Tuesday, June 3, 2008

ذكرياااات نجمة

اليوم البوست غييير
بعيد وايد عن الشعر
لكن مايخلى من المشاعر
:)
..
وانا ارتب داري .. طلعت ذكرياتي العزيزة
وايد احب احتفظ بأشيائي اللي احبها
..
قطاري الصغير .. قصة ليلى والذيب
نفنوفي أول ما انولدت .. البطة والدبدوب
..
احسهم اشياء ثمينة
:)
..
ردتني سنين لي وراا
..
تأملت نفسي وانا صغيرة
..
أركض بكل مكان
..
كل يوم أمي مسوية لي تسريحة
وكل يوم مكشختني بنفنوف
وملبستني ذاك الذهب
..
كنت بجرها .. واول فرحة لهاا
..
كنت هاادية .. مرتبة وايد
بس عنيدة .. وشريرة احيانا
:P
.
.
بمرحلة الروضة
أمي تقول لي اني الوحيدة اللي ماتعبتها ومابجيت
كنت العب مع الصبيان
وارد طاقيني ولاعبين بشعري لعب :P
للأسف انا مااذكر شي من هالمرحلة
:(
.
.
مرحلة الابتدائي
..
ماعشتها بالكويت عشتها بالرياض
كان أبوي يدرس ماجستير هناك
وماكنت أيي الكويت الا بالعطل
مع اني كنت صغيرة .. بس كانت لحظات صعبة
..
كان يضيق خلقي لما أسمع بنات خالاتي يسولفون عن شي ماشفته
أو حفلة ماحضرتها
أو هوشة ماشاركت فيها
:P
..
أذكر كنت لما أسمع طاري الكويت
اروح داري وابجي واايد
...
..
وأذكر أول شعر كتبته بحياتي
كان عن الكويت يوم كنا بنرجع لها
...
أذكر كتبته وانا ميتة من البجي
ورحت حق أمي وأبوي وانا اركض
أذكر شلون أمي لمتني ومدحتني ووصلت كلماتي السما
مع إنه مايتسمى شعر
:)
وأذكر شلون ابوي نزل مكتبته
وعطاني كتاب قال لي انه وايد بسيط
وكنت اشوفه حيل معقد ومادري شلون ابوي يقراه
:)
...
صج كانت اياااااااااااااام
وعلى كثر ما تألمت فيها .. الا ان فيها احلى الذكريات
..
مدرستي كنت احبهااا واايد
...
كنت احب ابلة الانجليزي لانها كانت تشركني بمسرحياتهم
وكنت أحب أبلة الرسم لأنها اعرضت رسماتي بالمعرض
وكنت أحب أبلة العربي واايد
لانها كانت كله تمدح خطي
:)
..
وشلتي العزيزة .. مااذكرهم كلهم
بس اذكر (ابرار - منيرة - ملاك) والاولى كانت امها كويتية
كانت اقرب رفيجاتي .. ومن احلى الصدف بحياتي
اني شفتها اهني بعد سنتين من فراقنا ..بجمعية السرة
:)
...
لما الحين أذكر آخر يوم لي بالمدرسة .. لما ودعتهم لأن ابوي خلص و بنرجع الكويت
..
شلون سلمت عليي الناظرة
وشلون لمتني الوكيلة وعطتني وردة
وشلون رفيجاتي سوولي أحلى مفاجأة
حفلة وكيكة .. وهدية كبييرة
كانت بيت باربي
لما الحين احتفظ فيه
:)
وكان عندي رفيجة كويتية مو بمدرستي بس ابوي رفيج ابوها
لما الحين اتواصل معاها
واعتبرها من الصداقات النادرة جدا
.
.
.
مرحلة المتوسط
..
بدايتها .. كانت قرار صعب
قالت لي أمي ان أبوي راح يكمل الدكتوراه بلندن
وان راح نروح وندرس هناك
تأزمت وتضايقت واايد
..
كانوا بنات عماتي يضحكون عليي اذا قتلهم اني مابي
وكانوا بنات خالاتي يقنعوني إن وناسة
..
لكن اللي جرب الغربة .. يبيع كل شي بس يقعد بديرته
!!
رحنا هناك
اسبوعين وانا ضايق خلقي
وبالنهاية اقنعنا انا واختي ابوي إن نرد الكويت
واهوا يقعد اهني ونروح له بالعطلة
وكسرنا خاطره وردينا
:)
كان صعب اني ادخل مدرسة مااعرف فيها احد
..
بس كان عندي كل شي يهون المهم اظل بديرتي
!!
..
بسرعة طاح الهدووء
دخلت مرحلة من التمرد والينون
كل شي سويت
مع اني كنت مليقة شوي واسوي مناحة على درجة
ويمه الله يخليج روحي كلمي الابلة :P
بس على قولتهم من تحت لي تحت
:P
..
بس كانت مرحلة حلوة
مشاغبات بريئة
وصداقات ممتعة
.
.
.
الثانوي
هالمرحلة بالذات كل ما اتذكرها قلبي يدق حييل
احبهااااا بكل مافيهاا
صج احلى ايام عمري
واروع رفيجات عرفتهم
تغيرت فيهاا وايد
كنت طاقة ونشاااط
اشتركت بكل النشاطات
واشتغلت مع كل القروبات
تعرفت على كل البنات
مع اني كنت متفوقة .. الا اني لعبت فيها لعب
..
خاصة ثالثة ثانوي
صفي كان مو طبيييعي شي خياااالي
..
كنا نتفق هالاربعا نغيب ونروح الترفيهية
الاربعا الياي المسيلة
اللي وراه الشعب
وصج كنا نسويهااا
:P
ونااااااسة كانت قمة الابداااع
..
بس 4 ثانوي كانت احلى
كانت غيير
مع اني تعبت بالدراسة فيها
بس فرحة التخرج نستي كل شي
لمة رفيجاتي
دموع أمي
ابتسامة أبوي
فرحة اخواني
الحب والهدايا اللي غمروني فيها اهلي واقاربي
صج كانت اغلى ذكرياتي
:*
.
.
الجامعة
..
اعتبرها مرحلة النضج
فجاة حسيت اني كبرت
افكاري كبرت وايد
تصرفاتي تحددت بالتكانة
:)
تعلمت واايد اشياء
وكل يوم قاعدة اتعلم شي
احس هالمرحلة كانت تكوين حق افكاري
..
ماحبيتها بالبداية
بس الحين احبها وايد
وابي استمتع بكل لحظة فيهاا
لأن كل يوم يمر .. ماراح يرد مرة ثانية
:"))
.
.
عيشواا كل لحظة
استمتعوا بكل يوم
مهما كان اليوم متعب
باجر راح يصير ذكرى حلوة
:)

