Tuesday, October 23, 2007

علمني أضحك



شلون تضحك بدوني ...؟

علمني ... ودي اضحك بدونك

ودي أنسى همك

وأنسى حلمك

وأترك دموعي تخونك



علمني شلون اعيش اللحظة ...؟

شلون أقيس الفرحة...؟

شلون أفصّل ضحكاتي ...؟

وشلون ألبسهاا بدونك ..؟


علمني شلون أواسي قلبي ...؟

شلون أمسح أنينه ...؟

شلون يسكن شعوري ...؟

علمني شلون جفّت عيونك ..؟


علمني أنام الليل كلّه

ويملني السهر وأملّه

ويسامرني شعاع الشمس

ويدل قلبي الأمل وأدلّه

علمني شلون ترفع جفونك ؟


علمني أسخر من أوراقي

علمني أرحل من أشواقي

علمني أقسى

علمني أنسى

علمني أضحك على جروحي

علمني شلون تضحك بدوني


ودي أضحك بدونك

23 comments:

سيدة نفسي said...

السلام عليكم والاكرام

أيتها الغضة الصغيرة

لا تستعجلي فالزمن كفيل بأن ينسيك الأفراح

وهو أيضا كفيل بأن ينسيك الأحزان

فلا آدم لقن حواء
ولا حواء لقنت آدم الشقاء

كلمات جميلة ورقيقة
بريئة كقلبك

ezain_kilah said...

this might help!

Selezya said...

انشالله تتعلمينه ومن غير ما تتعلمينه يكون اهو اساس حياتج


صح لسانج :)

::heba:: said...

صح لسانج : )


كلمات روعه يا نجمه :)
من خلال الابيات حسيت
بشغلات وامور مرت بحياتي
ولكن نسيتها :)

الزمن كفيل ينسى الواحد كل جروحه
الله يبعد عنج الجروح والالم :)

Abdulla Al Ameri said...

انا عن نفسي ماقدر اضحك او اتنفس بدونج

كلمات و لا اروع منها

بـابـل said...

شلون أقيس الفرحة...؟

شلون أفصّل ضحكاتي ...؟

وشلون ألبسهاا بدونك ..؟
صباح الورد والأحساس

والله شهقت لما وصلت هالبيتين


صج أحساسك مدمر وطاغي


ماشاء الله عليج نجمه


وبس



بابل

جنون إحساس said...

وأترك دموعي تخونك

الله يا هالبيت الله ياهو عجبني
تعبير بليغ جداً

كلمات مؤلمة
كتبت بعبرات قلب صغير

5roofa said...

يااا سلام ياا نجمه

كلامج روعه امبي كل كلمه قلتيها تينن و كلها عمق ومشاعر و احساس

يعطيج العافيه يالغاليه
ربي ما يحرمني من هالكلمات

salamz sweetee...

Aldenya said...

الله على تعبيرج على الرغم من انه حزين


الدنيا تعلمج يا نجمه

" الدنيا مو أنا :> اللى أقصده الزمان "

الدنيا تعلمج اشلون تنسين
وتعيشين يومج
وتضحكين
وتنسين كل هالتعب والهموم

MANAF said...

ودي اضحك بدونك




عجبتني وايد

مبينه ان مالج غنى عنه

:)

Najmah said...

سيدة نفسي
وعليكم السلام والرحمة
اي والله الزمن كفيل
صدقتي والله
وجودج الأجمل يالغالية
تسلمين لي :)


الزين كله
حياج الله :)


سوسو
ان شاء الله ;)
صح بدنج يالغاليه


هبة
صح بدنج
وجودج الاروع يالطيبة :)
اي والله الزمن كفيل والحياة تمشي
اجمعيين يارب العالمين


الأستاذ بلاليط
مروركم الاروع
الله لا يفرقكم عن احبابكم :)


بابل
صباح النور والسرور
شكرا بابل
واحنا نتعلم منكم :)


جنون احساس
يشرفني اعجابج يالغالية
وان شاء الله مايذوق قلبج الألم


خروفاا
والله انتي اللي روعة :)
احسج شفافة اللي بقلبج على لسانج :)
الله يعافيج ولا يحرمني منج يارب


الدنيا
آخ يالدنيا
كل يوم نتعلم شلون نكون أقوى
عسى دنياج كل افراح يالغاليه


مناف
يشرفني اعجابك
:)
احيانا الظروف تجبرنا نبتعد عن اشخاص طول عمرنا متوقعين مانعيش بدونهم
لكن الدنيا :)

بـركـــــان said...

:)

بركان يكتفي فقط بابتسامات .. و الضحك مع الحبايب بس


الثائر بركان

magnoonah said...

