Friday, January 2, 2009

تذكره يابحر؟


تذكر يابحر؟
..
ذاك اللقا .. ذاك السهر؟
..

صوت الحنين بذاك المكان؟
..

ذاك التغلي .. وذاك الأمان؟
..

ذاك الحكي لا التقينا .. وسط عيني وعينه يبان

.

.

تذكر يابحر؟
..

ذاك الدفا
..

لا ارتوى بصوته الظما
..

لا سرينا مع القمرة يميع
..

نرسم اشواقنا على نجوم السما
..

تذكر يابحر ذاك الوفا
..

لا لمح دمعة في جفني
..

صوّب احضان عيونه ورمى

.

.

تذكر يابحر؟
..

ذاك الضحك .. ذاك البكا
..

ذاك اللي مع موجك حكى؟
..

ذاك اللي غزل حلمه معاك
..

ذاك اللي دفن همه ورجاك
..

ذاك اللي على صدرك نام وشكى؟

.

.

تذكر يابحر؟
..

ذاك الغرام
..

ذاك العتب .. ذاك الملام
..

كم سلت بصدره سيوف؟
..

وكم غنى في لحنه الحمام؟
..

كم شمعة في كفه يشيل؟
..

وكم جمرة في قلبه تنام؟

.

.

تذكر يابحر؟
..

ذاك السحاب
..
ذاك المطر .. لا بلل سطور الكتاب
..
ذاك الأمل .. لا عادت حروفه السؤال
..
وذاك السكون .. لا سكت
..
وذاك الفرح .. لا ضحكت
..
وذاك الهوى .. لا رمش في عيوني الجواب
.

.

تذكر يابحر؟
..

ذاك الزمان؟
..

ذاك الغلا .. كم زاحم انفاس المكان
..
ذاك الوله .. كم يشعل كفوفه حنان
..

تذكر دموعه اشتكت لي

"
ليش الجفا بأهل واحباب وزمان؟
..

تذكر دموعي حكت له

"
انا ترى قلبي أمان

"
.

.

تذكر يابحر
؟

حلم انتظر
..

حلم اندثر
..

اماني علقناها بزمن
..
نمنا على كلمة "وعد
..
وصحينا على طاري "الكفن
..
وصارت احلامنا طيور .. تهذي وتدور
..
بليا وطن

!

29 comments:

Mok said...

بس يا بحر
:P

esTeKaNa said...

ذاك الزمان؟
..
ذاك الغلا .. كم زاحم انفاس المكان
..
ذاك الوله .. كم يشعل كفوفه حنان
..
تذكر دموعه اشتكت لي
"
ليش الجفا بأهل واحباب وزمان؟
..
تذكر دموعي حكت له
"
انا ترى قلبي أمان



إييييه انا قلبي أمان
انا روحي تذكر...ولو تغشى هالكون كله نسيان
!!

آه يا بحر
يا مخفي اسرار كل العاشقين
يا شايل هموم كل قلب حزنه دفين


هذا البوست غير
سمعت فيه موج بحر
وتنهيده قلب
واحساس الدنيا كله فيه
:**


نجمة
الله يحفظج
انا دايم ادعي ربي يحفظج من العين
ابداعج مميز
كلماتج لها طابع اخر
فخورة فيج دايم يا صديقه قلبي وروحي
:***

SHAHAD said...

منو ينسى كل هذا ؟
نجمة هالمرة انتي بجيتيني : (

حياتي هدف مو عبث said...

أغدر ما في الوجود
ذاك البحر

The Voice Within said...

whooooooooooow!


that was ... breath taking ... !


baboog il last part ba7i6a topic bil msn may i ?



tislam idayyatich !!


u have a gift mashala .. it is amazin!

Kuwait said...

نجمــه ..
@@
انتي بعد تحبين؟

`~MnO YeNSa! ~` said...

نجمة
تدرين حسـيت
انج منزله بوست

دشيت البلوق و قعدت انطر
و علقت على البوست اللي طاف و مشيت

بس ما طوعني قلبي
و رديت
و انا رديت لعيونج



هالمرة
شــــــــى
شـــــى
شـــى

حروفج
يا النجوم
لامستني
تدرين حسيت
البحر.. بالموي.. باللون الازرق
و بتنهيدة حرف حرف
بين كل حرف و حرف
اكو معنى ..ينتظر منج امل
ليش ..تحبين تعورين قلبي ..هالبوست
غير ..

بكل بساطة و مثل اليهال
انا ابي جذي

:**

Q8EL5AIR said...

البحر جميل .. وواسع .. ولطيف !!


بس ديربالج يغريج بمفاتنه .. ترى البحر غداااار !!!!



وتحياتي ..

ويسلموااااااااااااااااااا :)

Eng_Q8 said...

غريبه يا بحر

qesat_5ayal said...

اليوم مودي رقص وغناوي عروس

بعيد عن البحر وسر العاشقين







يقولج .. بالحب بلا نيلة
:P




راجعة للكلام العذب
بمزاج أخر
:)

Shaima'a Alkandari said...

الله عليج يانجمه وعلى هالحروف الاكثر من روعه

بمدج وجزرج خذتنا حروفج

بنت أحمد said...

ذاك السحاب

..

