Thursday, January 22, 2009

كان لي خاطر؟


كان لي خاطر

كان لي نبضة غلا

كان لي شوق ووله

كان لي في قلبك مكان

كان شايل لي بروحك مشاعر؟

..

كان لي خاطر

!!

كان قلبك حضني في يوم

كان في حضنك تصغر بصدري الهموم

كان خاطرك لامس ضلوعي بحنانه

وارتسم بسمة في ثغر شاعر
..

كان لي خاطر

!

كان عمري من عمر فرحتك

كان همي من جفا رجفتك

كان الدفا بروحي يمر

لا لمس كفك طرفي وبادر

..

كان لي خاطر

!
كان الهوى غيمة ارتوت

كان الغلا وردة انتشت

كان العيون بالمحبة ارمشت

والدموع سكنت ذيك المحاجر
..

كان لي خاطر

!

كان الزمن ليل وفجر

كان الوفا..غيم ومطر

كان الفرح بعيوني ينادي

والضحكة بعيونك تكابر
..

طلبتك..كان لي خاطر

!

لاااا تكدر .. لا تصدق ظنونك

وان كان الزمن في يومه يخونك

لا تكدر

لا تجرح الدمعة عيونك

طلبتك .. ودع الليلة جروحك

ان كان لي خاطر؟

8 comments:

esTeKaNa said...

طلبتك..كان لي خاطر
!
لاااا تكدر .. لا تصدق ظنونك
وان كان الزمن في يومه يخونك
لا تكدر
لا تجرح الدمعة عيونك
طلبتك .. ودع الليلة جروحك
ان كان لي خاطر؟





ولا تكدر يا هوى روحي
خلها الدنيا لك افراحي


شنو هذا يا صديقه قلبي؟
عقب هالكلام كله اشلون ما يكون لج خاطر
اشلون الحزن يعرف بقلبه مكان؟
اشلون ما يبتسم
ويفرح
واحزانه تنطوي ولهمومه ينسى
!!
نص حنون
رقيق
يحضن كل قلب حزين
ويبث فيه الفرح


قرأته بالوقت المناسب
شكرا يا صديقه قلبي وروحي
:**

Najmah said...

صديييقة قلبي
منهو مثلك ياسما روحي
فرحتك تسمو على افراحي
:**
ياكثر حبي لاحساسج
عسى ربي يرسم دربج
بالفرح والسعادة
:**

ShLaLaT said...

طلبتك..كان لي خاطر
!
لاااا تكدر .. لا تصدق ظنونك
وان كان الزمن في يومه يخونك
لا تكدر
لا تجرح الدمعة عيونك
طلبتك .. ودع الليلة جروحك
ان كان لي خاطر؟



الله احلى مقطع
مبرووك على اللوك اليديد
بشريني عنج
وعن امتحاناتج
:*

love u

Najmah said...

شلالاااااات
حدي ولهت عليج
تصدقين لما كتبته تذكرتج
اعرف ذوووقج
:**
الله يبارك فيج بعد قلبي
والله ماشي حالها
بقى لي امتحانين
الاثنين والثلاثا
:)
انتي شخبااااارج
شلون دراستج
شهالقطاعة
ترى نفقد احنا
:**
Love u more & more

darkness said...

كان و كان
ينطوي معها الزمان
تروح البسمه
و تنزرع الدمع
يندفن باجي الحنان
و يبقى امل في باجر
يظهر مثل طيف
يسقى الحنان
و ينزرع من جديد
مثل شجر و الا نخيل
عالي
شامخ
صامد
بويه الريح
و يكون كل اللي صار
مجرد كان

:)

Kuwait said...

@@
انتوا الا تبووووووووني انحرف يعني !!
كل مكان وين ما أطب بمدونه حب وكلام عجيييييب :(
بدق على فزفز لازم ضروري عشان اشوف شسالفة الحب زايد هالأيام أريد حلاً :P
يا أنحرف وأحب يا أنحرف وهم أحب
لوووووووووووووووووووووووول

Najmah said...

داركنس
:**
ومابعد برد الشتا
الا نسمات الربيع
:))
انتي خطيييييرة
ردودج دايما غيييير
الله لا يحرمني منج
:*



.





.



كويت
لووووووووووووووووووووول
لا يامعوده
مو تنحرفين وتبلشينا
خلاص البوست الياي عن الينانوة
:PP
ولما تدقين على فزفز
علمينا
وواسينا بالحل الخطير
:PP

intelligence said...

zilong471
binghe660
axun888
aiolisi113
kaxiu600