Friday, January 18, 2008

فمان الله يامسافر

هالكلمات إهداء حق صديقتي الغالية ..لأنها بتسافر بعد جم يوم أمريكا
ومادري متى راح ترجع =\
.
.

.
.
( كل منا له طريقه في الحياة .. لكن أينما ذهبنا...كل منا يحمل جزءا من الآخر)
.
.
صديقتي الغالية
سأفتقدك طويلا .. في كل الأشياء
في كل الممرات...وأوراق المحاضرات
في براءة كل طفل ألاعبه
في كل موقف يذهلني..ولا أجد من يشاركني إياه
سأشتاق كل لحظة جمعتنا
سأشتاق نظرة أفهمها وتفهمني
ووجها مشرقا ألوم شحوبه
وروحا طيبة حملتني
وقلبا لا يزال ينبض بالحب
وسأدعو كثيرا..أن لا يطول الاغتراب
.
.
.
.

تســـــافــــر
...

ومعاك الهوى يسافر
..

تسافر
..

والعيون لطيفك تناظر
..

تسافر .. وقلبي شايل متاعه
..

معاك حاجز تذاكر
..


تسافر
..

وتدري لما تسافر
..

ترحل طيور الهواجر
...

تنتثر عقود الفرح
..

وتطيح من ايدي الجواهر
...


تدري لما تسافر
..

تذبل شموعي وله
..

وأدمن الشوق ساهر
..

ألقى اسمك بكل مكان
..

النجوم .. القلوب .. والدوائر
..

ويعزي شوقي الجميع
..

الصاحب..العدو..الوفي..والغادر
!


تسافر
..

وتدري لما تسافر ...

تطول رمشات الليل
..

وتبخر ثيابي الجروح
..

والصمت فيني يجاهر
..


أمشي مكتوم ووحيد
..

وأروح البحر زاير
..

أدفن الحرف برماله
..

وتسليني فيه البواخر
..

تذكرني برحلة عمرنا
..

وأغلى لحظات المشاعر
...


تدري لما تسافر
..

يشتعل جمر الاحساس
...

وتشتاق اقصى الضماير
...

وتسري دعواتي معاك
..

( فمان الله يامسافر )
.
.
.
.
نقطة أخيرة
راح اشتاقلج واايد
وراح اذكرج كل مامريت عند فرايديز
:)

32 comments:

Q8i_Blogger said...

كلام يعور القلب
لأني مجرب السفر

بس ان شاء الله ترجع رفيجتج بالسلامه .. ولا تحسين انه هذا السفر راح يفرقكم عن بعض

هي فقط المسافة

اما الصداقة فلا تختفي ولا تضيع .. ولو خرجنا إلا العالم الخارجي

والأيام تمر بسرعه .. وتلتقون عن قريب ان شاء الله :)

Peace said...

الله يردها بالسلامه

ان شاء الله تييب لج صوغه حلوه
:)

جنون إحساس said...

عسى الله يرد لج صديقتج بالسلامة إن شالله
قرب القلوب يهون من بعد المسافة
:)

بـابـل said...

آآآه من الفراق

شبعاان فراق

نجمة والله القصيدة صج تهز إحساس الحجر

كلامك فيه روح ومفردات عجيبة


عينى عليك باردة


وبس


بابل

فراوله said...

مساالورد والجوري
غاليتي الحبيبه
اغلا نجمة
الفراق أصعب شعور بالدنيا
والاصعب منه
لمن مانعرف متي بنلتقي مع من فارقنا
بس شنقول هذي
فلسفة قدر
الدنيا تجمع وتفرق
ويارب تلتقون علي خير
ومحبة
ابدا
دمت بدفء وعذوبه
ابدا
وادعيلها ترجعلج بالسلامه

darkness said...

نجمه ان شاء الله مثل ما ودعتي تلقين

و ربي يعقلها عليج بالقريب

عورتي قلبي

:"(

الله يرد كل مسافر بالسلامه

Najmah said...

