Wednesday, June 11, 2008

وعد أحباب

Update
ابييييييييه انا مادري شفيني
تخيلواا
كنت بسحب مادة من جدول الصيفي
مادري شلون سحبت مادة ثانية بالغلط
:(
ولما ييت بردها الشعبة مغلللللقة
وكل المواد الشعب مغلقة
شسوي الحين؟
!




wanaaaaaaaasaa

بمناسبة ان طلعت كل نتايجي اليوم

ولأنها صج اتينن وكلها ونستني
حتى المادة اللي كان ضايق خلقي
لأني خذيت فيها
B+
نزل لي اياها بالسستم
A-
الحمدلله يااارب
ولأنكم تستاهلون الشكر على مؤازرتكم


حياكم الله


وتفضلوااااااااا



وهالكيكة مخصوصة حق حقوقية


واللي يعزون عليها


;)


بالعااافيه


:))


.


.

تواعدنا .. وعد أحباب

تعاهدنا .. نذود اللوم
..
تقاسمنا .. فرح وهموم
..
تشاركنا .. حزن الأغراب
..
تواعدنا .. وعد أحباب
.
.

تواعدنا .. نكون غيوم
..
نهل أمطار .. ونروي اليوم
..
وعدنا الوردة نسقيها
..
ونهدي الحب .. بدون أسباب
..
تواعدنا .. وعد أحباب
.
.

حكينا همنا للشمس
..
بروح الماضي .. وشوق الأمس
..
بنينا حلمنا في قصور
..
ولعبنا .. في بحر وتراب
..
وتواعدنا .. وعد أحباب
.
.

ضحكنا بلهفة الدنيا
..
سبحنا في سما النجوم
..
تركنا للفرح فرصة
..
وفتحنا للأمل أبواب
..
وتواعدنا .. وعد أحباب
.
.

كتبنا بشوقنا قصة
..
رسمنا اسمنا العنوان
..
واذا راحت صفحة يوم
..
فقدت نفسي .. مع الأصحاب
..
تواعدنا وعد احباب
.
.

تغيب شهور .. بدون غياب
..
سكننا في جسد واحد
..
فلا فرقا .. ولا اعتاب
..تواعدنا.. وعد أحباب
.
.
.
نقطة اخيرة
..
المرأة طفل كبير
يريد منك ان تعامله معاملة الكبار

32 comments:

darkness said...

مبروووك و منها لاعلى

و تستاهلين كل الخير

وعود مثل اسراب الطيور

؟

2cool2care said...

بالبركة اللي يتعب ينال يا
star;)

أول شي انا مول بالخواطر أو الشعر يعني صفر
بس احب الشارك وقول

نهل أمطار .. ونروي اليوم

لو اتبدلين نهل أمطار ب نهل بالغيث
لأن الأمطار تأتي بالقرآن إذا اراد الله دمار قوم
والغيث يأتي بالخير

هذه فائده تفيدج في كتاباتج

ومرة ثانيه لا تبوقين مني كلام

أنا قلت الرجل طفل كبير ليش تتلزقين وتقولين المرأة طفل كبير

مايصير حقوق الطبع عندي
وعندي اثبات

بس علشان تفوقج ونجاحج
خلاص بس هالمرة
:)

Selezya said...

لوووول وناسه شهالكيك لا لا نبي صجججج

حبيبتي مبرووك الف مبروك
نفرح بالتخرررج انشالله

:***

انا للحين باجيلي مادتين ما طلعوا :( وماعرف جم ماخذه فيهم اصلا

--

وعد احباب؟؟ شقول
عجيبه :*
صح لسانج

بـابـل said...

مبروك نجمة

ومن تعب لَعَبْ

وتستاهلين كل خير

وبس


بابل

Noor said...

نجمتي الغاليه

الف الف مبرووووووووووووووووووووك
تستاهلين كل خير

وان شاءالله نسمع انج ماخذه الدكتواره
:****

حلو لانسان لمي يتعب و اخر التعب يحصل شي حلو

الله يوفقج ان شاءالله
و استانسي بعطلتج
:*

Anonymous said...

تستاهلين كل خير نجمة

عند الصباح يحمد القوم السرى

كلمات جميلة

Blog 3amty said...

على البركة ومنها للإعلا أن شاء الله



Blog 3amty

7osen said...

مرحبا نجمة النجوم

أول شي الف مبروك على النتايج المميزة
ولو إنا هالشي مو غريب عليج يعني نجمة لازم تكون متألقة ومشعة
وإن شاءالله منها للاعلى

الكيك حدة عجيييب
بس أنا مالي شغل أبي من كيكة حقوقية
عاجبتني الكيكة

:)

دائماً القصايد إللي تكتبينها فيها نغم موسيقي جميل يعطيها ميزة إضافية


بنينا حلمنا في قصور
..
ولعبنا .. في بحر وتراب
..
وتواعدنا .. وعد أحباب

جميل ورائع جدا هالمقطع

تحياتي لج عزيزتي
وبالتوفيق إن شاءالله

بصمة منـــارية (: said...

