Friday, June 13, 2008

مجرد شعور


حين تكون أيامنا مختلطة بالأحداث
..
متشابكة في مواقف معقدة
..

نتلفت حولنا نبحث عنهم

نتلهف لابتسامة تمسح عنا العناء
..
وكلمة تنفض عنا التعب والشقاء
..

لا نطلب منهم الخوض في مغامراتنا
..
أو مقاسمتنا آلامنا
..
يكفينا فقط .. أن يشعرونا بوجودهم

!!
.

.


أحيانا .. قد نفتقد شخصا .. فنشعر بلحظة فقده أننا فقدنا أشخاص
..
ونتساءل .. هل الغياب يأتي دفعة واحدة؟
..

أم أن هناك من القلوب ماتمارس معنا كل الأدوار

!؟!
.

.

لا شيء أقسى .. من وحدة الشعور
..

حين تكون مختلفا عن الجميع حولك
..

حتى في أبسط الأشياء
..
يتفقون جميعهم .. وتبقى وحيدا في صف المعارضين
!!

.

تتساءل أسئلة ليس لها إجابات
..
وتفكر بأمور يرونها من المستحيلات
..
فتلتزم معهم الصمت .. وتكتفي بالحديث مع الأوراق

!!

.
.


كنت في غمرة انشغالي مع أوراقي
..
حتى سمعت اهتزاز هاتفي النقال
..
شدني ذلك الاسم الذي كان يتصل
..
احدى صديقاتي التي افتقدت اتصالاتها شهورا طويلة
..
كانت فرحتي كفيلة أن تنسيني هموم أيام
..
لكن .. سرعان ماتبخر ذلك الشعور
!!

ما إن ضغطت على زر الإجابة حتى اندفع صوتي منتشيا

بكل كلمات الترحيب الحارة
..
لكن .. جاءني الرد باردا .. مفرّغا من كل شعور أحمله
..

قاطعتني سريعا: نجمة ماعندي رصيد بس بسئلج

تعرفين تسوين (...........)؟
..

ابتلعت المفاجأة .. ولا زال فيني أمل يلوح

اي اعرف ولا يهمج اسوي لج تامرين امر-

اوكي مشكورة ماقصرتي..مع السلامة-

!!

وأغلقت الهاتف
..
وأغلقت نوافذ اللهفة في قلبي
..

هل نحن ملزمين أن نحتفظ بدفء مشاعرنا لأشخاص أزاحونا

عن مساحة شعورهم؟

.

.

.

.



نقطة أخيرة
..

إنني أبذل قصارى جهدي فيما أعرف وأقدم كل ما أستطيع

وسأواصل ذلك حتى النهاية

فإذا كانت النهاية تحمل في طياتها النجاح المطلق

فإن كل مايقال ضد ماأفعل لن يساوي أي شيء

وإن كانت النهاية تحمل لي الفشل الذريع

فإن إصرار الجميع على أنني كنت محقا فيما افعل

لن يغير من الأمر شيئا

(ابراهام لينكولن)

30 comments:

الزين said...

قريت البوست

وحسيت كأنج مديتي ايدج

حطيتيها على قلبي

ومسيتي منطقة معتمه

قطعة من قلبي أبيت ان اشغل انوارها

اردتها مظلمة حتى انسى انها هناك

:)

تنهيده من اقصى القلب

Najmah said...

الزين
ردج اوحى لي ببوست
!
احس بهالشعور
حدي احس فيه

عذريني
وعسى قلبج كله نور وامل يالزين
انتي اللي دايما تعطيني اياه
:*

بصمة منـــارية (: said...

السلام عليكم ورحمة الله وبركاته ..

مرحبا نجمة .. (:

تذكرت قول الحبيب صلى الله عليه وسلم

( أنكم لن تسعوا الناس بأموالكم ، لكن


يسعهم منكم بسط الوجه وحسن الخلق)

الناس لا تريد من الناس الا الاحساس

ومقاسمة الشعور واحتواء الاحاسيس و

الشعور بالتقدير و الاحترام .. أصعب

شعور أن تقدم لهم قلبك وا يحمل من

مشاعر صادقة على طبق من ذهب فتكون

الاجابة ببرود .. تفضل شعورك و دع

مشاعرك لك !!

