Monday, November 3, 2008

طق يامطر طق


الساعة: 7,00 صباحا

أستيقظ سريعا رغم عدم وضعي للمنبه
..

كنت قد قررت البارحة

أن أغيب اليوم واكمل نومتي

^_^

لكن الغريب

اني استيقظت نشيطة وشبعانة نوم

!!

..

اقتربت من نافذة الغرفة

تحسست برودة الاجواء

امتلاء السماء

زخات المطر الناعمة

..

شيء ما كان يتجدد في روحي

..

غيرت قراري سريعا

..

ارتديت ثيابي

..

ارتشفت قهوتي

...

ايقظت كل فرد في البيت

..

قررت توصيل اخواني لمدراسهم

..

شعرت بأن في داخلي روح اخرى .. تنمو في المطر

!!

..

طريقي مختلف رغم ازدحامه

...

صباحي مشرق رغم الغيوم

...

محاضراتي جميلة رغم طولها
...
تذكرت كل من أحب اليوم
..
وتذكرني كل من اشتاق له
!!
..
حتى رنين هاتفي اليوم كان .. حنونا
..
متعة عجيبة .. تلك اللحظة التي يغرد فيها القلب
..

منتشيا .. مشرقا ... يسبح في الفضاء

..

فتصبح الألوان بيضاء

..

والروتين اختلاف
..

وتفاصيل اليوم الصغيرة ... سماء ممطرة

...

وكل الاشياء .. ترتدي حلة فرح

!!

:)

..

لا اعلم ان كانت المحاضرة ممتعة اليوم
..

أم أن شيئا بداخلنا كان يتنفس المتعة

...

ولا اعلم ما الذي انعطف بحديث الدكتور ليتحدث عن الكويت

...

عن نعمة الأمان .. عن ايام الغزو

...

عن ذكريات كثيرة

...

حتى تكلم بأبيات شعر لـ" احمد مطر .. سجلتها معه في دفتري

"

قالت أمي مرة

يا أولادي
..
عندي لغز .. من منكم يكشف لي سره؟
..

تابوت قشرته حلوى
..

ساكنه خشب والقشرة
..
زاد للرائح والغادي
..

قالت اختي "تمرة
..

حضنتها أمي ضاحكة
..

لكني خنقتني العبرة
..

قلت لها بل تلك بلادي

"
..

وخنقتني العبرة

..

وتذكرت حديث البارحة مع فتاة خليجية

...

تكلمت بكلمة عن الكويت

...

فامتلأ غضبي ... واندفعت جوارحي جميعها لتدافع عن نبضها

!!

لم اكن افكر حينها ان كانت محقة او لا

..

كانت مشاعري فقط .. أن الكويت هي الاجمل رغم كل شيء

!!

هل انا عنصرية و متعصبة؟
...

أم ان الوطن بالنسبة لي منطقة محرمة .. لا اسمح لأحد

ان يقترب منها

!!

ربما علمتني الغربة أن لا شيء في الدنيا

يساوي لحظة تتنفسها في احضان بلادك
...

ولا شيء يملأ عينيك سوى وطنك

...

لا جمال طبيعتهم ... ولا برودة طقسهم .. ولا تطور بلادهم

ولا حتى اشخاص يفرحون معك

...

لا شيء قادر أن يصنع ابتسامة كتلك التي يصنعها

وطن تنتمي إليه

:)

.

.
الكويت جميلة
..

ودام يومكم جميل
..

مشرق

ممطر بالفرح

:)

48 comments:

Salah said...

من زمان ما اشتقت حق المطر!

ما أحب أقول اني مليت من المطر

بس في بلاد الضباب احنا نشتاق حق الشمس!

Najmah said...

صلاح
الله يالدنيااا
:))
المطر حلوو
استمتع فيه
اذا رديت بالسلامة ان شاءالله
بتشتاق له :)

mtfa2el said...

اليوم مطر
و الشعر حق أحمد مطر
يالله مطر خير

Najmah said...

متفائل
:))
آمين يارب

ShLaLaT said...

البرد كان مو طبيعي اليوم

يالله راح نشتتتتتتتتتتي مبجر

:)

ليش الهدوم الشتويه تحسسني ان حجمي اصغر من حجمه الطبيعي ؟؟؟


!!

:)

عسى ايامج كلها حلوه يا حلوه

darkness said...

