Sunday, July 13, 2008

bad mood :(


" أعظم الاغراءات..أن ترضى بالقليل
فلا تستجب لهذا الاغراء"
..
كثيرا ماتعلقت بتلك العبارة ... ألصقتها في ذاكرتي قبل أي كتاب
..
أحببتها بقدر ذلك الدافع الذي تمنحني إياه
..
هل نكون مخطئين حين نسعى دوما لمعالي الأمور؟
..
هل تتحول قلوبنا إلى ورق يتشكل كيفما يريد الآخرين..؟ لأن افكارنا استقلت عن أولياتهم؟
..

تألمت رغم بساطة الموضوع...ليش حتى اسخف الاشياء قامت تجرحني؟
..
هالاسبوع متعب متعب بكل معنى الكلمة
..
استقبال و 3 عروس
امتحااانات
واجباات
وبحث طويل اخذ كل وقتي وطاقتي
..
طبعي ماحب أسوي شي ناقص ... ماعرف أسلم اي بحث الا لما اكون
عطيته حقه واكثر ... يعني مثلا الدكتور قال 10 مراجع .. انا احس اني ماوفيت
حقه اروح أطلع اكثر لما احس اني وفيت المطلوب
وصلوا مراجعي 25 مرجع .. ادري ماراح آخذ درجة اكثر .. بس راح اضمن
استفادتي والدرجة الكاملة
ماااحب تنزل درجاتي .. لما يصير عندي امتحان من كثر ما احاتي راسي يعورني
ووايد أأخر الدراسة لأني أحااتي...ودي ودي مرات قلبي يصير بارد
ودي اقول المهم انجح بس ماااقدر ماعرف
صج انا معقدة؟
:"(
..
ليش ضايقتني الكلمة واايد؟
..
ليش الانسان لما يقول بتعب وبشد حيلي يعني يتفلسف؟
:"(
مو قصدي اتكبر والله العظيم
مو قصدي مابي اطلع معاهم
مو قصدي اتعذر بالدراسة
مو قصدي ما اهتم لعزايمهم
بس والله مو بيييدي
:"(
شعوور صعب .. لما تكون بين اختيارات كلها تحبهاا
اقربها لنفسك ابعدها عن احبابك
وابعدها عن نفسك اقربها لهم
تختار منو؟
:(
..
مشكلتي .. ماعرف انظم وقتي ... ولا مرة حطيت جدول مشيت عليه
:"(
ابي اقسم وقتي صح شلوون؟
:(
اليووم شفيييني
توني وانا رادة بيتنا .. واقفه بالاشارة سرحانة .. طق لي واحد هرن
شسويت؟
طقيتها بجيه
!!
من صجي؟
:(

23 comments:

Shather said...

ماقدر انصحج بخصوص التنظيم لاني اخس منج
:P
يا كثر الجداول اللي سويتها و ما دريت عنها

--

العروس و ركضتهاا هم هذا شي مشترك بينا
عندي عرسين عالابواب

اخاف نفس العرس بنروح ؟ :P


--

سلامتج من كل Bad
و عسى هالمود ما يعود قولي امين

Najmah said...

شذر
انا احس اللي ينظم وقته ينجر وايد
ويعرف يوازن ويحقق اللي يبيه
بس مشكلة وقتنا فوضى
كل شي عالمزاج
:\
..

ابيه تهقييين
ترى عادي امشي وادورج
واتخيلج
:P
...
الله يسلمج بعد قلبي
آميييييييين

kuwaitawy said...

هههههههههه


طق لج هرن طقيتيها بجيه

لووووووووووووووووووووول




والله من صج اضحك


----------------------------------



بالنسبة للدراسه

يحتاج لج توقيت منظم تمشين عليه
اذا مو متعوده انج تمشين على جدول معين

جربي تسوين جدول بسيط وامشي عليه


مثلا

باجر
الساعه الفلانية بروح المكان الفلاني وبخلص منه بعد ساعتين وبعدها برجع اخلص واجباتي لمدة لا تتعدى ثلاث ساعات

جذي

عودي نفسج
لا تتراكم عليج الشغلات ويقل مجهودج


تقبلي مروري

esTeKaNa said...