أسمى انواع الاحترام بالنسبة لي هي ان

تحترم مشاعر من يقدم لك المشاعر

قد يعتقد البعض انها عاطفية زائدة أو

حساسية .. هي ليست كذلك بتاتا و

لكنها مشاعر انسانية تحب من يحترمها

ويقدرها و هذا شعور موجود في كل

انسان سوي .. حتى الطفل

لو كنت مكانك نجمة .. لقلت لها

وبصريح العبارة .. (( ترى حدي

ولهانه علييييييييييييج (( لان البعض

لا يفهم لغة المشاعر او عنده نقص في

الفهم أو بطيء في ذلك .. (:

اعذريها قد لا تكون استوعبت الامر جيدا

أو ان امرا ما يشغلها او حالة ما

تنتابها ..

(:

لا تغلقي نوافذ احساسك ابدا و مشاعرك

عبري عنها وبحرية و بصوت عالي كما

أفعل أنا بالضبط ..((

و لا تندقرين بعد جبدي

؛P

ShLaLaT said...

لازم نعترف ان عندنا ربع بس للمصلحه
ما يعرفوني الا اذا يبون مني شي
بس اتوقع في طريقه ارقى من جذي اذا يب بتطلب منج شي وانتي صارلج سنين وشهور مو شايفتها

لا تضيقين خلقج وحطيها بزاويه المصلحه
لا تعرفينها الا اذا تبين منها شي

وادري انتي ارقى من هالنوعيه
بس في ناس تحدج

زين سويتي لانج سويتيلها اللي تبيه
على الاقل تذكرج بالخير
اذا كان فيها خير !؟

وكله بميزان حسناتج ان شاء الله

لازم نتعلم شلون نوجه مشاعرنا
في ناس لازم تجمدين مشاعرج وياهم !!؟
وفي ناس لهفتج وفرحتج باتصالهم تسوى عندهم الدنيا وما فيها

وانتي حرصي على النوع الثاني :) لانج طيبه وما تستاهلين الا الطيب :)

Mamloo7a Q8ia said...

الله يسامحها وحسيت بشعورج الله يعينج
بس يا نجمه الناس اجناس ومو كل اللي نعرفهم مشاعرهم تكون مثل مشاعرنا
انتي تعاملتي معاها باخلاقج وطبعج اللي مافيه زيف وبمشاعر حقيقيه وهي الله يسامحها
الله يعطيج على نيتج يا وخيتي

5roofa said...

:(

اول شي الفقدان و الناس الي تروح انا قمت اخاف منها من كثر ما السنه الي فاتت فقدت ناس غالين على قلبي

و للحين اذكرهم و اخاف افقد الكل و من يومهااا احس مادري والله شحس بس كله خايفه و احااتييي

---

على الجانب البنت الي الحين شقوول

حرتنيييييييييييييييي

بالله في احد يكلمج و يتحجه جذييي

نجمه وين هذيي خل نروحلها نوريها شغل الله لوول

والله العظيم في ناس ماتعرف شلون تحجه

تصدقين انا نفس حالتج لي شفت وحده من زمان مو شايفتها
اسويييييي خبه

بعدين اندقر
:/

مشكلة تره لازم ندورلها على حل

salamz a7la najmaa....

بـابـل said...

لا نطلب منهم الخوض في مغامراتنا

..

أو مقاسمتنا آلامنا

..

يكفينا فقط .. أن يشعرونا بوجودهم
:::::::





!أصنام قريش ماتكسرت كلها



تتساءل أسئلة ليس لها إجابات

..

وتفكر بأمور يرونها من المستحيلات

..

فتلتزم معهم الصمت .. وتكتفي بالحديث مع الأوراق
::::::

هذي قمة المرارة ووحشة الشعور وغربة الروح وأهيا بين ناسها وأحبابها





وأغلقت الهاتف

..