كويتي بلوقر
آمين يارب
اي صح كلامك
الاصعب بالموضوع ان فترة مجهولة وشي وشخص تعودت على شوفته لكن الحمدلله ان وسائل الاتصال تطورت ولا جان صج مأساة :)
ان شااء الله
وربي يرد كل مسافر لديرته بالسلامة :)




بيس
ان شاااءالله الله يسلمج
:):):)



جنون احساس
آمين يارب
صح لسانج :)



بابل
الله يبعد عنك الفراق وآهاته
ولا يفرقك عن احبابك يارب
تسلم بابل على هالمرور الحافل
:)



فراولة
مساء الحب والاحساس والطيبة يااغلى فراولة
اييي صدقتي والله
ان شاء الله آمين يارب
ربي يخليج لاحبابج ويخليهم لج يالغاليه :*



داركنس
آمييين الله يسمع منج
اسم الله على قلبج
ان شاء الله مايذوق الا الفرح
الله يسلمج يالغاليه

هـــدب said...

الله الله كلماتج دايما جميله
يا نجمه وخوش اهداء
لصديقتج الغاليه والله لا يحرمكم من بعض وترجع بالسلامه

Selezya said...

واي عورتي قلبي
اي هذا شي صج يحزن عليه

ياربي تروح وترد بالسلامه ولا يفرقكم عن بعض

الدنيا تشغلنا ولازم تقدرين هالظروف وتبقين مثل ما انتي ما تتأثرين بهالبعد

ولد الديرة said...

يا شين فراق الأصدقاء

عندي 73345 شخص اعرفهم و يعرفوني

اعزمهم و يعزموني

من هال 73345 عندي 3 الى 4 اصدقاء اذا غابوا ما اقدر اتغدى

لأني اكتشف اني بروحي

مرتي صديقتي من هالثلاثة او الأربعة

إذا زعلت عليها صاروا 3

واذا رضيت صارت هي الرابع
:P

يردها لك بالسلامة يا نيمة

حياتي هدف مو عبث said...

تروح وترجع بالسلااامه يارب

وكلمات حلووه ماشاء الله

الله يجمعكم دايماً على خير إن شاء الله

esTeKaNa said...

شريكة أحلامي
وصديقه طفولتي وعمري
تقاسمت معها الحزن قبل الفرح
وتشاركنا بالجنون والأحلام
لا اتذكر سنوات دراستي من غيرها
ولا جنون مراهقتي من غير عينها
!!
كنت في سفر حين انخطبت
لشاب يدرس في الخارج
رجعت قبل موعدي لافرح بها
اعتليت كوشه فرحها وهمست لها:
متى بتردين؟
صمتت مده ثم همست:
مادري
!!
اتذكر اني بعدها بكيت
نسيت الفرح
والعيون حولي
واحساسي كله بكلمه مادري

افتقدتها كثيرا
في لحظات الجنون والبوح وفي كل احداث حياتي
كنت احتاجها كثيرا واعتقدت لفتره اني فقدتها
!!

بعد خمس سنوات من سفرها
اجزم لكي انها ما تزال موجوده
تغيب بالشهور ولكن مجرد اتصال يعيد لنا كل احساسنا مع بعض
نقدر الغياب
ونقدر الظروف
ونظل رغم كل شئ اخوات
!!

صديقتي...البعد هو بعد القلوب
لا ما تباعدنا الدروب
الدنيا ما تغير وفي
مهما بمشاكلها نتوه


كتبت هذا الرد الطويل لتتأملي وتتأكدي ان بعدها بعد مسافة وستبقى قريبه بروحها واحساسها

دمتم بحب وموده
واستودعيها الرحمن الذي لا تضيع ودائعه
:)

فريج سعود said...

خليها تسافر يا معودة اتوقع حتى امريكا مو برد مثلنا

الأستاذ بلاليط said...