نجمتي العالية

يقول الشاعر:
نحن قوم لا توسط عندنا
لنا الصدر دون العالمين او القبر
:)


من يعتاد القمم
لا يرضى بما دونها ولو بقليل
القمه تكون بكل شئ
بالدراسه
بالمشاعر
بالاخلاق
بكل شئ


اختي وصديقة قلبي وروحي:
لسنا مخطئين حين نسعى لمعالي الامور
ذاك ما يميز النجمة عن غيرها يا صديقتي
الاولويات انتي وحدك من يرتبها لا الآخرين
ومن يحبك
يقدر
ويعذر
ويتمنى لك الافضل

كلامي ليس من فراغ
بل من واقع عشته اربع سنوات
والله يا نجمه كنت اعيش في المكتبه اشهر
لا ارى الا امي وابي وصدفه
اهلي صديقاتي الكل يفتقدني
بالبدايه يتشرهون
ومابين الحين والاخر اسمع كلمه تبالغين
لكن مع الوقت اعتاد الجميع ذلك

عروس كثيرة لم احضرها
مناسبات كنت اتمنى حضورها ولم يكن يساعفني الوقت لاحضرها
غير تلك الايام التي لم انم فيها
ولكن بالنهاية هناك نتيجة مرضية
هناك انجاز يستحق
هناك شئ ينسب لك وليس لغيرك
نجمة متفوقه
!!
نجاح ينسب لك
واخرين سيفتخرون بك
من تجربة...انا ما زلت اتلقى تهاني تخرجي بعد مرور سنه واكثر
فقط لانه لم يكن تخرج عادي
تلك كانت اجمل سعاده في حياتي
لاني ببساطة تعبت في الوصول اليها
ستتذكرين كلامي يوما
وستتنعطين بتلك السعاده صدقيني
:))




يعطيج الف عافيه على البحث
تستحقين النجاح واكثر
والفال لي ابدي اخلص شغلي
:(



كل يوم تحققين فيه انجاز ستكونين فيه سعيده...قد تجاملينهم وتكونين معهم ولكن قلبك مشغول
اعرف كيف ستغطين نفسك لتكونين وياهم ولكن قلبك مشغول
ما تسوا
ولا راح تستانسين بهالحالة
!!



كتبي على باب الغرفه في كل يوم انجاز
ولو كان بسيط
واعمليه
ستشعرين بالسعاده
كلها ايام ويخلص الصيفي وتريحين
واذا بغيتي اي شي
لو طباعه البحث
قولي لي وبشري من عيوني الثنتين
:***

5roofa said...

ياقلبي انتي شفييج نجوومة افا عليج دموووعج غالية

على الدراسه تره عادي كلنا جذي بس اخر سنه لووول اذا انتي نفسي بطقين الكل بالطوفة و تقولي اووووووووووف بس خل انجح و افتك

و عادي تصير وايد انه كل شي يبجيج ساليني خبره بهالمجاال

بس كل ما طلعيتها كل ما كان احسن

لانه القمته تزيدها

لا تحاتين الي انتي في طبيعي ولا في من التعقيد شي

فتره مضغوطة فيها و تعدي سويتيي

لا تحااتين و الوقت يترتب انشالله

salamz sweetee....

Shather said...

نجوومه اذا لقيتي وحده ماسكه ورده فسفورية هذي انا :P

فريج سعود said...

على هالدراسة اخرتها بتشتغلين بوزارة الشؤون
احبااااااااااااااااط

الحارث بن همّام said...

ادعوكِ لسماع سلسلة فن ادارة الوقت للدكتور طارق السويدان

بسيطة وفيها الزبدة على طول

mtfa2el said...

يا ساتر على هالباد مود
قلت الحين بادخل بالقى قصيدة يديدة ..
بعدين مو زين الواحد يتضايق من أي كلمة دامج مرتاحة من روحج ما عليج من أحد..أهم شي أنتي مقتنعة
الله يستر لا يكون أنا اللي طاق الهرن هاليومين أمشي و أطق هرنات من الحر

Anonymous said...

