Sunday, August 17, 2008

كثـــر شوقــي


كثر شوقـــي
..
كثر بحرٍ هواه ممدود
..
حنينه بالغلا عايم
..
كثر دمعة ... تهز اكتاف
..
توفي خاطر الموعود
..
كثر لمحة حزن طافي
..

كثر حس الوله دافي
..
كثر غيمة بالفضا الحالم
..
تهل الماي في جوفي
..

تبلل يومي بسنينك


!
..
كثر شوقـــي
..
كثر صفحة جفاها الوقت
..
طفا حبري .. بدفاترها
..
تعب فيها حنين الصوت
..
مشى فيها قطار الموت
..
خذاها في دروب الشوق
..
رجت تصرخ .. دفا عينك
.
.

!
كثر شوقي
..
كثر يوم الجفا العاني
..

كثر قلبٍ برد نبضه
..

كثر لحظة هوى غضة
..
كثر درب السفر قاسي
..
كثر طير السما حولي
..


يغني يالغلا وينك؟


!!
..
كثر شوقي
..
كثر عاشق بجفن الليل
..
كثر ولهان ..يعد الغيم
..
ونينه بالمطر ذايب
..
غزت شعره خيوط الشيب
..
وشوقه للقا ما شاب
..
طريجه لحظة عشناها
..
وخطوة بيني وبينك
!
..
كثر شوقي
..
كثر سور الألم لا غاب
..
كثر طيفه يمسي العين
..
يمد الروح
..
يدفي الشووق
..
ويشرع للأمل باب
..
مفاتيحه .. عناوينك

20 comments:

Barrak said...

كثر حس الوله دافي


ياسلام

دايما نجمتك متألقه

يوميات مغتربة said...

يغني يالغلا وينك ؟

--

نجمه كلمات عجيبة هيجت فيني الشوق أكثر و أكثر

شكراااا لج :*

Najmah said...

براك
منورنا يابراك
والتألق بوجودك وحروفك العذبه
:)

.



.


يوميات مغتربة
:"))
حبيبتي والله
الشكر لج :)

lawyer said...

كثر دمعة ... تهز اكتاف
..
توفي خاطر الموعود



ولي الحين ما وفاا

7osen said...

الله
الله

مادري شقولج

صج صج ماعندي تعابير

حسيت بشي ماينوصف وانا اقرا ابياتج
المبنية بإتقان كبير

كثر شوقـــي
..
كثر بحرٍ هواه ممدود
..
حنينه بالغلا عايم
..
كثر دمعة ... تهز اكتاف
..
توفي خاطر الموعود
..
كثر لمحة حزن طافي
..
كثر حس الوله دافي
..
كثر غيمة بالفضا الحالم
..
تهل الماي في جوفي
..

متعبة هالاشواق
لحد الغرق

بـابـل said...

غزت شعره خيوط الشيب
..
وشوقه للقا ما شاب

ياالله

يانجمة

شهالصورة العجيبة
!!!

زيدينا بعد

وبعد



وموبس


بابل

ReLaaaX said...

يانجمة يانجمة .. كلماتج اتم فتره افكر ياربي ابي اكتب لها شي يبين لها شكثر آنا متأثرة بكلامها



:)))



روووعه

Mamloo7a Q8ia said...

غزت شعره خيوط الشيب
وشوقه للقا ما شاب
طريجه لحظة عشناها
وخطوة بيني وبينك

الله الله
روعه الكلمات
تسلمين يا نجمتنا الغاليه
ابدعتي
:*

Najmah said...

lawyer

سهل الوفااا
اسهل من يبتعد
اسهل من الجفا
اسهل من كل فراق
وكل زعل
وكل تعب
ليش ما وفاا؟


.



.




حسين

صج الشوق متعب
وايد متعب
خاصة اذا كان الموعد مجهول
تسلم ياحسين
تواصلك له فرح
:)



.




.



بابل

صباح الورد
:)
تسلم يابابل
وتامرون امر
:)

Najmah said...

ريلاكس

اهليييييين
ياهلا وكل الغلا
تو مانور المكاااان
حبيبتي انتي والله
وجودج الاروع
ويكفيني طلتج اليوم
:**



.



.



مملوحة
صباحج فرحة :)
حبيبتي انتي الاروع والله
ربي يسلمج من كل شر ويخليج
:*

elq87obi said...

مساء الغلا و الذوق

ما شاء الله و يا سلام عليج مبدعة

مشاعرج روعة و اسلوبج أروع و أرق

بدون مجاملة صار بلوقج من البلوقات المفضلة :)و دايماً أحاول أتابع بوستاتج الرائعة

يعطيج العافيه على هالبوست الرائع

سلامي لج :)

Najmah said...

الكويت حبي

مساء النور والفرح
:)
اهلا وسهلا

تسلم يااخوي
من ذوقك الطيب

يشرفني والله حرصك على متابعتي

سعيدة بتواصلك
شكرا جزيلا
:)

فراوله said...

مساالورد والجوري
غاليتي نجومه
الشوووق
ترجمته سهله بس مو كل شخص
يحس بتلك الترجمة
ومو كل شخص يقدر يوصل
هذا الشوق
الاروع انج قدرتي توصلين
الشوووق اللي بقلوبنا
بشتي انواعه
للي نغليهم
وانتي اولهم
:**

Anonymous said...

قاتل الله الشوق وما يصنع

فلكم أذل رقابا ولكم أسال مدامعا

ولربما كان مرادفا للجور والهلاك

Kuwait said...

روعه ياروعه ..
كتاباتج تجذبني :*

Doaa Ebrahim Aaql said...

ياله من شوق حقيقى
مجسد فى كلماتك
يانجمتى الرقيقة


رائعه دائما أنتِ

.

مودتي

charisma said...

صباح الشوق كله
:*

توفي خاطر الموعود
..
كثر لمحة حزن طافي
..
كثر حس الوله دافي


يا سلام على تعبيرج
ابدعتى يا نجمه

AseeL said...

كثر دمعة تهز اكتاف

:)

اعجبني التعبير

Najmah said...

فراولة
مساء الفل والياسمين
صدقتي والله
مو كل شخص يحس بالترجمة
الشوق يتعب
وكل ماطال يتعب اكثر
حبيبتي انتي يافراولة
الله لا يخليني منكم
:*


.



.



محسد
صدقت
بحجم التعب بكلماتك
:(



.



.



كويت
انتي الاروع حبيبتي
تعليقاتج تطيرني
:)

Najmah said...

دودو
اهلا وسهلا
الاروع انت وطلتك صديقتي
فرحت بنورك اليوم
شكراا :*

.


.



كريزما
مسا الحب والغلا
حبيبتي انتي
لا خلا ولا عدم
:*



.



.



اسيل
سعيدة لانه عجبج :)
نورتيني
:*