مرحبا و سهلا

مسا الخير

كلمات جدا جميلة نابع من قلب صافي ابيض

ربي يحفظج

عثماني said...

عسى الله يجمعكم من يديد

و لا يفرقكم

جميلة الكلمات اخيتي الغالية

دمتي مبدعة

Anonymous said...

ما شاء الله كلمات تكتب بماء الذهب

رائعة أنت عزيزتي ..

( ولاتزعلين :) القلوب شواهد .. والله يحفظكم من كل شر )

نسأل الله أن يحمعكم على الخير في الدنيا والآخرة .. بارك الله بك عزيزتي :)

5roofa said...

ياربي ليش جي عوار القلب

والله بجيتيني

الله يردها بالسلامه و يجمعكم على خير يارب


اشتقتلج يالغاليه

salamz dear...

Eng_Q8 said...

ومالحياة الا سفرة صغيره

والي يسافر لابد ان يرجع


نايس بوست سيس

Dalal said...

ماشاءالله دايما ذوقج ذرب بالأشعار اللي تختارينها يا نجمة

أكثر من شعر قريت في مدونتج عجبني

وعشان جذي أقترح عليج تشتركين في مسابقة شاعر المليون
:)

_____________________


بخصوص رفيجتج الله يردها بالسلامة

بس ....امًا شكلكم قازين فرايديز قز
:)

تحياتي

صبا said...

الله لا يحرمكم من بعض امين

الله لا يفرقكم

الحياه بدون مطبات وحزن لا يمكن ان نحس فيها بطعم السعاده
فسبحان الله اللي خلق لنا الاحساس بالفرح والحرمان والسعاده والحزن وكل هذا يا عزيزتي لو نظرتيله من زاويه ثانيه وقدرتي تخلقين شعور اخر عوضا عن الحرمان من شوفة صديقتج فهناك لحظة الانتظار والغياب تتجد فيها الحياه

ان شالله تشوفينها بالقريب العاجل

تحياتي

Anonymous said...

يا بوقته البوست
صديقتى توها مسافره
:(
عايشه بره

فاقدتهاااااااا


والصمت فيني يجاهر
..


أمشي مكتوم ووحيد
..

وأروح البحر زاير
..

أدفن الحرف برماله
..


وتسليني فيه البواخر
..

تذكرني برحلة عمرنا
..


وأغلى لحظات المشاعر



الله على كلماتج

تسلم ايدج

كريزما

Najmah said...

هدب
ياهلا والله وغلا
مرورج الاجمل يالغاليه
ربي لا يحرمنا
:)



سوسو
اسم الله على قلبج حبيبتي :)
الله يسلمج آمين يارب
وان شااءالله :):)



ولد الديرة
انا اول ماشفت التعليق كله ارقام قلت شكلي بتعقد
بس اشوا طلع سهل :P
الله يخلي لك كل احبابك يارب



حياتي هدف
الله يسلمج ويخليج
وجودج الاحلى يالغاليه
وآمين يارب :)



استكانة
قريت ردج 3 مرات
وبعد ماخلصت ابتسمت بدون شعور وقلت مشكوورة أحبج :):)
كلامج ماي بارد يسقي الروح

"
تغيب بالشهور ولكن مجرد اتصال يعيد لنا كل احساسنا مع بعض
نقدر الغياب
ونقدر الظروف
"
فعلا والله صح كلامج
في ناس يمكن مانكلمهم الا كل جم شهر مرة لكن لما نكلمهم نحس انهم معانا كل يوم .. نحس نهم قراب منا حيل
يمكن اقرب من اللي نشوفهم كل يوم
ونقعد معاهم

مشكوورة استكانة من كل قلبي :*

Najmah said...