سهالااااااااااات ..
خليها ماشيه على البركه وكل شي يدبره رب العالمييييييين ..
بلا تقسيم وقت بلا بطيخ ..
شحلات دنيتي وانا هادتها عايمه على بعضها لووووووووول ..
حتى الطلعه تطلع وفجأه لا تخطيط مسبق ولا عمات عين ;**

قلب طفله said...

نجومه

الله يبعد عنح الباد مود يارب

اللي تحسين راحتج فيه سووويه

دراستج و مستقبلج اهم و هذا

ما يمنع ان بوقت تكونين فاضيه فيه

تشوفين احبابج و تعوضينهم و بالاخير

اللي يحبج يحب مصلحتج و يتفهم وضعج

هونيها و تهوووون يا الغاليه :)

lawyer said...

شوفاي كل شي والا العساره

لانها اهي راح تخرب عليج كل شي

ثانيا : لازم تعرفين ان دراستج و امتحاناتج اهم شي و اولوياتج

العزايم لاحقه عليها
المناسبات الخاصه دزاي مسج و بس

مو شرط تروحين

مناسباتهم اهم
وانتي مستقبلج يظيع

مردج بتخرجين و بتروحين كل مكااان انشاء الله

ماكو شي بطير

ريحااااااي بالج
و خلي اولوييااااااتج
نجمه
و حياتها
ودراستها

يعني اذا بتاخذين بريك من الدراسه
روحاي تغداي
روحاي جمعيه
شوووووووفاي شي في التفي حلو
بسسسسس مو هم استقبال و مجاملااااات


انشاء الله ماكو الا العافيه

الوتين said...

اختي مو غلط ان الانسان دايما يحب الشي الكامل و المثالي كلامج ذكرني بنفسي انا تخرجت من المتفوقين صج تعبت و بغيت اموووت من الدراسة و المحاتات بس انا الحين راضية عن عمري بنسبة كبيرة واااايد الحمدلله احس سويت الي علي ، و الانسان الي يتعود على ان يكون متميز بكل شي احس حياته تكون متميزه فيها شي غير فيها طعم حتى لو تعب فيها ميخالف
بالنسبة لتنظيم الوقت واااايد مهم حاولي تحطين جدول و مو ضروري تسوين كل الي فيه في البداية سوي شي وايد و شوي شوي راح تتعوددين ، انا وايد على الخريطة الذهنية يعني جدولي بمخي ما احتاج يمكن عشان ذاكرتي قوية بس في حالتج ابدي تكتبين اوراق ملونة و كافئي نفسج بشي تحبينه اذا مشيتي عالجدول عشان يصير عند حافز
اسفة على الاطالة
مع الشكر

Selezya said...

حبيبتي انتي اسمالله عليج
لا تحاتين والله هذا مجرد ضغط
الصيفي كله يسوي جذي
عالاقل ماشالله عليج للحين ملتزمه بمددونتج شوفيني انا من كثر الضغط صايره من وين لي وين اشبك وترا والله حتى بلوقي مادري عنه على طول ازوركم

ادري كلهم مهمين هالناس ودراستج
وماراح تقدرين تنضمين وقتج لان عارفه الصصيفي وسوالفه
هدي بالج وارتاحي طلعي طلعه حلوه وخفيفه ونسي نفسج
مابقى شي كلها اسبوعين وبعدها بتقعدين شهرين كله وناسه وماراح تخلصين من هالعزايم بعد اصلا يمكن انتي اللي تدقين وتقعدين تعزمين
:)
Relaaaaaaaaax honey

charisma said...

بعد عمرى والله حااسه فييج
حبييبتى انتى

ما عليه اخذى الامور بالراحه لا تضغطين على نفسج المواجيب لاحقه عليها مستقبلج ودراستج اولى
والى يحبج بتعذرلج كل واحد فينا يمر ابظروف

لا تقولين ما اعرف انظم وقتى !! حاولى اتنظمينه وشوفى شلون بترتب كل شى

انتى بس هونيها واتهون لا تستعسرين ترى كل شى بتعقد
:)

:**

Najmah said...

kuwaitawy
:"\
اذا المزاج متعكر حتى النظرة اتبجي
:)
..
فكرتك وايد عجبتني
ان شاء الله بحاول اطبقها
ومشكور وااايد واايد
يعطيك الف عافيه
:)


.


