Monday, July 14, 2008

جرحي راضيته


انا من باعني برخيص ، بعته بأرخص الموجود
..
مدامه مارعى قلبي .. نسيته ، وجرحي راضيته
..
اذا كان الأسف ينفع..يراضي من جفا وصدود
..
ترى ماينفع لصاحب..غدر بإخوانه وبيته
..
اذا صعبة تواسيني..طلبتك لا تجرّح زود
..
اذا ماتقدر تساير..تغافل ماضي أخفيته
..

تقول انك علي تمون.."لها حتى الميانة حدود
..
يموت الورد لا زوّدت..عليه الماي واسقيته
..

اذا ناوي تحب بصدق وتخلص بالوفا الوعود
..
ترى قلبي سهل وده..سهل دربه ومواقيته
..
واذا قصدك اكون بيوم.على طاري اثر مفقود
..
صعب قلبي يحب انسان..اذا ناداني أغليته
..
اذا قلبي عطى صدقه..عطى غاليه بليا ردود
..
واذا حبيت..احب اليوم..وبعد اليوم..وبعده باسمي سميته

13 comments:

kuwaitawy said...

اذا صعبة تواسيني..طلبتك لا تجرّح زود

..

اذا ماتقدر تساير..تغافل ماضي أخفيته




ماراح اعلق ...يكفيني هالبيتين



تقبلي مروري وكلمة مشكورة شويه بحق كاتب هالابيات

قلب طفله said...

اسم الله عليج نجمه

الابيات اكثر من روووووووعه

و تلامس جرح احاول ارضيه

و ابياتج بتراضيه

صح لسانج :)

5roofa said...

وااي الله الله الله

امبي روووووووووعه والله العظيييم انتي امبي والله شقووول

كلمااات روووووووووووووعه

ياربي قلبتي كياني فوق تحت مشالله مشالله مشالله

امبي لو شنو اقول ما بوفيي كلماات قويييييييييييية من صج قوييييييييييية

تسلميين يالاحساس كله

:*
salamz sis...

Mamloo7a Q8ia said...

تقول انك علي تمون.."لها حتى الميانة حدود

يموت الورد لا زوّدت..عليه الماي واسقيته


اي والله يموت لا زودت عليه الماي
صح لسانج
وتسلم ايدينج

mtfa2el said...

إي هذا المود الزين و القصايد الحلوة
صح لسانج

Anonymous said...

اخيييه قلبتي المواجع :{

يسلم بؤك



شــــذر

Super Woman said...

شيايج هالايام ؟؟

منين نازل عليج هالحجي ؟؟


لا اصدق عيناي @@




مبدعه وكل ماله وابداعج ينمو وينمو وينمو


الله يحفظج

بـابـل said...

يموت الورد لا زوّدت..عليه الماي واسقيته

نجمة والله ذبحتينا

!كلامك يذبح بدون مايِسمّي

هذا البيت عن 10 مدونات



يسلم أحساسك العاصف



وبس


بابل

Anonymous said...

أدري انج زعلانه
بس مايهون علي ماسيّر عليج

يالله عاد ارضي ;p


انا ماقاوم كلماتج بالشعر
والله أحلى بوايد من النثر و الخةاطر
كثري منه
أحبه

Selezya said...

لا والله كله كله روعه
بدوووووووون مجامله
حده عجيب :)
ماشالله عليج

elq87obi said...

رووووووووووووووعه
روووووووووعه
روووووعه
روووعه

يبيلج تصفيق بحراره و الله رووعه مشاعرج و احاسيسج

واصلي ابداعج

Najmah said...

كل الشكر
لكم جميعاا
الله لا يحرمني منكم
وسامحوني ماقدرت ارد على كل واحد فيكم
لكن كل كلمة
لها اثر كبير بقلبي

~warda~ said...

عزيزتي نجمة

لا اجد كلمات تليق بروعة

سطورك .. مبدعة ورائعة

دائماً