هذا جوي

:)

احب هالجو

يجدد كل شي

ينثر الحب

و يرسم البسمه

و ينقش الفرحه

:)

دمتي بسعاده يا احلى البنات

:)

الكويت جميله و ستظل

و للكويت دائما ميزات

حتى المغتربيين يجدون الراحه و الاستقرار في ربوعها

:)

Najmah said...

شلالات
ايييييي
ونااااااسة
انا احب هدوم الشتااا
واي ماصدقت
اول مارديت البيت
طلعت الملابس الشتوية
وناااااااسة
ولهانة على الدفاية
والدوة
وريحة الفحم
:")))


.




.




داركنس
حده عجيييب
خرافي على قولتج
:p
وانتي اسعد يااارب
ابيه مو قادرة اكتب
فيني ضحكة
:pP

Fahad Al Askr said...

الكويت دائما جميلة

Najmah said...

فهد العسكر
صح
وراح تبقى اجمل
:)

david santos said...

Wonderful!!!
Have a nice week.

darkness said...

@@

تضحكين؟؟

انزين انا اوريج

!!

Najmah said...

لووووووووووووووووول

ليش ماتبيني اضحك؟

^_^

Kuwait said...

الجو خطيررررررر ما ألومج على القعده امبجر :D
والكويت حلوه وحلوه وحلوه :)
ودايما الوطن عندنا خط أحمر خطر ممنوع الإقتراب منه ..
ربي يديم السعاده عليج :*
اتصدقين وانا اقرا حسيت ببرودة الجو فجأه :\

الخيلاء said...

اليوم الجو غير
و الناس غير
و الشوارع غير
و السوالف غير
و كل شي غير

احب المطر

اعرف انه مطر اذا ابوي قعدني
اعرف انه مطر بره و يبيني اطله ابجر


صوت المطر تنتشي فيه روحي
ريحه الارض تثير حواسي

و دامت ايامج سعاده و فرح

:)

Najmah said...

كويت
حده حددده خطيــــــــر
:))
ايييييه الكويت غير
اليوم حسيت شكثر اسمج حلو
:*
وياج ياااارب
:))


.




.



الخيلاء
اييييييي
حسيتي معاي
صج والله كل شي غير
حسيت الدنيا كلها فرحانة
والناس كلها فرحانة
لما وصلت الجامعه دقيت على امي اقولها اني وصلت
قتلها والله اليوم كل الناس طيبة
كل الناس خلتني امر
يعني اهو صج ولا انا يتهيأ لي
:))
عسى دوم روحج منتشية يالخيلاء
ريحة الارض قتلتني
:**

بنت سيف said...

مبروك عليكم المطر

يا أهل الكويت

جعلع خير وبركة عليكم جميعاً

::

الفال لنا ..

بنت سيف said...

جعله*

غلطة مطبعية

malak said...

هاذي اول سنه انطر فيها الشتا

و اليوم الجو كان حدده روعه و يخلينا نحب كل شي و نشوف كل شي حلو :)


عسى دوم مو يوم :D

darkness said...

نجووووم

@@

تدرين شنو قصدي

:(

يا ربي ليش انتي مو حاسه فيني

!!

Shaima'a Alkandari said...

مع سقوط قطرات المطر المصحوبه بالبروده يتجدد يومنا وتنغسل قلوبنا ونشعر براحه وبتجدد ونشاط

المطر خير من رب العباد فالحمدلله على هذه النعمه

الوطن هو حبنا الابدي واكيد مانرضى ان احد يتكلم او يمس ديرتنا بالسوء

الله يحفظ ديرتنا ويبعدها عن الحساد

Shaima'a Alkandari said...

مع سقوط قطرات المطر المصحوبه بالبروده يتجدد يومنا وتنغسل قلوبنا ونشعر براحه وبتجدد ونشاط

المطر خير من رب العباد فالحمدلله على هذه النعمه

الوطن هو حبنا الابدي واكيد مانرضى ان احد يتكلم او يمس ديرتنا بالسوء

الله يحفظ ديرتنا ويبعدها عن الحساد

charisma said...

سبحان الله كلنا نحمل نفس المشاعر والاحاسيس مع هالجو الكل يشعر بالسعاده ويشعر بحب كبير يملى قلبه وانتعااش
ان شااءالله دوم يا نجمه قلبج فرحان
:**

وعسى ايامج يا الكويت كلها سعاده
فعلا الكويت تحتاج للمطر

ZooZ "3grbgr" said...