.



esTeKaNa
تدرين انا وايد احب هالشعر
بيتنا كله حافظ هالبيت من كثر ما ابوي يعيده علينا
:)
كله أسأل
اذا كانت الحياة مرة وحدة
واليوم اللي يروح ماينعاد
ليش مانعيشها افضل مايكون
!
انزين انا الحين ليش بجيت وانا اقرا تعليقج؟
ماادري
تدرين شنو يضيق خلقي
اذا تكلمت وانا مشتطة ولقيت اللي جدامي قتل كل شي بكلمة وحدة
يعورني قلبي
اذا قصرت بحقوق ناس عزيزة عليي
وابتعدت عن طلعات رفيجاتي
انا مابي ابالغ واقول ان ماعندي كلش وقت افضى فيه
بس حتى هالوقت انا احتاجه
ابي اقعد فيه مع امي وابوي
ابي اطلع فيه مع اخواني
ابي ازور يدي ويدتي لأني مارحت الزوارة
استحي اطلع اتمشى واستانس وانا ماادري عن اولى الناس فيني
..
كلامج صح
مافي احلى من شعور الانجاز
صح كل انسان يبي الراحة
لكن الراحة بدون تعب مالها طعم
اللي ياخذ الشي بسهولة مايحس بقيمته
اذا حصلت شي .. احب آخذه بمجهودي
بتعبي
احب شعور الانجاز مهما كان بسيط
لأن الحياة بدون انجاز مالها معنى
!!
استكاانة
جم انسانة مثلج بهالدنيا؟
اعترف ان في ناس فنانة بالقلوب
تمتص كدرها
وتحول المها أمل
::)
الله يعااافيج بعد قلبي
تسلم لي عيوونج والله مابي الا راحتج
وتتعوذين من ابليس وتخلصين شغلج
يالله يالله لا تنطرين شي ترى الوقت يركض والايام ماتنطر احد
وبعدين ما اتفقناا تخونين فيني وما تآزريني؟
:))



.



.




خرووفة
حبيبتي والله انتي
انا اليوم الحمدلله مافيني الا العافيه
:)
لووووووووووول لا لا اسم الله عليي
لا تخربيني :Pp
اتصدقين عااد
والله تذكرتج
قلت بقلبي واي ما الوم خروفه
:)
بعد قلبي والله
الله لا يحرمني من طيبة قلبج
:*


.



.



شذر
لووووووووووووول
خلاص اتفقنا
:Pp

Najmah said...

فريج سعود
ممممممممممم
انا خل اتخرج بعدين يصير خير
ورجاااء مااتقبل الاحباطات
:))

.


.


الحارث بن همام
شكرا جزييييلاا على الافادة
بسمعها ان شاء الله
يعطيك العافيه ماقصرت


.



.


متفائل
ان شاء الله قريبا القصيدة اليديدة :)
اييي صح كلامك
بس شنسوي مرات مو بيدنا
خاصة لما يكونون اشخاص غالين علينا
يالله الحمدلله :)
هههههههههه
يمكن :\

Najmah said...

Anonymous
واي كلامج عطاني تفاؤل بالحياة
انتي نفسي لووول
بس احس يبيلي ترتيب هالفوضى اللي براسي :))
مشكووورة من كل قلبي
:*


.


.


قلب طفلة
وجودج مرييح :)
كلامج صح صح صح
ان شاء الله :))
الحمدلله انا الحين بخير
تسلمين لي والله
الله لا يخليني :*


.


.



lawyer
ايي والله الا العساارة
اهوا لازم ايي يوم بالشهر حق التعسر
^_^
تصدقين
انا ماحب اعتذر واستحي اقول لا
بس وصلت لي مرحلة ان من صج ماقدر
المناسبات ماتخلص
بس الوقت يخلص
الله يسهل ان شاء الله
كلامج يبرد القلب
مشكووورة وااااايد يااحلى لوير

Najmah said...

