Monday, December 15, 2008

ماكنت واعدنــــي؟


يعني هالليلة تسافر ؟
؟
تنقش جروحي ... وتغادر؟
؟
تذبل اشواقي في عيني

يحترق خاطر حنيني

واصحى على كف الموادع

ارسم دموعي بجفوني ... واضحك على خدي و اكابر

!!
..
يعني هالليلة بتروح

تعلن على حبنا الجروح

واصرخ بذكرى سنينك

واشبك عيوني بعينك

ارتمي .. بلحظة عناق
..
واسألك ... هالليلة تسافر ؟
؟
واسألك كيف تقدر .. بغيمة أحلامي تهاجر ؟

وانت واعدتني تجيني
..
وتضحك بعيني السوالف .. ونمتلي بكل الدفاتر
؟
..
ماكنت واعدني برحلة هوى؟

ماكنا صحوة مطر ... بغصن التوى؟

ماوعدتني نلملم هوانا
..
نترك العالم ... ونرحل سوى

؟
ماكنت بدري اللي التمع ؟؟

..
ماكنت نبضي اللي ارتوى ؟

..
ماكنت توعدني هالعالم يموت

..
وانت وانا... نبقى سوى؟
..
ماكنت توعدني تجيني؟

وباحساسنا يدور الهواا
..

!!
ماكانت عيون الجروح

في جفن عينك تنام؟

ماكانت اشواقي وحروفي

في وسط قلبك غرام ؟؟

ماكنت بعذر ليلك أصيح

ودمعي على كتفك يطيح

اشكي من احبابي الخصام

!!
وتمشي ايدينك في ايديني

..
وتضوي شمسك بليل عيني

..
وتلقي على صبحي السلام؟

!!
ماكنت واعدني تجيني

...
ونحضن سوا .. سرب الحمام ؟؟
...

!!
ماكنت توعدني أكون

..
نجمة على سطر العيون

..
ارسم سما ... واحلم سما ... وابرق سما

..
واهذي على درب الجنون

..
ماكنت توعدني تحدى

..
تقهر ظروفك ... وسود الظنون
..
ماكنت واعدني تجيني؟
..
ومن غيري ماتكون .. ومن غيرك كيف أكون
..

!!
ليش الوعد حبله قصير .. ؟

..
ليش الغدر جايز يصير ؟

..
ليش الأماني مثل السراب

..
والبحر فيني .. مالح غزير
..
ليش واعدتني تجيني؟

؟
وصار الوعد ... ريشة تطير
..

!!
ليش ناوي الليله تسافر

..
ليش ناوي هاللحظة تروح ؟

..
وتنثرني في حضن الجروح ... عبرة تساهر

..
ليش تتركني على سطح الهوا

..
لحظة خيال ... وظل عابر

..
ليش ناوي الليلة تسافر

..
وانت واعدتني تجيني؟

33 comments:

ابو لطيف said...

انا هالليلة مسافر
بركب كل المخاطر
بسكن بنجمة تبيني
بخطف ضواها بيمني
واضوي بكل المشاعر
ما بين ودها وبيني

...

احسنت

حفظك الله

darkness said...

لا تسافر
ابقى عندي
لا تامل انك لو تسافر
ابقى على حبك ناطر
شاللي يظمن لي انك ما تخون
شنو فايدة ان حبك بعده مصون
و اتحسر على قلبي الوفي
قلبي اللي انت ما عرفته
شنو يكون موقفي
لو يتني تقول اني من حياتك بنتفي؟
شفيدني كل الكلام و الوعود
ايام كنت تحبني؟
لا تسافر
ابقى عندي
لو كنت فعلا تحبني


:)

ShLaLaT said...

ليش ناوي هاللحظة تروح ؟

..
وتنثرني في حضن الجروح ... عبرة تساهر


اختصرتيها بهالكلمه


تنثرني في حضن الجروح
تهدم حياتي وتروح
!!


ابدعتي مثل العاده قبل كل امتحان
;p


بشريني شسويتي ؟
الله يسهل عليج
وييسر امورج يا رب

THE BOSS said...

ماكنت توعدني هالعالم يموت

..
وانت وانا... نبقى سوى؟

جبتيها على الجرح

وعطني ولعه

الخيلاء said...

ابداع مثل ما تعودنا :)

الخيلاء said...
This comment has been removed by the author.
فريج سعود said...

منو هالمجرم ؟

Anonymous said...

chabdy tagleb
letny agdar a9eee7



ur frnd
ana

charisma said...

ابى اختار الاقرب والى مس قلبى كالعاده ما قدرت

نجمه ابدعتى كلهااا كل السطوور عجييبه وتعبير خيال

تسلم اييدج

وانا اقرى ذكرت كلمات اغنيه احلام شنطة سفر وايد احب هالاغنيه وذكرنى بوستج فيها

:**
تصبحين على خير حبيبتى

صالح..للشعر said...