وأغلقت نوافذ اللهفة في قلبي

:::::::

ألم الألم

!!!!مكالمة بين الشوك والورد



نجمة هذا البوست حيييل مؤثر

يسلم أحساسك النااادر

قلتي اللي بالقلب

وبس



بابل

Najmah said...

بصمة منارية
ياهلا وغلا
وعليكم السلام ورحمة الله وبركاته
صدقتي والله
لكن في وايد ناس تستنهين بهالشي
استغرب يعني الكلمة الحلوة شنو تكلف؟
اقل شي الابتساامة
الروح تبي ارواح
ماتبي ناس جامدة
شكل بدون احساس يحركها
:)
وانا قتلهاا
اول ماشلته قتلها ولهت علييج
مو نوعي كلش اسكت عن مشاعري اذا كانت ايجابية :)
ووعادي حصل خير
بعد قلبي انتي
ونسني وايد تعليقج
شكرررررا :*




.

.



شلالات
صح كلامج
في ناس ندري انهم مصادقينا عشان مصلحة
لكن المشكله لما يكونون ناس علاقتنا فيهم طيبة وابد ماكان فيها اي مصالح
بعدين فجأة صارت جذي
!
يالله هذي الدنيا تعلمناا
احب فيج واقعيتج وكلامج اللي يطلع بوقته :)
مشكورة من كل قلبي
ولانج طيبة
تشوفين الناس طيبة مثلج :*

Najmah said...

مملوحة
آمين ويسامح الجميع
اييييه يامملوحة
صدقتي الناس اجناس
والحمدلله على كل حال
صج اني تضايقت .. بس موقف تعلمت منه
تسلمين مملوحة :*


.


.




خروفة
ياحياتي انتي
ان شاء الله ماتفقدين غالي يارب
:*
اسم الله عليج من الحرة
لا تحرج ولا شي
عادي .. مو كل الناس نفسنا
:)
لوول اي تصدقيين
والله ماعرف لازم اشتط
صج مرات اندقر
بس ترى مرات وايد لأ افرح اللي جدامي
واحس اني طلعت اللي بقلبي :)
عادي مالج شغل فيهم
مشكلتهم مو مشكلتنا
:**



.

.



بابل
حتى بتعليقاتك مبدع
الله يبعد عنك الالم والوحشة
ويسلمك من كل شر يارب
مشكوووور وايد يابابل

صالح..للشعر said...

موقف يصير وااايد مع كل الناس
يدق واحد مو شايفة من سنه عشان يبي رقم واحد والا يبي يدل مكان

ودي اقول له انت ما تستحي
بس الشعور بالاحترام والشفقة يغلب علي

2cool2care said...

ما عندي اي مانع
هذه الحياة مرات تقولين
بدق علي صديقتي وتاخذج
الأشغال نصيحه مني لج
يا نجمة لا تخلين ابالج
هذه الحياة
نفس مايقولون سوي خير
وما راح اقولج قطيه بحر
لأن الأجر موجود عند ربج
جزاج الله على كل خير سويتيه
الله اباركلج في ذوقج وحنيتج على اهلج ورفيجاتج وعلى كل من ساعتيه
لاتغيرين من طبعج الإنساني
اللي للأسف فقدناه في هالزمن

بارك الله فيج

فريج سعود said...

لو انا منج جان قلت لها
طووط طوووط طووووط

Kuwait said...

