Monday, June 16, 2008

جروحي بخير


بخير قلبي تطمّن ... وجروحي بخير
..
كل شي على لحظة وداعك
..
الصوت بعيوني ... والصمت بحنيني
..
وأشواقي كلها ... بخير

.
.
والجروح كلها بخير

..
سكرات السفر
..
زفرات الوداع
..
مراسيم الألم
..

وكل دمعة تذرف غيابك .. بخير
..
تطمن .. لون الحزن نفسه
..
ولون الألم فاقع
..
ولون الفرح باهت
..
والسواد في عيوني .. بخير
..
وكل التعب ..بعدك .. بخير
..
ضيق المكان
..
ريحة عطورك
..
ضحكة حكينا
..
وكل الوجود .. لا سألني وجودك

..
وكل الظروف.. بعدك .. بخير

..
ظرف الغياب
..
ظرف الدموع
..
ورسايل كتبها الزمن
..
تبكي الوداع .. كلها بخير
..
تطمّن .. الليالي بعدك بخير
..
تعزف حروف الوله
..
تصبغ احساسي سواد
..
تسأل .. عسى طاب جرحك؟

..
وأجاوب ..لا.. جرحـي بخير

!!

35 comments:

5roofa said...

تطمن بعد الليل بخير

يااااااريييييييييت

:"(

ياريت كل شي بخيير

امبي نجمه انتي مو طبعيه بالي تكتبينه

هالبوست امبي يمكن احلى بوست قريييييته

كل شي بخيير

قلبي عورني والله

:'(

لوعت جبدج ادري شسوي لا تلوميني كلامج يعور القلب

salamz sis...

ShLaLaT said...

غريبه اذا الواحد قرر يفارق حبيبه
يرد يسأل عنه واهو يدري شكثر كان يحبه


معقوله بتقوله ان اهيا عقبه دخلت عالم ثاني ما كانت تعرفه ؟؟
معقوله تبين له ضعفها ؟؟

بس صدقيني اهو ما سأل الا لأنه ليلحين حاس بشي اتجاهها

وبدون لا يسأل اعتقد اهو من يسمع صوتها او يشوفها راح يعرف اذا اهيا بخير ولا لأ


تعجبني قوة المرأه
وضعف الرجل في السؤال

SHAHAD said...

عجيبة لما تخطين للحزن
وتكتبين بألوان الألم
ترسمين لوحة تتغلغل بأنفاسنا
لتسكن جروحنا
( كل شي بعدك بخير حتى الحزن )
الله يبعد عنج كل حزن وجرح ياااارب

Noor said...

ضيق المكان
..
ريحة عطورك
..
ضحكة حكينا
..
وكل الوجود .. لا سألني وجودك

ايـــــــــــــــــــــه
انا بخير
زفره بالقلب اعلقت
مرات لانسان يدوس علي الجرح و يقول لا انا بخير

حبيبتي نجمتي بوست رائع كروعتج
:**

صالح..للشعر said...

يا سلام
شي حلو

the.thinker said...

عسى دووووم بخير ،، والله يبعد عنج الجرووح .. تسلم ايدج :) وااايد عجبني اختيار الكلمات وطريقة تركيبها على بعض .. يعطيج ألف عافية

Anonymous said...

كلمات حية تنبض بالحياة

بصراحة مو طبيعية ابدا

الجروح ان وجدت البلسم قطعا ستكون بخير

darkness said...

تطمن

جروحي اكبرت

جروحي تجبرت

جروحي ما مثلها جروح

صارت اهي الجسد

و اطمنك انها اهي الروح

؟

Blog 3amty said...

الله يجمعكم على خير :)

~FaHaD iN MiND~ said...

بخير قلبي تطمّن ... وجروحي بخير
..
كل شي على لحظة وداعك
..
الصوت بعيوني ... والصمت بحنيني
..
وأشواقي كلها ... بخير
.
.
والجروح كلها بخير




il kalemat t3awer il gulb .. bs matwaqa3 ena 3ogb il forag kelshay bkoon bkhair :)

2cool2care said...

إذا بعد الفراق حبيبي راح يسمع مني اكيد انا بخير

secret said...

روعة

charisma said...

كلامج يخلينى غصب اعيش الدور حتى لو مو فينى هالالم والجروح

ابدعتى بالوصف كالعاده يا احلى نجمه
:*

Fahad Al Askr said...

دامج بخير، هذا أهم شي

Fahad Al Askr said...
This comment has been removed by the author.
Sn3a said...

كل شي على لحظة وداعك

هالجمله
لا
مو الجمله
البوست حده روعه

ودي اكتب جذيه
بس مولازم
انتي تترجمين كل اللي فينا نجمه

mezYan said...

ur feelings!
3asach daym bkhir

قلب طفله said...

رووووعه يا نجمه

عساج دووم بخير

و بعيده عن الجروح

:)

ولد الديرة said...