الله يسعد ايامج

المطر نعمه

والوطن نعمه

آه يا الكويت

نشوف مر الدهر

ولما احد اييب طاريج

نموت قهر

JooJ o MaJooJ said...

اله يعافي المطر إلي خلاج إتداموين لوول أنا أيام الجامعة بالمطر عندي عذر ماداوم أقول حق الدكاترة أمي إتخاف علي لوول..و على الكويت نرى صج ماكو أحلى منها او عسى أيامج كلها مطر :*
جووج

swan.beach said...

نجووم
اللحظات هذي عشتها اليوم
من الصبح وانا نشيطه لدرجه اليوم قاعه مبجر واول وحده وصلت المدرسه
ولا مناوبه صباحيه عادة اعصب وازعل شنو هذا
بس اليوم جد جد غير
احس رووح الوناسه والفرح فيه من اوله لي اخره
لدرجه لي الحين مو نايمه ماني قادره انام واخلي هالجو الحلو
قولي مينونه بس جد مستانسه
وديرتي الحبيبه تستاهل شويه مطر ينظف جوها من الي فيه :)

Selezya said...

ياااااااارب

Mamloo7a Q8ia said...

اي والله اليوم كله غير مع المطر

وعسى الله يزيده ويرحم عبيده
وعسى الله يحفظ لنا الكويت احلى بلد

فراوله said...

مساالورد والجوري
غاليتي نجومه
للمطر لغة راقيه
لايعرفها الا من لامس اطرافها الحنونه
فعلا للمطر اليوم
نقله عجيبه
خلت المزااج يرقص فرح وشوق
لشي ما
لشخص ما
لشعور ما
كل شي جايز تحت زخات المطر
;)
دمت بدفء وعذوبه
ومطر
ابدا
:**

qesat_5ayal said...

شيء بداخلنا كان يتنفس المتعة









أنا أعترض، صوت السنترال يغطي على صوت المطر
وهنا قلب ذو احساس يريد أن يتنفس
:)



كل مطرة وأنت وقلبك بحب

هـو111جيس said...

يكفينا من المطر ان يغسل القلوب وتعود بروعة السماء ونقاء النفوس

جميله هي الكويت والحنين إليها مع المطر

جميله ان نكتب ما يرسم يوميات نتعايشها

ومصداقيه تسري مجبره لما تحمل من قوة في المعنى وصراحه الكثير متعطش لها كعطش الأرض الى تلك القطرات التي تزين المكان

تحياتي

Spur said...

i love it when it rains. makes me so happy!

Sweet Revenge said...

عسا دوم ايامج متعة بمطر وبدون مطر
معاج حق امام الوطن لو نعلم جميع عيوبة لا نقبل بمن ينتقد
مثل الام الي تدعي علي ولدها ولاتقبل من يقول امين
وعسا ايامنا كلها في الكويت بعز وسعادة :)

`~MnO YeNSa! ~` said...

كنت مسافرة

وما شفت البوست اللي طاف

ما تخيلين شلون استوقفني

وايد وايد
اجببته لدرجة قعدت اقراه
اكثر من مرة

و هالبوست
شرح صدري الله يشرح
صدرج
:**
مو صج
الجو خيالي
كل شى يصير له طعم ثاني

terkwaz said...

جووو يغسل القلوووب
ويشرح الصدر

ويغير النفس

كل شيء تغير مع الجو


احب الشتاااا
صج صج احبه
لا شويه كلمه احبه
اعشقه
بغير اسمي بخليه بنت الشتا :))

احب البرد شلون يقرصني
والبس ملابس صيفيه بس عشان احس بالبرد


والمطر قصه ثاااااااااااانيه


تسلمييين على هالبوووست

بنت أحمد said...

البوست مرة رايق



شعرت بأن في داخلي روح اخرى .. تنمو في المطر


!!


ربي يحفظ الكويت واهلها

تحية لكم من أرض السعودية ....

لك أرق التحيا على هالبوست الممطر المنعش

دمتي بود * دام عطاؤك

عــــــابره said...

لانه الجو حلووووووو

يخلي الواحد رايق

عسى ربي يدوم علينا هذي النعمه

وصباحك سكر

ملاحـظـة said...

صباح الورد
و المطر
و النسيم البارد

الكويت جميلة
و انا نفسج رغم اني انتقد احيانا
من واقع حبي

الا انها خط احمر
انقهر لو احد انتقدها جدامي
و اسهب في استحضار كل
ما هو جميل عن بلدي

فيني بلاغة شف
شنو قالت البنت
عن الكويت

vancouver said...