كلمات رائعه تخاطب القلوب قبل العقول ..
أعتقد ان الدنيا أحيانا تشغلنا بتبعاتها ولكن يبقى هناك ضيق من الوقت الذي لا يتسع للتواصل مع الجميع ..
لا أنكر أفقد بها التواصل حتى مع أقرب الناس لي وذلك لضيق الوقت ..
وحين أجد الوقت القليل أبدأ بالتواصل مع الأقرب لي ..
ولكن في الوقت نفسه لا أنسى مجمل صداقاتي الرائعه ..
وارحب من صميم القلب بأي إتصال يردني من زميلاتي حتى وان كان بعد طول غياب وحتى وان كان بنفس تكاد تكون مجبره على الحديث معي وأتى إتصالها للمصلحه لا غير ..
لا أعرف المجامله ولكن أملك قلب متسامح لأبعد الحدود ..
أدامك الله لأهلك وأدام صداقاتك ..
يفخر كل من عرف إنسانه مثلك .. :)
ولله الحمد إني عرفتج حتى لو كل ما بينا بلوق وسط شاشه وكيبورد ;*
تقبلي مروري ..
kuwait

Selezya said...

بالعكس شي حلو انج عرفتي قدرج عندهم عشان ما تعطينهم زياده اكثر من حقهم
حبيبتي انتي
هالمواقف تيي وتروح ويا مالج
انتي استفيدي من هالتجربه
ولا تضيعينها
وشيليها عن بالج

:**
شصار على الماده !؟

Peace said...

أحيانا .. قد نفتقد شخصا .. فنشعر بلحظة فقده أننا فقدنا أشخاص

ونتساءل .. هل الغياب يأتي دفعة واحدة؟

أم أن هناك من القلوب ماتمارس معنا كل الأدوار

!؟!


اجدت التعبير
نجمه

بالتوفيق

Najmah said...

صالح للشعر
كنت متأكدة ان الزمن راح يبعد بيننا وبين ناس وايد .. لكن ماكنت متوقعة ان راح تتغير المشاعر ونصير من الناس اللي مايذكرونهم الا اذا احتاجوا منهم شي
شي غريب
لكن اسعدتني صراحة الموقف
لأن احنا مو محتاجين مجاملات


.

.



2cool2care
صح كلامك
انا ادري ان الدنيا تاخذ الانسان وتشغله حتى عن نفسه
مو هذا اللي ضايقني
وبالعكس الانسان يستانس لما يساعد شخص ويخدمه ايا كان هذا الشخص
لكن اللي ضايقني اني اندقرت من البرود والطريقه اللي كلمتني فيها
:)
يزاك الله خير على كلامك الطيب
وان شاء الله اكون عند حسن ظنكم



.

.



فريج سعود
لاااا لاااا قووية
مستحيل اسويها مستحيييل
:)

Najmah said...

kuwait
اعترف ان الحياة تشغل الانسان عن التواصل مع الكثير .. لكن عند لحظة الاتصال بعد ابتعاد طويل .. تنطوي كل الايام .. ويبقى الشعور بالدفء والفرح
آلمني تبخر ذلك الشعور
!!
الله يديم عليج هالقلب الطيب المتسامح اللي يشيل الدنيا كلها :)
حبيبتي والله انتي
هذا من طيبج والله انا لي الشرف بمعرفتج
حدي افرح بووجودج وانطر ردج بكل بوست
الله لا يخليني :*



.


.




سيليزيا
اهلييين شلونج
طمنيني عنج اليوم؟
صح كلامج
وكل تجربة مهما كانت نتعلم منها
:)
المادة لوووول
خلاص عافها الخاطر
:P
سجلت وحدة ثانية بدالها
مشكورة سوسو :*



.


.



peace
شكرا ياصديقتي العزيزة
اسعدني وجودك
واتمنى لك كل التوفيق :)

darkness said...

صبحج الله بالخير يا نجمه

في ناس معرفتهم تاج على الراس

و ناس تنداس

يا نجمه يا مالج و هالاشكال

هذولي معرفة مصلحه


انا ما انكر ان العلاقات كلها تبنى على مصالح مشتركه

بس اكو اخلاق و اعرف و مشاعر انسانيه بين هالاطراف

للاسف بعضهم ما يقدرون هالشي


لا تعورين قلبج و اسمي فوق كل هالاشكال

esTeKaNa said...