صيري مثل ولدي الصغير

كل يوم حطي بلاستر على صبعج

شقني

ادفع 254 دينار شهريا بلاستر

:p

بلاستر طبعا القلب في القناعة والرضى والإيمان :)

Mamloo7a Q8ia said...

تسأل .. عسى طاب جرحك؟
..
وأجاوب ..لا.. جرحـي بخير

الله يا نجمه الله
اي والله اصعب شي في الدنيا الفراق

Selezya said...

كل هذا وبخير؟

ماصدقج

Selezya said...

ذكرتيني باحلى قصيدة والوحيده بعد اللي انا حافظتها


أجاوب اللي يسألني عن أخبـاري .. وأقول بخير

وانا ( لا خيـر) فغيابك .. ولا حاجه .. تهنيني

اخيييه

Lavender said...

عســــــــــــــــاج دايماً بخــير


كلمات رائعة و إحساس أروع

بقلم مبدع.. يعطيج العافية :*


***


تطمن .. لون الحزن نفسه
..
ولون الألم فاقع
..
ولون الفرح باهت



حبيــــــــــت

loco said...

wayeed 7eloooo !!!

~warda~ said...

وكل دمعة تذرف غيابك .. بخير
..
تطمن .. لون الحزن نفسه
..
ولون الألم فاقع
..
ولون الفرح باهت
..
والسواد في عيوني .. بخير
..
وكل التعب ..بعدك .. بخير




ان تشرق ابتسامة من بين الدموع
ان نردد كلمات الفرح وسط عزاءالروح
فذلك اكبر دليل عن اروحنا الممزقة
بالجروح ومع ذلك لانزال نردد نحن بخير

أبدعتي حبيبتي نجمة

لكِ كل الحب

ShLaLaT said...

نداء


غايبه صارلج فتره
عسى المانع خير


فاقدينج

bu saad said...

تسال طاب جرحج
قلت لا جرحي بخير
....................


جملتان تحمل معنى عميق
لا بصراحه تستاهلين صفقه

مدي يدك لاصافحك...
احسنتي ي التعبير

Najmah said...

لكل من مر في كلماتي
لكل من ترك اثرا بحروفه الطيبة
من اقصى القلب
شكرا لكم
اعتذر منكم جميعا
لعدم قدرتي على الرد على كل منكم
اشكركم من الاعماق
الله لا يحرمني منكم

شلالات: مشكورة يالغاليه على السؤال
ماتفقدين غالي يارب
انا بخير دامكم بخير :*

الــــوجــــد said...

كلمات قمه فالروعة
وحروف باتت مغروسه في حنايا الروح
وأثرها قد يصل إلى ارجاء الوجدان
اثرت فيني
وزرعت في قلبي الألم

بخير قلبي تطمّن ... وجروحي بخير
.

اسال ربي يجعل قلبج وروحج دوم بخير
والله لا يضرج
.
.
بحفظ الله ودووم قلبج بخير
.

Blog 3amty said...

ماني عارف أدظ تعليق على آخر موضوع ليش؟

عموماً نجمة الحياة بحر فيها المد وفيها الجزر .. والشاطر اللي يعرف يعيش بين المايتين ويأقلم نفسه، عسى الله يفج ضيقتج


:)

صبا said...

سلاماااات

عسي ما شر يالغاليه؟؟


وطمنينا عليج ولا طولين

وكل ازمه وراها فرج انشالله
:***

Selezya said...

هونيها يالغاليه :**

ارتاحي شوي وانشالله بترد لنا نجمتها متألقه كالعاده

بس لا تطوليين:)

الزرقاء و ندى الجنة said...

السلام عليكم ..
اول مرة ازور مدونتك .. و ارى الدموع في كل مكان..جروحك بخير؟ هل تقصدين أنها لا زالت تنزف؟؟
سلامات ما تشوفين شر ..

mantovani said...

افا عليج

هونيها و تهون و انا اخوج


مانتوفاني

Najmah said...

الوجد
اهلييييين
شلونج شالدنيا فيج
الاروع وجودج والله
:*
ربي يحفظج من كل الم
وويااج يارب
مشكووورة وايد
وجودج فرحني حييييل
:)


.

.


بلوق عمتي
انا مسكره التعليق :\
صح كلامك :)
اجمعيين
الحمدلله انا الحين بخير
وشكرا جزيلا لك :)


.

.


صبا
الله يسلمج حبيبتي
ماشر
وانا زيينة الحمدلله :)
مشكووورة يالغاليه صبا
:* الله لا يخليني

.

.


سيليزيا
كااني ردييت
ومرتاحة الحمدلله :)
مشكوووورة من قلبي
:**


.

.


الزرقاء وندى الجنة
وعليكم السلام ورحمة الله وبركاته
شرفتني زيارتك الاولى وان شاء الله ماتكون الاخيره :)
هذا اللي اقصده فهمتيني عدل :)
الشر ما اييج يارب
ونورتيني والله :*


.

.

مانتوفاني
الحمدلله يارب :)
ان شاء الله يااخوي
تسلم والله ماقصرت