Thursday, January 15, 2009

بعدي منك ما ارتويت


لا تبتعد .. بعدي من عينك ما صحيت
..
بعدي من ضوا صبحك ما اكتفيت
..
بعدي على حضن دمعك.. رجفت وبكيت
..
بعدي نبضة في كفك .. بين العروق في روحك سريت
!!
..
بعده ليلي على جفني طويل
..
بعده ذاك القمر على كتفك يميل
..
بعده ثوبي بالفرح ما انتشى
..
بعده الحزن .. في طرفه يسيل
!
..
بعدي على صدر ليلك ماغفيت
!
..
بعدي ما صاحبت الغلا وذقت العتاب
..
بعدي ماشفت الهوى بحرفك يهاب
..
بعدي بأول فصول الوله
...
بعده شوقي .. بأول سطور الكتاب
..
بعدي من شوقك .. ماشفيت
!
..
بعده الهوى ماصاح يروي غصونك
..
بعده البحر .. ماهاج من دمعة عيونك
..
بعدي ماشفت الغلا كيف يرسم وروده
..
وكيف يلونها بجنوني..ويزينها بفنونك
..
بعدي .. من عطر زينك ماصحيت
!
..

بعدي ما حكيت لقلبك عن نبضة غلاه
..
بعدي ماشرحت لقلبي كيف حبك ملاه
..
بعدي ماغنيت بعيونك
..
" من يقول الزين مايكمل حلاه "
..
بعدي لخاطر دلالك .. ماوفيت
!
..
بعدي ما ركضت نجمة بشارع سماك
..
بعدي ماشكيت للغيم .. غيبة دفاك
..
بعدي ماقلت لعيونك يكفي زعل
..
ترى همي في هالدنيا رضاك
..
بعدي من عيونك ما اكتفيت
!
..
بعدي ماعلمت روحي لو تغيب
..
كيف النهار عنا يغيب
..
وكيف الليل يبكي الغياب
..
وكيف السما تمطر حنين
..
وكيف المطر ينادي السحاب
..
وكيف الوله يرسل غرامه
..
وكيف اللقا ... يخط بعيوننا الجواب
..
وكيف اصيح
..
وكيف انادي
..
لا تبتعد .. بعدي منك ما ارتويت

10 comments:

SHAHAD said...

مادري شقول !
احترت أعبر بصراحة

نجمة .. مبدعة : )

Najmah said...

شهووود
ادعيلي السبت ابدي فاينل
وعندي اليوم الظهر تسليم بحث
لما الحين ماخلصته
:\

`~MnO YeNSa! ~` said...

هلا بنجومة
:**
ولهانه عليج تدرين
و موفقه بال
exams
و ادري فيج ..تبيضين الويه
سمالله عليج
....


النص
شنو هذا
حرفج ساعات احسها لو تطول ما ترويني
احتاج اقرى اكثر
ما اشبع ..



بعدي بأول فصول الوله


بعدي ماقلت لعيونك يكفي زعل..
ترى همي في هالدنيا رضاك
..


بعدي ماغنيت بعيونك..
" من يقول الزين مايكمل حلاه


parts
mo seej
شنو سوو فيني

:Pp

الزين said...

:)


يا بختي

كل هذا لي

كل هالكلام


:****


بعد قلبي

والنص كله مو صج

عجييييب

عجيييييييييييييب

darkness said...

قد سمعتي
بحد يعيش
من غير نسم
قد عرفتي
ان الشخص
يعيش
بدون جسم

قد خبرتي
ورد
يزدهر
من غير
ما يرتوي

قد و قد

انتي ورده بدنيته
تزدهر ليمنها ارتوت

تنشر العطر
و تحتفل

و ما تعيش من غير ما تنسقي

:)

ميرامار said...

نفس كل مرة نجمة

شاقول اكثر

خلص الكلام
وحلو كلامك ما خلص :)

أبو لطيف said...

ما ايتديت
احترت من وين ابتدي

اكتويت
وبنار بعدك استوي

اقترب
وابقى ابي منك ارتوي

ما ارتويت
وما اظن في يوم ارتوي


حفظك الله

بنت أحمد said...

تعجز كلماتي !!


رائعة

وأكثر من رائعة

::

دمتي متألقة

Najmah said...

منو ينسى
بعد قلبي انتي
:*
توله عليج العافيه والجنه الدافيه
ان شاءالله القاج قريب
:*
..
حبيبتي والله
من دفا احساسج
:**
وانتي كلج
مو صج
:))



.




.



الزيييين
يالزين والغلا كله
:*
انتي
تستاهلين
كل شعور عذب بهالدنيا
:**
الله لا يخليني منج



.




.




داركنس
انا قتلج
كل ما اوصل تعليقج اتوهق
:))
انتي احلى عطر بالدنيا
:**

Najmah said...

ميرامار
حبيبتي انتي
من ذوقج الراقي ياصديقتي الرقيقه
لا خلا ولا عدم
:*


.



.



بولطيف
ما اظن في يوم ارتوي
عجيييييييييييب
ماشاءالله عليك
دايما مبدع
ربي يحفظك من كل شر
:)



.




.




بنت احمد
صديقتي الراقيه
دايما وجودك الاروع
الله لا يحرمني من طلتك العذبه
:*