ذاك المطر .. لا بلل سطور الكتاب

..

ذاك الأمل .. لا عادت حروفه السؤال

..

وذاك السكون .. لا سكت
..

وذاك الفرح .. لا ضحكت

..

وذاك الهوى .. لا رمش في عيوني الجواب

.





نجمــــــــــة

ابدعتي

ابدعتي

ابدعتي


تقف الكلمات وكل مقطع أحلى من الثاني

وربي بدون مجاملة /// ابـــــــداع



تسلم يمينك :)

Najmah said...

mok
صباح الخير
ايه والله
بس يابحر
:))


.



.



استكانة
ياجمالج صديقة قلبي
:**
تفاصيل الشعور بين الحروف
مايسمع نبرتها الا قلبج
ومايحس بنبضتها الا احساسج
:)
يابعد قلبي انتي
ويحفظج من كل شر
وينور دربج بالخير والفرح
ولا يحرمني منج صديقة روحي
:**



.




.




شهد
حبيبة قلبي انتي
ابيه شفينااااا
ماعاش اللي يبجيج حبيبتي
الدنيا ماتسوى دمعتح
انتي هدي لي بالج بس
:**

Najmah said...

حياتي هدف
واوسع واجمل مافي الوجود
ذاك البحر
:)


.



.




The Voice Within
ياهلا والله
:)
حلالك افا عليك :))
ربي يسلمك من كل شر
تسلم والله
من ذوقك الطيب
سعيدة بتواصلك :)



.



.




كويت
تدرين
انا كنت خايقة تسئليني انتي متزوجة
:Pp
لوووووووووووول
لا تطلعين اشاعات يابنية
ترا مو ناقصيييين
:))

Najmah said...

منو ينسى
فديتج انتي وعيونج
واحساسج الغالي
:**
تنهيدة الحروف
اللون الازرق
ومطرة الغيم
المعنى اللي يستند على الكلمات
احساسج اللي يقدر يفهمها
ماعاش اللي يعور قلبج
:*
الحين قولي لي
تبين جذي
ولا يعور قلبج؟
:))


.




.




كويت الخير
كبير
وسيع
حنون
كريم
رغم غدر امواجه
لكن البوح على كتفه
له راحة غريبة
:)
يسلمك ربي ويخليك



.




.





مهندسنا
غريبة يابحر
وغريبة يادنيا
نورتنا
:)

Najmah said...

قصة خيال
لووووووووووول
لا تحبطين مشاعري
وردي بوقت آخر
:Pp


.




.




شيومة
حبيبتي انتي
وجودج الاروع
الله لا يخليني من رقة احساسج
:**



.



.



بنت احمد
ياصديقتي العذبة
الابداع عند حروفج الجميلة
ربي يسلمج من كل شر
وكل عام وانتي اجمل واسعد
:**

بـابـل said...

وكم جمرة في قلبه تنام؟


مو بس جمرة


مبدعة نجمة



وبس



بابل

Najmah said...

بابل
صباح ورد
افتقدناك من غير شر
:)
والابداع عند حروفك يابابل
نورتنا

Fankooshy said...

كلمات رقيقة
كم تحمل البحر همومنا وكم اعطانا
ومازلنا نصفه بالغدر

شكرا :)

Super Woman said...

البحر اكيد يذكر

بس اهو يذكر البحر ؟
يذكر القعده والسوالف ؟
يذكر المواقف اللي تصير ؟
يذكر شي ؟

!!

Sweet Revenge said...

مميزه دايم يا نجمه
الله يوفقج:)

terkwaz said...

نجمتييي


لي كلام
فيني كلام

لا لاه ماقدر الحين اكتب

جنون إحساس said...

وكم يحمل مخزن الذكريات
,

بَوحٌ ودمع وعيون تلمع لا تود البوح لكنها أغرقته بـ فوح لاح من النظرة الأولى


تسلم أحلى الأيادي صديقتي العزيزة
:)

Najmah said...

فنكوشي
الشكر لوجودك الطيب
:)
نورتنا


.



.



شلالات
مادري
يمكن يذكر
ويمكن تناسى
!!



.




.




سويت رفينج
بعد قلبي انتي
ويوفقج يارب
:*

Najmah said...

تركواازة
:**
تعالي بعد قلبي
يالله تعالي قولي كلامج
انا ناطرتج
:*


.



.




جنون احساس
:))
الله ياني ولهانه عليج
:*
ربي يسلمج من كل شر
ولا يخليني منج ياصديقتي الغاليه

malak said...

آه يا بحر


يعطيج الف عافيه


ابدااااع و الله

يعطيج العافيه

Najmah said...

ملاك

الله يعافيج حبيبتي

نورتيني

:*

Love Moments said...

بين موج هالبحر نسمع سكون
يحرك فينا كل الشجون


كلماتج جميله واحساسج مبدع
=)

كبرياء وردة said...

موجك يا بحر يعالج كل عبرة حزينة
يلامس كل الذكريات الدفينة

تذكر يا بحر
حلم انتظر
ضحى وما ظفر
كان الأمل
كان الحياة بقلب الهلاك
راح وبقى فيني الوجل

نجوم.. داعبت خيالي فحلق بي بعيدا