Sunday, December 9, 2007

نورت الدنيا

تدري شلون السما اليوم نوّرت
؟؟
وشلون زانت
؟
وشكثر أسفرت
؟
وشلون السواد يتحول بياض
..
وشلون هلت غيومها ممطرة..؟
.
.
.
تدري شلون الضيق يتبخر..؟
..
وشلون الحزن يودع مكانه..؟ ومع هبوب الريح يتبعثر
..
وشلون محله ينبت زهر
..
وشلون أوراق الفرح تعطره؟؟
؟
..
تدري
يوم طلت عيونك
..
شلون كانت دمعة عيوني؟
..
وشلون ركضت أحضنك
..
وأحضن جنطتك .. غترتك
..
وحتى جوازك .. والتذكرة
..
.
.
تدري
..
كانت الرحلة حزينة
..
والبحر يلعب في السفينة
..
والليل بحدة ظلامه
..
يسهرني .. وأسهره
.
.
.
تدري كان يكتبني الألم
..
وتعزفني أحزان النغم
..
وأمشي متعلقة بخيالك
..
وغيرك يناديني وأهجره
.
.
تدري شكثر اشتقت
..
وشكثر لك أشتاق
؟؟
وشكثر بللت هالأوراق..؟
..
وشكثر يلوموني البشر
..
ومن لامني فيك
ياترى أعذره..؟

15 comments:

Q8i_Blogger said...

ساعات قليلة واركب الطيارة .. راجع الكويت

مادري ليش احس هذا الشعر عني

الكويت كلها تغني باجر بالمطار :)

بس صج حلوه
يعطيج العافيه

`~MnO YeNSa! ~` said...

احببتها تلك الكلمات ..

magnoonah said...

اخيـــــــــه

شنو هالشوق ؟ ومن له

الحين صج عندي فضوول
؛)

عاد انا مشتاقه لرفيجتي احس ودي اقولها هالحجي بس ترجع

نونو والله ما ادري ليش بس احب الحجي منج
ما ادري ليش اتخيل جدامي طفله تتكلم وانا اسمعها باهتمام وابتسم


:)

يا رب دوم اشوفج سعيده

بـابـل said...

تدري كان يكتبني الألم
..
وتعزفني أحزان النغم


كلام هز شعرة إعجابي


برافو عليك عزيزتي مبدعة


وبس




بابل

Selezya said...

صح لساانج
وايد وايد حلوه القصيده
وحسيتها غير عن كل اشعارج السابقه .. يمكن لان فيها نوع من التفاؤل والفرح وهذا اللي يعجبني لما الانسان يحس بهالشعور وينسى الحزن ولو كان موجود
تسلمييين :**

charisma said...

يا سلالام عليج يا احلى نجمه
:*



وأمشي متعلقة بخيالك
..
وغيرك يناديني وأهجره


النفس وما تشتهى والقلب وما يهوى

مقيوله

تسلم ايدج عجيب البوست

فراوله said...

مساالورد والجوري
مساالشوق اللي بلا حدود
غاليتي الحبيبه
احساسيسك عجيبه
لها لذه غريبه
مثل صاحبتها
:)
اذاب قلبي هذا التعبير
كيف يكتبني الألم
؟؟؟
اصعب شي بالدنيا
ان يكون الالم هو من يكتب صاحبه
صج قساوه
كبيره
):
دمت بدفء وعذوبه
ابدا
:)

dreamer said...

كلمات رائعة

Najmah said...

Q8i_Blogger
لوول
توصل بالسلامة ان شاء الله :)
والله يعافيك :)


منو ينسى
أحببت وجودك :)



مجنونة
يابعد كل غالي انتي
ولا يهمج راح أشبع فضولج
حق مجموعة ناس اختلط بقلبي لهم الشوق واكثرهم ابوي وامي :)
وترجع رفيجتج بالسلامة وتستاهل مايغلى عليها :)
تدرين عاد
وانا لما اقرا كلامج احس جدامي قلب كبير يملي الدنيا بطيبته
الله لا يخليني


بابل
يشرفني والله
والابداع عندكم :)
تسلم والله


سوسو
صح بدنج حبيبتي
وانتي الاحلى :*
ولايهمج ان شاء الله ماتبقين الا اللي يسرج :)
عساج دوم فرحانة :*


كاريزما
اييي والله صدقتي
ربي لا يفرقج عن احبابج
ووجودج غالي يااحلى كاريزما :)


فراولة
مسا الحب والغلا
عسى الألم والقسوة مايعرفون قلبج
دايما كلامج يبرد القلب :)
نورتي يانور هالدنيا


دريمر
الاروع وجودكم
شكرا :)

MANAF said...

يصير اقول شي؟؟

بيني وبينج












البوست يعقّد

:)


وايد حلو




اششششششششش

باي

Eng_Q8 said...

صح لسانج

بـابـل said...
This comment has been removed by the author.
ManalQ8 said...

Nice words


keep it up







:-)

ReLaaaX said...

ياسلااااااااام عليييييييييج
وعلى احسااااااااااسج
وعلى حروووووفج

.
.
.

بس ماعندي اضافة

Najmah said...

مناف
تسلم والله
الاحلى وجودكم :)
حياك :)



Eng_Q8
صح بدنك :)



منال
الاحلى وجودج
نورتي :)



ريلاكس
ياهلا وغلا والله
ياسلام عليج انتي :)
لا تحرمينا الطلة الحلوة :)