ههه
والله خلاص هونت ماني مسافر

بس صج كلمات حلوه

كبرياء وردة said...

ليش يا نجمة ليش
ليش كل كلمة منج تلامس قلبي
ليش اظل اقرا سطورج مرة ومرتين وعشر
وابقى ادور عن احلى مقطع،
واعجز عن الاختيار

لماذا حينما نتعلق بأشخاص
ويغدون الحياة بالنسبة إلينا
يرحلون ببساطة دونما التفاتة
متجاهلين كل وعودهم إلينا
يجرون وراءهم قلوبنا النازفة أينما ذهبوا
ونبقى نحن نجر أذيال الخيبة،
متحسرين على ما مضى، على أمل اللقاء

اعذريني ان أطلت

Fahad Al Askr said...

سلامتج من الجروح

JooJ o MaJooJ said...

ومن غيري ماتكون .. ومن غيرك كيف أكون

غصبن عليه مايكوون
الاخلاص الي حسيته فيج من هالقصيده اتأكدلي ان لو يدووور الكون كله ما يلقا نفسج

مبدعه يا نجمه
عورتي قلبي
:(

Majooooooooj

ZooZ ZaibG said...

مادري ليش دمعت عيني
العتب رقيق يعور القلب

elq87obi said...

مساء الورد

نجمة

ما شاء الله عليج كالعادة امبدعة في الخواطر و البوستات ودي اختار سطر و اعلق عليه بس أخاف لما اختار يطلع ما عندي ذوق على تعليقي لأن كل السطور اللي كتبتيها رووووعة بدون مجاملة

يعطيج الف عافية

واصلي

سلامي لج :)

امنية said...

جميل .

لابد من رحيل وفراق
لم الحزن ؟
امور اصبحت في حياتنا شبه معتادة !!
الوعد ( باكر يجي ) صحيح ؟
باكر اي غدا ً و غدا قد تحمل المعنى القريب او البعيد والمعني فيه المستقبل !
لنسقي انفسنا صبرا علنا نستطيع انتظار الغد فحتما سيكون رجوع ..
ما اجمل ان نخط طريق حياتنا بالامل :)

q8_el5air said...

الي نساك انساه ... والي هواك اهواه ..


والي قدره فرقاك .. تقدر على فرقاه ..

لا تشتكي وتنوح ..

عمر الحزن مايدوم ..

والعمر فيه كم يوم حتى نعيش بااااه !!

" يبه الي مايبنا ما نباه !!!


وتحياتي ..

ويسلمواااااااااااااااا :)

تراب الكويت said...

واسألك كيف تقدر ..بغيمة أحلامي تهاجر

--
هل يعطيهم اخلاصنا الحق ؟
ربما

::

راقية

:)

terkwaz said...

سافر وانا مثلك بسافر
كنت اظن بنبقى على ذاك الوعد
كنت اظن الزمن بيوفي قلبين وبيصدقهم الوعد
كنت اظنك لدروبي دليل
ولظحكي رفيق
ولجروحي دوا
ولقلبك مكان استكين
كنت لعيوني ضوا

سافر وانا مثلك بسافر
لقيتك لدمعتي خليل
ولجروحي ونيس
وهمي وحزني سعيد

سافر وانا مثلك بسافر
كان الوعد ريح
كان الكلام حلم
كان القلب من الاحساس ينتشي

كل الوعد
تبي الوعد
اخذ مني الوعد
سافر وانا مثلك بسافر

terkwaz said...

امبيه لا نجمتي لاا انتي عجيبه
اموت علييج تدرين

عجيــــــــــــــــــــــــبه

تدرين صارلي فتره موقادره اطلع كلمتين على بعض ههههههههههه
قريت بوستج وعلى طول على الكومنت


امبيييه لا شي مو طبيعي
انتي نجمه فوق الخيال :*

صبا said...

الصراحه ما دري علي شنو اعلق ؟

تسلم اناملج يا نجومه

وانشالله ما يسافر ويوفي بوعده
:)


وتصفيق حااار

:***

ميرامار said...

ليش الأماني مثل السراب
..
والبحر فيني .. مالح غزير
..
ليش واعدتني تجيني؟

?وصار الوعد ... ريشة تطير

حبيت التشبيه
اقول لهم يا ربي نجمة بس ما يصدقون

;)

الحارث بن همّام said...

تصفيق حار جداً

ماشالله كلمات جميلة :)

Najmah said...

بولطيف
ماشاءالله
تدفق حروفك واحساسك مبهر
ومبدع

ربي يحفظك ويوفقك
:)



.