فريج سعود
لووووول
اي والله كسرنا هالبرد
:)



الأستاذ بلاليط
ياهلا والله
تسلم على هالوجود الطيب
ربي يحفظك ويخليك لأحبابك
:)



عثماني
آمين يارب
ولا يفرقك عن اهلك وناسك
شكرا جزييييلا :)



كلي ثقة
انتي الاروع يالغاليه
تسلمين والله
آمين أجمعين حبيبتي
:)



خروووووفة
اهليييييين الحمدلله على السلامة
نورتييييني :*
بعد بجي
:(
مايصيييير
خلاص لج مني وعد البوست الياي يونسج :)
وانا اشتقتلج اكثر حبيبتي :*



مهندس الكويت
:)
صح لسانك
شكرا جزيلا :)

E6eba_Ethb7tny said...

الغاليه نجمه :)

شعور الغربه مؤلم والذي اشد منه ايلاما هو فراق الأحبه
لكن صداقتكم ستبقى فهي أرقى من ان تفصلكم عن بعضكم عدة بلدان :)

أتمنى لكي السعاده وعودى صديقتك قريبا بخير

:)

Najmah said...

دلال
ذوقج الذرب والحلو :)
لوووووول تهقين يعني؟ :P
خلاص انا راضية بس على شرط انتي تصيرين بلجنة التحكيم :P
موافقه؟ :)



صبا
آمين ولا يحرمج من احبابج يارب
صدقتي بكل كلمة
تسلمين ياصبا :)



كريزما
ماتفقدين غالي حبيبتي
الله يسلمج :*
وربي يرد رفيجتج بالسلامة ويحليكم لبعض
:)




الطيبة ذبحتني
ان شاء الله :)
تسلمين يالغاليه
وتدوم ايامج مع احبابج بالفرح يرب

الخيلاء said...

نجمه .. عندج قدره عجيبه على دغدغه مشاعرنا الي نحاول نخفيها عن الكل ..

هذا بالضبط شعوري كل مره يسافر فيها اخوي .. عسى الله يهون عليهم غربتهم و يحفظهم ويردهم لنا بالسلامه

qesat_5ayal said...

يا بخت تلك الصديقة باحساس تملكينه لها
:)

الله يرجعها بالسلامة

Mamloo7a Q8ia said...

تدري لما تسافر ..

تذبل شموعي وله ..

وأدمن الشوق ساهر..

ألقى اسمك بكل مكان..

النجوم .. القلوب .. والدوائر..

ويعزي شوقي الجميع..

الصاحب..العدو..الوفي..والغادر

الله الله عليج يانجمه
الكلمات روعه ما شاء الله
الله يردها لج بالسلامه ولا تفترقون من شر
الله يعينج ويصبرج على غيابها

vancouver said...

الله يرجعها بالسلامة وتجتمعون على خير يارب


اذا مريتي يم فرايديز




سلميلي عليه
:))

صقر قريش said...

الفراق صعب جمعكِ الله وصاحبتكِ على خير في الدنيا والجنة في الآخرة

`~MnO YeNSa! ~` said...

كلماتج اتعور القلب .. عسى الله يردها لج و يقر عينج بشوفتها و ابد ما تفقدينها انشالله من شر

Najmah said...

الخيلاء
آمين يارب
وعسى ربي يردلكم اخوج السلامة وتقر عيونكم فيه
تسلمين لي يالغاليه :)



قصة خيال
آه ياقصة
يابختي انا بتعليقج :)
الله يسلمج ويخليج :*:*



مملوحة
ياهلا وغلا والله
وجودج الاروع حبيبتي
آمييييين يارب
وربي لا يفرقج عن غاليج :*



فانكوفر
آميييين
لووول ان شاء الله ولا يهمج يوووصل :)



صقر قريش
آمين يارب
شكرا جزيلا :)



منو ينسى
ياهلا بهالنوور
اسم الله عليج منو عوار القلب يالغاليه :)
آمين
وربي يجمعج بكل احبابج على الخير :*