كل ليلة ..
لنا موعد وفا ..
يطرق بقلبي كل باب
كل ليلة .. وأنا أغني لصورتك
وأسمع صدى صوتك .. بهمس السحاب
كل ليلة ..
وهمسك أدفى .. وطيفك أوفى ... من وجوه الغياب
كل ليلة ... وانا ألوّح للوعد ، في عيون المسافر
!
كل ليلة ... وانت أقرب من سكن قلبي وعرفني
وانت أصدق من حكى بصدري وسمعني
وانت من تهت وبكيت ... يوم حضن حبه وسعني
وانت من لملم على اكتافه دموعي
وأمسى يوادع رحلته بدرب المهاجر
!!
كل ليلة .. وانا يسرقني حنينك
أغمس أوراقي بجروحي .. وأرسم عيوني بجبينك
وبعض الحنين ... ماترويّه الدموع
وماتداويه السنين
وبعض الجروح .. مالها غير الدفاتر
!
كل ليلة .. وأنا عيوني تنادي لك تعال
أغمض الحلم وأشوفك ..وأسأل طيوفك .. مثل ذاك السؤال
وأحضن الهاتف في ايدي
وأنتظر منك اتصال ... أو رسالة تنفض الحزن ببريدي
وأنتظر كلمة أحبك
وأنتظر كلمة فقدتك
وأنتظر...تصبح على خير وحب ومشاعر
!!
كل ليلة .. وآنا دليلي لقمرتك ليل وشعر
ألوّن دمعتي .. وأكحل عيوني بسواد السهر
ودمعة تصيب .. وضحكة تخيب...ولهفة تمر
حتى النجوم .. عيت تسلي وحدتي
عيت ينام بحضنها صدر الغريب
عيت تداوي ظلمتي ... والليالي المعتمة بفرقا الحبيب
وانا..مابقالي حبيب .. مابقالي عمر
ومابقالي من بعد روحتك نجمة تساهر
!
كل ليلة .. وآنا ألقى اسمك بكل كتاب
وأعطر أقلامي وصفحتي.. رفوف الحزن..وأدراج الغياب
وأخبي شوقي بالعطر ...بلون الكحل .. وسط الثياب
وأضوي بحنيني شمعتي
وألبس من اللهفة كامل زينتي
وأوقف على طرف الأماني أنتظر... تنفتح لي للقا سكة وباب
!!
كل ليلة .. والألم على أعتاب الحكاية
يرسم ملامح ضحكتك .. بالأماكن..بالزوايا
كل ليلة والحزن..ضيفٍ ثقيل
والفرح..عابر سبيل
والوله .. ليلٍ طويل..وميراث شاعر
!!
كل ليلة ... وانا مع قلبك .. نسألك
ماعاد فينا ذكرى تسيل
ماعاد فينا كلمة تعود ... وتلوي ذراع الرحيل
ماعاد فينا جروح بالهوى تزعلك
كل ليلة .. أنا وقلبك
نرعى آلام السعادة ... ونزخرف أحلام الوسادة
نغطي بمحبتنا رمشتك
ونهمس بإذنك كلمتك
تصبح على خير .. تصبح على حب .. تصبح على كل المشاعر
18 comments:
وايد وايد وايد مؤثر ة الكلمات
ليلة لو باقي ليلة بعمري ابيك الليلة و اسهر بلييل عيونك و هي ليلة عمر
صباحكي سكر
رائعة
كل ليله
كل يوم
كل ثانية
ترسمين .. بين بؤرة التفاصيل
نظرةُ للخلسة .. بين دروب الامل
*****
دمتي نجمة
HAVE A NICE BLUE WEEKEND
:D
ولهت على كتاباتج اللي جذي
كل ليله افتح كتاب الذكرى
اقرا البدايه واوقع النهايه بدمعه يتيمه
نجمتـــيي
اسم الله عليج من التعب
قلت بصير شريره
وبخلي تتنيحج يطول :pP
بس لنا قلوبه رجيجه سمج ياخلااف
آنا اللي ببالج
سر ;*
ماقريت البوست لي عودo
ومره ثانيه أشكر البطاله :p
ناديت باسمك ..يافلان
وينك ماتعب فيك الشوق..
