وربي مانسيت

قالوا: نسيت

وانا وربي ..مانسيت

..

أشوفك بكل مكان..ألبوم صور

واسمع صدى همسك..بدقات العمر

واحسك بطيف الثواني..نسمة عبير..بصدر تمر

..

واصحى مع قمرة سماك

وانبت معاك..عشبة هوى

ترعى مع الورد باطراف النهر

!!

شلون نسيت؟

وانا من الذكرى استويت

!!

اذكر بكا اليوم..وضحكات السنين

واذكر دفا اللحظة بايدين الحنين

اذكر يوم تهل السما من احلامنا غيوم

اذكر يوم رسمنا الوعد

ولملمنا بحضن الأمل باقي النجوم

اذكر ضوا الليل

واذكر جفا الدمعة..لا ضاقت وسط عيني الهموم

..

واذكر دفا بسمتك..وشلون بعدها ضحكت وبكيت

!!

..

بعدك بقلبي..ما انطفيت

بعدك بجفن الشوق تغفى وتنام

بعدي في روحي احضنك

واغمض عيوني كل ليلة على نفس المنام

واحلم بشمس الهوى

نركض تحت ظلها يميع

واصحى على صوت الزمن .. وحلمٍ وسط عيني يضيع

يبعد عن عيوني سماك

..

يسرق طيوفك..ويرحل مع سرب الحمام

!!

..

شلون نسيت؟

علمني شلون اقولها نسيت؟

..

شلون اغزل بالهجر خيط الصدود؟

شلون أطفي بالجفا..نار الوفا بذيك الوعود؟

شلون اترك حروف الصبر

تكسر بصدري القيود؟

علمني شلون شموع الوله

بعد الغدر..تذوي وتروح

وشلون اداوي غيبتك؟

وانا بغيابك..كلي تعب..كلي جروح؟

وكل ماقلت لقلبي..انتهينا

صارت بداية..وجدت جدود

!!

علمني شلون انسى؟

وانا كل ماقلت نسيت

صاح الجرح فيني

لا وربي مانسيت