Saturday, April 11, 2009

شكثر تحبني؟


ماقلت لي
...
ليش السما تهاب المطر
؟
وليش البحر ... ملح وغدر
؟
ليش هالليل من نجومه يغار
..
وليش القمر يصحى على موت النهار
..
وليش الفجر .. عّيا نوره يضمني
!
..
ما قلت لي
..
ليش الألم .. في قلبي أغرب سؤال
؟
وليش الوهم .. أقرب من ألوان الخيال
؟
ليش الزهر وسط حلمي غريب
..
وليش الحزن أصدق حبيب
..
وليش الفرح لا حضر
..
لملم جروحه .. ونثرني
!
..
ماقلت لي
...
شلون تحكي لي الجواب
؟
لا لمحت شوقي بلون السحاب
..
لا نادت بصدرك طيوفي
..
لا انتشى خوفي
...
وارتعش طيفي..بين رمشك والكتاب
..
لا صرت الثواني للزمن
..
والزمن صوبك أخذني
!
..
لا رحت بعد يومك تنام
..
حطيت راسك على وسادتك
..
وجيتك أنا بحلم المنام
..
لا صرخ صدى قلبي بقلبك
..
وحشني دربك .. وحشني حبك
..
وحشني عطرك كثير
..
وصوتك ..وحشني
!!
..
ماقلت لي
..
ما اشتقت لدرب اللقا
..
لا مر الهوى حولك ودار
..
ما تعبت تسولف للورق...للصور..وصمت الجدار
..
ما اشتقت تلمني بخاطرك
..
ما اشتقت تطل بهاتفك
..
وتلقى رقمي .. يرن.. يسألك
"
شكثر تحبني ؟

20 comments:

~ هند ~ said...

ما اشتقت تطل بهاتفك
..
وتلقى رقمي .. يرن.. يسألك
"
شكثر تحبني ؟



.. حبيت النص ،، كالعاده مبدعه وجميله..

Najmah said...

هند
حبتج العافية
وجودج الاجمل حبيبتي
:)

حياتي هدف مو عبث said...

لا رحت بعد يومك تنام..
حطيت راسك على وسادتك..
وجيتك أنا بحلم المنام..
لا صرخ صدى قلبي بقلبك..
وحشني دربك .. وحشني حبك..
وحشني عطرك كثير..
وصوتك ..وحشني

ــــ

تدرين شنو هالكلام عجييييب
ماشاء الله
عاد مشاعري صايرة على طررريف
:p

جنون إحساس said...

شكثر تحبني
نداء عذب :)
صح لسانج يالحبيبة

fatto said...

حلو الكلام وايد :)

Najmah said...

حياتي هدف
اهلييين
شخبارج
من زمان عنج :)
انا بما ان باجر يبدي الاسبوع حافل
وتعبت نفسيا وانا ادرس
فمشاعري حده على طريف
:Pp

.


.


جنون احساس
احساسج العذب
صح بدنج يالغالية
:*


.



.


فاتو
وجودج الاحلى حبيبتي
:)

ShLaLaT said...

اكيد عندج امتحان

خلاص عرفناها من يصير عندج امتحان
البوستات الروعه تطلع

:**

نجمه اذا تخرجتي شراح يصير ؟
بتزيدين ابداع
ولا لا ؟؟

يا ابدع نجمه
:*

SheLLoO said...

نجمتي..

ولي دقيت وسألتج شكثر تحبيني ;p

كلماتج تعوّر القلب..
تنعش روحي..
وأحس على بساطتها فيها طهر وحب صافي..

الله يحفظ احساسج الغالي ;*

{~المباركية~} said...

كلمات رائعه اختي العزيزه
من عبق القلب

Najmah said...

شلالات
انتي اللي فاهمتني
:)
عندي باجر امتحان
والاثنين امتحان
ادعيلي
:**
لووووووووووووول
اذا تخرجت اتوقع البطالة
بتخليني ماعرف اكتب شي
:Pp

.



.


شيللو
لوووووووووول
:Pp
اسم الله عليج من عوار القلب
حبيبتي انتي
ويحفظج ويحفظ احساسج
:*

Najmah said...

المباركية
اهلا وسهلا
وجودك الاروع
شكرا لطلتك نورتنا
:)

بتاح ... آلهة الفنون said...

اعذب احساس قريته اليوم

ابدااااع ^_^

almar7om said...

أكثر سؤال ممكن يسمعه الحبيب من محبوبته شكثر تحبني ؟

:: بـوح الصمـت :: said...

اممم مادري ليش ما أعرف أرد على كلام هيك ;p


بس شيسمونه

عجبني تصوير الكلمات والمشاعر الجيّـاشة :*

دمتِ بأجمل إحساس , وحبج ربج وحبتج العافية حبيبتي :*:*

صلاح الأنصاري said...

لو سمع فايق الله يرحمه أبياتج كان بيقول:

أحبك كثر خطوات الثواني
كثر ما تبكي في الصمت المعاني
كثر ما تشهق امواج المواني
اجي مثل الربيع غرقان بألواني
اجي وياك ورده تخاف بستاني
طفله شايله احزاني
اجي وياك اتبع سر ناداني
اتبع صمت ناداني
و احاول و انت ما تدري
احاول انا و لساني
احاول و اخسر رهاني
احاول و انا في ضعفي
احاول انهي بركاني

***
كلامتج عذبة وتلامس اشغاف المشاعر
لدرجة انا الواحد ما يقدر يرد عليها الا بكلمات مثل كلمات شاعرنا الشهيد فايق عبدالجليل

تقبلي خالص التحية يا بنتنا الغالية

DiLLi O MiLLi said...

ما اشتقت لدرب اللقا
لا مر الهوى حولك ودار



الله الله الله
يا نجمة الأحساس والمشاعر
في ســـما قلوب العاشقين




سـلِم نبضَ قلبك وقلمك

:)

Shaima'a Alkandari said...

كثر ماقلت انا احبك كثر ما قلت انا اهواااك


ياحيالله نجمتنا الحلوه وكالعاده تنورين باحلى وارق الحروف والكلمات

صج كلماتج عجيييييبه مشالله

مجرد نقطة said...

رائع جدا

أسلوبج وايد يعجبني ^.*


تسلمين على هالابداع

Najmah said...

آلهة الفنون
حبيبتي انتي
الاعذب احساسج
:*

.



.



المرحوم
:))
منورنا


.



.



بوح الصمت
بعد قلبي انتي
اجمعين يارب
وجودج يفرحني وايد
:*

Najmah said...

صلاح الأنصاري
روووعة الابيات
احب جدا اشعار فايق عبدالجليل الله يرحمه
:)
الاعذب ردك ياوالدنا العزيز
شكرا لك
:))


.



.



ديللي
يسلمج ويخليج بعد قلبي
ويسلم لي احساسج الرقيق
:*


.



.



شيومة
اهلييييييييييين
شكثر ولهانة عليييييج
:**
حبيبة قلبي انتي شخبارج
والله فاقدتج حيل من غير شر
لا خلا ولا عدم يالغاليه
:*

.



.



مجرد نقطة
الاروع مرورج الغالي
:)
ربي يسلمج من كل شر ويخليج حبيبتي