يصحى قلبي ...
يناديلك وينك
تعال وصير سلوة الخاطر...
وخيال الشاعر..
مهجة الروح
تعال
أمسح عبرتي ..
طال ليلي
وذاب الحكي بساعات السهر
وينك
ما تعب فيك الشوق
نجمتي أنتي كده
;**
New bride
:*
نورتينا :)
.
.
ميمة السبيت
آآآخ
لو ليلة بس
!!
صباحج ورد وياسمين حبيبتي
:*
.
.
أروينا
الاروع وجودك الطيب
شكرا :)
النور
تدرين
احسج من الناس اللي تفهم
بالفعل مابين السطور
وتقرا مشاعري بوضوح
انا سعيدة بوجودج
:*
وكل ايامي ويك اند
:Pp
.
.
شلالات
وانا ولهت علييييج
:**
آآخ
الله يبعد عنج كل دمعة يتيمة
:**
.
.
xname
احس اني راح ابجي
من صج من صج
يالله بليز
دزيلي ايميل
انطرج
:**
وااااااااااااااو شعر جميل منثور على عبق المحبين
تسلمين على كلماتج .. طبعا مو شي يديد عليج انج اتبدعين بالكتابه
يعطيج الف عافيه
والله يعين الي امفارق حبيبه
وأخيراً ..عزف الناي
:)
ودمعة تصيب .. وضحكة تخيب...
زلزاااال 99 ريختر والله
كل ليلة .. والألم على أعتاب الحكاية
يرسم ملامح ضحكتك .. بالأماكن..بالزوايا
كل ليلة والحزن..ضيفٍ ثقيل
والفرح..عابر سبيل
والوله .. ليلٍ طويل..وميراث شاعر
عجيبة عجيبة
وتنزعين كلمة الله الله غصب
الله يخلي هالأحساس الحلو
وبس
بابل
عزيزتي نجمة
مبروك على التخرج و اسمحيلي على القصور
: )
جميلة هذه الحروف
و الحروف المتناثرة هنا و هناك
واصلي
!!
عفوية الكلام دائما ما يميز كتاباتك
دمتي بخير
:)
حبيبتي والله :)
مساالورد والجوري
غاليتي الحيبيه
الاحساس
بالفراق
او
الهجر
او
النكران
او التجاهل
أصعب من اي تعبير ممكن يتعرضله
الانسان
):
بس تدرين صج
آآآه
من قلب
..
دمت كما انت متلونه
باحاسيسك
الرقيقه
:**
جنون الكويت
ياهلا وغلا
الاجمل وجودك الغالي
لا خلا ولا عدم
:)
.
.
فاتو
حبيبة قلبي انتي
:*
الله يسلمج ويعافيج
ولا يحرمني منج يارب
:)
.
.
بااابل
هلاااا والله
عاش من شافك :)
فقدنا طلتك وايد
الله يسلمك من كل شر
تسلم يابابل اسعدتنا وايد
:)
دبي
اهلااااااااااا
ياهلا وغلا والله
فقدتج حيل من غير شر
:**
الله يبارك فيج ياحياتي
ماتتخيلين شكثر ونستيني
ربي يحفظج زيخليج
:**
.
.
الحر
الاجمل تواجدك الطيب
شكرا لك
:)
.
.
ريلاكس
حبيبتي انتي
:**
.
.
فراولة
مسا الحب والغلا كله
اسم الله عليج من الآه يالغاليه
عسى ربي يسعد قلبج الطيب
ويحفظج صديقتي الرقيقة
:**
Post a Comment