26 comments:

Anonymous said...

وعاد في طلب المتروك تاركه * إنا لنغفل والأيام في الطلب

شخصيا .. يقلقني تصرم الأيام وتسارعها

2cool2care said...

مافي اثنين يختلفون على ان الثانوية هيه احلى ايام العمر

أهم شي انج الحين بين أهلج وأحبابج

ابديرتج

بس

تكفين

قوليلي

شنو الكتاب اللي اهداج ابوج؟

من صجي ودي اعرف

Najmah said...

محسد
بيت الشعر عجيب
وايد عجبني
المهم .. ان نستغل كل يوم
لأن اللي يروح مايرجع
شكرت جزيلا يامحسد :)


.
.



2cool2care
ايي والله
الف الحمدلله يارب
الكتاب اسمه
اسواق الذهب - احمد شوقي
:)
وشكراا على تواصلك الطيب

5roofa said...

لوووول تدرين نجومة حياتج قريبه من حياتي

انا هم البجر لوول

و اغلب دراستي و حياتي بره بحكم دراست ابوي

من لندن لي امريكاا و من امريكا لي لندن

حتى انا منولدة بره الديرة مو اهني

بس صج اذكر اني رديت على المتوسط و ياربي شنو الدراسه تفرق اهني

غير يعني بديرتج بين اهلج و صديقاتج

و الجامعه الجامعه ايام ما تنسى استانسي بكل لحظة لانه صج غييييييير

و موفقه يالغالية

salamz sis...

الخيلاء said...

اتفق معاج تماما
كل مرحله لها
طعمها
شطانتها
استايلها
ملاقتها
صداقاتها
و الاهم
ذكرياتها
اهي الي بتبقى و لازم نستمتع فيها عشان انتذكرها بسعاده و ناسه

حلو البوست كل مرحله تذكرينها اتذكر اشياء

:)

صايره ما الحق على كل بوست
ماشاء الله عليج الامتحان عامله عمايلها

بس حبيت البوست الي قبل
هذاك اول :)

Kuwait said...

