Friday, March 13, 2009

وين أروح؟


يمر اليوم
وفي صدري..تعدي سنين
وفي صدري..تحن سنين
وتمر سنين ...في صدري..وفي عيني
!!

وين أروح بعدك؟
..
وين أودي شهقات الحنين
..
وكيف أجاري بغيابك هالسنين؟
..
وكل مامرت ليلة بعد فرقاك
..
مرت على قلبي سنة .. وارتوى الجرح فيني
!
..
وين أودي دمعتي
..
لا ملت احضان الوسايد
..
لا صاحت على صدر القصيد .. وابتلت بصفحات الجرايد
..
لا رفعت ايديني بمسحها
..
وطاحت على خدي..تمشي وتعاند
!
لا حضنتها ومعاها غفيت
..
وفزينا من احلامنا سوى .. على طيفك يناديني
!!
..
وين أودي رعشة تطوف
..
حزني ونظرات الرفوف
..
صورة تزين كل باب
..
قصة ألم...وصفحة بيضا .. مليانة غياب
..
وقلم بين الجفا والحنين
..
خايف يبوح .. خايف ينادي بالعتاب
..
وين أودي ثوب اللقا
..
وكل مانويت اتركه .. صاح بحضني " لا تخليني
!
...
وين أودي هالوله؟
..
لا صار النهار ... وعيا ينور علي
..
لا قرب يروح
..
ولا مر صوتك .. ولا صبح علي
..
لا طلت كل لحظة عيوني
ولا شافت " صباح الخير
..
ولا صار المسا
ولا ارسلت مساء الخير
..
ولا مسحت انا من حرقتي
..
كل الرسايل .. كل الأسامي...وصوري ... وعناويني
!
..
وين أودي هالسوالف
..
ساعات الدفا ... ولحظات السه
ر
..
دمعة على ليل طويل
..
ودفتر حزين
..
وذكرى من الطين ..وشمس..وبحر
..
وين اودي عيوني من ناظرك
..
وكيف أطفي
جمر الزعل في خاطرك
؟
وكيف أدفي .. برد التعب فيني؟

24 comments:

Kuwait said...

ليش ليششش ليششششش :(
تعالي عندي نطلع نستانس بهالعطله ;p
حلوووه القصيده بس هالايام ليش مودج حزين :(
------
BTW ..
@@
ويـح قلبـي
اشوفج حاطه تصميم يديد حق البلوق هابي نيو ييير !!
هقوتي انج مضيعه يا بعد قلبي ترانا وصلنا شهر 3 ;p

Najmah said...

كويت
يمه يمه من وين طلعتي لي
شسوي مادري شسالفة هالمود
:\
يالله تعالي مريني
^_^
.
.
لوووووووووول
اولا انا حاطته عشان النجمة
وثانيا
لأن الشهر الياي اذا ربي كتب لي عمر
ادش نيو يير
وثالثا
ليش مو عاجبج
:Pp

Purplecious said...

وكيف أدفي .. برد التعب فيني؟

بالصميييييم يا نجمه
:*

مبرووووووووك على النيولووك
شي شي حركات نجوم

مشاءالله هالمحل قام سوقه... مشكله الكويت اذا علمتي أحد على مكان هبوا فيه

الحين أنا علمت الزين عليه و هي علمتكم عليه

باجر بتلاقين البلوقات كلها لابسه من نفس المحل

هههههههههههههههههههههههه


بس زييييين سويتي انج غيرتي
ترى أنا كله أقرا لج من الريدر ما أدش اللبوق الا نادرا
بس الحين مع هالكشخه الواحد تنفتح نفسه لما يدش المدونة

ملبووووووووس العافية يا ربي
:**

Unknown said...

ما اتوقع ان هالكلام يطلع من وحدة عمرها 20 سنة
وايد حلو وصح لسانج

Najmah said...

بيربل
:**
لووووووووووووول
الله يبارك فيج
اييييي صح صح
ماشاءالله كل الكويت صارت تلبس منه
خلاص اذا طحتي على محل ثاني علميناا
:Pp
اشواااااا ان عاجبج
بعد انا ضعت
كل ماحطيت لوك
ناس تطيح حظه
وناس تقول لي يفتح النفس
ومحد مبتلش فيني الا زيون
:Pp
يعافيج بعد قلبي

Najmah said...

مشاري
ايام ونكمل ال21 اذا ربي احيانا
:)
صح بدنك
وشكرا لاطرائك :)

SHAHAD said...

يكفي دموعي وحرقة قلبي رد عليج ؟
قريت لج وانا واصلة حد الحزن :/

Najmah said...

شهووودة
اسم الله عليج من الدموع
وحرقة القلب يالغاليه
ماعاش اللي يضيق صدرج
هونيها وتهون ياصديقتي
والحزن سحابة وتعدي
لا تخلينها تاخذ منج فوق حقها
يالله مسحي دموعج بليز
ما ارضى عليها
:*
وتعالي طمنيني عليج
ترى خرعتيني عليج
:**
ربي يشرح صدرج
ويريح قلبج دنيا وآخره

قلب طفله said...

وين اروح و انا روحي رايحه لك
وين اختفي و انت بعيوني تختبي
امحي الذاكره و لا اشيل من قلبي الحنين
بعلو الصوت بقول وقفي يا سنين و لا تحدين السكاكين

كلماتج تحمل الكثير والكثير
تدرين اني بقول عنج مبدعه مو ؟؟
ربي يسعدج

:**

`~MnO YeNSa! ~` said...