الوتين
ياهلا وغلا
كلامج وايد عجبني
قريته 3 مرات
فعلا ونستيني ورفعتي معنوياتي
مشكوورة وااايد واايد
وبحاول اطبق نصيحتج الغاليه
عسى ربي يوفقج دايما بكل امورج
ونورتيني بزيارتج الحلوة
:*

.


.


seslezya
يااااهلا وغلاا
شخبارج ولهت عليج
اييييييي انتي حاسة فيني
لووول انا مدونتي تكسر خاطري لأن حرة الضغط كله فيها :)
الله يسهل علينا وعلييييج ياارب
صاجة والله
يالله الحمدلله هاااانت
عسى ربي يوفقج وييسر امورج
تسلمين لي يالغاليه
:*


.



.



كريزما
ياهلا بالقلب الطيب
ان شاء الله
تصدقين اقول يمكن ماتوقعوا
او يمكن مو متعودين عليي اعتذر
بس بعدين راح يتقبلون
الله يسهل ان شاء الله
انا بحااول الله يقدرني :)
تسلمين لي يااغلى كريزما
:*

Super Woman said...

انا مو منظمه الا بشي واحد

نومي

الحمدالله نومي مضبوط

أكلي على المزاج

وقت الدراسه ما عندي وقت معين

وما اعرف ادرس قبل الامتحان بفتره
ما اعرف الا حزه الحزه

بس اذا درست افصل عقلي عن العالم اللي حولي واحط كل طاقتي بالدراسه

واذا طولت عن الساعتين اهد كل شي واطلع

ابدا اتنرفز واحاتي

وما احب احد يقاطعني

ما احب احد يفتح علي الباب
ولا احد يكلمني
ولا احد يدق علي

ولا ولا ولا شي


تصدقين عمري ما درست ساعتين بدون لاحد يقاطعني

لي هالدرجه انا ضروريه ؟؟
لوول




والعزايم
كلها تتيمع بوقت ثاني

ودايما مالي خلق
ليش دايما اروح وانا مالي خلق ؟؟


المواجيب تتعب نفسيتي !!؟




وعلى سالفه الهرن لوووول عادي وايد تصير

مرات الواحد يوصل حده اي شي يبجيه

ذاك اليوم انا راده من الجامعه العصر
وموصله حددددددي كل شي فيني تعبااااان
دخلت ولا اهلي قاعدين يشربون الجاي ومخلصين الغدا

سلمت جان يقولي ابوي يعطيج العافيه :>

جان اروح داري وابجي لوول مادري ليش !!؟

Anonymous said...

أنت مميز
ليس لأنك لم ترتكب إثما لم تستطيعه
بل لأنك لم ترتكب ما تستطيعه وما حجبته نفسك بفعل ارادتها

هنا يكون الفرق
في عالم صارت فيه المثاليات سخرية
نجد فيها البقاء في الاعلى
لا نكلِّف ولا نتكلف

عزيزتي
إرضا الناس غية لا تدرك
وإرضاء الطموح غاية تثير القلق
لذلك
نكتفي بأن نحاول
والمحاولة شرف
حتى وإن لم تأتِ بثمارها

لك أمنياتي بالتوفيق

:)

Najmah said...

شلالات
نعمة نعمة دام نومتج منظمة
:)
انا حتى نومتي معفووسة حدها
..
لووووول
مممم عيل انا اتازم اذا كنت
مو قارية من قبل يوم عالاقل ومخططة وملخصة
..
لازم اذا ماتبين احد يدق كل الناس تدق
واذا فاضية التلفون ساكت
:P
ايي انا بعد قامت تتعب نفسيتي
ويصير مالي خلق
تدرين ليش
لأن قمنا مانلحق
ولازم خبة ولازم يضيع يومج كله
:\
..
لووووووووووول بدعتي
ايي والله صاجة
:))


.


.



تراب الكويت
ياهلا وغلا
اسعدتني زيارتج :)
وعجبتني حيل كلماتج
بالفعل صدقتي
كلامج كبير .. وصل معنوياتي السما
:)
مشكوورة من كل قلبي
ونورتيني :*

لؤلؤة said...

خطيرة يا نجمة
نترياج
:)