Sunday, December 9, 2007

تعبت اشتااق


شلونكم ؟؟ شخباركم؟
ولهانة عليكم :)
مادري شفيني اليوم .. مزاجي سوالف
:)


- 1-

ذاك اليوم سويت برزنتيشن عن (البلوق) عاد طول ما انا اقوله وانا اتذكركم وابتسم :)
مع إني عرفتكم من فترة بسيطة لكن تركتوا أثر بقلبي كبير :)
صج حبيتكم وايد ولكم مكانة خاصة بقلبي

-2-
ليش في ناس تحب تتكبر وتشوف نفسها على الناس؟
انا أكره ماعندي انسان يشوف غيره من فوق
ترى الكبر لله
ليش في ناس تسوي شي وتتمنن؟
ليش في ناس لها ويهين؟
ليش في ناس ماعندها احساس؟


-3-
فيني صفة حاولت اتخلى عنها ماقدرت
من صغري واهيا معاي
مضايقتني ومو قادرة اتركها :(
اللي اهيا العناد
مع إني أحب آخذ راي اللي حولي
وغالبا ما اسوي شي الا وانا مستشيرة فيه
لكني مع هذاا
فيني عناد مو طبيعي
اذا كنت مقتنعة بشي و أحد عارضني مايزيدني كلامه الا عناد
حتى لو كان شي حده تافه
=\
ماحب هالصفة اللي فيني
أحيانا تخليني أسوي أشياء بس عناد
:\
شسوي؟؟

-4-
أمي وأبوي مسافرين
:(
احس نفسي مو على بعضي
ولهت عليكم واايد
مكانكم خالي
وكل الأماكن فاقدتكم
كل الأماكن تسأل عنكم
والله دنياي ماتسوى بدونكم
الله يردلكم لي بالسلامة

14 comments:

عالية said...

الله يردهم بالسلامة

Selezya said...

الله يرد البابا والماما بالسلالامه ياارب

--
وحتى احنا نحبج :)

--

مممممم
لانهم نس متخلفين اللي حياتهم جذي

----

لا لا جد حاولي تعدلين هالصفه :) مو خوش شغله
اذا عناد على شطانه حلوه عيل خليها لوول

بـابـل said...

مساء الورد

يروحون ويردون بالسلامة أنشاء الله

والعناد حلو بالصح وموحلو اذا كان لمجرد العناد

تسلمين عالبوست الخفيف عالروح


وبس


بابل

khaled said...

يرجعون بالسلامة ان شاءلله

العناد أحيان يكون حائط أمام المتسلقيـن
رغم أضرارة النفسية :)

كـوني كمـا أنتــي هـ كذا

فتى الجبل said...

يردونلج بالسلامة ان شاء الله

Najmah said...

عالية
يسلمج ربي ويخليج :)


سوسو
الله يسلمج حبيبتي :)

وحبتج العافية بعد قلبي
:*

احاول اعدلها
ادعيلي
منورتني :")



بابل
مساء النور والفرح والسرور
الله يسلمك ان شاء الله
:)


خالد
الله يسلمك ان شاء الله
:")
ان شاء الله
شكرا :)



فتى الجبل
الله يسلمك ماقصرت :)

AnGlOpHiL said...

يرجعون بالسلامه

مشكلة اذا العناد كان على الخطأ, يكون أشبه بالكذب

لما الانسان يصدق مع نفسه راح يحس فبعض الذل..لكن ذل ممتع !

Mishari said...

الله يردهم بالسلامة

وخوش فكرة البرزنتيشن مال البلوق

:) الله يوفقج

ezain_kilah said...

يخليهم لج ويخليج لهم ويبلغهم فيج وبعيالج بعد ويردهم لج سالمين وغانمين ياربي يالله

وأفا عليج! كلنا هني إخوانج وخواتج, جم نجومة عندنا؟ ;D

Q8i_Blogger said...

اوف بريزيتيشن
حسافه والله .. مادري عن هل بلوق الحلو من زمان
ولا جان كسبنا دعايه
اكيد طبعا
لازم تعطين اكزامبلز وبينهم بلوقي :)

يرجعون اهلج بالسلامة ان شاء الله

وبالتوفيق

7saweya said...
This comment has been removed by the author.
7saweya said...

طبيعة البشر جذي مستحيل تلقين واحد مثالي و هم مستحيل تلقين واحد ما فيه نزعة ايمان
و ما أنكر ان حتى أنا فيني أطباع وايد شينة و منها هثلج "العناد"
انا عندي بالبداية يكون ابداء راي بس بعدين ينقلب عناد بس مو لي حد التعصب بس هم يغث :D

انشالله يردون بالسلامة و الله يخليكم لبعض

الجازي said...

مساء الخير ..
انا اديما اقول كل شي يسويه الانسان يسويه لنفسه
واللي يتكبر ويغتر ع الناس هذا بيرجع عليه بالاخير الناس بتتكلم وبتنفر عنه
والله يهدي الجميع
.
.
والعناد مثلي وربي مع اني استشير بس اذا قلت عجبني ماعلي من احد
وامي دايما تقولي لا على شي ويعجبني واخذه بعدين تطلع هي الصح
عساني اتغير:)
.
.
الله يرجع امك وابوك بالسلامه يارب
(f)

تسلمين نجمة ع البوست الخفيف
بالتوفيق يارب :)


الجازي

Najmah said...

AnGlOpHiL
الله يسلمك يارب
:)


مشاري
الله يسلمك
واجمعين ان شاء الله :)


الزين كله
اجمعين يالغاالية
ويخليكم لي يارب
ونجمة وحدة طبعا :)


Q8i_Blogger
لووووول =)
الله يسلمك ووياك ان شاء الله


حساوية
اي صح كلامج :)
الله يسلمج ويخليج لأهلج يارب



الجازي
مساء النور والسرور ياهلا
صح كلامج كل تصرفات الانسان ترد عليه اهوا مو على احد ثاني :)

الله يسلمج يارب
وتسلمين على هالمرور الاحلى :)