من فصيلات الذيابه

لا ثار جرحك ، لا تفضحه ، ولا تامن الناس

..
بعض البشر مو بشر ، من فصيلات الذيابه

..
ولا دق الوله في صدرك " لغايب " أجراس

..
علّم احساسك كيف يوقف ، وكيف يداوي غيابه

..
من يوم شفته وانا حابس بصدري أنفاس

..
أكتم جروحي بكفوفي ، وأشكي همي بالكتابة

..
وكل مامر صوبي صاح بخاطري احساس

..
قالت عيوني يتدلل ، وأمطرت حبه سحابه

..
بعض البشر مايصنعه غير طيبة الساس

..
وبعض البشر ماتعرفه إلا من رمحه وصوابه

..
قلت لك ألف مرة : صاحبك شخص حساس

..
لا تجرح بغدرك ظنوني ولا تجرعني عذابه

..
ماكنت شخص يكابر ويرفع على قلبه الراس

..
لين سائلت عيني وعوده ، واستلمت بصدمة جوابه

..
ماقويت أقسى وأباعد ، لين امتلى بكذبه الكاس

..
ماقويت أبدى بالفراق ، لين قلبه ابتدا به

..
وان كان مايدري ، قولوا له ترى لقلبي حرّاس

..
لا صاحت لجفني عيونه ، قالت عيوني تهابه

..
ولا داس عاذلي طرفي ترى أطرافه تنداس

..
ولا لمس ثوبي بظفره ، يفقد بلحظة ثيابه

..
وأنا ترى أدري .. وتدري .. ويدرون هالناس

..
منهو فينا اللي يوفي .. ومنهو نتحرى انسحابه

..
وترى فرق بين "نسامح" و"صار خير" و"لا باس

"
وبين نرجع لحفرة مرتين ، وتاكلنا الذيابه