العمر مراحل ..
كل مرحله أحلى من الثانيه ..
الحياة صارت في سباق مع الزمن ..
اليوم تتذكرين هالأشياء وتقولين جنها أمس ..
واليوم تستمتعين بمرحلتج الجامعيه وباجر ببتذكرينها حالها حال المراحل الي طافت ..
المهم نعيش حياتنا صح ..
كلامج حلو واسلوبج أحلى وانتي أحلى الأثنين ;)
يعطيج العافيه حبوبه ..
تقبلي مروري ..
kuwait

فريج سعود said...

شنو الفرق بين مرحلة الابتدائي بالسعودية
والجامعة بالكويت

مصعب said...

أذا كان العمر الجميل قد رحل، فمن يدري ربما انتظرك عمر أجمل

طبيعي ان العمر فيه لحظات لا تقدر بالذهب
ولكن تذكري ان كل ذلك الجمال وتلك السنوات لا تساوي لحظة بقرب من رفيق العمر

يصبح كل الماضي الجميل ذكريات نستمتع بتذكرها ولا نتمناها ان ترجع الا من حيث صغر السن واستقبال الحياة أما عند مقارنتها بما يعيشه الانسان بقرب خليله فلا مجال للمقارنة هنا

شكرا

عثماني said...

مسا الورد اخيتي نجمة

استمتعت بتجوالي بين اركان ذكرياتك

جميل استرجاع الذكريات

الجميل منها فقط

Najmah said...

خرووفة
ليش تقلدين :Pp
لووول لما تصيرين البجر تصيرين حمالة الأسية صح :P
بس هم وناسة اتحسين انج غيير
:))
ايي والله مافي احلى من الاستقرار بديرتج بين اهلج واحبابج
ان شاء الله :)
ومشكوورة خروووفه :*


.
.


الخيلاء
ياااهلا وغلاااا
ايي صح :)
لووووووووووووول
شسوي كل شي يطلع وقت الدراسه
وحبتج العافيه :)
مشكوورة يالغاليه


.
.



كويت
ايي والله صدقتي
ويبقى كل مرحلة لها طعمهاا ووقتها
انتي الاحلى من كل شي والله :)
الله يعافيج من كل شر
ويحفظج ويخليج حبيبتي :*

Najmah said...

فريج سعود
مافهمت :"))


.
.


صالح للشعر
ربما :)
و..مادري
لكل حادث حديث :)
والتفاؤل حلوو
شكراا جزيلااا


.
.



عثماني
مساء النور والسرور
يسرني استمتاعك :)
وشكراا ياعثماني

باغي الشهادة said...

إن الزمان على اختلاف مروره..مازال يخلط حزنه بسروره
لم يصف عيشا منذ كان لمعشر..إلا و عاد يجد في تكديره
فالعاقل النحرير يلزم نفسه..صبرا عليه في جميع أموره
وأحق ماصبر امرؤٌ لأجله..ما لا سبيل له إلى تغييره

7osen said...

استمتعت في قراءة البوست

كل مرحلة ولها خصوصيتها وذكرياتها

أسلوب جميل

تحياتي لج

Najmah said...

اللـــه
وايد حلوة الابيات

وأحق ماصبر امرؤٌ لأجله..ما لا سبيل له إلى تغييره

صح :)

شكرا جزيلا ياباغي الشهادة

Najmah said...

حسين

سعيدة باستمتاعك وتواصلك :)

الاجمل وجودك

كل الشكر لك

darkness said...

ذكريااااااات

ايااام الطفووووووله

مع نيدووو كبرو الطفال الصغار بصحه و فرح



:P


لا صج نجووومه خوووش بوست بس ابي اطفرج

و الذكريات هي من تصنعنا

و ان شاء الله تكون كل ذكرياتج و ايامج مملوئه بفرح و عز

:)

Najmah said...

لووووووول

ياهلاا بجارتي العزيزة

عسى دووم المزاج رااايق

ويااااج يارب ياحلوة

ونورتي سمااي :*

DiLLi O MiLLi said...

