تبي ترجع
ابي تعرف و الالم يوجع
ترى صعبة بعد فرقى نظل بالعشق خلان
عجيبة انتي والله
:*
The Voice Within
ياهلا والله
تسلم ماااقصرت والله
شكرا جزيلا
:)
.
.
براك
الفكرة موجودة
ان شاءالله اذا ربي كتب
:)
تسلم يابراك
.
.
فهد العسكر
:))
قوقعة
لووووووول
مادري
دوام وزحمة وحر وتعب
:P
الله يبعد الضيقه عن الجميع
.
.
داركنس
اي والله
حرة مثل الصقر
:*
ولهت عليج
:(
قلب طفلة
ياهلاااا وغلا بالابله
شلونج ولهت عليج
:*
بعد قلبي انتي
هههههههه يعني عندي معجبين وانا مادري
:Pp
وينهم سلمي عليهم
;)
ان شاءالله اذا ربي سهل :)
وييحفظج وييسر كل امورج يالغاليه
:*
.
.
سيليزيا
انتي الروعه والله
:)
وهالمقطع الاقرب حق نفسي
.
.
متفائل
:)
احيانا نحتاج نلتفت
نذكر قلوبنا بالدرس
:)
نجمة ..
حركتي ركود قلبي !
و ادمعتي شواطئ عيني
كما عهدتك دائما متئلقة ؛)
امنية
نورتي المكان
:*
ياعسى عينج ماتدمع الا من فرح
:)
Post a Comment