يكفينا فقط
ان يشعرونا بوجودهم
ان يحتضون احساسنا بكلمة
وأن يخففو علينا عناء وتعب الدنيا بهمسة
هل يعلمون كم نحن في زحمة الدنيا نحتاجهم؟
كم نتحرى في عز الفرح والألم كلماتهم؟
.
.
.
تغيب والدنيا معاك تغيب
تقطع خيوط الشس عندي...ويصبح العالم غريب
*منفول
.
.
.
استمتعي باختلافك
فأنتي غير الجميع
انتي من تتركين ورائك بصمة
وانتي من تبقين في الذاكرة لاننك
ببساطة غير الجميع
.
.
.
مع ا هتزاز هاتفك كنت
ارتقب في كلماتك من تلك التي تتصل
من هي من اتت من النسيان تحمل معها الود والاشواق
!!
اذهلني اتصالها
رغم انه يتكرر معي
الا اني لازلت لا اصدق
ان هناك من يغيب
ويتفنن بالغياب
ويرجع في لحظة
لم يدفعه بها حنين
ولما يأتي ليطيب خاطر الشوق
كل قدومه كان
لأنه اراد شيئا ما
!!
لا اعرف كيف اكون منهم
ولا احبذ مصادقه امثالهم
وان كانو بقربي..فانا احاول تصنيفم بقدر المستطاع بعيدا عن دائرة الصديقات





على الهامش:
سعيده جدا بدرجاتك
اكثر من ماتتصورين
الف الف مبروك
تعبك ودراستك لم تذهب هباء
الله يحفظك يارب ويفرحنا بتخرجك
:)

~FaHaD iN MiND~ said...

shay waid ythayeg il khelg 7adi 7aset eb sh3orch .. entay tkonen walhana o fech masha3er zayda o tensadmeen eb berod il 6araf il thany ledarajat ena y5alech entay nafsch tseren barda ! ... il masha3er etha ma kanat metbadla o bs entay el mendaf3a ysabeb ka'abaa

bs ham il 3atab ydel 3al ma7aba etha kanat waid '3alya 3alech golelaha o wath7elaha wetha t7esen enha mo men il no3 eli etaqabal or mara7 ye'ather feha fa 6aaaaf o sakray il bab


laytheeg khelgch etha ehya men hal no3 .. akeed fa nas '3airha entey ethemenhom o bel nehaya ehya el khasrana 3ad 7aselaha najma :P

ClOuDs said...

نتلهف أحياناً للقاء أحدهم أو مكالمته

و حينما يحين وقت اللقاء

تتجمد كل الأشياء حتى المشاعر

و لا نستطيع بدفء مشاعرنا أن نذيب ذاك الجليد

حينها.. تذوب اللهفه و تذوب كل المشاعر الجميله التي حملناها يوماً ....

Anonymous said...

من العذاب أن تشتاق لإنسان أو تحبه
وهو لا يبادلك ذات المشاعر أو حتى لم يدرِ عنك !

7osen said...

بوست صادق كالعادة

تعجبني كتاباتج لأنها صادقة جداً وتحمل شعور لإنسانة مميزة

فعلاً

إنتي مميزة


حبيت الكلام عن وحدة الشعور
أصعب شي بالحياة وحدة الشعور


والإنسان إللي مايشيل لج مشاعر بقلبه
إنتي بعد لازم تعاملينه بالمثل
لأن هذا إللي يستحقة

₪ManaL₪ said...

السلام عليكم و رحمة الله

حدي ولهت على بوستاتج إختي الحبيبة نجمة
:)

____________________________

للأسف في ناس جذي ما يعرفون الصديق إلا
وقت الحاجة و من بعدها خلاص ينسونه
الله يسامحهم

____________________________

دائما نقاطج الأخيرة روووعة و تحمل من المعاني الشي الكبير


الله يعطيج العافية يا نجمة
و دمتي دوما مبدعة

تحياتي لج
،،،


ManaL

باغي الشهادة said...