الله الله على مشوار العمر
حلو الواحد يتذكر مراحل طفولته ومراهقته وصولا لنضجه
ومثل ما قلتي مرحلة الثانوية هي مرحلة الشقاوة
أنا بدعت فيها .. شطانه بالثانوية
وكله المدرسات طارديني من الصف
:)
والله على مرحلة الجامعه .. عقل ونضوج
والصداقة الحقيقية
مرحله تحسين أنج سيدة نفسك

أأأأييييييه يا نجمه .. المشوار طويل جدامج
أتمنالج التوفيق والسعادة والصحه
والله يحفظ والدينج وحبايبج


:)

قلب طفله said...

نجومه

ما في احلى و اروع من الذكريات

كل لحظه تعدي من العمر ما ترجع

مره ثانيه

و صاجه لازم نستمتع بكل لحظه

و نعيشها و الله كريم

:)

الله يوفقج و عسى ايامج دووم سعاده

Super Woman said...

اهلييييييين نجمتنا


ذكرتيني بما مضى

تصدقين انا الروضه ما اذكر منها شي
غير انها كانت روضه مع حضانه
لانها خاصه

وكنا انا واخوي وبنت عمي وولد خالتي فيها
وانا اكبر
وكل ما بجى واحد فيهم نادوني !! مادري شكو

والابتدائي ما اذكر منها وايد بس هم كانت ابتدائي مع متوسط
بس انا ما كملت المتوسط فيها
واذكر كنت هااااااااااديه حيل
ومره رقصت بالعيد الوطني لوول

المتوسط اخيس المراحل لوول
ايام الجكر والشعر الكشه والحبوب
وكل شي مو حلو فيها
والدراسه فيها مو حلوه
الا رابعه متوسط اذكر كل يوم اتهاوش لوول مادري ليش
وهم ما كنت وايد شيطانه

الثانوي اونس اللحظات فيها
حبيت الدراسه فيها
حبيت ربعي .. المجموعه اللي اشتغلت فيها
حبيت حفلات يوم الاربعا و الفعاليات
حبيت ايام الكشتات والقعده بالكفتيريا حبيت يوم التخرج طبعا


الجامعه انا اتوقع انها احلى ايام عمري احب دراستي
احب جامعتي وربعي
احب علاقتي مع الطلبه والدكاتره
احب اسلوب حياتي الحين
قعده من الصبح روحه دراسه
ارد الظهر وناسه صج صج وناسه

ومن الحين مفكره اكمل ماجستير فيها ان شاء الله اذا الله وفقني


ذكريات حلوه
الا ذكريات الغربه تضيق الخلق

بس شعليج طلعتي غير لوول دارسه بره كشخه




سؤال : ما خلصتي امتحانات ؟؟

QiYaDiYa said...

تدرين ؟

انا وياج في اشياء مشتركة بينا بس ولا مرة قلتها لج !! ;p

الاولى و انتي تعرفينها ;p

و الثانية انا وياج علاقتنا مع ابهاتنا قريبة !
الله لا يحرمنا منهم !


و الثالثة !
اني من مواليد شهر 4 و انتي بعد ;p
و الرابعة اني ابوي و ابوج من مواليد شهر 5 ;p


و الخامسة !
ان ابوي كان يدرس بالرياض ;p

بس ابوي اكبر من ابوج ما اتوقع لحق عليه !! ;p

وايد صاروا مو ؟ ;p


مو هذا موضوعنا !
بس الي ذكرني فيه سالفة ان ابوج يدرس بالرياض ;p


و قوليلي في شي احلى من الذكريات ؟

بعد خمس سنين انا وياج بنقعد نضحك على امتحان اليوم ;p

و بقعد اقولج تذكرين لما رديت ببلوقج و انا حايشني داء النومة المعفوسة و قعدت اخربط فوق راسج لانج صديقتي ؟ ;p


و كل مرة كتبي شي ;p
صج شعرج ما شاء الله حلو !
لكن التغيير بعد حلو ;p

و البوست الياي نبيه من الوالد خل يعطيج موضوعه ;p
توني قررت بكيفي ;p


ايي صج دشي بلوقي ;p

و عذرا على القرقة ;p

kazmawy said...