مبرووووووووووووووووووووووووك .. و

عقبال التخرج بتفوق ان شاء الله ..

بس تعالي نزلوا القريدات على السستم ؟؟

اللهم لك الحمد من قبل ومن بعد (:

Najmah said...

داركنس
ياهلا وغلا
الله يبارك فيييج حبيبتي
:)
تسلمين والله من طيبج
مثل اسراب الطيور :)


.

.



2cool2care
الله يباارك فيك يااخوي :)
ومشكوور وايد على الفائدة
اسعدتني :)
ولوووووووووول
ترى والله مادري امك قلت الرجل طفل كبير .. صج ماقريتها
آسفين على التقليد الغير مقصود :)
ومشكووور ماقصرت :)



.

.



سليزيا
ياهلا وغلاا
لوووووول اافا عليج ولا يهمج
انتي تامريني :)
الله يبارك فيج حبيبتي
ووياج ان شاء الله :)
وان شاء الله يطلعون اليوم وتفرحين فيهم :)
صح بدنج يالغاليه سوسو :)

Najmah said...

بابل
الله يبارك فيك
تسلم يابابل :)


.

.


نور
اهليييين
الله يبارك فييج حبيبتي
آمييييين الله يسمع منج :)
وعسى ربي يوفقج بكل امورج
تسلمين يالغاليه
:*



.

.



محسد
تسلم والله يااخوي
الحمدلله :)
والعبارة هذي احبها ذكرتني بأيام حلوة :)
شكرا جزيييلاا

Najmah said...

blog 3amty
ياهلا وغلا
ربي يبارك فيج حبيبتي
نورتييني :)


.

.



حسين
الله يبارك فيييك
تسلم والله :)
لووووووول
انا مالي شغل استأذنوا منها
:p
والمقطع هذا صج عزيز عليي :)
وربي يوفقك بكل امورك
ومشكور وايد ياحسين :)



.


.



بصمة منارية
اهليييييين
الله يبارك فييج حبيبتي
آمييين تسلمين لي والله :)
ايي انا امس نزلوهم :)
موووفقه يارب :*

Super Woman said...

مبروووووووووووك

تستاهلين والله
من جد وجد ولا انتي شرايج ؟؟

انا طلعولي 3 مواد
والحمدالله كلهم زينيين
بس بقوا 2 وما اتوقع اي وحده منها A لوول

عشان اكون واقعيه :)


المهم

ارد واقولج اخذي صيفي حرام يروح عليج
ونامي بنفس الوقت ببيت يدج واذا يعني ؟؟
عندج سيارتج قومي وروحي الجامعه وردي نامي ببيت يدج :)


ثانيا

تواعدنا وعد احباب :)
يااااا سلام عليج

مادري ليش لما قريت كلماتج تذكرت عبدالمجيد عبدالله :) لوول

واخيرا

على الملاحظه

انا طفله كبيره احب يعاملوني معامله الصغار لوول

اتمنى احد يشيلني ويحطني
ينومني ويوكلني

صج ودي اصير ياهل !! لول

Najmah said...

شلالات
اهليييييييين ياللي عطلوا :))
الله يبارك فييج حبيبتي
لوووول
يالله ان شاءالله تحصلين اللي يفرحج ويسرج :)

لووووول اي بس هناك مستحيل ادرس
:P
سمعي
انا وصلت حل وسط
اسحب مادتين واظل على مادتين
عشان اقدر استانس :P

لووووول
ابييييه تصدقين حتى اناا
حده وناااسه
:P
عادي وايد مرات اروح حق امي
يمه نوميني
^_^

الخيلاء said...

مبرووووك
نجمتنا

تستاهلين كل خير

:)

ضحكنا بلهفة الدنيا
..
سبحنا في سما النجوم
..
تركنا للفرح فرصة
..
وفتحنا للأمل أبواب
..
وتواعدنا .. وعد أحباب



متميزه دووم
عجبني هالجزء

:)

`~MnO YeNSa! ~` said...

الله
يا نجمة

اول شى
على البركة
و منها للاعلى
ان شاء الله

يا حلو ال
A
ترد الروح


وااي البوست يشرح القلب
:*


حكينا همنا للشمس
..
بروح الماضي .. وشوق الأمس
..
بنينا حلمنا في قصور
..
ولعبنا .. في بحر وتراب
..
وتواعدنا .. وعد أحباب

وايد حلو حيــــــــــل :*

Salah said...

Mabrouk

:)

Nice poem as well

Najmah said...

الخيلاء
الله يبارك فيج بعد قلبي
تسلمييين والله من طيبج
:)
يشرفني اعجابج يالخيلاء
وتواصلج يفرحني واااايد
:*


.

.



منو ينسى
الله يبارك فيج حياتي
اي والله ترد الروح :)
وانا وجودج اللي صج يشرح قلبي
الله لا يخليني
:*


.

.



صلاح
الله يبارك فيك :)
الاجمل تواصلكم .. شكراا

5roofa said...