روعه يا نجمه

كلامج وايد حلوو ما شاء الله عليج عرفتي شلون تصوغينه بطريقه راقيه


علمني أنام الليل كلّه

ويملني السهر وأملّه


ياليت ما اعتقد احد يمل من السهر ولاي سبب من الاسباب

الدنيا تعلم والزمن يعلم وانتي يالبريئه مثل كل بشر راح تتعلمين بس بطريقتج الخاصه


تسلم الانامل

Shaima'a Alkandari said...

علمني وعلمني ياعيني عليج يانجمه

نور ساطع من هذه المدونه

فهنيئا لنا بقلمك ايتها البراقه

ياقلبي ابتسم said...

نجمة

ليكون لك من اسمك نصيب

اتمنى لك ان تصبحي نجمه مضيئة في عالمك وعالم من حولك

لاتستلمي للحزن وتجعليه يطفئ نورك

لاتنتظري من اي شخص ان يعلمك ماتريدين

بل حاولي مرارا وتكرارا دوم ملل أو كلأ
الى ان تصلي لمرادك

مع هذا اسجل اعجابي باحساسك الواضح في كلماتك العذبه

أختك

ياقلبي ابتسم

`~MnO YeNSa! ~` said...

و الله احساسج خيالي بالنسبة لي تكسرني عبراتج و كلماتج .. كلامج ذكرني بكلمات اغنية راشد اللي عشتها و لحظات تبكيني و لكن كلماتك تكاد تكون انقى ...

علمتني وشلون احب
علمني كيف انســــــــــى
يابحر ضايع فيـــــــه
الشط والمرســـــــــــــى
علمتني وشلون احن
علمني كيف اقســـــــــى

سير علي ..
بس امسح دموعي وروح
سير علي ..
جب لي معك قلـــب وروح
سير علي ..
اذا تذكرت الجــــــــــروح
ياطاغي النظرة خـطا
تجزى بهالبخل العطا
وانا اللي اهديتك أمن
عين وجفـــــــــــــن
هذي فراش وذا غطا
ويا بحر ضايع فيه ..

ياجرح من وين ابتدي
وانت معي من مولدي
وعيت يــــــــــــــــدي
على وداعك تهتــــدي
بس انت علمني الجفـــــــــــــــا
دامني عجزت اعلمك كيف الوفا
ويا بحر ضايع فيه ..

Barrak said...

شلون تضحك بدوني ...؟

علمني ... ودي اضحك بدونك


ياه ياه ياه

قمة البراءه في هذا السؤال

فتى الجبل said...

الضحك ما يحتاج حق تعلم
يحتاج قلب متفائل

kuwaitya_7saweya said...

الضحك مايبيله شي
خلي قلبج ابيض
وانسي اللي راح
وبتضحكين
وانشالله دوم تضحكين

خسرتني للأبد said...

الســ عليكم ــلام
نجمة
كلمات وايد حلوه و روعه و الي اروع منها عنوانها
بصراح يا نجمه سرحت مع هالكلمات
الله يوفقج
لا تحرمينا

charisma said...

ما ادرى ليش تذكرت اغنيه راشد اتوقع الى تقول

علمتنى كيف احب
وعلمتنى كيف اخون
وعلمتنى كل اسرار الغرام

عجييبه كلماتج نجمه

تسلم ايدج
:)

فريج سعود said...

اخذس حبة منوم وانتي تنسين يد الي يابه

Najmah said...

بركان
عسى الله يديم الضحك مع الاحباب :)


مجنونة
وجودج الاروع والله
تسلمين لي يالغاليه
ايي الدنيا كل يوم تعلمنا شي يديد :)
ربي يسلمج ويسعدج


شيماء
النور نورج حبيبتي
هنيئا لي فيكم :)


ياقلبي ابتسم
حلو اسمج
وكلامج احلى :)
اشكرج على هالرد اللي رفعني السما
لا تحرمينا هالابتسامة


منو ينسى
احب هالكلمات مع انها تعور قلبي
وربي يسعدج ويجبرج يالغاليه


براك
شكرا جزيلا لوجودك :)


فتى الجبل
التفاءل .. فعلا نحتاجه
شكرا لمرورك


كويتية حساوية
ان شاء اله :)
واجمعين يارب
تسلمين على وجودج


خسرتني للأبد
وعليكم السلام والرحمة
مروركم الأحلى :)
ويوفقك يارب
شكرا جزيلا


كاريزما
تسلميين
ربي يسلمج ويخليج ولا يحرمنا منج
:)


فريج سعود
لا اسم الله علينا من الحبوب :)