ياسلااام اى والله شحلاة الايام الى طافت
مانحس بقيمتها لما تصير ذكرى فى نفوسنا
اما الثانوية فكانت عندى عالم اخر..وناااسة وشطااانة مو طبيعية..:)
ذكرتينا بالى مضىىىىىى

بعثرة مشاعر said...

أحلى شي الذكريات
سبحان الله عاد أمس كنت فاتحة دفتر الذكريات اللي قبل كل بنت لازم عندها

و كلها البنات يكتبون فيها
أتمنى لك التوفيق في حياتك العلمية و العملية
أكتب لك بالرصاص لتدوم المحبة باخلاص
اكتب لك بالمقلوب لتدوم المحبة بالقلوب

و من هالسوالف المليقة ;p

ولازم قلب الحب خارقه سهم فيه حروفنا


شخباري


انا استمتع اشوف صوري مع البنات في المراحل المختلفه
خصوصاً مرحلة المراهقة ( الثانوي )ا
فيها التبدع و كل شي
و من كثر مراهقتنا اذكر بثانيه ثانوي
هبينا شلة من البنات كلنا نفس موديل النفنوف و بلشتا لازم جاكيت أبيض و نفل شعورنا و كبوس شتوي أبيض بعد

أيااااااام
بس والله كانت وناسة
:)

Najmah said...

دللي ومللي
ياهلاا وغلاا باللي زارتنا اليوم :)
لووول على طاري الطردات
انا بس ابلة العربي كانت كله تطردني مع اني حدي احب الحصة :P
كانت تقول لي انا لما صلحت تعبيرج انصدمت .. ماتوقعت جذي اسلوبج
:P وجذي درجاتج
والله اياام يحليلهاا
وايام الجامعه وايد حبيتها الحين
لأني صج حسيت اني كبرت وايد
وسيدة نفسي على قولتج :)
اجمعييييين يادللي
ونسني وجودج واااايد :*


.
.


قلب طفلة
اهلييين شلونج شخباارج :)
صدقتي والله :)
واجمعين يالغاليه
وعسى كل ايامج فرح :*


.
.


شلالات
هلااا فييييييج
لوووووووول
عيل طلعتي اخصائية العايلة الاجتماعيه
شفيج لأنج اكبر منهم يعني يحتمون فيج
:P
لووووول المتوسط اسام الجكر
ايي صدقتي والله
ماحب اشوف صوري بالمتوسط مأساة
:P
الثانوي اتينن
انا احسها طاقة تتفجر
والجامعة غير
تحسين سنع وتكانة وحياة صجية
عسى الله يوفقنااا :)
..
لا بقالي امتحاني الاحد
انتي خلصتي؟ :))

Najmah said...

قيادية
اهليييين يامحاسن الصدف :P
سؤال اول شي انتي شمقعدج لما الصبح؟
:P
ابيييه ونااااااااسة اي والله تصدقين يحليلنااا
^_^
لا مافي احلى من الذكريات
خاصة الذكريات اللي لما تتذكرينها تحسين جنها امس :)
لووووووووووووول اي والله
واقولج ايي اذكر
وتذكرين لما بالمحاضرة مطنشين بكل شي
و مندمجين بفلكرج وبلوقي
:Pp
وان شاء الله تامرين انتي امر
وقلت حق ابوي يباا عن شنو اكتب؟
جان يقول اللي الموضوع اللي شاغل بالج
وسمعت كلامه وكتبت :))
ونااااااااااااااااسة ردييييييتييييه
افا عليج الحين انوووره :P


.
.


kazmawy
ايي والله صدقت :)
شطانة الثانوي حلوة وطعمهاا غير
عسى كل ايامك حلوة وفرح يارب :)


.
.


بعثرة مشاعر
اييييييي لوووووول
واي كنا مليقين
بس والله بريئين :))
تصدقين انا لما يضيق خلقي اشوف صورنا بالثانوي
استااانس
حتى احنااا
كنا مسوين نفنوفنا نفس الموديل
وكنا كلنا نفس الجناط
والصبح كلنا نحطهم بالممر يم بعض
ويزفونا :P
على قولتج ايااام
بس ماكو مثلها :)

mantovani said...

نجمة

ينتابني شعور شبيه بالشهقة
عندما اتذكر مراحل حياتي

انا بكيت على كلماتك

التي استعرضت ذكرياتي

مانتوفاني