أما الشعور بالوحدة فإني آلفه كثيرا، وكثيرا ما أجلس مع أعمامي يتهكمون على الجهاد ويستصغرون عمليات المقاومة بالعراق وغيرها، فأحتفظ بقناعاتي لأن نقاشي بالغالب معهم دون جدوى ومرة ارتفع فيه صوتي دفاعا عما أؤمن :-(، فتأتيني هذه الألفة بالشعور ممكن لأني رجل أخف عليه هذه المشاعر من البنت ثم أنا زيادة على الرجال أحب الوحدة والجلوس بمفردي لفترات طويلة دون ملل
!

:لكن سؤالك
هل نحن ملزمين أن نحتفظ بدفء مشاعرنا لأشخاص أزاحونا
عن مساحة شعورهم؟

الإجابة لا
للأسف
وهي من منغصات الحياة حدوث ذلك
:-(

yoyo said...

الدنيا جذي وراح تبقى جذيه

سو خير وقط ببحر

كلامج حكم عسى يا رب دوم تبقى قلوبنا طيبه وننسامح غيرنا

ونحاسب نفسنا قبل الكل

charisma said...

صباح الورد
:*



هل نحن ملزمين أن نحتفظ بدفء مشاعرنا لأشخاص أزاحونا


عن مساحة شعورهم؟


استغرب من الناس الى يقدرون يبرمجون مشاعرهم لفئه معينه ويسحبونها من فئه ثانيه!!

المشاعر موجوده فينا يحركنا احساسنا
بكل شى شلون هالناس جذى ما ادرى

الله يسامحها حبيبتى انتى ولا تزعلين يا اغلى نجمه الله الغنى عنها
:*

Najmah said...

داركنس
مساج الله بالنور والفرح :)
صح صح
كلامج كله صح
وهالمواقف تعلمنا :)
ان شاء الله :*
ودام في ناس طيبة مثلج
اكيد ماراح اعور قلبي :*


.

.



استكانة
اتفااءل لما اشوف اسمج
لأني ادري راح اقرا شي حلو :)
..
سعيدة جدا بتعليقج
وسعيدة اكثر لأن احساس قلبي وصلته كلماتج
والله يبارك فيج حبيبتي :)
تسلميييين لي والله
ويحفظج من كل شر
ويبلغني فيج دكتورة
وعرووووسة :P


.

.


fahad in mind
صدقتي والله
ممم .. اهيا مو قريبة عشان اعاتبها
لكن كنت اعدها من الصديقات
وحتى لو فرقتنا الايام توقعت تبقى المشاعر لكن عرفت ان شعورها تغير مع تغير الزمن :)
بعد قلبي انتي من طيبج والله
لا خلا ولا عدم :*

Najmah said...

clouds
عجبني وايد تعبيرج
فعلا بالصميم
كل الشكر لج :*


.

.


محسد
بالفعل صدقت
والله يبعد عن الكل العذاب :)


.

.



حسين
تسلم ياحسين من طيبك
وحدة الشعور .. احساس يراودني بمواقف وايد
صعب بالوقت اللي تحتاج فيه تعبر عن آرائك وتشارك غيرك فيها
وشكراا جزيلا لتواصلك :)

Najmah said...

منال
اهليييين
وعليكم السلام ورحمة الله وبركاته
وانا بعد ولهت عليج وفقدتح والله
:*
الله يعافيج يالغاليه
ويدوم لي هالتواصل الطيب ولا يحرمني منه
مشكورة واااايد :)


.

.



باغي الشهادة
:)
احيانا كثيرة يكون اجتناب القاش اسلم
مادمنا نعلم عدم تقبل الطرف الآخر وعدم امكانية النقاش معه
شكرا جزيلا لك



.

.


yoyo
آمييين يارب العالمين
مشكوور وايد ماقصرت
واسعدتني زيارتك الاولى :)


.

.


كريزمااا
اهلييين مساء الفل والياسمين
:*
مو كل الناس مثلج ومثل طيبتج ورقة شعورج ياكريزما :)
اييي الله يسامح الكل يارب
ومو زعلانة الحمدلله :)
الله لا يخليني منج :*