الله يحفظ الكويت نجوووووووووومه

من كل شر

امييييييييييين


والله يهنيييييييكم بالجو الحلو

هالله هالله بالرومانسيه عاد
ما اوصييييج
لوووول

Peace said...

اليوم عندي هالاحساس

Barrak said...

احنا الكويتيين
بينا وبين بعض طايحيله تحلطم وتقرطم
بس اذا واحد خليجي او عربي تكلم كلمه عنها

صرنا ذيابه

وجيلنا الحالي اكبر مثال لكلامي


أمطري ياغيوم المحبه

Najmah said...

بنت سيف
الله يبارك فيج حبيبتي
وربي يرزقكم ان شاءالله
:)


.



.



ملاك
الشتا عجييييب
والجو هالايام مو طبيعي
:)
آمين يارب


.




.



داركنس
لووووووول
احس والله احس
:)

Najmah said...

شيمااااااااء
حبيبتي شلوووونج
ولهاااانه عليج وايد
فقدناج من غير شر
:*
آمين يارب العالمين
لا تغيبييين

.




.



كريزما
آميييين يارب العالمين
عسى الله يتمم علينا
احس الدنيا كلها فرحانه
:))
ربي يملي حياتج بالفرح يالغاليه


.




.



زووز
وياااج يارب
والله يحفظ لنا الكويت من كل شر
:)



.



.



جووج
لوووووووووووووول
لااا بالعكس
الجو الحلو يفتح النفس
ماكو احلى من المشي تحت المطر
:))
وياج حبيبتي

Najmah said...

سوان بيج
لوووووووول
عسى دووووم يارب
ياحلاة الدوام بجو يشرح القلب
:))
عساج دوم مستانسة حبيبتي


.



.




سيليزيا
يارب :)


.




.




مملوحة
آمييين يارب
:*



.




.




فراولة
مساء الغلا كله
عسى ربي يتمم علينا
ويديم عليج الفرح يارب
:*

THE BOSS said...

الجو الجميل يخلي كل ما يحيط بك جميل

وصباح و مساء الجمال و المطر لك

وعطني ولعه

Najmah said...

قصة خيال
لا مايصييير
سكري السنترال
:))
وانتي بحب صديقتي
:*



.




.



هواجيس
لم اجد اروع من قطرات المطر
تغسل القلب والروح
:)
اسعدت قلبي بوجودك صديقتي
شكرا لحضورك المشرق
:)


.




.



Spur
ان شاءالله دوم
:)



.



.



Sweet Revenge
وياااج حبيبتي
بالضبط
مانرضى ولا راح نرضى
!!
الله يسمع منج يارب
منورتني :)

Najmah said...

منو ينسى
الحمدلله على سلامتج حبيبتي
:)
بعد قلبي
حبتج العافيه
:*
وعسى دوم منشرح صدرج وفرحان
:))
لا خلا ولا عدم يالغاليه


.



.




تركوازة
ايييييه
وانا بعد احبه احبه
المطر احلى شي
عسى ربي يتمم علينا
:*
ربي يسلمج ويخليج حبيبتي


.




.




بنت احمد
اهلا صديقتي
وياهلا باهل السعودية كلهم
منورينا والله
:*
ربي يسلمج ويحفظج ويخليج
ماننحرم منكم يارب
سلمي على الاهل والحبايب كلهم
:))


.



.



عابرة
صح صح
سبحان الله
تأصير الجو على النفسيه عجيب
:)
وصباحج ومسائج فرح وسرور
:)

Najmah said...

ملاحظة
مسا الورد والفل والياسمين
ايييه
هذي ديرتنا مانرضى احد يمسها
:))
لووووول
قالت قاالت
قالت شي ماعجبني
:Pp


.




.



فانكوفر
ياهلا وغلا
آمييييييين يارب
لووووووووووول
ابيه سكتي
صايره كل يوم الصبح تمر عليي
اكتب شوي وبعدين ماقدر اكمل
:P


.




.




بيس
عسى دوم
:))



.




.




براك
ايي صدقت
بس احيانا حتى لما واحد كويتي يتحلطم ويقارن الكويت بديرة ثانية اعصب
:)
واتذكر كلمة يدي لما يقول الكويت ديرة عز ماتلقون مثلها

Najmah said...

ذا بوس
:)
وياااك يارب
كل الشكر لك