أغمض عيوني عليك

كل مانويت أغفى وأنام

..
يرتعش خافق نبضتي ... ويضوى الظلام

..
تتكسر طيوفك على جدران غرفتي

..
ويختفي بصوتي الحكي

..
وأنسى كل الكلام

..
يلتهي بجفني السهر

..
وألقى صوتك.. وسط سمعي ينام

!
..
كل مانويت أقسى وأروح

..
تنطفي فيني القساوة .. وينفرش ورد الظروف

..
وأبقى بشوارع حيرتي

..
أناظر أسوار الطيوف

..
وألقى بطرفها ... دمعة وله ..حولك تطوف

..
وألقى معي ... دمعة وفا

..
تدفى بأحضان الكتب

..

وتلونّ أحزان الرفوف
!!
..
كل مانويت أقول الوداع

..
تنغرس جمرة بالكلام

..
تغيب شمس الحروف

..
وكل السوالف .. ترحل بدرب الضياع

..
تضيع وعود الجفا

..
وتنفلت كلمة أحبك .. بليا وداع

!!
..
كل مانويت أبتدي بالغياب

..
طلت عيونك وسط نيّتي

..
وابتدى حبك بالعتاب

..
وارتسم حاجب اشواقك على صفحتي

..
وبين اوراق صدري..و سطور الجواب

..
وكل مانويت افتح للفرقا باب

..
انفتح للقا فيني ألف باب
!!

..
كل مانويت أخطي خطوة جفاك

..
ذكرتني كفوفي بلمسة وفاك

..
وأغير بلحظة خطوتي

..
وأحضن لصدري وسادتي ... وألقى دفاك
!!
وكل مانويت أغفى شوي

..
صاحب عيوني السهر

..
وصاحت أحلامي تبيك

..
وأدوّر عيونك بحضني

..
وألمك بجفني

..
وأغمض عيوني عليك