قريت وما خابت ظنوني
قريت وارتوى دمعي من عيوني

نجمة
ايــــه
قريت
و ما ارتويت
و ما اظن بعد
برد الوله
قد دفيت

وين اروح
لا صار الوله بين الضلوع
وين اروح
لا صارت البسمة تغطيها دموع

.....




وين اروح
كاني بييلج :*

Sn3a said...

ياحلاااة هالبوست
صح لساانج
وايد وايد حلو

الواحد يصير بخاطره يحب ويكشتون فيه من بوستاتج;p

كبرياء وردة said...

وين أودي ثوب اللقا..
وكل مانويت اتركه .. صاح بحضني " لا تخليني!
...

امبيه نجوم روعة روعة

بجيتيني:(

اشتقنا لاشعارج
طال بنا الظمأ
والآن قد ارتوينا
ولكم باك :)

سبمبوت said...

نجمة .. كل الصور والارقام والاسامي وحتى الخرابيش إللي في الدفاتر لما نسرح نرسمها لازم تروح لصندوق كرتون ينحط في المخزن او فوق السطح ..

بعض الأحيان تعذبنا ذكرياتنا وتمنعنا من المسير قدما الى الأمام ..

ولكن جميل جدا الرجوع اليها بعد سنوات وعيش اللحظات التي كانت بمنتهى الألم بوقت جديد وقلب أقوى.

Selezya said...

وين أودي هالوله؟
..
لا صار النهار ... وعيا ينور علي
..
لا قرب يروح
..
ولا مر صوتك .. ولا صبح علي
..
لا طلت كل لحظة عيوني
ولا شافت " صباح الخير
..
ولا صار المسا
ولا ارسلت مساء الخير
..
ولا مسحت انا من حرقتي
..
كل الرسايل .. كل الأسامي...وصوري ... وعناويني



========

هالمقطع عذبني

روعة هالكلام

خفي شوي علينا :)

@alhaidar said...

تدوينة تنتزع الآه من الصدور ..

تحياتي ..

kazmawy said...

حسبى الله عليكم
كله ضايقه خلوقكم وزعلانين وماتدرون وين تروحون
مو قلنا بلاش سوالف الحب اياهاااا:)))

ReLaaaX said...

شوفي آنا الحين دمعتي مطرفه والحمدلله عقب ماقريت البوست ادمعت عيني ولله الحمد


يعني ماقصرتي اخذتي فيني اجر :)

someone_q8 said...

السلام عليكم

حبيت اسلم عليج اختي
تدرين فيني مالي بالشعر والخواطر نهائيا
فا اسمحيلي اختي على هالشيء
لكي مني كل تحية واحترام

Shamla said...

نجمتي:

أبحر في احساسكِ العذب فأجد نفسي ;*

كلماتكِ لها زاويةٌ خاصة وإن لم أكن من محبي الشعر العامي إلا أنني أجد نفسي أقف هنا مجبرة أستمع لصوت قلبي ;)

دمتي مفعمة بالحب تنثرينه على القلوب فيزهر ;*

jory said...

عورتي قلبي


بس اهبل والله

تحياتي لك حبيبتي :)

Najmah said...

قلب طفلة
القلوب ماتنسى ياصديقتي
لكنها تحاول
وتتكيف مع الواقع
:)
ويسعدج دنيا وآخرة يالغاليه
منورتني
:*


.



.



منو ينسى
اخييييييه
تنهيدة بعد ردج
من اقصى قلبي
ربي يكتب لج الفرح
يالغالية
:*


.



.



سنعة
ياهلا بالسنع كله
ولهانة عليج
:*
ياحلاتج انتي وياحلاة مرورج حواليني
مو تحبين
وتقطينها عليي
:Pp

Najmah said...

كبرياء وردة
حبيبتي انتي
عسى دمعاتج ماتنزل الا الفرح
وجودج الاروع يالغالية
وتشتاق لج العافيه والجنة الدافيه
:)
لا خلا ولا عدم
:*


.



.



سبمبوت
تدرين شكثر احب اقرا تعليقج
وشكثر ارتاح لقلبج اللي فاهمني
:*
تصدقين
بكل رف بمكتبتي
القى صندوق ذكريات
ما اتحمل ابعده
ولا اتحمل افتحه
الا بوقت اكون فعلا محتاجة استعيد
كل شي
:)


.



.



سيليزية
اسم الله عليج الرحمن الرحيم
انتي الاروح ياحلوة
شلون دراستج
اشتقنالج ياسوسو
:*

Najmah said...

احمد الحيدر
ربي يبعد الآهات عن صدروكم
ويمليها فرح
نورتنا ياخوي
:)


.



.




كظماوي
لووووووووول
الحين منو ياب طاري الحب
:Pp


.



.



ريلاكس
حبييييييبتي انتي اسم الله عليج
عسى دمعتج ماتنزل الا بالفرح يالغاليه
شسوي فيكم
:(

Najmah said...

someone_q8
وعليكم السلام ورحمة الله وبركاته
الله يسلمك من الشر ياخوي
دايما راعي واجب
الله يعطيك العافية ويوفقك للخير دايما
ماتقصر والله
:)


.



.



شيلوو
تدرين
قبل لا اقرا تعليقج ابتسم
احب احساسج
واحب صدق قلبج
ينور دربج بالحب والفرح
:**


.



.



جوري
حبيبة قلبي انتي
اسم الله عليج
عسى كل لحظاتج فرح يالغاليه
:*