مبروووووووووووووووووووووك

لوول امبي نجمة سوري بس والله ضحكتيني على المادة الله يهديج يالغالية شفييج لوول

سوووووووووري
:*

انشالله تنحل و اذا ماصارت اخذيها كورس اول ولا يهمج يا حلوة

و الي كاتبته بعد ما يحتااااااااي

روووعه كالعاده

salamz sis...

Najmah said...

خرووووفة
الله يبااارك فيج ياابلة
وااااااي ملااااقة
:"(
ابيييه والله والله مادري شلووووون
آآخ المشكلة مو جذي
المشكلة الحين جدولي صار مأساوي
:\
الله كرييييييييييم

كنت يزفج لأنج ضحكتي علي
بعدين قلت يالله ميخالف المهم ماتبجي
:P

bu-saad said...

مبروك...وعقبال التخرج

موفقه باذن الله..ممكن اختار الكيكه
!!

عسى ماتكون الماده الي سحبتيها محتاجتها ضروري!!

Eng_Q8 said...

مبروك تستاهلين


روحي شويخ

ولد الديرة said...

سبحان الله

والياهل طفل صغير يبيك تعامله معامله الكبار

واحمد اليارالله اثول ولازم تعامله مثل ال
....

هممممم
شهالصدف
!

مبروك الغش الالكتروني :>

Kuwait said...

مبروووووووك النتايج الحلوه ..
أبيات روعه ..
بالنسبه للماده ..
ماتدرين اذا الله كاتب انج تآخذينها بتآخذينها وبتسجلينها حتى لو بآخر لحظه ولو الله مو كاتب انج تآخذينها هالصيف لو تعيزيين ما راح تطولينها ..
خيره ان شاء الله ..
موفقه حبوبه بالصيفي وشدي حيلج نبي نتايج حلوه بعد ..
ابي الكيكه الورديه حجزتها .. ;p
تقبلي مروري ..
kuwait

charisma said...

الف الف مبرووك على هالنتايج الحلوه
ضيقتى خلقى على الصيفى
الحيين شلووون شالعمل نجمه
://

سيدة نفسي said...

:)

يحليلهم بناتنا عسى ربي يوفقهم ان شاء الله ويسمح دروبهم

الف مبروك عاد توني ياية من مدونة سيليزية وبعد ناجحة

يعل ربي يوسعها عليكم من كل صوب وللأعلى دوم ان شاء الله

:)

dalal said...
This comment has been removed by the author.
dalal said...

نجمة أول شي والله مو موٌتني ضحك تعليقج لي اللي بمدونة شلالات

مع انه كلمتين لكن ، بس أرد وأقراه وأضحك :) وأرد وأقراه وأضحك

صج موٌتيني ضحك :)

****************

وانا اللي أعرفه وأسمعه دايما ان الريٌال اللي طفل كبير

تحياتي لج

قلب طفله said...

مبرووك الغاليه

و منها للاعلى ان شاء الله

و بالنسبه للماده اللي سحبتيها

روحي الشويخ اذا خريجه كورس اول

يساعدونج و يدبرون لج مكان فيها و

اذا ما رضوا و هذا الغالب على

حسب مزاجهم طبعا

لا يضيق خلقج و لا شي ما

تدرين لو خيره لج

موفقه :)

dalal said...

نجمة نسيت أباركلج

ألف مبروك حبيبتي وعقبال الدكتوراة

Najmah said...

بوسعد
الله يبارك فيك
واجمعين يااارب :)
اييي اكيييد ممكن :)
والمادة اهيا مو لازم آخذها الحين
بس لأن جدولي تخربط
يالله خيرة :)


.

.



مهندس الكويت
الحمدلله على السلامة :)
والله يبارك فيك
ان شاء الله الله يكتب الي فيه الخير


.

.


ولد الديرة
مافهمت شي :)
الله يبارك فيك .. بس اي غش؟


.

.


كويت
الله يبارك فيج حبيبتي
وجودج الاورع والله
صح صح والله صح كلامج
صج اني اول شي ضاق خلقي بس بعدين قلت خيييرة ان شاءالله خاصة اني استخرت لما فكرت اسحبهم
الحمدلله :)
واكييييد الكيك كله تحت امرج :*

Najmah said...

كريزما
الله يبارك فيج حبيبتي
ولا يضيق خلقج يالغاليه
صج اني اول شي تضايقت
بس الحمدلله دام اني مستخيرة يعني خيرة
وسجلت مادة ثانيه :)
مشكورة حياتي :*


.

.



سيدة نفسي
اهلييييييين :)
الله يبارك فييج حبيبتي
وعسى ربي يوفقج بكل امورج
ويفتح عليج بكل خطواتج
نورتيني واسعدتيني اليوم :)



.

.



دلال
لوووووووووول
ايي كنت بقولج اني حاسة فيج :))
وعساج دوم تضحكين يارب
لوول مادري والله
يمكن كلهم يهال يصير
:P
والله يبارك فيج حبيبتي
ووياااج يارب :)


.

.



قلب طفلة
الله يبارك فييج يالغاااليه
ايييييه الحمدلله
الحين حدي مو متضايقه وقلت اكيد خيرة :)
مشكووورة واايد يالغاليه
لا خلا ولا عدم :*