Tuesday, November 27, 2007

تزعل وانا اللي منك زعلان


تزعل وتعاملني بكل جفا


يقسى قلبك

وينسى كل الوفا


تتجاهلني عيونك


وترفع علي حصونك


وتهمل أشواقي


ويعاندني غرورك




تشوف الأحزان بعيني سكنت


وبحور المحبة فيني اعطشت


وتمشي عني وتكابر

:(




تزعل .. وانا اللي من حقي الزعل


وانا اللي مجروحة بكلامك


وانذبحت بحدة ملامك


وانا اللي مليت الضيق .. وضاق فيني الملل



تزعل

وانا اللي عافني الملام


وانتحر فيني الكلام


وجافتني ضحكاتي


وملتني دمعاتي


واشتقت لنورك يبدد هالظلام



تزعل


والغلط منك ابتدى


والسهم قلبك رماه


ليش تزعل

؟

وانا اللي من حقي الزعل؟

:(

17 comments:

borashid said...

لان قلبك علمهم بان زعلج مش مهم بالنسبة لهم وقلبج ايضا علمهم بان زعلهم مهم ولازم تراضينهم

في النهاية انتي تخسرين بالطريقة هذي :(

والله لا ايجيب الزعل بين الاحباب والاقراب...:)

Shather said...

akheeeeeeeeh :(

lesh el za3al najjomah lesh

Brilliant said...

سلامتج من الزعل
:)

Barrak said...

وانا اللي مليت الضيق .. وضاق فيني الملل


لما الواحد يمل مل ضيقته
ويضيق بضيقته الملل
شيصير فيه

يارج الله

كلام كبير

Eng_Q8 said...

مافي احد يستاهل نزعل عليه
لا تزعلين يا يبا

MANAF said...

نعم ازعل

وازعل حيل

من يخطي علي احّد

انا فيني طباع الخيل

اذا ضاقت

تحب تبعد

..





:)



هذا مقطع من قصيده كنت كاتبها

اسمها

طباع الخيل





:)

فراوله said...

مساالورد والجوري
غاليتي الحبيبه
الزعل شغله حلوه...وموحلوه بنفس الوقت
حلوه لانها تقوي العلاقه بين المحبين..وعكس جذيه فانها تسبب فتور بالعلاقه
وهذا العذاب بحد ذاته
الله يعين الزعلانين
دمت بدفء وعذوبه
ابدا
وبدون زعل
:)

فريج سعود said...

بعد كل هذا وهم يزعل الحبيب ؟
الشره عليج

Doaa Ebrahim Aaql said...

قلبك الرقيق
عوده على الصفح
والغفران

فبات يمارس كل انواع الدلال فى حبك


اعتادى منه ايضاً
على ذلك

لتكن علاقة متكافئة

.
.

كلمات جميلة

.
.

تحياتى

Selezya said...

كلش ولا زعل شاعرتنا :)
عسا الزعل مايعرف درووبج قولي امين
يا زعل حلو يا بلاش :)
:* لا تزعلين تكفين

ياقلبي ابتسم said...

ولاتزعل ولاتتعب شعورك ولاتاخذ على خاطرك مني
ماعدنا نسمع هالاغنيه صح
الله يبعد الزعل عنك والله لايجيب الزعل يااارب تراه والله نكد :( اسئلي مجرب
حلو احساسك اللي طلع من حروفك
دمتي لنا :)

بـركـــــان said...

صج الرجال مالهم امان بما فيهم انا


الصريح بركان

5roofa said...

ياااا سلام كلمات ولا اروع
امبي خبصتيي كلماتج

مشكووره على هالبووست


salamz sweetee...

Najmah said...

بوراشد

شعور صعب:"(

آمييين يارب



شذورة
مااادري حتى انا أسأل ليييش :(



Brilliant
الله يسلمك :)



براك
يتعب نفسيا وفكريا وشعوريا
والنعم بالله
:)


Eng_Q8
ان شااء الله :)


مناف
طباع الخيل
الله
روعة والله


فراولة
مسا النور والعطور والرفح والسرور
هلا والله وغلا
ايييي صح كلامج
الله لا يضيق قلبج
ودمتي بحب :)


فريج سعود
لووول :")


princess dodo
:")
علاقة متكافئة
جميلة جدا العبارة
شكرا جزيلا
والاجمل وجودكم :)


سوسو
يابعد قلبي انتي
ووياج يااارب
وخلاص ماراح ازعل :)


ياقلبي ابتسم
اسمج يعطيني تفاؤل وينسيني الزعل :)
آمييين يارب
تسلميبن يالغاليه


بركان
اعترااف :)


خروفة
انتي الاروع حياتي
ربي يسلمج ويسعدج دايما

78o8eYa said...

صبحج الله بالخير يا النجمة
:)

يا كثرهم اللي يزعلونا ويزعلون منا
..

:$

بس احنا قلبنا رهيّف و بو مسامح

لنا الله
....

تسلم النجمة و يسلم خطها
^_^

بـابـل said...

مساء الورد

كنت بختار مقطع عشان اعلق عليه

لقيت كل الخاطرة حلوة

والله خاطرة تنقط مشاعر وأحساس

ماشاء الله على أحساسك الطاااااغي

صج تمتعت تمتعت هالمره


وبس



بابل

Najmah said...

حقوقية
ياهلا وكل الغلا والله
صبحج الله بالنور والسرور
:)
اي صدقتي
وهالصفة حلوة لكن للأسف في ناس بدون احساس :(
ربي يسلمج يالغاليه
نورتي



بابل
مساء الفرح والسعادة
من ذووقك والله تسلم :)
واحساسك الطاغي :)
الف شكر بابل