.




داركنس
ايييييه ياصديقتي
السفر قطعة من عذاب
ومنو فينا يقوى على هالعذاب؟
:*
مبدعه دايما
دااايما



.




.




شلالات
ياهلاااااا وغلاا
بعد قلبي انتي
:*
الامتحان صعب
بس الحمدلله
ويوفقج يااااارب بكل امورج
:**

Najmah said...

ذا بوس
يبعد عنك الجروح يارب
:)
لا خلا ولا عدم


.



.




الخيلاء
اهليييييييين
الحمدلله على السلامة ياحجية
وتقبل الله طاااعتج
:**
ولهت عليج وايد
تو مانور البلوق والله
:*



.




.



فريج سعود
نجم في السماء
^_^



.




.



Anonymous
اسم الله عليج من الرحمن الرحيم
ولا تشيلين هم
ولا يصير خاطرج الا طيب
افديج براحتي
:**

Najmah said...

كريزما
يابعد قلبي انتي
يا ام الطيبة كلها
:*
ربي يسلمج من الشر كله
وانتي من اهل الخير والفرح
الله لا يخليني منج
:*



.




.





صالح للشعر
:))
شكرا شكرا
تواجدكم الاحلى دائما




.




.




كبرياء وردة
تدرين شكثر اثر فيني كلامج
:**
يرحلون ويضيفون جرحا آخر
ونبقى وحدنا من يتألم
ولكن
الزمن كفيل للنسيان
لا تتألمي على من مضى
ولا تتحسري على مشاعرك الصادقة
لا تلتفتي الى من تركك ورحل في دربه
بل واصلي حياتك مع من يستحقك فقط
:*

Najmah said...

فهد العسكر
الله يسلمك من الشر
:)


.




.





ماجووج
بعد قلبي انتي
:**
اسم الله عليج من عوار القلب
وعسى ماتلقين الا الفرح والسعادة
منورتني يالغاليه




.




.




زووز
بعد قلبي انتي
عسى عينج ماتدمع الا من فرح
وعسى قلبج مايذوق الا طعم السعاده
:*




.




.




الكويت حبي
مساء النور والافراح
تسلم والله ياخوي من ذوقك الطيب
تواصلك الاروع
ربي يعافيك ويسلمك من كل شر
شكرا جزيلا
:)

Khayal-Al-Ma'ata said...

كالعادة !


عذاب !!



و بالصميم !!



و كأنكِ تنثري الملح على فم ذلك الجرح الصارخ !!

أحمد الحيدر said...

ئي والله صارت الوعود ريشة تطير ..

شكرا لإبداعك ..

Peace said...

ليش ناوي الليلة تسافر
..
وانت واعدتني تجيني؟

ليش الوعد حبله قصير .. ؟


هل تكمن المشكله بالوعد
ام بالظروف

عندها
تختلط المفاهيم
لدرجة التساؤل

هل الوعد كان كذبا
!

Najmah said...

أمنية
الاجمل وجودك عزيزتي
:)
الصبر
مالنا الا الصبر
وما اضيق العيش لولا فسحة الامل
:)
لا خلا ولا عدم


.



.



كويت الخير
ايييه والله
والعمر فيه كم يوم
:))
احب هالكلمات
ربي يسلمك من كل شر
شكرا جزيلااا
:))



.




.




تراب الكويت
وانا بعد اتساءل نفسج
واقول يمكن
:)
تواجدج الراقي ياتراب الكويت
منورتني
:*

Najmah said...

تركوااااازة
:***
ابدعتي
ابدعتي
والله كل شوي اقرا كلماتج
مادري شنو اقول
مادري شنو ارد

بعد قلبي والله انتي
القلوب شواهد
ويشهد الله شكثر احبج
واافقدج لي غبتي
:**
الله لااااا يحرمني منج



.




.




صبا
ياهلا وغلا والله
حبيبتي انتي يكفيني وجودج
:*
ربي يسلمج من الشر يالغالية
لا خلا ولا عدم ياصبااا


.



.




ميرامار
حبتج العافيه بعد قلبي
:**
صديقتي الرقيقه انتي
الله لا يخليني منج
:)



.




.




الحارث بن همام
شكرا شكرا
الاجمل تواجدكم ياشاعر
:))

Najmah said...

خيآل المآتى
تو مانور البلوق والله
:)
اسم الله عليج من العذاب والجروح
وعسى ايامج كلها فرح
نورتي
:**


.




.



أحمد الحيدر
اهلا وسهلا
الشكر لك على تواجدك الطيب
نورتنا ياخوي
:)



.





.




بيس
بعض الظروف تكون تحت ايدينا
تحديها يعتمد على قوة الشعور وصدقه
وعلى ارادة الشخص نفسه
:)